الصراحة ..
آنا عندي الحياة حلوة فيهم و بلااياهم
اهم نعمة من رب العالمين ... يسوون الشغل اللي يهد الحيل ... كافي الكوي
كافي تقومين من الغدا تغسلين ايدج و تروحين تسوين أي شي تبينه ... مثل النوم
أما اهي تشتغل طول النهار و بتغسل اماعين الغدا و تغسل المطبخ عقب الغدا و شوفي شنو معطينها تسوي عقب الغدا
اذا مو اهي الي طابخه الغدا !!!!
خلونا نحب حياتنا بكل ما فيها بنات ... حسب ظروفنا و معطياتنا
كل وحدة فينا لها عيشة تختلف .. لكن من سمات المجتمع الكويتي انه كلة دقة وحدة ... الغني و الفقير ... العالم و الجاهل .. الموظفة و ربة المنزل ... كله كله سيم سيم
اللي عندها خدامة أعتقد تحمد الله على النعمة اللي عندها و تتغاضى عن العيوب ... مثل حبيبنا محمد عليه السلام ... لما أنس كان يخدم النبي ما عمره النبي قال ليش و ما ليش ؟؟!!
يعني أنس كان سنجة عشرة في الخدمة ؟؟؟ لا بس النبي عليه السلام كان متفهم و حنون ويطالع خدمة انس بالصورة الأشمل
منو فينا كامل ؟؟ تخيلي لو انتي اللي تشتغلين وزوجج و عيالج بالطالع و النازل مو عاجبهم شغلج ... عيشي الاحباط و تخيلي !
طيب تخيلي ... لو الكويت يخلص نفطها ... و نفتقر ... تصوري تشتغلين عند عايلة يابانية ...
لا نعرف اللغة ولا العادات ولا التقاليد و لا الطباخ الياباني ولا الاتيكيت " يعني يمكن نتفلسف عليهم بالفناتق وهم يطالعونا هلاقة ووساخة " لا.. وما نعرف التكنولوجيا العجيبة اللي عندهم ... يعني يمكن نخرب أجهزتهم .. خو بيوتهم ألحين بتقنية البطاقة الذكية
اييييييييييييييييييييييييييه ... و اللي ما عندها خدامة ... ليش تقارن نفسها باللي عندها ؟؟
حبي حياتج حبي عملج في بييتج أو في وظيفتج
حبي زوجج و عيالج و خدمتهم
تتفنني و أبدعي
اللي عندها خدامة سواء موظفة أو ربة منزل غير و انتي غير
كلنا حياتنا فيها شي مميز لازم نحبه ... وإذاما فيها !! غلطتج هذي !! دوري على المميز فيها و برزيه !
هذي دعوة مني لكا وحدة انها تحب حياتها موظفة كانت أو ربة منزل ... عندها خدامة أو لأ
حبي وظيفتج و أبدعي فيها ... و لاتنسين تكونين أم فعالة دايما
ولا تنسين ان الم الفعالة مو اخي الي ما تشتغل وقاعدة في البيت ... بالعكس ياما ربات بيوت كل اللي قاعدين يسوونه اهو غسيل ملابس عيالهم و طبخ وجبتهم و تنويمهم و بس !!!
ومومعناته انه كل موظفة شطورة و امورة و نابغة
المسألة قرار ... انتي تختارينه ... تبين تصيرين أم فعالة ؟؟؟ سواء انتي ربة منزل أو موظفة
وملاحظة : اللي قالت شوفوا الجنسيات العربية أو العالم كله شلون عايشين بدون خدم و مرتاحين ... أقول : شدرانا انهم مرتاحيين؟؟
يمكن لو يحصلهم الخير و النعمة اللي عندنا ييبون خدم مثلنا ؟؟
