:(

[thahb_q8]

شلونكم بنات اليوم رحت موعدي والدكتور مابشرني بشي قالي ان حجم بنتي صغير بالسونار هذا غير السماكه والثقب اللي بالقلب الله يستر والله خايفه اولد

 

[مشاعل الشمري]

توكلي على الله وظل ارقي نفسج وامسحي على بطنج
وفي كل حال من الاحوال قولي الحمدلله
اللهم يرفع عنج اللهم آميين

 

[مباركيه]

(( اللهم لاسهل الا ماجعلته سهلا وانت تجعل الحزن اذا شئت سهلا))
اتكلي على الله ومثل ما قالت لج شعولة ارقي نفسج ومسحي على بطنج وان شاء الله مايصير الا اللي الله كاتبه والله سبحانه اعلم باللي يختاره حق عبده000طلبي السلامة والصحة لج وللي بتييبينه ان شاء الله وسلامتج جدامج ان شاء الله
والخيرة فيما اختاره الله

 

[الصابرة المحتسبة]

توكلي على الله سبحانه

 

[HearT ChocolaTe]

شلونكم بنات اليوم رحت موعدي والدكتور مابشرني بشي قالي ان حجم بنتي صغير بالسونار هذا غير السماكه والثقب اللي بالقلب الله يستر والله خايفه اولد

يا فديت قلبج ..تعوذي من الشيطان الرجيم ومالج شر حبوبه
وأحسني الظن بالله .. وإن شاء الله رب العباد بيمسح على قليبج

 

[thahb_q8]

الحمدلله على كل حال انتو شلونكم وشلون عييلكم الله يخليهم

 

[@شمس الضحى@]

عيدي السونار وروحي لااكثر من طبيب عشان تتطمنين الله لايروعج وقل لن بصيبنا الا ماكتب الله لناا

 

[thahb_q8]

انشالله ناويه اعيده بس انا اللي مستغربته ان الدكتور مصمم ما اخذ ابره الرئة حق البيبيات يقول ماتنفع مع التوم مع انه كذا وحده اعرفها خذتها بس اهو مرتين اقوله ابيها يقولي لا مانصحج ماراح تنفعج بشي!! تهقون له علاقه انها داون اوقلبها تعبان ومايبي يقولي !!! لأن صج ودي آخذها احتياط لأن فيني تجاديم طلوق وانا توني بأول السابع

 

[HearT ChocolaTe]

أي فديتج لها مضار لأن اللي أعرفه أنها كورتزون وقوي لإكنمال الرئة
واللي مقدر مكتوب على قولة أخوانه المصرين .. لا تحاتين فديت قلبج
وطمنينا عليج بالدوانيه يا ذهب

 

[@شمس الضحى@]

الله يهون عليج ويرزقج وتشوفين الي يسرج
طمنينااا عليج

 

[thahb_q8]

أم عزوز ديوانيتكم مبطله برمضان ولا لاهين بالطباخ :dddds:

 

[thahb_q8]

الله يهون عليج ويرزقج وتشوفين الي يسرج
طمنينااا عليج

بعد عمري والله ماتقصرين بس انشالله اخباري اول بأول معاكم

 

[مباركيه]

انشالله ناويه اعيده بس انا اللي مستغربته ان الدكتور مصمم ما اخذ ابره الرئة حق البيبيات يقول ماتنفع مع التوم مع انه كذا وحده اعرفها خذتها بس اهو مرتين اقوله ابيها يقولي لا مانصحج ماراح تنفعج بشي!! تهقون له علاقه انها داون اوقلبها تعبان ومايبي يقولي !!! لأن صج ودي آخذها احتياط لأن فيني تجاديم طلوق وانا توني بأول السابع

بشرينا عنج ياذهب شخبارج طمنينا الله يهون عليج :080402ask_prv:

 

[thahb_q8]

والله الحمدلله اختي مباركية بخير بس حدي ثقلانه مع الحمل ودي اولد مع اني توني اول يوم من الثامن بس تعبت لانوم لا راحة الحمدلله على كل حال ومشكور على السؤال

 

[مباركيه]

الله يسهل عليج وسلامتج جدامج ان شاء الله 00:tek:وطمنينة عليج

 

[HearT ChocolaTe]

أم عزوز ديوانيتكم مبطله برمضان ولا لاهين بالطباخ :dddds:

امبطله فديتج .. بس أنا مسكرة خخخخخخخ
<<<< :tomato2: ما عندها لاب توب

 

[alaa zain]

ان شاء الله تولدي بالسلامة و بنتك تيجي سليمة معافاة...توكلي على الله انا بنت اختي كانت بالظبط مثل حالة بنتك و هي عمرها الان سنة و تمشي و تلعب و بنت طبيعية و الثقب قفل لحاله الحمد لله ان شاء الله ما تشوفي شر

 

[فجرالعيد]

توكلي علي رب العباد ومايرد القضاء إلا الدعاء إدعي فهالأيام المبروكه والله لايخيب رجاج ولايخسر تعبج

 

[thahb_q8]

الحين الدكتور يقولي صارلها 3 اسابيع ماتغير حجمها شبه واقف وقالي لازم ولاده بعد اسبوعين يعني بعد العيد يقول اخاف تموت فبطنج مع ان حركتها طبيعيه بس وزنها كيلو ويقول راح تكون بحاله حرجه خاصة ان معاها ثقب بالقلب بعد بس بنفس الوقت اختها ماكبرت كفايه يعني هم تحتاج حضانه لأنه بولدني بنص الثامن .. فبستشير دكتور ثاني على هالحجي عشان ما اجازف فيهم اثنينهم والله كريم ادعو لي

 

[مباركيه]

أقرب مايكون العبد من ربه وهو ساجد فأكثري الدعاء
رب هب لي من لدنك ذ رية طيبة انك سميع الدعاء
اللهم لامانع لما أعطيت ولا معطي لما منعت ولا ينفع ذا الجد منك الجد
اللهم لاسهل الا ماجعلته سهلا ،وأنت تجعل الحزن اذا شئت سهلا
---------------------------------------------
الله يهون عليج 00وقومج بالسلامة ويعافي ذريتج ياالطيبة:yaaaaaarb: