هلااااا بفانسي ناااايت
و الله لج وحشة
انا بعد قطعت فترة عن التجمع و بلشت علاج و سويت العملية مرة ثانية معني كنت معزمة ارجع المجمد بس لمن قابلت الدكتور اول ما يتلي الدورة قالي انا افضل الفرش اكثر من المجمد و توكلت على الله و سويتها هالمرة اهوا سوالي السحب و الترجيع لان المرة اللي طافت كان مسافر و حفصة سوتها لي
و بعد طول انتظااااااار النتيجة طلعت اني
مووووووووووو حامل
الف الحمد الله و الشكر على كل حال
طبعا خذيت موعد عند فاطمي و لمن دشيت عليه واااااايد ريحني كلامه صج صج الاجانب وايد احسن من دكاترة الكويت يعني يهتموووون بالنفسية بشكل مو طبيعي لو مهما كنتي متضايقه ما يخليج تطلعين منه الا و انتي مرتاحه
يحليله اول ما شافني قالي انا وايد تضايقت لمن شفت النتيجة
و مادري ليش ما صار حمل
و نصحني الشهر الياي ارجع المجمد يقول ماصار حمل هالمرة احتمال لان الرحم تعب من الابر و الهرمونات لان انا سويت العملية مرتين ورا بعض عشان جذي احتمال تعب الرحم مع ان البويضات و الاجنة كانو زينين
و قالي حتى لو لا سمح الله ما نجحت العملية الشهر اللي بعده راح اسويلج منظار رحمي يعني مثل كاميرا ادخلها و نرش ماي داخل الرحم عشان نصحصح الرحم يخليه نشيط و بنفس الشهر اللي نسوي المنظار راح تزيد فرص الحمل لان الرحم متنشط بسبب المنظار و قالي بعدها اسويلج عملية يديدة فرش
طبعا انا بعد ما عرفت اني مو حامل ما اقص عليكم وايد تضايقت من داخلي فقدت الامل قلت انا سويت اقوى علاج مافي غير اطفال الانابيب بعد شنو فيه غيره
بس لمن كلمني فاطمي حسيت ان في وايد اشياء يقدر يسويها يعني مو نهاية المطاف
عطاني امل مو طبيعي يحليله
و قالي ترا اذا فشلت عملية اطفال الانابيب 3 مرات هذا شي طبيعي بس بعد ال 3 مرات اذا ما صار حمل لازم نتخذ اجراء ثاني و نشوف اذا في مشكله بالرحم
و يقول فرصة الحمل مع كل محاولة تزيد
يعني اول مرة نسوي اطفال الانابيب فرصة الحمل تكون 40 % و الثانية تصير 60 % و الثالثة 80 %
يعني لا تتضايقون اذا فشلت عملياتكم لان بعدها راح تزيد فرص النجاح باذن الله
عاد و اهوا قاعد يسولف معاي اول ما دشيت عنده جان يقولي لا تتضايقين راح تحملين يعني راح تحملين اذا مو الحين بعدين
عاد مادري ليش يتني بجية و بجيت جدامه هههههههه امبي فشلة و الله مادري شلون فلتت دموعي جني ياهل
امبي بنااااات ما تدرون شصار فيه يحليله و الله وايد تأثر جان يقول لاكوستة شوفي انا ما راح ارجع بلجيكا الا و انتي حامل فااااااااهمة
هههههه
و ببعدين بالصدفة جنطتي كانت مبطلة و لا يشوف طالع منها كاكاو سنيكرز و مارس امبي زفني زفه محترمة واااي فشلة
يقولي ترا اذا كليتي كاكاو وايد مو بس ما ينجح العلاج يمكن حتى ريلج يتزوج عليج
يحليله فصله هالدكتور
واااي ادري وايد قرقت
بس اللي ابي اوصلكم اياه ان لا يأس مع الحياة و لا يأس مع فاطمي مهما تشوفون نتايج ما تعجبكم بالعلاج لا توقفون كملوا و استمروا و الله بعوضكم خير ان شااااء الله يا رب
و ان شاء الله السنة اليديدة تكون خير علينا كلنا لان انا الصراحة 2010 كلش ما حبيتها عندي امل ان 2011 وايد بتكون حلوة ان شاءالله احمل فيها و اتخرج و اتوظف و كل شي ابيه و تبونه يصير
بس خلاص اوف وايد قرقت ايدي طاحت
