:(

[رورو 92]

قوه بنات

انا بنت بالجامعه مشكلتي ماعنددي رفيجات اطلع معاهم يعني عندي رفيجات بس مانطلع علاقتنا بس بالجامعه في احد نفسي ولالا ؟؟:eh_s(*):

 

[جوري الصالح]

قصـــــــدج عــــلاقة رســـــمية زميـــــــلات فــقط بالجـــــامـعة

 

[غــايــه]

حاولي تتقربين منهم أكثر يعني دقي عليها وسولفي
وقوليلها شرايج نطلع المكان لفلاني وجذي;p

 

[زبــــــــدة]

احسن لج والله

 

[ورد الفلا]

بعد الجامعة كل وحدة بتشوف عمرها وتنساج اقولج حتى لاتنصدمين
اذا بترابعينهم مو مشكلة تقضية وقت ووناسة

بس لاتنسين تهتمين بدروسج ودرجاتج لان هي الي بتخليج توقفين على ريولج

 

[Kocheko]

ليش الوحده لو قالت أبي صديقه .. تحبطونها ؟
صحيح احنا فى زمن المصالح بس مثل ما أنتوا ناس طيبين فى ناس نفسكم طيبين لو خليت خربت للحين فى ناس طيبه صج قليلين بس موجودين ليش الواحد ما يحاول يتقرب من الناس ويكتشف معادن الناس .. بالعكس شي حلو الوحده لها صديقات

صاحبه الموضوع تقربي من البنات اكثر خلج مرنه بس فى نفس الوقت حذره واسرارج لا تقولينها لاحد ليما تتأكدين انهم يستاهلون صداقتج ويارب تلقين الصديقه اللى تنحط على الجرح يبرى

 

[ورد الفلا]

حبيبتي انا مجربة في الجامعة بترابعين صديقات بالهبل واسالي كل وحدة متخرجة
بعد الجامعة الي تتزوج والي تسافر والي تنقطع اخبارها مولية ..
فهاذي نصيحة وجههتها لها حتى ما تتعلق بناس اخرتهم بيتركونها
وكان قصدي انها تسوي موازنة بين دراستها وصداقاتها حتى ما تفرط بدراستها
واعتقد هذا الكلام يشجع اي وحدة واتمنى لو كنت اعرفه من قبل

عالعموم اشتركي بنشاطات في الجامعة وخذي ارقام البنات وسايريهم واطلعي معاهم
مع الوقت بتكونين صداقات وبتستانسين
واسفة لو كلامي ازعجكم

 

[M!SS.LOBY]

ضروري تكونين صديقات لج لا تقعدين وحيدة تعرفي عالبنات برا الجامعة مثلا بنات الجيران او بنات خالتج او بنات رفيجات امج او رفيجاتج من الجماعة لا تحطين ايدج عالخدج وتنتظرين احد يشاركج او تكون لج صديقة خلج اجتماعية زيادة عن اللزوم وصبري فترة وبعده راح يكون عندج صديقات

 

[F.Strawberry]

مو كل لكن اغلب بنات الجامعه مصالح ,
اذا كانو معاج بالكلاس تلقين يدقون و يسولفون و يسألون و من يخلص الكورس ما تدري عنج
يعني منهم الزين و منهم الشين و انا عرفت من الاثنين ..
عمومن الله يرزقج و يرزق بنات المسلمين بالرفيجة الصالحه قولي امين ..

 

[gala q8]

افضل العلاقات .. علاقات الاهل ..

اللي بالجامعه يمكن تعرفينهم و تعرفين اهلهم بس ما تدرين عن حياتهم ..

انا لي صديقات بالكليه وعاادي معاهم ..

ولي صديقه من اهلي و تعرفت عليها من الثانوي و صارت معاي بالكليه سبحان الله ,,

و امي تثق فيها و بأهلها و اهيا نفسي ..

فلا تتعرفين على اي احد ..

و إذا على الصديقات ترى سهل انج تحتكين بأي احد تحسينها قريبه عليج ..

 

[ي حليليِ]

انا عن نفسي ما عندي صديقة مقربة لي حييل ، علاقاتي بسيطة بس !

ان لقيت وحدة سولفت معاها ليما جت محاضرتي ، ورحت وخليتها

يعني امشي ع مزاجي خخخخخ

ماحب احتك ببنات كليتي ، اخاف منهم خصوصاً ان كل وحدة من عايلة غير ومنطقة غير مادري شلون
بس ما كنا مثل المدرسة اللي جارتكم في نفسها بن صفج




صلوا ع النبي

 

[شــــــــــــــوقــــه]

انا الكورس الي طاف في وحده ما اعرفها ولا تعرفني كانت تبي مني اصورلها ورقة عطتنا ياها الدكتورة و اطرشلها

ضفتها بالبي بي و صار بينا بيسيات بس

بعدين يوم الامتحان توهقت ما عندها كتاب طلبت مني نتواعد بمكان تصور مني الكمية الي داخله بالامتحان

و رحنا عند تصوير و قزرناها سوالف على ما نخلص

الي يشوفنا يقول رفيجات من عمر !! بس ما بينا شي

لما بعدين طلعنا مع بعض جم مره و اهيا توديني مطاعم و تعزمني ولا مرة دفعت عنها

باختصار كل وحده و معدنها و شخصيتها الخلل مو منج انتي

انا مو اجتماعيه بس البنت هذي اهيا الاجتماعيه و كسبتني

 

[rose2012]

نفسي بس ماحب اطلع مع بنات الجامعه مادري ليش افضل اقاربي

 

[سعوديه 1]

عادي وضعك

ولو انتي تبين رفيجات تطلعين وياهم. بادري انتي واقترحي تطلعون


واختاري الصحبه الصالحه ....

 

[Pinky -cat]

حبوبه اللي تحسن انها زينة وترتاحين لها وتحسين تستاهل الرفجه كتبلي لها واتس اب توصلي اكثر ، سئلي عنها
بعدين دقي سئلي شوف مناسبة لها وديها وعقب قولي لها شرايج نطلع شوفي طريقتها بحياتها شتسوي شنو روتينها
تحب تطلع ولالا وعقب تكلمي

 

[تحت ظلك]

عادي والله
ربي يعينك

 

[جوري الصالح]

احســن لــج

 

[banota_kuwaitya]

من أقرب صديقاتي لي صديقات الجامعة وأنا متخرجة الحين صارلي 7 سنين، عندي ماشاءالله والحمدلله وايد رفيجات من أول، ومن الجامعة يمكن 6 أو شوي أكثر بس 3 منهم والله ما أستغني عنهم، بدينا نسولف قبل المحاضرة بشوي وإذا في بريكات نروح كوفي، أنا كنت غالبا أبادر، وبلشنا شوي شوي نطلع بعد المحاضرات، وقمنا نخطط ناخذ كلاسات مع بعض، وبالصيف ماقمنا نستحمل ما نتيمع،، انتي بادري حبيبتي وطلعي واستانسي، ومو كل البنات مصالح، وكوني علاقات، الوحدة مو بس تتزوج وخلاص تنتهي حياتها الاجتماعية وتنحصر بأهلها وأهل زوجها، لا تسمعين حجي البنات اللي يحبط​