6 شهور مرت.....

[حنوووونهـ]

السلام عليكم ورحمة الله وبركاته


والله ياواتي ماادري شقول لكم بصراحة وايد ريحني كلامكم حسيتكم مثل خواتي وربي يشهد عسى ربي مايوريكم مكروه باحد

والاخت اللي سالت عن سبب الوفاة لا ماكان مريض بالعكس صحته وايد زينة بس سبب وفاته غرق بحمام السباحة اللي في بيتنا وكان بأواخر شهر رمضان يوم 23 رمضان تدرون عاد كنت مقفلة الغرفة عشان ماابيه ينزل تحت ماادري ليش كان قلبي مقبوض بس ماادري شلون لهيت يوو اخوانه عندي قعدو يطالعون تلفزيون ماادري شلون تغافلني ونزل وانا حسبالي انه عند خالتي تحت ماحسينه فيه الا على الفطور قمنا ندور عليه وطلعه حماي اخو زوجي ومن شفته قلت اخذه لاتييبه اشوفه ولدي ميت
لاحول ولاقوة الا بالله الله يرحمك ياوليدي يارب
اسفة احس ثقلت عليكم بس ماعندي احد افضفضله الكل لاهي بدنيته

ومشكورين وماقصرتوو

ياحبيبتي
قدر الله وماشاء فعل الحمدلله على كل حال
وربج مايختار لعبده الا الخيره
الله يرحمه ويصبر قلبج ويخلي لج عيالج
والله مو عارفه شقوول وشعبر :eh_s(2):

 

[دااانوه]

الله يرحم ولدك و يصبر قليبك ان شاء الله

و تذكري انه طير من طيور الجنه و بيكون شفيع لك أنتي و أبوه يوم القيامه ان شاء الله

 

[ام سليمان 2008]

مشكورين ياخواتي وماقصرتوو حبيباتي

 

[جكورة]

إنا لله وإنا إليه راجعون
عسى الله يصبرج ويحفظلج إخوانه وتذكري إنه شفيع لج بالجنه بإذن الله

 

[%عـجـمـيـه صـريـحـه%]

, ,






الله يرحمه و يصبر قلبج.





, ,

 

[شاهة]

السلام عليكم حبيبتي والصراحة توني اشوف موضوعج واسمحيلي اضيف شغلة
اولا انا لله وانا الية راجعون الله يرحمه بواسع رحمتة ويجعل مثواه الجنة واختي عمره ماكان الحذر يمنع القدر الله كاتبله هالشي من وهو في بطنج فابد لاتاخذج الافكار ولو كنت سويت ولو كنت حرصت اكثر كل واحد فينا له يوم ووقت بالثانية لايتاخر ولايتقدم

الشغلة الثانية ابي اذكرج بحديث ما شفت احد تكلم عنه الحديث يقول "قال صلى الله عليه وسلم
(إذا مات ولد العبد قال الله تعالى لملائكته : قبضتم ولد عبدي ؟ فيقولون : نعم فيقول : قبضتم ثمرة فؤاده . فيقولون : نعم فيقول : ماذا قال عبدي ؟ فيقولون : حمدك واسترجعك فيقول الله تعالى : ابنوا لعبدي بيتا في الجنة وسموه بيت الحمد )


بيت الحمد انت الحين اختي عندج بيت في الجنة اسمة بيت الحمد بسبت ولدج بس شنو الشرط تحمدين الله وتقولين انا لله وانا الية راجعون وترضين كل الرضا عن قضاء الله .

شغله بعد, الرسول صلي الله علية وسلم لما توفي ابنة ابراهيم قال "" إن العين تدمع والقلب يحزن ولا نقول إلا ما يرضي ربنا ، وإنا بفراقك يا إبراهيم لمحزونون " رواه البخاري

رسولنا الكريم زعل علي ولده وبجي بس ماقال الا مايرضي الله وهذا ولدج اكيد بتزعلين وتتاثرين بس الاهم ان ترضين بقضائة وقدر وتعيشين عندج ماشاء الله اثنين وان شاء الله الله يرزقج بعد محتاجين رعايتج وحنانج واهتمامج .
وحتي المرحوم تصدقي عنه وادعيله كل هذا يوصله ويفرح فيه لان توصلهم اخبارنا واعمالنا لهم .
الله ياربي يصبرج ويرزقج القوة والصبر وياريت كلامي يساعد لو بالقليل واحنا حاضرين اذا نقدر نساعد

 

[لاب توب فوشي]

الله يرحمه يارب ويغفر له وان شاء الله يصير طير من طيور الجنه

 

[Miss_Moon]

الله يرجمه يااارب وان شاءالله طيير من طيوور الجنة ويجمعج ربي معااه امييين

 

[nono93]

مع اني رديت بس ما ادري
الموضع اثر فينيي
اللله يرحمه انشالله يا الله يا رب يصبرج عليه يا رب

 

[عاشقه رويشد]

الله يرحمه برحمته طير من طيوور الجنه تصبري والبركه بعيالج الله يخليهم

 

[dlo3a81]

اخييييييييييييييييييييه عورتي قلبي والله
عسى ربي يرحمة ويقمد روحه الجنة يارب تصبري ياخييتي ادري كلماتي ماراح تواسيج بس مالج الا الدعاء له بالرحمة والمغفرة

 

[الحــــياة]

الله يرحم ولدج ويصبر قلبج ياربي..
هذا طير من طيور الجنه..
ويخليلج عيالج يارب.

 

[حب الرّمان]

يـــــــابعدرووحـــــــــي رووحــــه ,,,, الله يرحمه ويسكنه بجناته يارحمن يارحيم


والله يصبر قليبج ياحبيبتي الضنى غالي يابعد قلبي ... ويصبر قلب ابووو يارب

 

[رنووودة]

اللة يرحمة يارب برحمتة ويصبر قلبج علية ويرزقج الذرية الصالحة

 

[غرور وايل]

--------------------------------------------------------------------------------

الله يرحمه ان شالله ويجمعج واياه بالفردوس الاعلى

والله يصبر قلبـج وقلب ابووه ان شالله

وقووي نفسج حق عيـالج الثاانين والله يخليهم لج ان شالله

 

[[[ عيون جابر ]]]

الله يرحمه برحمته لاتظيقين خلقج هذا بيشفع لج انشالله وربي يخلي لج عيالج ويكبرون ويحطونج على راسهم

 

[فوشية...]

الله يرحمه

ويصبر قلبج

 

[طموحه بزياده]

الله يصبرج ويخليل اعيالج

واختي انصحج لا تفقدي الاجر اذا اكثري وبالغتي من الحزن قل انا لله وان اليه راجعون والحمدلله على كل حال

وعسى الله يخليلج اعيالج

 

[أم تروفه]

الله يصبر قلبج هذا هو الكنز الصحيح بالاخرة اهو اللى يشفع لج

 

[DLOOOO3a]

الله يرحمه يا قلبي

و الصبر مفتاح الفرج

و الله ياخذ شي و يعطي شي بديل

و الله يعوضج فيه يا رب و انشاء الله تشوفينه بجنه الفردوس