صينية البطاط بالكريمة
كريمة
ملعقه كبيره زبده + ملعقتين زبده منفصلتين لدهن قالب الطبخ
4 ملاعق طحين
علبتين كبن كريمي مقطع مكعبات اما كيري او فيلادلفيا
ملح و فلفل
شرايح رفيعه بطاط
3 أكواب جبن بارميزان مبشور
رشة بهارات خفيفه و ممكن مكعب ماجي مع الاستغناء عن الملح
الطريقه :
الفرن 325 ف
نغلي الكريمه على النار
في مقلاة نذوب الزبده و نضيف عليها الطحين و نخلطهم ببعض على النار لين يتمازج و ينعم
نضيف الكريمه بعد ما يصير الطحين اسمر
نضيف الجبن و نخلطهم لين يصير المزيج كريمي
نرش البهارات و الملح و الفلفل
في البايركس ندهن القاع بالزبده و نصف شرايح البطاط
فوق البطاط نرش ملح و فلفل و اذا الخليط مالح شوي نكتفي فيه
نرش على البطاط جبن البارميزان و خليط الجبن و فوقه بطاط و نسوي طبقات جبن مع بطاط
اخر شي على الويه بارميزان و بالفرن ساعه و نشيل القصدير عقب ما يستوي البطاط لين يصير الويه اسمر شهي
باستا مدخنه
صدور دياي مسحبه و مخليه من الجلد و العظم
كوب ونص صلصة ايطاليه
ربع كوب صلصة باربيكيو
باستا
ربع كوب زبده
فصين ثوم مهروس
ربع كوب حليب
رشة فلفل اسود و ملح
نص كوب جبن بارميزان
نص كوب مرتديلا مقليه او بيكون ( شرايح الصباح البقريه مقليه )
الطريقه :
في قالب الفرن نحط الدجاج و فوقه صلصة الباربيكيو والصلصه الايطاليه
نخبز الدياي نص ساعه على درجة 300 ف
بعد ما يستوي الدياي نسويه مسحب و ننتفه
نسلق الباستا بالماي و الملح و زيت الزيتون
في مقلاة نحط زبده و نحمر الثوم بدون حرق لمدة 30 ثانيه و نضيف عليه الحليب و الفلفل و الجبن
بعد ما يتجانس السابق نضيف البيكن و نطبخه 3 او 4 دقايق
في قدر كبير نخلط الصلصه مع الباستا و نرش الاجبان على الويه
معكرونه مخبوزه بالجبن
باستا
4 ملاعق زبده
5 ملاعق طحين
كوب و نص حليب
نص كوب كريمه
2 كوب مزيج اجبان تشدر + بارميزان + موزريلا
ملح و فلفل
رشة خردل بودر
رشة بابريكا
كوب بقسماط
الطريقه :
الفرن 400 ف
نسلق الباستا و نخليها على كتر
في مقلا نحط الزبده و الطحين بعدين الحليب و الكريمه و نخليها تغلي بعدين نخفف النار و نخليها على نار هاديه 10 دقايق و نضيف الاجبان و نخلط لين تذوب الاجبان
نضيف الباستا في صلصة الاجبان و الملح و الفلفل
نصيب الخليط في قوالب الفرن و عليها البقسماط و نخبزها 20 دقيقه
صينية البروكلي و الخضار
كيس بروكلي
علبتين شوربة مشروم معلبه
علبة حليب
كوب و نص جبن تشدر مبشور
كوبين مكعبات دياي مقليه بثوم و بهارات
كوب و نص شرايح بصل مقليه
الطريقه :
في قالب الفرن نحط البروكلي + الشوربه + الحليب + الاجبان
نضيف الدياي و نخبز السابق 30 دقيقه بدون قصدير
بعدين نرش البصل على الويه و اجبان و ندخلها الفرن 10 دقايق لين ما تذوب الاجبان
و عليكم بالف عافيه :eh_s(17)::eh_s(17)::eh_s(17):
