3 بنات وولد - الله يحفظهم ويصلحهم

[مفرفشة ومنعنشة]

الله يكتب لنا الخير ويخليلنا عيالنا ويعينا على تربيتهم

 

[Tom ♥ Jerry]

,


عندي بس بنوتة وحده عمرها سنه و نص ..
الله يخليها لي يارب


و مآ آفكر آحمل كلش ملش بكتفي فيها
يمكن يمكن يمكن اذا عقب مآ آتوظف > لاني ليلحين بالكليه
اذا ريلي يبي عيال أوكي اييب وآحد بس لا غير
و ريلي شكله مآ يبي اساسا .. فـ شكلي بكتفي فيها

الله يخليها لي :*

 

[فـراوله]

عندي ولدين الله يحفظهم لي

وان شاءالله مفكره بعد بعيال بس مو ألحين لانه جبتهم ورا بعض

وودي بـ 6 أو 7 ،، بنات أو صبيان كلهم حلوين فديتهـم ​

 

[أم عزيـز]

انا مثلج ٣ بنات وولد الله يحفظهم ان شاء الله
عن نفسي ما افكر احمل او بالاصح حامده ربي على نعمه العيال وشاكرته وراضيه
بس زوجي يبي ياهل رابع او بالاصح اخو حق ولدي اذا الله كتب

عشان ذي غصبن علي في ياهل امس ههههه بس مو الحين بعد سنتين على الاقل لان بنتي توها ما ملت شهرين وانا والده قيصري يعني يبيلي راحه
ولد او بنت نعمه ورزق من رب العالمين المهم الصحه والعافيه

 

[مفرفشة ومنعنشة]

العيال نعمة من رب العالمين
واذا كبروا عزة
الله يصلحهم ويعينا على تربيتهم

 

[مشتطـه]

انا اقول 5 زين
يعني حملي يمكن يكون ولد ويكون اخو لولدج

بس اذا انتي تحت ال 35 انا اقول خليها شوي بعيده

يعني عشان عالاقل عيالج يكونون كبار وفاهمين عرفتي وماتتعبين بالاخير وتربينه على راحتج


انا اذا فكرت اييب الخامس بإذن الله وارادته راح اخليه عقب بطى
يعني بينه وبين الرابع 6 سنين مو اقل

 

[مفرفشة ومنعنشة]

مادري مشتطة احس اذا اجلت وايد انا بكون مالي خلق ياهل صغير
يكونون كبروا واقعد اعابل بياهل صغير من يد ويديد

 

[عششق القهوه]

عندي ثلاثه اولاد وخاطري في بنتين
ياكريم ارزقني

 

[مفرفشة ومنعنشة]

يارب انك تعطي كل وحده ما تتمنى يااااارب العالمين

 

[مفرفشة ومنعنشة]

up up up

 

[latkt7as]

انا عندي ولدين الله يحححفظهم ويستر عليهم

حاليا مافكككر ولدي توه 3 شهور

ودي يكون عندي 4 صبيان وبنتين الله كريم

 

[mrs.abk]

وأنا أقول هاتي وما من دابة على الأرض إلا على الله رزقها ..

الذرية تعزج يوم تشين الدنيا ..

والولد حقه يكون عنده اخو واثنين وثلاثة بعد


والله يبارك لج في عيالج

 

[مفرفشة ومنعنشة]

الله يحفظهم ويصلحهم ويرزقنا برهم

 

[أشبـاهـ المطـر]

عندي بنتين وولد بجري البنات
ولدي عمره شهر ونص ان شاء الله
ناويه احمل بعد ما افطمه وارتاح
هالمره قعدت سنتين ونص وحملت
انا عمري الحين 26 وان شاء الله
بحمل اثنين قبل لا طير العشرينات
وان شاء الله يكونون صبيان اثنين
ياررررب

 

[أشبـاهـ المطـر]

نسيت اقول انا كلش ما فكر بتحديد النسل
لكن يهمني تنظيم النسل مو حاطه بالي عدد
معين والله يعينا ويصلح لنا الحال والذريه

 

[Um Tuki]

عندي بنت و ولد

و ما أفكر بعد أحمل

الحمدلله نعمة ع النعمة اللي عندي

 

[أم للغالي]

الحمد لله على عطية الله وربي يرزق كل محروووووووم

عندي ثلاث اولاد و اتمنى تكون عندي بنتين بعدها خلاص

الله كريمممممم ​