500 دينار وين أقدر احطهم وديعه ؟

[رويال ديزاين]

لا تضحكوووون

والله عندي 500 دينار ...

و ابي بنك يقبلهم وديعه ....

بنات ما ودي افسفسهم ...

بليييز بنات ...


شورو علي ...

 

[مو عايشة بالدنيا]

لا حبيبتي شحق نضحك
زين تسوين
بس 500 ماتكفي لوديعة
وحتى لو عدنج 5000 الاف مو 500
ماتوقع الحين يفيدونج لوديعة
انا قبل شهر رحت البنك
قالي ما انصحج بالودايع لان الفايدة نازلة مالاراح تستفيدين شي
مع ان هم المستفيدين
بس قالي الحين مو وقت دوايع ماتفيد
هذا الحجي بالبنك الوطني


حطييهم بالبنك
بحساب توفير خاص وانسي الكرت
او حاولي ادشين مشروع صغير

 

[نور الفنر]

الله يبارك لج فيهم .......

 

[om wahabi08]

حبيبتي ايا كان مبلغك لا تستهزئين فيه ، احلا شي الواحد يبدأ من الصفر عشان يحس بلذة النجاح ، عسى الله يزيدهم ويبارك لج فيهم واقري دايما سورة الواقعه تفتح ابواب الرزق وتمنع الفقر

 

[miss-one]

كمليهم 500 بعد وحطيهم وديعه بالتمويل

اقل وديعه علي ما اظن 1000

او بطلي حساب توفير لحين ما يكمل المبلغ وتقدرين تسوين وديعة

 

[أغلى الأثمان]

استثمريها

وفكري اشلون اتخلينها 1000 دك

مع تحياتي .............

 

[رويال ديزاين]

فيدوني بنات

شنو الإستثمار الأفضل لهالمبلغ الاصغير ...

بنات آنا يالله جمعت بصراحه لاني موظفه و لا شي ...

من مصروفي ...
و يالله يالله ...

بس ودي استثمرهم بطريقه زينه و مضمون الربح فيها بإذن الله

 

[Miss-LuLu]

اشتركي بجمعية؟ تكون بحدود ال100 لي 200 والباجي حطيهم بحسابج

واذا خذيتي الجمعية قولي لهم بطلع وانشالله بيطلعون اكثر من 1000 وحطيهم وديعه

 

[om fares]

اشتركي بجمعية؟ تكون بحدود ال100 لي 200 والباجي حطيهم بحسابج

واذا خذيتي الجمعية قولي لهم بطلع وانشالله بيطلعون اكثر من 1000 وحطيهم وديعه

انا ما احب الجمعيه كانك متسلفه وقاعدة تسدين دين ما سويتي شي علي قلبج اريح شي تحطينهم بالبنك وكل مايطلع الراتب شيلي منه 50 وضيفيهم علي ال500 وشوي تشوفينهم زادو لحد ما يصلحون للوديعه لبيت التمويل يمدحون التعامل معاهم والله يزيد ويبارك في فلوسج

 

[رويال ديزاين]

صراحه ....

ما قصرتو ...

و بإنتظار المزيد من الافكار....

رساله :
إلى التاجرات اللي يراسلوني عالخاص... أرجوكم ىنا ما افكر اشتري بضاعه و أوزعها .. لأن ما عندي وقت للبضاعه.. و ما أعرف حاجة السوق و لا الطلب على هالنوعيه من البضايع..

و اتمنى ان المشاركات تكون عالعام للفايده العامه ...

 

[أوهـ وردية ـام]

شوفي من ناحيه الاستثمار ( لاي مبلغ كان ) لازم يكون فيه خطوره يعني فيها ربح او خساره
واذا بتضمنين الربح لازم تكونين دارسه الوضع ومتأكده 100% من المشروع اللي انتي قاعد تسوينه
اما اذا تبين اضمن من المضمون ومايبيله كلام اهو انج تخلينهم بالبنك وماتجيسينهم ( حساب التوفير ) و مع الايام زيديهم يعني كل ما توفرين مبلغ زيديهم على الفلوس اللي عندج وبالنهايه بيكون عندج مبللغ حلو

اما الاستثمار فهذا شي ثاني يبيله طولت بال و وتفكيييييير وبنفس الوقت الشجاعه

 

[تركواز83]

حطيهم بالبنك وانسيهم ولاتطلعين كرت السحب وكل ما رب العالمين ارزقج حطيه عليهم

 

[*أم*خالد*]

اشتركي بجمعية؟ تكون بحدود ال100 لي 200 والباجي حطيهم بحسابج

واذا خذيتي الجمعية قولي لهم بطلع وانشالله بيطلعون اكثر من 1000 وحطيهم وديعه

لووووووووووووووووول

اختي هذي مو شطاره .. هذا بوق عيني عينك .. لأنج خذيتي فلوس من الناس وما سددتي لهم اللي عليج وخنتي العهد اللي بينج وبينهم

 

[*أم*خالد*]

سئلي عن حساب الممتاز بالوطني .. الفائده مالته مرتفعه

وسئلي عن فوائد الحسابات بالبنوك شوفي أيهم أرفع حطي فيه

 

[بوغاتي88]

حبوبة 500دينار ماتنحط وديعة عندج في بنك برقان حساب اسمه يومي واذا ربحتي بيطلعلج 5000دك حطيهم سنة وانشالله تربحين:lololoe:

 

[سفيره تجاريه]

السلام عليكم

مع احترامي لكل اللي قالوه الاخوات اوافق البعض بس بالنسبه لرائي

اقولج يالغاليه - 500 حطيهم في التوفير ولا تجيسنهم وبما انج ما تحبين الجمعيات انتي سوي استقطاع لنفسج يتحول دايركت على حسابج بالتوفير - لان هذا المبلغ هو راس مالج واذا خسرتيه بالاستثمار او اي مشروع خسرتي كل شي ..ليش انت انتظري لما يكبر المبلغ شوي ودخلي بنصه والنص الثاني على الاقل يكون سند
شوفي انتي سوي ميزانيتج شوفي شكثر تقدرين تستقطعين حتى لو 20 دينار واتركيهم لمده سنه وشوفي راح تزيد فلوسج باذن الله بالحلال ولا تروحين البنوك الثانيه الفوائد ومادري شنو الله يبعدنا عنها

اذا تبين تبتدين صح وبما يرضي ربج والله يباركلج فيهم حطيهم في احد البنوك الاسلاميه ولا تنسين الدعاء ان الله يفتح عليج ويزيدج من رزقه ( وهو سبحانه من اسمائه الرزاق)

والله يوفقج ويرزج ويرزقنا​

 

[أه يـاقـلـبـي]

حاولي تزيدين المبلغ باقلبي ؟؟

سمعت عن حساب استثمار بنك الخليج اسالي عن عروضهم يمكن تستفيدين ؟؟

 

[دلع الكون]

حطيه توفير وسوي استقطاع لحساب التوفير كل شهر وانسي انه عندج احساب للتوفير

والله يزيدهم عليج بالحلال

 

[Mrs.Q]

حبيبتي كل الخوات اللي قالولج حطيهم ببنك مادري منو عشان الفايدة احترامي لهم ماقصروا بالأفكار
نصيحة أوخيتج من صج لوتبين الله يبارك فيهم لاتفكرين تحطينهم ببنك ربوي لأن بكل بساطة الربا= حرب من الله وهذي الآية بالقرآن
نصيحتي وترى آنا مجربتها على نطاق صغير
شوفي الشغلة اللي إنتي شاطرة فيها يعني سوالف مطبخ ولا خياطة ولا سوالف يدوية
وسويلج مشروع نتفة بمبلغ نتفة من اللي عندج
يعني آنا استخدمت 20 دينار بس وسويت كافيه صغير ببيت يدي سوالف عصاير وساندويجات وذرة وبنهاية اليوم حصلت جريب ال50
يعني الدبل
وإذا مالج خلق شي بسيط ترى العروض ملوت التاجرات ينفعون لو لج مقامة يعني سوالف تشترين مدجموعة مكياج وتبيعينهم بسعر أغلى ومن هالسوالف
أما لو إنتي خوافة دقي على بيت التمويل وسئليهم عن الوديعة
وبالتوفيق وعسى الله يرزقج بالحلال

 

[q8tyah]

حطيهم بحساب الجوهره او الثريا

او سوى نفسي بطلت حساب عند بيتالتمويل اسمه بطاقه الخير وحطيت فيه مبلغ وسويت استقطاع من معاشي عليه ليش ان معاشي بيت التمويل يعنى الاستقطاع ماياخذون عليه ولا دينار

البطاقه هذى فوائدها تروح لاعمال الخير ولما تبطلينها مايخذون منج ولا فلس بس بالسنه 5 دنانير اذا مسويه استقطاع عليها و10 اذا ماعليها استقطاع

واذا اخذتى البطاقه كسريها عشان ماتقدرين تسحبين منها