112 لوك (( لوكاتي الميكبية ولوكات المشاهير)) للمشاهدة فقط

[zYoOoNa]

رد: **لوكاتي الميكبية اهداااااااء لكم من زيوووون** { الجزء الثاني }

◄███▓▒░لوك رقم 111 ░▒▓███►






هاااااااي حبايبي

شلووووووونكم ولهت عليكم من زماااااااان مانزلت لكم لوك ملكلك:ggdw:

اليوم بحطلكم لوك امس مسويته فوشي مع ازرق
هاللوك حلو عالعيون المدورة لان راح يعطيها شوي طول
طبعا تقدرين تسوينه حق طلعة عادية او مناسبة او عرس
لان اللون عالطبيعة قوي حيييل ونقدر نركب رمووش مع شوية غلتر تحت الحاجب
ويصير ميك اب عررررس

اول شي الادوات


حطيت الشدو البيج من باليت سان لوران على كل الجفن لان ابي افتح الشدو الفوشي وايد غامج
بعدين عالجفن المتحرك حطيت شدو فوشي من شارمل
بنات شدوات شارمل الوانها حيل قوية فلازم تكونين حذرة شوي لما تحطين منها
دايما حطي خفيف وزيديمو العكس
ودمجته عالجفن الثابت وعند بداية العين حطيت فوقة شدو بيج نفسة عشان ابي افتح اللون من البداية
وكحلت عيوني بالكحل القلم الاسود من داخل لي نص العين
والباجي كملت بالكحل التركواز من فلومار ونزلته شوي لي تحت
بعدين حطيت شدو فوشي من تحت العين وعرضته بس ماوصلته لي مدمع العين
ودمجت الشدو للي تحت مع اللي فوق عدل
بعدين رسمت عيوني بالكحل الكريمي من فوق خط ضعيف كلش مايبين وسويت بوز شوي طويل من جدام
ونهاية العين بس مديت خط ضعيف بالكحل الكريمي موازي للرموش
وبفرشة الدمج موهت الخط عالخفيف عشان ابي يعطيني تظليل غامج للعين
وحطيت ماسكارا استي لودر+ديوربلاك اوت
والبلاشر من جيفنشي وردي زهري
والغلوس وردي من ميك اب فور افر رقم 14

وهذا اللوك

 

[zYoOoNa]

رد: **لوكاتي الميكبية اهداااااااء لكم من زيوووون** { الجزء الثاني }

◄███▓▒░لوك رقم 112 ░▒▓███►



I`m Back

وحشتووووووووووووووني والله العظيم
سامحوني حبايبي قصرت معاكم الفترة اللي طافت
بس والله موبيدي
اول شي الحساسية لاعبة فيني لعب حتى اليوم بالدوام الكل يقولي ويهج اصفرررررررررر
ولا ضعفت بعد لان ماقدر آآآآكل ماشتهي
وثاني شي الدوام صاير مهلك مكدشينا دورات ومعارض
صبح وعصر كلش ماكو وقت حتى ابطل النت

فديييييييييتكم والله وفدييييييت كل وحدة سألت عني سواء هني او بالخاص او عالموبايل
فيكم الخير والله
وانا بحاااول كثر ماقدر اتواااصل معاكم لان مالي غناااااااااااااة عنكم تدرووووووون:eh_s(6):


طبعا انا من زماااااااان واعدتكم ان اسوي لكم لوك حبيبتي سداكتف يوم طلعنا
لان جد جد بسمالله عليها كااان ملفت ومووووووووووووطبيعي
وحبيت انكم تشوفونه وتستفييييييييييييدون من فكرته الحلوة مثل راعيته والله
معنى والله الطبيب قاللي وقفي عدسات وميك اب
بس ياربي ايدي تحكني ماقدر ودي احط:dddds:

اللوك طبعا كان نفس الواني اللي حاطتها انا بس بطريقة غير
(بني مع غلتر تركواز)
للامانة ماكنا متفقيييين عاللوك بس صار توااارد خواااطر بيني وبينها كالعاده

اول شي بحطلكم الادوات


حطيت على عيوني شدو بني من لانكوم عالجفن المتحرك ووزعته شوي عالجفن الثابت
وتحت الحاجب حطيت شدو نايلون
والشغل كان كله من تحت العين
كحلت عيوني بكحل اسود من داخل
وتالي حطيت كحل تركواز من مسسز اند مستر على كل العين من تحت لي نهاية اخر رمش
وبعدين اخذت الكحل الكريمي من شيسيدو ورسمت بوز صغير من جدام ومديت الخط فوق عيوني
بمحاذاة الرموش بشكل خفيف مايبين
وتحت العين نهاية الكحل التركواز مديت خط وسحبته لي فوق نفس رسمة القطوة
وبعدين اخذت شوي من قطرة انجلوت وحطيتها عالفرشة وحطيتها بالغلتر التركواز
وحطيته فوق الكحل التركوازي بالطبطبة
يعطيج نفس نتيجة الغلتر آيلاينر
طبعا سوسو كانت مركبة رموووش والصراحة معطي ايفيكت حلو حق عيونها واللوك ماشاء الله
بس انا ماركبت حطيت بس ماسكارا فوق وتحت
وهي كانت معتمدة اللوك البرونز معاه انا حطيت على كل ويهي بلاشر من ليلى هارموني
والحمرا كانت نيون وردي حطيت سان لوران رقم 10+غلوس انجلوت
سوسو الحمرا نفس اللون ولا لأ؟؟ لان الشمعة ماتبين اللون عدل:dddds:

وهذا اللوك







وساااامحوني على عيوني الحمر يخرعووووون والحواجب طالعين:0bee2e8d89:

 

[noty]

رد: 106 لوك (( لوكاتي الميكبية ولوكات المشاهير)) للمشاهدة فقط

يعطيييج الف الف عاافيه

مجهود تشكرين عليه الصراحه

انجااااااااااااااز 106 لوك و كل لوك احلى من الثاني

ماشاء الله تبارك الرحمين

هذا الموضوع هديه بسيطه لمجهودج الكبير و الله يوفقج يااارب