1234 ليش ما اتزوج؟

[شقاوه صمت]

يااااااااارب الله يرزقك ويرزقني ويرزق بنات المنتدى كلهم

ماتدرين شنو الله كاتبه لك يمكن الله كاتبك لواحد يدرس
او فكرة الزواج موفي باله ماتدرين

 

[داريني]

حبيبتي الله يفرجها عليج انتي ادعي حق الله وصدقيني هذا اختبار من الله بيشوف مدى صبرج ولا تسخطين من قدر هذا مكتوب
الي عليج تحمدين ربج وتصبرين

 

[ذهبيه مرصعه بألماس]

هالشي هاذا بيد الله

و قسمه و نصيب

مو نصيبج تتزوجين الحين

و اذا الله كتبلج الزواج انشالله بتتزوجين

و الله يرزج الزوج الصالح

 

[Flower20]

هذي اول سنة تتوظفين يعني صغيرة عدل؟؟

حبيبتي الزواج مو كل الحياة

ولا تطالعين الي حواليج وشلون عايشين وشلون تزوجوا لان كل انسان الله خلقله قدر ونصيب غير عن الثاني
لا تيأسين من رحمة ربج


فيه آية بالقرآن الكريم تقول (وَكَانَ الْإِنسَانُ عَجُولًا)
وبعدين كله نصيب من رب العالمين.. بتروحين تعترضين على ربج بتقولين يا ربي ليش ما زوجتني؟ واشمعنى انا؟؟!!
وانتي حاولي تقربين هالنصيب بالاعمال الصالحة والعبادة خاصة الدعااء بصلاة الصبح

لان هالكلام الي تقولينه يتعب نفسيتج وما راح يفيدج بشي

وعشان اريحج اعرف بنتين تأخروا بالزواج وكل قرايبهم تزوجوا قبلهم بس رحمة ربج وااسعة و ياهم نصيب من احلى ما يكون

 

[hend6363]

الله يرزقج بالزوج الصالح يارب

 

[hend6363]

الله يرزقج بالزوج الصالح يارب

 

[تمنيته]

الله يوفقج

 

[manhattan girl]

الله يرزقج و تعيشين معاه العمر كله على الحلوة و المرة بس يا حبيبتي هذول اللي حواليج و يدورون لعيالهم ثقي بالله ثقه عميه لو فيهم خير لج كان فكروا فيج بس رب العالمين له حكمة يا بعد قلبي و صبري ان الصبر مفتاح الفرج صدقيني المثل يقولج اسأل مجرب و لا تسأل طبيب و انا ماراح استحي م نحالي و لا شي انا ترا اخر وحده من بنات اهلي تتزوج و عمري 28 سنه اللي بعمري و اصغر مني تزوجوا و عيلوا اثنين و ثلاث قبلي حتى خواتي و انا اللي اكبرهم لا تيأسين من رحمة رب العالمين حبيبتي عيشي حياتج و استانسي ترا الزواج مو وناسه و زوج بس لا ... الزواج ارتباط و التزام و تحسبين ألف حساب لزوجج و اهله لان لو حجوا عنج ما راح يقول فلانه بنت فلان لا يا قلبي راح يقولون فلانه زوجة فلان او فلانه كنة ام فلان الله يهداج حبيبتي تصبري و بتلقين بإذن الله

 

[الحــــياة]

اختي
انتي كاتبه موضوعج هذا في الثلث الاخير من الليل
او بعد اذان الفجر
يعني حزة استجابة الدعاء
اما كان الافضل انج تصلين وتقرين البقرة بدال النت
والشكوى
والله ماحد راح ينفعج الا ربج
قومي الليل وادعي وادعي وادعي واكثري الاستغفار
ساعدي نفسج بنفسج لاتنطرين كلمه تجبر خاطرج مدة معينةوبعدها تردين كما كنتي لازم شي من الداخل
اسعي وتوكلي على رب العالمين ولاتخلين هالشغلات شغلج الشاغل وهمك انسي وخلي حياتج عادية.
والله يرزقج الرجال الصالح
تقبلي مروري..​

 

[سعودية!!!]

الله يرزقكـ باللي يسعدكـ عاجل غير اجل

 

[جـــوووبـــا]

حبوبه ادفعي صدقه ونوي اجرها ان يتيسر امر زواجج وشوفي شلون الله ييسره لج واسئلي مجربه والله يرزقج بالرجال الصالح الي يخلي حياتج جنه عااااااااااااااااااااااااااااااااااااجلن غير اجل يارب

 

[brettey]

حبوبه عليج بصلاه الليل والاستغفار والصدقات والله كريم
اسال الله العظيم ان يرزقج بالزوج الصالح عاجلا غير اجلا

 

[missdreamer]

حبيبتي فكري ان لحد الحين ما تزوجتي لان لحد الحين ما وصل الي يعرف قدرج
ودام لحد الحين ما تزوجتي مو معناه انج ناقصه لأ ... معناه الي حواليج مو عارفين قيمتج
لا تقولين انا شفيني وانا شناقصني .... امشي واثقه مثل الملكه وترى البنت عزها في بيت ابوها وانتـي الحين معززه مكرمه لين يجي الشخص الي يعرف يحفظ مقدارج ,, وعلى فكره انا بعد مو متزوجه وعمري 21 وعـــــادي الي اختاره ربي هو الخير لي صح ولا لأ
وتقبلي مروري والله يرزقج بالزوج الصالح ^_^

 

[فاطمة82]

باذن الله تحصبين الزوج الصالح ولا تيأسين من رحمة الله وكرمه
ماتدرين هالتأخير شنو يحملج معاه دايما حبي اللي الله كاتبه لج هذا نصيبج وبتلقين عن الرضى هذا وايد أمور تتحقق

 

[السهم الصويب]

امبيه وايد بنات بالمنتدى ميتين عالزواج مع انهم صغار
والله استغرب

حبيتي اييييج النصيب نطري شفيج ؟

عيل احنا عكسج ماعندنا استذباح عالزواج
مثلا اختى ورفيجتي يقولون يارب نصيبنا مو الحين توا الناس مع انهم بمنتصف العشرينات !

بياخذون راحتهم بيطلعون بيستانسون بسافرون بسيرون بنامون وقت مايبون
ولا شبعوا اذا الله كاتب بياخذون نصيبهم

اشفيج لاحقه والله ريال واعيال ومسؤليات ودراسه وواجبات وهذا طاح مريض وهذاك مادري شيبي

وبعدين ماتدرين الله خاش لج الشي السنع
يمكن الله بيبعدج عن هذيله عرفتي

ركدي ركدي حبيبتي

 

[حنان الذكريات]

الله يرزقج ويرزقنا بالزوج الصالح اللي نتمناه عاجلا غير اجلا يارب العالمين

 

[كراميلا مرة]

الله يرزقج بالزوج الصالح اللي يحبك وتحبينه يارب

 

[*بسبوسه*]

وينج مالج حس ماشاركتينا الردود

شوفي الشي كثر ما تفكرين فيه يهرب منج
انسييييييييييييه او خلي للقدر

شفتي الحجي اللي يقوله الدكتور للي تبي تحمل وادور العيال ..كله يقولها لا تفكرين بالحمال وريحي عمرج عشان تقدرين تحملين
كثرة ما تفكرين بالشي يضيع منج
وغير انه يلعب بنفسيتج

يعني هذا قسمة الله ونصينبا
انا عندج عمري 28 وكل سنه اتفاال اقول بتزوج وتمر السنه وتروح وما اتزوج والكل يمدح وعلى قولتج قدامي يخطبون وانا قاعده وانكسر لكن ارد بيني وبين نفسي اقول خيره لي

حاولي تشغلينن وقتج بشغلات تنسيج هالفكره لو بجزء بسيط عشان لا تسيطر عليج 100%
انا قاعده احاول اشغل وقتي بعباده بطلعات ولا وني 3\4 اليوم ملل بس احاول اقزره

اقتنعي ان هالشي بيد رب العالمين مو بيد الناس
انا مرت علي فتره قلت يمكن فيني عين ورحت قريت بس الحمدلله مافيني الا العافيه

يعني مالج الا تشدين حيلج بالاستغفار والدعاء
بس عاد لا تدعين وتبجين وتصارخين
لا ادعي بادب وهدوء لانج تدعين ربج انتي كلميه بادب

ترى احنا بامتحان ويبي لنا صبر... ومن صبر نال

ربي يفرجها عليج وعلي وعلى كل بنات المسلمين ويفرح قلوبنا
ويهدي ازواج الامتزوجات لهم

 

[كسر قلبي زماني]

بس دامج توج متوووظفه انتي صغييره!!!!!!!


والله انا بعد ودي اتزوووووج

وانشالله الله يرزقنا بالنصيب الزين ولا تتشائمين

والصبر مفتاح الفرج والله حااااسه فيييج

 

[سلطة]

الله يوفقج