1 2 3 صغري الصورة - رفعيها - حطيها..

[جاي وحليب]

السلام عليكم ..

بخطوات سهله ممكن تحطيلنا الصور اللي تبينها بهالقسم من موبايلج او كمبيوترج..

طبعاً بعد ما تدزين الصورة من موبايلج على الكمبيوتر ...
اذا كانت حيل كبيره تصغرينها بهالخطوات..


===

خواتي هاذي خطوات تصغير الصورة ببرنامج الرسام ..
وان شالله تستفيدون .. وتدعون لي


-1 -
فتحي الملف اللي فيه الصورة .. ضغطي على الصورة اللي تبين تصغرينها رايت كلك بالماوس واختاري Open With>>Paint
(صورة موضحه)

-2-
بعد فتح الصورة ببرنامج الرسام ... اختاري من قائمة Image
Strech/Skew
(صورة موضحه)

-3-
راح تفتح لج هالوندو ..

حرصي تحطين بالمربعين اللي فوق واللي تحت نفس الرقم .. علشان ما تصير الصورة ممغوطه..
والبرنامج من نفسه راح يصغرها نسبياً بالاميه يعني..
انا حطيت 50 .. و 50 ..
بعددين ضغطي اوكي..


-4-
صغرت الصورة اللي اخترتها نص القياس تقريباً ..
((صورة موضحه))

-5-
لا تنسين تحفظين الصورة ..

وبعدها قومي بخطوات التحميل اللي تسوينها قبل على المواقع المجانية ..

 

[همس الروح]

السلام عليكم ورحمة الله وبركاته

شكراً لكي اختي الكريمه على هذهـ المشاركة

يعطيج العافيـــه

 

[جاي وحليب]

.. خطوات التحميل ..


أول شي ......
فتحي موقع مجاني لتحميل الصور ..
مثل:

http://www.up.mixq8.com/maianuploader.php

أو

http://www.arabuploads.com/

أو

http://www.l22l.com/upload.php

أو

http://www.w6wup.com/

أو اي مواقع مجانيه اخرى لتحميل الصور على النت..


-1-
آنا اخذت الموقع هاذا كمثال نشرح عليه..
http://www.l22l.com/upload.php


بعد ما يفتح لج الموقع نضغط على Browse ((ًصوره موضحه))

-2-
ونحدد الصورة من المكان المحفوظ فيه بالكمبيوتر.. ونضغط Open
(( صورة موضحه ))

-3-
بعد ما نضعط على "اضغط للتحميل"
راح تتحمل الصورة بنجاح اذا كانت في الامتدادات المطلوبه..
ننسخ لنك -عنوان- الصورة اللي تم تحميلها على النت
عن طريق رايت كلك بالماوس وكوبي أو Ctrl + C بالكيبورد
(( صورة موضحه ))

اذا كانت الصورة بين الاكواد التاليه ..
[img ] www [/ img] على طول نسخيها وحطيها بالرد بالمنتدى ودزززيه..
واذا كان الموقع ما فيه هالخدمه بسيطة انتي سوويه بهالخطوه

-4-
بالضغط على صورة الايكون اللي عليها صورة جبل ..
محدده باللون الفسفوري بالصورة الموضحه..

-5-
بعد الضغط عليها راح يفتح لج وندو حطي عنوان الصورة اللي نسختيه واهوا راح يحطها بين الكود .. وماعليج الا انج تسوين نفس الخطوات لبقية الصور وترسلين الرد..
(( صورة موضحه ))

هاذي الاكواد اللي اقصدها .. يطلع عنوان الصورة ببينهم علشان تطلع بالمنتدى.. بعض المواقع لتحميل الصور توفر خدمة انج تنسخين العنوان بين الاكواد وبعضهم لا ..

ان شالله تكون الخطوات سهله وواضحه ..

 

[جاي وحليب]

هلا اختي شيخة الحلوين .. الله يعافيج ..

والله انا سويت هالموضوع علشان الخوات يستفيدون لان وايد يترردد هالسؤال شلون انزل صورة المنتدى .. وشلون اصغرها .. واشلون احملها ...

قلت باختصار شديد وبصور موضحه ان شالله تفيدهم ..
شكراً على المرور..

 

[جاي وحليب]

** لكتابة الاسم على الصورة **

بطلب من اختي العزيزة شهد الكويت ..


طبعاً اخترنا برنامج الرسام لسهولة استخدامة ولتواجده باجهزة الكل ..

1. فتح الصورة المراد الكتابة عليها بملف الرسام ..
(( صورة موضحه ))

2. الضغط على االايكون اللي عليها حرف الـ A موجوده مع السطرة اللي على ايدج اليسار..
(( صورة موضحه))

حددي بالماوس المكان اللي تبين تكتبين فيه اسمج ..
وبعد الضغط عليه ضغطه بالماوس..
راح يطلع لج مربع ابيض وفيه مؤشر الماوس يشب ويطفي .. هاذا مكان الكتابه..

طبعاً فيه ادوات فوق لاختيار خط معين للكتابه .. واذا تبينه عريض ولا تحته خط ولا مائل وحجم الخط ....إلخ من تنسيقات الخط البسيطة..

3. بعد الانتهاء من كتابة الاسم .. وخري الماوس بعيد وضغطي باأي مكان فاضي ..وشوفي الشكل النهائي ..

وعقبها حفظي الملف
File >>save
ولاتنسين تحددين المكان اللي تبين تحفظينه فيه .. وبالتالي تحملين الصورة اذا تبين على النت نفس الطريقه اللي شرحتها بالرد اللي فوق..

ووووبس .. ان شالله يكون الشرح سهل وواضح ..

 

[أم منصـ 85 ـور]

واااااي .. جاي وحليب ماأدري شلون بطلع من جزاج .. بعد قلبي مشكورة ماقصرتي عيزت وانا أحاول .. بعد قلبي جزاج الله خير

 

[حبيبة أهلها]

مشكورة اختي طريقة سهلة وحلوة الله يعطيك العافية

 

[جاي وحليب]

العفوو خواتي .. حياكم الله

 

[al7noona]

شكراً لكي اختي الكريمه على هذا المشاركة

 

[omneyaty]

مشكوره على جهدج الواضح

اذا ممكن ابي اعرف اشلون ادز صوره موجوده عندي في
my picture

ابي ادزها بالايميل حق رفيجتي

ترى حدي عليميه ومشكوره مقدما