ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

[الزهور الجبلية]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

عواااااااااافي قلبوشه

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البـــــارت الثالث العشرون
في بيت ابو حمد
في الدور الثاني
ميار: واااي متشوقة اشوف ردة فعل جوجو
روان: انا اتوقع ذابت بمكانها
ريم: هههههه الله يوفقها
الكل: امين
سارة: بنات امشوا خ نروح الصالة نقعد شوي على ما تيي وجدان
ريم: اوك يلا
روان بهمس لفرح: فروح ابيج بموضوع
فرح باستغراب: شنو
روان: لا تطلعين بكلمج بالموضوع اهني
فرح: اوكي
روان: سارة انتوا سبقونا و الحين بنييكم
سارة: انزين .....بس مو اتطولون
روان: و لا يهمج
خرجت سارة و وميار و ميهاف و ريم
جلست فرح على السرير و التفتت على روان
فرح: روان شسالفة ....ِهالموضوع المهم اللي تبيني فيه.....فيج شي
روان: شوي شوي علي وحدة وحدة.....و الله ما ادري اشلون اكلمج بالموضوع
فرح: قولي خرعتيني
روان بابتسامة هادئة: الصراحة شرايج باخوي ماجد
فرح: اخوج....ِامممم و النعم فيه ريال و ما عليه كلام
روان: حلو....لو خطبج ماجد بتوافقين
فرح بصدمه: هاا شنو ....انتي شقاعد اتقولين...من صجج رورو ....تتغشمرين مو
روان: خلاص خلاص انسي الموضوع
فرح: لا صج و الله انتي من صجج
روان: الله يهداج فروح يعني هالمواضيع مافيها غشمرة
فرح:انزين الكلام هاذا انتي من كيفج قلتيه و لا اهو وصاج
روان: اصراحة اهو قالي انه يحبج و شاريج
فرح: يحبني هههه.....اصلا اهو متى شافني و اشلون عرفني
روان:تتذكرين الحفلة اللي سويناها لما طلعت وجدان بالسلامة من المستشفى ....لما انكسرت ريلها
فرح: اي اتذكر
روان: اهو من ذيج اليوم اللي شافج فيها و اهو يبيج
بدأت ذاكرة فرح بالرجوع الى الوراء قبل شهر و نصف
في الحديقة
كانت فرح اتكلم فون
فرح:هههههه خلاص لولوة واااي موتيني من الضحك .....الله يقطع بليسج على هالمغامارات انتي و اخوج <<< لولوة رفيجة فرح الروح بالروح
في الدوانية
ماجد بهمس لعبد الرحمن: حمني قوم ييبلي ماي
عبد الرحمن: شنو حمني اصغر عيالك انا ....و شنو اللي يبلي ماي روح انت ييب لنفسك
ماجد: فشلة وين اروح من صجك انت
عبد الرحمن: مجود تطلع من الدوانية امش سيده و اخذ يمين تلقى باب المطبخ و قول للخدم يعطونك ماي
ماجد: و الله استحي فشلة
عبد الرحمن: لا فشله و لا شي
ماجد: افففف خلاص انا قايم
وقف ماجد و ذهب
عندما وصل بالقرب من باب المطبخ سمع صوت ضحكات انثوية
ماجد في نفسه: يا الله شهالضحكة اللي تدوخ
تحمحم ماجد
فرح: لولو اكلمج بعدين باي
اغلقت الهاتف
تقدم ماجد
فرح بتوتر: ممنو انت؟
ماجد متنح في شكلها
لاحظت فرح نظراته
فرح بعصبيه مكتومة: خير اخوي شتبي
انتبه ماجد على نفسه
ماجد: انا بس ييت ابي ماي
: فرررررررررح
الصوت من داخل البيت
ماجد: عيل اسمها فرح ها يا حلو اسمها و يا حلوها
فرح: نعم يايه
خرجت روان
روان: انتي اهني و انا ادور عليج
انتبهت روان لأخيها ماجد
دخلت فرح بسرعة
روان باستغراب: ماجد انت شنو اللي يايبك اهني
ماجد: لا بس ابي ماي
روان: اها اوك انطر انا الحين اييب لك
ماجد: لحظة
التفتت روان
ماجد: منو تكون فرح
روان: بنت عم وجدان
ماجد: اها ....يلا يلا روحي ييبيلي ماي
روان: انزين

:فرح فرح
استيقظت فرح من سرحانها على صوت روان
فرح: ها شنو ما سويت شي
روان:هههههههههه ما سويت شي ......انا ما قلت شي عشان اتقولين ما سويت شي
احست فرح بالحرج الشديد
فرح: سوري ....بس سرحت شوي
روان بخبث: سرحتي بمنو
فرح: و لا احد
روان: المهم شقلتي على الموضوع
فرح: رورو عطيني وقت افكر فيه.....الموضوع مو بالسهولة اللي انتي تتصورينها
روان: من حقج....اخذي وقتج....بس لا تنسين لو تفرين الدنيا كلها ما راح تلقين احد يحبج كثر اخوي و شاريج....بس اتمنى انج ما تخيبين املي و تكسرين قلب اخوي
فرح: الله كريم
روان: الله كريم....امشي نروح لهم تأخرنا عليهم
فرح: يلا
خرجت روان و فرح و توجهن الى الصالة

في احدى السيارات
: طلول بلا سحافة كل هاذا تغلي
طلال: اموديني دكتور نفسي و ياي تتكلم بعد
سالم: انا سويت هاذا كله لمصلحتك ....انا موع اجبني حالك جذي ....انت ما تدري عن نفسك شنو اللي يصير فيك جدام الربع
طلال: حتى ولو هاذ مو دافع انك توديني دكتور نفسي....على بالك مينون
سالم: مو يعني اللي يروح دكتور نفسي يعني مينون....بس امانة ما ارتحت
لم يجبه طلال
سالم: رد علي ما ارتحت
طلال: الصراحة....اممم امبلا ارتحت
سالم: عيل انجعم و حط لسانك بلهاتك
مرت قليل من الثواني و الصمت طاغي على الجو
قطع الصمت صوت موبايل طلال
طلال: هلا و الله بجراحو
جراح: هلا فيك يا ولد العم ....اقول طلال اشرايك تمرني البيت
طلال: مو اليوم خطبة اختك
جراج: اي بس بعد ما يروحون الضيوف نطلع انا و ياك و مرة وحدة ييب سلوم معاك
طلال: و الله الحين انا و سالم بالسيارة....تونا رادين من مشوار
جراح: حلو عيل خلاص مروني و نطلع مع بعض
طلال: و لا يهمك....مسافة الطريج و احنا عندك
جراح: او كي ....انا انطركم ....سلام
طلال: سلام
اغلق طلال الهاتف
طلال: سلوم مر بيت عمي ابو حمد
سالم: ليش؟
طلال: جراحو يقول تعال انت و سالم البيت و نطلع اي مكان
سالم:اها اوك
في بيت عم ياسمين
ياسمين : بنات عندي لكم خوش خبر
قفزت بدور: شنو شنو شنو؟
رهف: شوي شوي لا ينط لج عرج
لم تعر بدور اهتماما لرهف
بدور: شنو ياسمينو....حمستيني
ياسمين بحيا: انا انا حامل
التفتت رهف بصدمه: ها شنو قلتي
ياسمين: حامل
بدور: واااااااااي راح يصير عندنا ياهل يا سلام
حظنت بدور ياسمين بقوة: مبــــروك يا قلبي....عاد ها ما اوصيج اذا بنت اتسمينها على اسمي
رهف: الــــف مبـــروك ياسمين .....يتربى بعزج انشاء الله
ياسمين: الله يبارك فيكم
بدور: بأي شهر
ياسمين: توه صارلي اسبوعين
رهف: عاد ها ديري بالج لا تتعبين عمرج مو زين لج
ياسمين: انشاء الله
رهف: ياسمين انتي مو زعلانه
ياسمين باستغراب: زعلانه ليش
رهف: امممم لان حملتي و راح تيبين ياهل من شخص ما تحبينه
ياسمين بعصبيه: رهف انا جم مرة اقولكم لا احد ييب طاري يوسف ها....يوسف ماضي و انتهى....و انا الحين احب خالد....و راح يكون ابو ولدي
وقفت ياسمين و اتجهت الى غرفتها
التفتت بدور
بدور: يعني لازم تنكدين علينا احنا ما صدقنا تستانس و تيين تخربين كل شي
رهف: اصلا ياسمين ما احد يعرفها كثري ....اهي للحين تحب يوسف ....بس اتجذب على عمرها و اتصدق الجذبه
بدور: كلنا نعرف هالشي....بس ما كان له داعي تييبين هالسيرة....زين جذي يعني ضيقتيها
رهف: انا رايحة اشوفها
بدور: لا لا خليها بعدين انكلمها
رهف: اففففف...خلاص بعدين اكلمها
بدور: احسن خليها الحين تلقين متضايقة
رهف: اوك

في بيت ابو سعد
في غرفة احمد
احمد في نفسه: يا ربي احس راسي مصدع....ما ادري شفيني هالايام
وقف احمد و اتجه الى الباب
و فجأة
طااااااااااااخ
في الممر
: اوك يلا انا الحين نازل تحت.....لحظة لحظة
و ركض ريان لغرفة احمد
فتح الباب
ريان: احمــــــــــــــد
توجه ريان الى غرفة والده
طرق ريان الباب
ريان: يبـــــــــــــا
فتح ابو سعد الباب بسرعة
ابو سعد: شفيك اتصارخ
ريان: يبا احمد طايح فوق ....ما ادري شفيه
ركض ابو سعد الى غرفة احمد
دخل
ابو سعد: احمد احمد .....ريانو ييبلي ماي
توجه ريان للثلاجة الموجودة في غرفة احمد و اخرج مياه
ريان: هاك يبا
رشرش ابو سعد قليلا من المياه على وجه احمد
ابو سعد: ريان اتصل على الاسعاف
ريان: انشاء الله
اتى سعد مسرعا
سعد بخوف: شفيه احمد
لم يجبه احد
سعد: ردوا علي شفيه احمد
ابو سعد: ما ادري
ريان: اتصلت على الاسعاف
سعد بصدمة: اسعاف

في بيت ابو حمد
نرجع قبل جم دقيقة
عند باب المجلس الاخر
وجدان بخوف: يوسف و اللي يعافيك ادخل معاي
يوسف: اكيد راح ادخل معاج
تمسكت وجدان بذراع يوسف
يوسف: شفيج؟
وجدان: ادخل قبلي و انا ادخل وراك
يوسف:هههه امشي يلا
دخل يوسف ووجدان
يوسف بهمس لوجدان: سلمي
وجدان بصوت خفيف: سلام
يوسف: رفعي صوتج
وجدان: سلام
رفع سعود رأسه
سعود: وعليكم السلام
دخلت وجدان و جلست بعيدة عن سعود
يوسف: عم اذنكم
وقف
سحبت وجدان ذراع سعود ليجلس
يوسف: اااااي شوي شوي
سعود:ههههه ما راح اكلج و الله
احست وجدان باحراج شديد
و انزلت رأسها
خرج يوسف
و عم الصمت المكان
قطع الصمت صوت سعود
سعود: عاجبتج الارضيه
رفعت وجدان رأسها
سعود: ما بغيتي ترفعين راسج
كانت على وشك الانزال برأسها مرة اخرى
اتاها سعود بسرعة و جلس بجانبها و مسك يديها و رفع رأسها
سعود: تحرميني من هالجمال
وجدان في نفسها: يما هاذا و توه الشوفه و جذي عيل بعدين شيصير
ابعد سعود يديه
سعود: اشلونج وجدان
وجدان: احم....تمام
سعود:عسى دووم مو يوم
وجدان: يدوم عزك
سعود: وياج
دخل يوسف
يوسف: يلا خلص الوقت
وقفت وجدان و مشت بخطوات سريعة و خرجت
يوسف:هههههه شنو امسوي سعود
سعود: و لاشي
رجع سعود و يوسف للدوانية
في الدوانية
ابو سعود: خلاص يا ابو حمد....اخذوا المهله اللي تكفيكم و ردولنا خبر
ابو حمد: و لا يهمك يا ابو سعود....انشاء الله ما تسمع الا اللي يسرك
وقف ابو سعود: يلا عن اذنك يا ابو حمد مع السلامه
ابو حمد: مع السلامه
انتهت الشوفة على خير
بعد خروج ابو سعود و اهله
دخلت سيارة تحمل داخلها شخصين
نزل الشخصين
سالم: منو هذول اللي توهم طلعوا
طلال: اكيد اللي يايين يخطبون
اتاهم جراح: هلا واالله تو ما نور البيت
الكل: منور بوجودك
بعد السؤال عن الاحوال
جراح: الصراحة انا متفشل منكم ما ادري شقول
طلال: شفيك
جراح: ابوي ما رضى اني اطلع
طلال: اقول على بالي عندك سالفة ....عادي يبا انفلها داخل
جراح: اي و الله صاج
سالم: عاد اليوم نبيها احلى فله
جراح: و لا يهمكم ....افا عليكم اليوم خوش فله راح اتكون عندي
طلال: انشوف
جراح: امشوا
الكل: يلا
المــــــــــــــــايك لكم

:ggdw::ggdw::ggdw:

 

[نبع الكون]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

شدعوة
ماكو ردووود

 

[♥«Sαяσσŋαн»™♥]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

شكرًا ع البارت

 

[5uO5a :*]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

kmlyyyy
up
up
up
rwaytich etynin ;*

 

[اكون او لا]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

يسلمو على الروايه الروعه
و البارت اينن

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البـــــــــــارت الرابع و العشرون
في بيت ابو سعد
ريان: يبا الاسعاف تحت
ابو سعد: دخلهم
دخل الاسعاف و حملوا احمد
ام سعد: يا ويلي يا ولدي
سعد: يما اهدي ....انشاء الله ما فيه الا العافية
وجه سعد الحديث لأبيه :يبا احنا راح نلحقكم
دخل ابو سعد سيارة الاسعاف
و توجه خلفهم سعد مع والدته و ريان
في مطار الكويت
مبارك: سحور انتي للحين زعلانة
لم تجبه سحر
مبارك: شدعوة حبيبتي عشان ردينا الديرة ....قلتلج انا مزهب لج مفاجاة
سحر: شنو المفاجأة
مبارك:اذا قلتلج عيل اشلون اتصير مفاجاة
سحر: اوكي لا اتقول ....اخر شي راح اعرف
مبارك: فديتها و الله
ابتسمت سحر ابتسامة خبيثة
في بيت ابو حمد
تحديدا في الصالة في الدور الثاني
ميهاف: مو جنه وجدان طولت
ريم: اي و الله صح
اتتهم وجدان و هي تلهث
وجدان: ييماا
توجهت لها ساره: بسم الله عليج اشفيج
ميهاف: شوي شوي عليها ....ما اتشوفينها المسكينة ياية تركض و ويها محمر
وجدان: جرييييييييييييئ
روان: اعترفي شنو اللي صار داخل
قالتلهم وجدان كل شي
ميار: هههههه لا الصراحة ما ألومج
ميهاف: الله يوفقج
الكل: امين
ريم: اشرايكم ايب حلو من تحت و انطالع فلم
وجدان: اي و الله وااايد يوعانة
ميهاف: بيي معاج
ريم: اوك
ذهبت ريم وميهاف
ميهاف: اقول ريم ممكن سؤال؟
ريم: قولي
ميهاف: انتي بينج و بين جراح شي
التفتت ريم لها
ريم: شنو انتي شقاعد اتقولين
ميهاف: اللي سمعتيه
ريم: لا ماكو بينا شي
ميهاف: اكيد
ريم: اكيدين
وصلوا للمطبخ
ريم: وييي نسيت فوني فوق .... ميهاف جنه الحلو حطوه في الثلاجة شوفيه ....على ما ايب فوني....اوك
ميهاف: اوك
ذهبت ريم
فتحت ميهاف الثلاجه
و فجأه
:بـــــــــــــــــــــــــــــــــــــــــو
قفزت ميهاف الى الورا و اغلقت الثلاجة
وضعت يدها على قلبها
ميهاف: بسم الله الرحمن الرحيم
التفتت ميهاف الى مصدر الصوت
ميهاف بتوتر: ههاذا ااانت
ظلت ميهاف واقفة في مكانها
: اانتي
ميهاف: انت شنو اللي يابك اهني
: لا تنسين ان بيت عمي
التفتت ميهاف لكي تخرج من المطبخ
مسك ذراعها بقوة
: لحظة
نظرت ميهاف الى يده الممسكه بها
ميهاف بعصبيه مكبوته:طلال وخر عني احسلك
طلال: ميهاف عطيني فرصة اشرح فيها كل شي
ميهاف بعصبيه: شنو تشرح....ها انك اغتصبتني و لا شنو ....كل اللي اقدر اقوله انك واحد سافل و حقير و واطي بعد
طااااااااخ
صفع طلال ميهاف
طلال: احترمي نفسج منو انتي عشان اتقولين اني واطي .....ما الواطي غيرج
تحسست ميهاف خدها
ميهاف: انت قد هالحركة.....انا اعلمك يا زفت
خرجت ميهاف مسرعة
مسكتها ريم
ريم: هدي ميهاف
حظنت ميهاف ريم
و اجهشت بالبكاء
ريم:هدي ميهاف.....و الله حاسة فيج
ميهاف: ليش انا اللي يصير فيني جذي ليش ....يعني مكتوب علي الشقى
ريم: لا تقولين جذي يا قلبي....هاذا اختبار من ربي يمتحنج فيه....ربي اذا احب عبد بلاه
ميهاف: و الله العظيم تعبت .....انا الحين عاله على عمي ابو حمد .....و اهو من الاساس لا يعرفني و لا شي ....و ظفني في بيته....تعبت تعبت
ريم: خلاص ميهاف.....يالله الحين مسحي دموعج....عشان البنات ما يحسون بشي...و اللي صار ما يطلع لاحد حتى البنات
مسحت ميهاف دموعها
ميهاف: ريم ممكن اطلب منج طلب.....بس بلييز لا ترديني
ريم: امري يا عمري.....و انشاء الله ما اردج
ميهاف: باجر انتي فاضيه ما عندج شي
ريم: اي يا قلبي فاضيه....بس ليش
ميهاف: باجر ابي اروح لمحامي
ريم: محامي ليش ؟
قالتلها ميهاف ليش تبي تروح للمحامي <<<مع الاحداث راح نعرف ليش
في الحديقة الخلفية
جلس طلال على الكرسي الذي في وسط الحديقة
طلال في نفسه: يا ربي انا شسويت ......بس و الله ما كان قصدي اني امد ايدي عليها .....بس احسن اهي اللي حدتني ....الشرها علي اني ابي اشرح لها كل شي ...بس معاها حق....انا اللي سويته فيها مو شوي ....زين انها ما دخلت غيبوبة و لا يتلها جلطة من اللي صار .... الله لا يوفقج يا سحر انتي اللي ضيعتيني و ضيعتي باجي الشباب ....بس ما اكون طلال ان ما دخلتج السجن و خليتج تندمين و الله راح تندمين.
: شنو اللي مقعدك اهني مو على اساس رايح توصيهم ييبون القهوة
استيقظ طلال من سرحانة على صوت سالم
طلال:ها اي كنت اكلم واحد من الربع....و نسيت عمري و قعدت اهني
سالم بشك: اي قلتلي اتكلم واحد من الربع ها...مو علينا طلال .....ما احد يعرفك كثري
طلال: طول عمرك كاشفني ....ما اقدر اخش شي عنك
جلس سالم بجانبه: قولي شفيك....شنو اللي مكدرك
وقف طلال: امش مو حلوة الشباب داخل و احنا اهني
سالم: اي و الله صاج....بس ها راح اتقولي كل شي
طلال: انشاء الله....قبل لا انسى اروح اييب القهوة لا احد يشك بشي
سالم: اوكي
توجه سالم للشباب و طلال للمطبخ
في الدوانية
حمد في نفسه: شنو اللي مغير لمار علي .....ما اتذكر اني زعلتها و لا شي...بس يمكن من النساة .....اي صح من النساة نفس لما كانت حامل بعبود<<<مسكين يا حمد على نياتك
: بابا بابا
التفت حمد لإبنه
وضع حمد ابنه بحضنه
حمد: نعم يا روح البابا
عبود:بابا اتقول عميمة وجدان راح يصير عندنا نونو يديد ....صج بابا
حمد بضحكة خفيفة:هههه اي بابا راح يصير عندنا نونو يديد
عبود: بس انا ما احب النونو اليديد
حمد: ليش يا بابا
عبود: بعدين تحبه اكثر مني ......و ينام عند الماما .....انا ابي انام عندك و عند الماما
حمد: حبيبي عبود.....احنا كلكم انحبكم مثل بعض .....و كلكم تنامون عندي و عند الماما
عبود: و انا احبك بعد بابا ...تشتريلي شريط بليستيشن يديد
حمد: خلاص يا قلبي باجر انروح و نشتري واحد يديد
اهز عبود برأسه
في احدى المقاهي
نفثت الدخان من انفها
: يا سلام على هالجو....مو جو الشغل اللي يضيق الخلق
:بسج من هالشيشة .....ما تشبعين انتي....و ترى الجو اهني مو مريح
:وسمية يا ليت تسكتين و تكرمينا بسكوتج....اليوم حدي رااايقة و ما ابي اي شي يخرب مزاجي و اللي يعافيج سكتي
وسمية: سعاد امشي نطلع ....الجو اهني يلوع الجبد....شِوفي نظرات الشباب مو مريحة
سعاد: شفيهم الشباب ياحلاتهم....و انتي مالج شغل فيهم....يطالعون اللي يطالعونه
و نفثت الدخان مرة اخرى
وسمية: انتي ما ينفع معاج الكلام
سعاد: اقول اطلبلج شيشة تعدل مزاجج
وسمية: لا يا معودة انا ما اشرب هالاشياء
سعاد: كيفج
اتتهم شلة شباب تتكون من 3
الاول: يا ليت انا اللي تشربيني
وسمية: افففففف
الثاني: شفيه الحلو زعلان
لم تجبه وسمية
الثالث: عطنا ويه يا قمر
سعاد: خلها عنك حياكم حياكم
جلسوا الشباب على الطاولة
الثاني : ما تعرفنا يا حلوين
سعاد: انا اسمي مشاعل
و اشارت على وسمية
سعاد: و هاذي اسمها رغد
التفتت عليها وسمية بصدمة
نظرت اليها سعاد بنظرة برود
الكل: عاشت الاسامي
سعاد: عاشت ايامكم
الاول: الا مشاعل شفيها رفيجتج....شكلها مالها خلقنا...احنا انقوم احسن
سعاد بسرعة: لا لا شدعوة....ما عليكم منها اهي اليوم ما ادري شفيها
الاول: انا اسمي معاذ و هاذا اسمه محمد و هاذا منصور<<< محمد يكون الشاب الثاني و منصور الشاب الثالث
امد منصور كرت لسعاد
منصور: هاذا رقمي و اي شي تحتاجينه ما يرد الا السانج
اخذت سعاد الكرت: و لا يهمك....راح اذيك....و ممكن بعد رقم ربعك
اخذ منصور كرت محمد و معاذ
منصور: تفضلي و هاذا ارقامهم
سعاد: مشكور ما تقصر
كان محمد جالس بجانب وسمية
و تحسسها
قفزت وسمية بعصبيه: هي انت يا اللي ما تستحي على ويهك يا قليل الادب....يا عل ايدك الكسر
سعاد: وسم اااارغد شفيج....قصري حسج فضحتينا ...الناس كلهم يطالعونا
كل الناس تلفتت عليهم
محمد: شفيج يا معودة ما سوينا شي
وسمية: يا حقير انجعم
وقفت سعاد : هدي قولي لنا شنو اللي صاير
وقفت وسمية
وسمية: انا ماشية
ركضت خلفها سعاد و مسكتها من يديها
سعاد: فهميني شنو اللي صاير ....سوالج شي
وسمية:خلج مع الخمة هذول....مع السلامة
ذهبت وسمية
سعاد في نفسها: اخليها لين تهدى بعدين اكلمها ....الله العالم هالحقير شمسوي
رجعت سعاد للطاولة
سعاد: السموحة منكم قلتلكم اليوم مزاجها ما ادري شفيه
معاذ: مسموحة ....بس رفيجتج ما كان له داعي اتصارخ و تفضحنا ....محمد كان يعدل من قعدته و بالغلط لمسها.....و اهي سوت من الحبة قبة
جلست سعاد: مالنا شغل فيها .....انكمل سهرتنا احسن
منصور: على قولتج انكمل السهرة .....السهرة للحين بأولها
سعاد
العمر: 27
الشهادة: تجاري
الحالة الاجتماعية: عازبة
وسمية
العمر:27
الشهادة: تجاري
الحالة الاجتماعية: عازية

مر اليوم كامل بأحداثه
اليوم الثاني
في بيت ابو وليد
وليد: الا يبا....نسيت اقولك ان احمد بالمستشفى....و اليوم انشاء الله انا و الشباب بنزوره
ابو وليد باستغراب: بالمستشفى عسى ما شر
وليد: ما شر....ريان يقول ان امس طاح عليهم و انقلوه بالاسعاف
عبير: الله يستر
ام وليد: امين
عبد الله: وليد انا راح اروح له اليوم بعد المغرب....انت متى بتروح
وليد: انشاء الله اذا خلصت جم مشوار.....مريته
عبد الله: اها
ام وليد: الا صج امس كانت خطبة وجدان
اتفت عبد الله بصدمة : شنـــــــــــــــــــو؟
ابو وليد: شفيك انصدمت
وقف عبد الله و خرج من البيت مسرعا
اتصل عبد الله على جراح
جراح: الووو
عبد الله بعصبية: يا الجلب ليش ما قلتلي ....و هاذا انت رفيج عمري تخش علي
جراح: شوي شوي علي .... شنو اللي خشيته عليك و ما ادري شنو
عبد الله: لا يعني اتسوي عمرك ما تدري
جراح: و الله ما ادري عن شنو تتكلم
عبد الله: عن خطبة اختك يا استاذ جراح
تلعثم جراح
عبد الله: اشوف ما رديت و لا قلت شي
جراح بتوتر: اانا ككنت بقولك بس بس بس نسيت
عبد الله: نسيت ها...و هاذا و انت رفيج عمري
جراح: هد هد....ما صار الا كل الخير ....انا الحين امرك و اقولك كل شي
عبد الله: انطرك
اغلق عبد الله الهاتف
عبد الله في نفسة: اشلون انا اخر من يعلم ....هاذي بنت عمي و انا اولى من الغريب .....ما احد راح ياخذها غيري....انا الغلطان من الاول ما اعترفت اني احبها....افففف ما ادري شسوي

 

[اكون او لا]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

يسلمو عالبارت
صراحه من الاول تمنيت جوجو لعبود

 

[♥«Sαяσσŋαн»™♥]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

شكرًا ع البارت الحلو

 

[ADMNT_7BK]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

يسلمو على الروايه الروعه
و البارت الحلوه

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البـــــــــــــــــــــارت الخامس و العشرون
في بيت ابو فيصل
الساعة: 11.6 الظهر
استيقظت ميار من نومها
فتحت ميار الموبايل
كان 5 مس كول
و مسج واحد
المس كول 2 من سارة و 3 من لولوة
المسج من وجدان
محتوى المسج
( ميور اذا قعدت من النوم كلميني ....اي و على فكرة يمكن اليوم انزور احمد بالمستشفى )
قفزت ميار من مكانها
و اتصلت على وجدان بسرعة
وجدان: الووو
ميار: بسرعة قوليلي شفيه احمد
وجدان: ويت ويت .....ما ادري شفيه
ميار: شنو يعني ما تدرين شفيه
وجدان: سمعت امس امي اتقول احمد انقلوه المستشفى بالاسعاف بس ......طاح عليهم....و شنو فيه بالضبط ما ادري
ميار: منو اللي بيزوره
وجدان: انا و امي و يمكن ابوي....و الكل اكيد راح يكون موجودين
ميار: اوك متى راح تمشون قوليلي...اوك
وجدان: اوك....لا تحاتينه انشاء الله مافيه الا العافية
ميار: انشاء الله .....يلا الحين اخليج توني قاعدة من النوم و من شفت المسج اخترعت....باي
وجدان: باباي
ميار في نفسها: لازم اليوم اروح ازوره....و اعرف شفيه...ااه يا قلبي عليك يا احمد
دخلت فرح مسرعة
ميار: بسم الله الرحمن الرحيم....في احد يدخل بهالطريقة
فرح: سمعتي اخر خبر
ميار: شنو
فرح:احمد
قاطعتها ميار: في المستشفى ندري
فرح: و انتي شدراج....مسرع
ميار و هي تتجه الى دورة المياه( و انتوا بكرامة)
ميار: وجدان دزتلي مسج
فرح: و جوجو على طول قالتلج
اطلت ميار برأسها من خلف الباب
ميار: ما تخش عني شي
خرجت فرح من الغرفة
و توجهت الى غرفتها
رمت نفسها على سريريها
و بدأت باسترجاع حديث روان
روان: من حقج....اخذي وقتج....بس لا تنسين لو تفرين الدنيا كلها ما راح تلقين احد يحبج كثر اخوي و شاريج....بس اتمنى انج ما تخيبين املي و تكسرين قلب اخوي
فرح: ماجد ريال و شايل عمرة ....و يقدر يفتح بيت ....و غير جذي يحبني ...ِشأبي اكثر من جذي
و ظلت فرح تفكر في موضوع الزواج
و اتخذت قرارها

في بيت ابو وليد
رن هاتف عبد الله
عبد الله: الوو
:اطلع انا برا
عبد الله: يلا ويت
و اغلق هاتفه
خرج عبد الله من البيت
و ركب سيارة جراح
و اغلق الباب بقوة
جراح: شوي شوي على السيارة
التفت عليه عبد الله بعصبية: تاكل تبن ....و تفهمني كل شي
جراح: اكل تبن ها....دور احد يفهمك كل شي
صرخ عبد الله :جراااااح
جراح: شنو اللي جراااح
عبد الله: ليش ما قلتلي ان يايين خطاب حق اختك
جراح: ما كنت ابي اضايقك
عبد الله باستهزاء: لا و الله ما تبي تضايقني....انت بسكوتك هاذا ضايقتني ....انت تدري اني انا ابي اختك و احبها....بس انت
قاطعة جراح: ادري ....بس ابوي عطى الريال كلمة ...ووو لحظة لنفترض اني قلتلك شنو اللي راح اتسويه
عبد الله: اي شي اي شي...حتى لو اروح اخطبها من عمي
جراح: و تتوقع ابوي بيوافق تخطبها و هي مخطوبة من الاساس
عبد الله : ما ادري ما ادري....الا صج شسم الحقير الي خاطبها
جراح: تعرف سعود ال..
التفت عبد الله بصدمة: انت من صجك
جراح: اي من صجي
عبد الله: هاذا مو ابوه عدونا ...و بالاخص عدو عمي...شاللي غير
جراح: علمي علمك
عبد الله: شنو اللي علمي علمك....شنو اللي خلى عمي يوافق
جراح: كل اللي اعرفه انهم تصالحوا... وردوا حبايب
عبد الله: حلوة هاذي ردوا حبايب ...و الله اني حاس ناوين على شي
جراح: انا مثلك ...مو مرتاح لهم...و اذا قلنا لابوي ....قعد يجعمنا
عبد الله: انزين الحين شنسوي....انا ابي اختك و انت تعرف هالشي
جراح: و الله ادري ادري....بس ما باليد حيلة
عبد الله: يعني خلاص راحت مني
جراح: تقدر تقول جذي
مسك عبد الله رأسة
عبد الله: مستحيل تروح لغيري....انا من باجر بروح اخطبها
جراح: تتغشمر مو
عبد الله : لا ما اتغشمر....بارج بروح و اقول لعمي اني احب بنتك و بتزوجها
جراح: لا حلوة احب بنتك و بتزوجها
لم يجبه عبد الله
جراح: انصحك لا تخطي خطوة و بعدين تنصدم
عبد الله: اسوي اللي اسوي .....و ما احد له شغل فيني
جراح: اوك مالي شغل فيك

انزور بيت اول مرة انزوره
بيت ابو وسمية
سعاد: وسوم لا تحقرين جذي....لا تطفريني
وسمية: شاللي يابج اهني ....قلتلج خلج مع الخمة
سعاد: بتقولين و لا اشلون
وسمية: تبين تعرفين
سعاد: اكيد
وسمية : هاذاك الخرا اللي اسمه محمد لمسني ....ولد الجلب....عاد انتي فهميها
سعاد بصدمة : تحسسج
وسمية: اي
سعاد: خرا عليه و على ويهه
وسمية: لما قلتلج نطلع ما رضيتي
سعاد: انسي
وسمية: انسى انسى
سعاد: وسمية....ابيج تعرفين شي...صح ان انا من شقة لي شقة ومن حضن ريال لي ريال....و حياة وصخة ....بس مستحيل ارضى عليج بالغلط....و مستحيل اتكونين نفسي
وسمية : يا ما نصحتج و قلتلج تركي كل اللي اتسوينه...بس انتي مو راضية....ودي اعرف السبب ليش
سعاد: ما اقدر اقولج....و الله ما اقدر
وسمية: انتي مو رفيجتي ....و من عمر بعد.....فتحيلي قلبج....قول شنو مضايقج
سعاد: يا خوفي اقولج ....و بعدين تطالعيني بنظرة احتقار
وسمية: قولي ....و واعدج ما اتغير عليج
وسمية: سمعي قصتي
نرجع الى الوراء قبل 11 سنة
بعصبية: انتي شنو ما تفهمين ....بنتج ما راح اتشوفينها....بعد شنو بعد ما حملتي من غيري و انتي على ذمتي...و لما ابوها ما اعترف فيها حذفتيها علي ....و رحتي مع حبيبج اليديد
:....................
: سمعي .....حمدي ربج اني ما وديت بنتج دار الايتام.... انتي وحدة خاينة و بنتج بنت حرام
:.....................
:قلتلج ما راح اتشوفينها....بنتج الحين شايلة اسمي .....و ردي مكان ما ييتي يا الفاجرة
و اغلق الهاتف
خلف الباب
سعاد: انا شنو اللي قاعدة اسمعه....منو يقصد ابوي ....و منو هاذي اللي يقولها يا الفاجرة و ما ادري شنو
دخلت سعاد المكتب
سعاد: يبا
اتجه ابو سعاد لها و سحبها من شعرها
سعاد ببكاء: لاااا يبا ....يبا شنو اللي بتسويه .....اااااااي يبا عورتني....ااااااي
و ظلت تبكي و تصرخ
و لم يعر لها اهتماما
سحبها حتى وصل الى سلم البيت و حذفها
سعاد بصراخ: ااااااااااااااااااااااااي
اتجه ابو سعاد مرة اخرى لها و سحبها من شعرها و اخرجها خارج البيت
كان الجو شديد البرد و رشرشة المطر
تطرق سعاد الباب بقوة
سعاد: يبا يبا افتح الباب .....حرام عليك يبا ....انا بنتك يبا
فتاة بعمر الزهور خارج البيت في الظلام في هذا البرد لا يغطيها غير لبس المنزل
و ترتجف من البرد و تحاول مرارا و تكرارا و هي تطرق الباب و تنادي ابيها صاحب القلب القاسي و تبكي بشدة ان يفتح لها باب المنزل لتحتمي بداخلة ,بذلت كل طاقتها و لم تأتي بأي نتيجة , اين تذهب وسط هذا الظلام وسط البرد القارص , الى من تلتجأ , من سيعطف عليها , هذا ابيها و لم يشفق قلبه على عليها،وقفت و انزلت رأسها و بدأت بالسير على الرصيف و الشارع خالي من السيارات, لا يجد احد في وسط هذا الظلام في ساعة متأخرة من الليل , ظلت تسير و تسير حتى وصلت الى منتصف الشارع الرئيسي , تكورت على نفسها و اجهشت بالبكاء
الرجل: لو سمحتي فيج شي
رفعت رأسها و رأيت ذلك الشاب صاحب الوجه المريح
سعاد: انا انا ضايعة
الشاب في نفسه: و الله خوش بضاعة
الشاب: اوديج بيتكم
اهزت سعا برأسها دلالة على النفي
سعاد: ابوي طردني من البيت
و بدأت بالبكاء
الشاب: خلاص هدي هدي....امشي معاي ....انا راح اوديج عند خواتي...راح يستانسون عليج
سعاد: لا ما ابي احد
الشاب: شلون ما يصير تقعدين اهني....الجو وااايد بارد....و شوفي شكلج...تغرقتي من المطر....صدقيني خواتي راح يستانسون عليج....انا ما عندي الاى اختين
سعاد في نفسها: ماكو الا اروح معاه....و باجر اخليه يوديني البيت .....الصبح ابوي ما يكون موجود
اهزت سعاد برأسها دلالة على الموافقة
الشاب: عيل يلا ركبي السيارة
ركبت سعاد السيارة بالخلف
و لملمت نفسها
و الشاب يناظرها بنظرات خبيث
الشاب: ما قلتيلي شسمج
سعاد: اسمي سعاد
الشاب: و انا اسمي سامي
وصلوا الى احدى العامارات
نظرت سعاد الى المكان بخوف
سعاد: احنا وين
سامي: الحين راح ندخل الشقة .....و راح تحبين خواتي
سعاد: اوك
نزلوا و اتجهوا نحو احدى الشقق و دخلوا
نظرت سعاد الى الشقة الفخمة بتعجب
سامي: رانيا .....لمى
اتتهم لمى
لمى: شو فيك ....لشو صوتك طالع....و مين هي
طبعا رانيا و لمى لبنانيات و يتكلمون نص لبناني و نص كويتي
غمز لها سامي
سامي: لمى هاذي سعاد ....َضيفة عندنا يديدة
فهمت عليه لمى
لمى: ولك الحين و سهلين....تو ما نورت الشئة
سامي: اهي شوي تستحي ....الا صج وين رانيا
لمى: رانيا جوا....مع جوزها
سامي: اها.....حياج سعاد قعدي
جلست سعاد و اهي تنظر اليهم باستغراب
سامي: لمى ابيج شوي
لمى: اي هلا جاية
ذهب سامي و لمى الى احدى الغرف
سامي : سمعي ابيج اتكونين معاها حنونة ....و ما تعرف عن شغلنا اي شي ....لين نكسب ثقتها و بعدين انخليها وحدة منا و فينا ....و من باجر تروحين السوق و تشترين لها ملابس و لا تنسين بعد ملابس سهرة ....بس ها ما تدري عنهم....مثل ما قلتلج لين نكتسب ثقتها
لمى: و لك مو على عيني....اصلا هي كتيير مناسبة
سامي: ادري... لو مو مناسبة جان ما يبتها.....و رانيا للحين مع الزفت هاذاك
لمى: انت شو عليك منهون....خلهن مبسوطين
سامي: سويلنا عصير
لمى: اوكي
خرج سامي و توجه للصالة و تجهت لمى للمطبخ
سامي: تو ما نور البيت يا سعاد
سعاد بصوت منخفض: منور بوجودك
سامي: لا تستحين يا سعاد....احنا مثل اهلج
اتتهم لمى
لمى:تفضلي العصير
سعاد: مشكورة ما ابي
لمى: لا شو ما بدك...انا عاملتن بيديا
اخذت سعاد العصير و ارتشفت رشفة واحد ووضعته على الطاولة التي امامها
لمى: انتي كم عمرك
سعاد: 16 سنة
لمى: العمر كلو
سعاد: وياج
و اخذتهم الاحاديث مع بعض
حتى خرج شخصان من احدى الغرف
شاب: يلا سلام اشوفكم الاسبوع الياي
الكل: مع السلامة
و خرج الشاب
نظرت اليه سعاد باستغراب
رانيا: هي مين سامي
سامي: ضيفة....راح تقعد عندنا جم يوم
رانيا: اها
و بدأ كل منهم الاندماج مع بعض
وسمية: كملي ....و بعدين

سامي: سمعي سعاد اليوم راح اتكون اهني في الشقة حفلة.....و ابيج تلبسين و تتكشخين .....عشان تعجبين زبايني
سعاد: اعجب زباينك...انت شقاعد اتقول
سامي: تنفذين كل اللي اطلبه منج ....لا و الله اقطج بالشارع مثل ما قطج ابوج....و الحين روحي للمى اتسنعج و اتكشخج
سعاد: بس انا ما ابي
مسح سامي على خدي سعاد
سامي: مو بكيفج يا حلوة...بتلبين كل اللي اطلبه منج.....و لا و الله نهايتج على ايدي....يلا الحين فارجي
ذهبت سعاد لغرفة لمى
طرقت الباب
لمى: ادخول
سعاد: لمى .....يقول سامي اتزهبيني عشان الحفلة
سعاد في نفسها: خلاص سعاد لازم ترضين بالامر الواقع ....يا جذي او جذي ما احد راح يدري عنج .....اذا ابوج اللي اهو ابوج طردج ....بعد مو ابوي الصجي ...زين منه ان تحملني 16 سنة ....لازم ترضين انتي اليوم راح تدمر حياتج و اتصيرين رخيصة
لمى: آلك سامي شو بدك تعملي
سعاد: اي
لمى: مو تفشلينا ئدام الزباين
لم تجبها سعاد
لمى: انتي هلأ فوتي تحممي
سعاد: اففف زين
لمى: و ليش عم تئوليها هيك
سعاد: و لا شي
دخلت سعاد دورة المياه( و انتوا بكرامة )
و توجهت لمى الى غرفة رانيا
لمى: انتي لساتك ما خلصتي
رانيا: عم بطلع اواعيي
لمى: ازا طلعت هي اللي ما بتتسمى ....انتي زبطيها ....انا مالي خلئ الها
رانيا: حرام عليك....لساتها صغيرة ....حرام اتصير متلنا
لمى: هي شو بتفرء عنا .....هي مانها احسن منا...و تعي لك هون نحن شو فينا ....هي الحمد الله بناكل و بنشرب و كمان بنلبس ....و غير هيك بنطلع مصريات ما احد بيطلع متلنا
رانيا: و الله ما بعرف شو بدي ئول
لمى: لا تئولي اي اشي
و بعد ربع ساعة خرجت سعاد
سعاد: انا خلصت
لمى: رانيا هي اللي بتزبطك
رانيا: تعي هون حبيبتي
خرجت لمى
سعاد: رانيا بلييز الله يخليج انا ما ابي اصير مثلكم رخيصة ....و الكل يلمسني...الله يخليج طلعيني من اهني
رانيا : حبيبتي مكتوب لإلنا هي الحياة.....ما فينا نطلع من رحمة سامي و رفئاته
....و يالله هلأ تعي ازبطك
و بدت رانيا بالعمل على سعاد
و بعد القليل من الوقت
انتهت رانيا
رانيا: طالعة بتجنني
سعاد: مشكورة
دخل سامي
سامي: يلا الضيوف موجودين....ها سعاد ما اوصيج
لم تعره سعاد اهتماما
سامي: يلا رانيا
رانيا: يلا هلأ جايين
خرج سامي
رانيا: امسكي حالك
سعاد: اوك
خرجت رانيا و سعاد
انصدمت سعاد من المناظر التي تراها
صوت الموسيقى الصاخبة
و الانوار الخافته
و الشباب مع الفتيات
و الكؤوس المملوئة
رانيا: يلا مع السلامة
و توجهت رانيا الى احدى الشباب
و كانت هناك انظار تراقب سعاد من اول ما خرجت من الغرفة
:ها ناصر عجبتك
ناصر: شكلها جذي...بس مو جنها صغيرة
لم يعر سامي اهتماما لسؤاله
سامي: عاد ها هاذي غير سعرها غالي....ماكو شي ببلاش
ناصر: و انا من متى ما ادفع لك
سامي: ترى ما تتطوف....توها بنت ....لحق لا ياخذها احد غيرك...الغرف كلها امزهبينها
ناصر: حلو....لا تنساني من دعواتك
سامي: الله معاك
توجه ناصر الى سعاد
ناصر: سلام عليكم
التفتت سعاد اليه بخوف
سعاد: ووعليكم السلام
سعاد: شكل ويهه سمح...و مسجين و على نياته......لا لا كلهم مثل بعض....يا علهم السجاجيين اللي تقطع مصارينهم
ناصر: انا اسمي ناصر و انتي؟
سعاد: سعاد
ناصر: حلو اسمج ...عاشت الاسامي
سعاد: عاشت ايامك
ناصر: تدرين انج حلوة...لا مو بس حلوة الا قمر
سعاد: مشكور
ناصر:ولو العفو....اشرايج انروح للغرفة....ناخذ راحتنا هناك....احسن من جدام الكل
سعاد:لا لا لا
حضنها ناصر من اكتافها
احست سعاد بقشعريرة تسري بجسدها
ناصر: ليش يا حلو ....معقولة تحرميني من هالجمال
ابتعدت سعاد قليلا عنه
ناصر: لا تخافين صدقيني راح تسنانسين....و اذا عشان الحلاوة.... لج اكثر من الكل بمرتين
سعاد: ماابي ماابي
ناصر: سااامي
سامي: عن اذنج شوي يا روحي
توجه سامي لناصر
سامي: خير شفيك
ناصر: تفاهم معاها....لا و الله ما اعطيك و لا فلس....و انت تدري شنو ممكن اسوي
سحب سامي سعاد من ذراعها
سامي: يا الجلبة انا شنو قايل لج
سعاد: مو بكيفك تمشيني
سامي: لا تحديني اسوي شي ما يعجبج
سعاد: شنو اللي ممكن اتسويه
سامي: انت تعرفين شنو ممكن اسوي....اذبحج و اقطج للجلابه....هاذا احسن زبون و ما نبي نخسره.....انتي ما تفهمين....اذا خليتيه يكيف على الاخر .....راح يعيشج ملكة
استسلم سعاد للأمر الواقع
فتاة بعمرها ماذا ممكن ان تفعل
توجه سامي و سعاد الى ناصر
سامي: السموحة منك ناصر ....توها يديدة و ما تعرف شي...فهمتها شنو اللي اتسويه
ناصر: لا عادي
سامي: يلا عن اذنك
ناصر: اذنك معاك
اقترب ناصر من سعاد و قبلها على خدها
ناصر: ها يا حلوة زاهبة
بلعت سعاد ريقها : اي اي
مسكها ناصر من الخلف
ناصر: راح اخليج تستانسين على الاخر
دخلوا الغرفة
و حملها ناصر و وضعها على السرير
ناصر: عاد اليوم مزاااجي و لا اروع
بدأت دموع سعاد بالسير على خديها
مسحت دموعها بسرعة
بدأ ناصر بالانحناء عليها
و مسح على خديها
سعاد: لا لا الله يخليك لا اتسوي اي شي لا تكفى لا
ناصر بتأفف: افففف ردينا ....قلتلج لج الحلاوة مو بمرتين الا اربع .....ِتبين اكثر من جذي
سعاد: انا انا ما ابي لا فلوس و لا شي.....بس خلني بروحي
اقترب ناصر اكثر: مو بكيفج....مو ناصر اللي تنكسر كلمته....انتي دخلتي مزاجي اليوم
حاولت سعاد الابتعاد عنه و لكن كان اسرع منه و مسك يديها
ناصر: انتي اليوم لي يعني لي
اقترب اكثر فأكثر
ناصر: اووووش ....صدقيني راح اخليج تستانسين و انتي اللي تطلبين اكثر
سعاد: انا ما ابي اشي....لا انت و لا غيرك
ناصر بعصبية ارعبت سعاد
ناصر: سمعي يا حقيرة لما اقول كلمة تسكتين و تمسكين لسانج .....و تلبين اللي اطلبه
اقترب اكثر
استسلمت سعاد للامر الواقع
وسمية بصدمة: كل هاذا صار و ما قلتيلي
دمعت عيني سعاد
سعاد: شقولج اني وحدة وصخة .....انا الحين ادري شنو نظرتج لي
وسمية بسرعة: لا لا صدقيني نظرتي ما راح تتغير لج
حضنتها وسمية
وسمية : انتي رفيجتي و بير اسراري
المــــــــــايك لكم

 

[توتا كويتيه]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

حرام كسرت خاطري سعاد الله لا يبلانا

مشكوره قلب ناطريج

 

[الزهور الجبلية]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

عجبني البارت لان طويل وفهمته
قلبي لما تكتبين البارت حاولي يكون طويل مثل اليوم عسب نندمج مع الاحداث

 

[الزهور الجبلية]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

عوااااااااافي قلبوشه
تقبلي مروري الزهور الجبليه عاشقة البنفسج بجميع درجاته

 

[الزهور الجبلية]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

اب اب اب اب اب
لعيـــــــــــــــــــــون
نبـــــــــــــــــــــــــــــــــــــــــــــــــــــع الكـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــون

 

[♥«Sαяσσŋαн»™♥]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

حرام كل هذا صار بسعاد او توها تقول حق رفيجتها مسكينه
شكرًا ع البارت

 

[اكون او لا]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

يسلمو ع البارت روعه

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البـــــــــــــارت السادس و العشرون
سامي
العمر:29 سنة
الشهادة: ثانوي
الحالة الاجتماعية: اعزب

رانيا
العمر:27 سنة
الشهادة: متوسط
الحالة الاجتماعية: عازبة

لمى
العمر: 26سنة
الشهادة: ثانوي
الحالة الاجتماعية: عازبة

ناصر
العمر: 26 سنة
الشهادة: ادارة اعمال
الحالة الاجتماعية: اعزب

في بيت ابو حامد
: هي انتي
التفتت اليه
: تحاجيني
: اي يا سعاد النسرة
سعاد: منو النسرة
: انتي....وين كنتي
سعاد: احترم نفسك لا و الله .....اطردك من البيت....لا تنسى ان هاذا البيت بيتي ....ابوك قبل لا يموت كتبه باسمي
:صج وحدة حقيرة
سعاد:اسمع يا سلطان....عدل اسلوبك معاي ....لا و الله انت وخواتك برا البيت
توجهت سعاد لغرفتها
: قايلين لك مالك شغل فيها
سلطان: اميرة انتي تدرين شنو اللي صار بسببها....امي ماتت بجلطة لان ابوج تزوج هالحقيرة عليها
اميرة بحزن: ادري سلطان....بس شنو بايدنا انسوي....ابوك الله يرحمه سجل البيت باسمها و زين منها ما طردتنا
سلطان: بس لازم انسوي اي شي
اميرة: ما نقدر انسوي اي شي ..... الله كريم
اطلق سلطان تنهيدة
سلطان: الله كريم
في غرفة سعاد
سعاد ببكاء: يا ربي شنو اللي قاعد يصير .....ليش انا بالذات جذي....ابي اتغير....ابي احد يساعدني....الكل تخلا عني....ناصر و حمد و ابوي اهو السبب بكل شي اهو السبب....عمري ما راح اسامحه ما راح اسامح لا ابوي و لا امي ....انا شنو ذنبي اذا كنت نتيجة غلطة شنو ذنبي
استمرت بالبكاء
و اخذت ذاكرتي يوم تعرفها على ابو سلطان
يبلغ ابو سلطان من العمر 66 سنة
و عمر سعاد 25 سنة
سامي: سعااااد
اتته سعاد بنفس خايسة
سعاد: شتبي
سامي: تحجي معاي عدل تفهمين
سعاد : نعم
مد سامي لها بعض من المال
سامي: هذول 700 دينار احسابج لهالشهر
سعاد: نعم 700 بس
سامي: عيل جم بالله
سعاد: 100
سامي بصدمة:1000
سعاد: اي 1000...لا تنسى ان هالشهر باليومين مرتين
سامي: اي و هاذا حسابج
سعاد: شوف انا مو رانيا و لا لمى عشان تضحك عليهم....تاخذ نص الفلوس لك
سامي: بتاخذن هذول غصبن عنج
سعاد: يا 100 يا اشتغل عند ناس ثانين ....و انت تعرف اني اطلع بالشهر اكثر من 700.....مو يعني سكت لك طول هالمدة تضحك علي لا يا بابا
سامي: هاج هاذي 1000
اخذتهم سعاد: اي خلج جذي ....احسب عدل مرة ثانية
و ذهبت لغرفتها
طرق الباب
سعاد: تفضل
رانيا: انا سمعت حكيكون انتي و سامي
رمت سعاد نفسها على السرير : و يعني
رانيا: انتي ما بتعرفي سامي...انتي كسرتي كلمته ....ما بتعرفي شو ممكن يساوي
سعاد: يسوي اللي يبيه ....ما همني
رانيا: انتي حره.... ترووحي معي انا و لمى المول
سعاد: لا مو محتاجة اروح ....عندي ملابس واايد ما لبستها
رانيا: اوك ....باي
سعاد: باي
وقت السهرة
خرجت سعاد بأحلى حلة
لفتت انظار جميع المتواجدون
توجه لها رجل كبير يبلغ من العمر 64
: هلا و الله بالزين
سعاد في نفسها: افففف شهالريحة...ما عليج سعاد من ريحته....ِكلها فلوووس...اكسبية
سعاد بدلع: هلا حبيبي
:يا ويل قلبي....انا حبيبج
بدأت سعاد بالعب بأزرار قميصه: اي حبيبي و روحي بعد
: لا انا جذي اذوب
سعاد: ما قلتلي شسمك يا حلو
ابتسم الرجل و بانت اسنانه الصفراء و رائحة فمه الكريهة<<و انا اكتب لاعت جبدي
: اسمي نادر و ينادوني ابو سلطان
سعاد: لا شنو ابو سلطان...توك شباب و تهبل بعد ....ندوري احلى<<انا اشهد هههههه
ابو سلطان: ما اقدر اقاوم هالزين
سعاد: و انا ما ابيك تقاوم
سحبت سعاد ابو سلطان و دخلوا الغرفة
و اكتملت السهرة
استمرت علاقة ابو سلطان مع سعاد سنة
حتى اتى ذلك يوم
اتصل ابو سلطان على سعاد
ابو سلطان: هلا و الله بالحلو
سعاد بدلع: هلا فيك حياتي
ابو سلطان: وينج يا روحي <<مو لايقة الرومانسية وييييع
سعاد: توني طالعة من المول
ابو سلطان: حياتي ابي اكلمج بموضوع مهم....انتي بأي مول راح اييج
سعاد: خلاص تعرف ستار بكس الدعية ....تعال هناك
سلطان: خلا يا عمري ....شوي و اكون عندج
سعاد: اوكي باباي
ابو سلطان: سلام
في ستار بكس
سعاد جالسة و تنتظر ابو سلطان و الافكار تدور برأسها
سعاد في نفسها: يا ربي شهالموضوع اللي يبيني فيه....لي هالدرجة مهم....اي اي اكيد مهم
: سلام
استيقضت من افكارها عل صوت ابو سلطان
جلس ابو سلطان امامها
سعاد: تو ما نور الكوفي
ابو سلطان: بوجودج يا حياتي
سعاد: شنو الموضوع حبيبي اللي تبيني فيه
ابو سلطان: مو اول شي نطلب قهوة لج
سعاد: اوكي
انادى ابو سلطان الجرسون
و طلب 2 نسكافيه
ابو سلطان: حبيبتي الموضوع اللي ابيج فيه وايد مهم
سعاد: شنو؟
ابو سلطان: انتي تحبيني و انا احبج<<يا الثقة
سعاد: اي حياتو
ابو سلطان: تتزوجيني
تلعثمت سعاد من الصدمة
ابو سلطان: تتزوجيني
ابتسمت سعاد: اكيد حبيبي....انا ودي اكون طول العمر معاك....ما ابي افارقك و لا لحظة
ابو سلطان بفرح : عيل الملجة باجر
سعاد: مو جنه مبجر
ابو سلطان: لا مبجر و لا شي....مادام احنا نحب بعض ليش انطول.... خلاص باجر يعني باجر
سعاد في نفسها: برافو عليج يا سعاد ...راح تتزوجين و تفتكين من رحمة سامي....و هاذا عود جم سنة و يفنقش برافو عليج برافو
مر اليوم التالي
و تزوج ابو سلطان سعاد
و سافروا شهر عسل
<<<هاذا ويه شهر عسل لوووول
ابو سلطان: تفضلي يا عروس
نظرت سعاد الى البيت الفخم بتعجب
ابو سلطان: عجبج البيت
سعاد: وااااايد
ابو سلطان: شفتي هاذا الحلال كله بأسمج سجلت كل شي بأسمج
التفتت عليه سعاد: صج حبيبي
ابو سلطان: اي يا روح حبيبج
: يبا منو هاذي
ابو سلطان: تعالي اميرة سلمي على عمتج
اميرة باستغراب:عمتي
ابو سلطان: اي عمتج....ٍعاد اتكون زوجتي
اميرة بصدمة: شنوووو.....هاذي الجلبة زوجتك
ابو سلطان بعصبية: اي زوجتي .....و مرة ثاية ما ترفعين حسج علي
سعاد: حبيبي عشاني لا اتصارخ عليها
ابو سلطان : عشانج
صعدت الى فوق اميرة و هي تبكي
ام سلطان: شفيج يمه
لم تجب ام سلطان و توجهت الى غرفتها
طرقت ام سلطان الباب: يما امور حبيبتي ....بطلي الباب ....عشان امج يا قلبي
بعد محاولة من ام سلطان لم تلقى اي رد
نزلت ام سلطان تحت
نظرت اليهم باستغراب
ام سلطان: ابو سلطان منو هاذي
التفت عليها ابو سلطان: هاذي زوجتي
تصنمت ام سلطان بمكانها
و بكت بشدة: سويتها يا الظالم سويتها و تزوجت علي تزوجت
اتى سلطان مسرعا بعدما سمع صوت امه تصيح
سلطان: شفيج يما
ام سلطان: الله لا يوفقك انت و هالحية
سلطان: يبا منو هاذي
ابو سلطان: زوجتي سعاد
سلطان:شنووو....زوجتك
ابو سلطان: اي زوجتي ....و عمتك و تاج راسك
سلطان بعصبية: تخسي
ام سلطان: بس بس بس يما
طااااااااااااااااااااااخ
سلطان :يمااااااااااااااا
نزلت اميرة على صوت سلطان
امير ببكاء:يما يما يما قومي قومي
و بدأت اميرة تحركها
اتاها ابو سلطان بسرعة
ابو سلطان: اتصل على الاسعاف
سعاد واقفة لا تدري ما الذي تفعلة
اتى الاسعاف
و حملوا ام سلطان
و توجهوا الى المستشفى
و انتشر خبر وفاة ام سلطان
و بعدها بشهر توفي ابو سلطان<<صج قبسة لووول
استيقضت من افكارها على صوت الفون
وضعت الفون على السايلنت
و نامت

سلطان
العمر:30 سنة
الشهادة: تربية
الحالة الاجتماعية: اعزب
اميرة
العمر: 18 سنة
الشهادة: ثالث ثانوي

في بيت ابو حمد
في جناح حمد
لمار: اووووه حمد قلت مافيني شي
حمد: اشلون مافيج شي و انتي متغيرة علي هالفترة
لمار: لا متغيرة و لا شي .....انت يتروالك
حمد: لا م
قطع حديثة صوت مسج
اخذ حمد الفون و فتح مسج
محتوى المسج
( انطرك باليل حبيبي....مقدرة ضروفك يا حياتي ادري ان زوجتك يمك .....ما اقدر انام بدون لا اسمع صوتك)
استغرب حمد من المسج
حمد في نفسة : هاذي شفيها....يا ربي منو هاذي اللي كل شوي متصلة
وضع حمد الفون على الطاولة
حمد: انا طالع برا ....ادري نفسيتج ما تسمح ان نتناقش
لم تجبه لمار
خرج حمد
اتى لمار مسج
فتحت الفون
محتوى المسج
( تدرين انج مسجينة ....ِشوفي فون ريلج و تعرفين شنو اقصد )
لمار بقهر: منو هاذي ....ما اتوقعها منك يا حمد
توجهت لمار بسرعة الى الطاولة و اخذت فون حمد
و بحثت بالرسايل
و قرأت الرسالة
لمار بصدمة: حقييييير
و بدأت بكسر جميع ما فوق الطاولة
و بكت
لمار: انا شسويت عشان تخوني ....ِشسويت
بكت وبكت حتى نامت

في بيت ابو ريم
ريم: افف ليش ما يرد ليش
اتصلت مرة اخرى
بنفسية: الووو
ريم: حبيبي انت وينك ...صارلي اكثر من مرة اتصل عليك و انت ما ترد علي
: اذا ما رديت عليج يعني مشغول
ريم: حتى لو مشغول على الاقل طمني عليك....مو تخليني احاتيك
: انا الحين مع الربع اكلمج لما اخلص باي
ريم:با
اغلق الجهاز
ريم: شفيه هاذا ....عادي المهم اني راح اكلمه شوي
في بيت ابو ماجد
ماجد:ها روان ردت
روان:لاللحين
ماجد: انزين انتي اتصلي عليها
روان:شفيك اثقل.... لازم البنت تاخذ وقتها
ماجد:اوففف خلاص .....بس قوليلها لا تطول في الرد
روان: ان شاء الله ما اتطول
ماجد: ان شاء الله ....يا رب توافق
روان: اميين....الا صج كلمت امي
ماجد: لا و الله للحين ....اول شي اجيس نبضها بعدين اقول لامي
روان: اي احسن عشان تضمن الرد
ماجد: اي
في احدى المقاهي
: طلال ....طلال
طلال: ها شنو
: شنو اللي شنو...انت معاي
طلال: اي معاك سالم
سالم: اي امبين انك معاي
طلال: بغيت شي
سالم: شنو تفكر فيه
طلال: و لا شي
سالم: فيها صح
طلال: مادام تدري ليش تسأل
سالم: اتأكد بس
طلال: حاس بالذنب و الله حاس بالذنب
طبطب سالم على كتفي طلال
سالم: و الله حاس فيك يا اخوي....ودي اساعدك بس ما ادري شنو اللي اقدر اسويه
طلال: لا اتسوي شي جزاك الف خير
سالم: تبي انروح عند بدر
طلال: شحقى
سالم: بدر يفهم اكثر مني .....و تقدر تفضفض له....و مرة وحدة ترتاح
طلال: لا مو لزوم
سالم: كيفك
طلال: و لا اقولك .....امش انروح
سالم: اوك يلا
طلال: يلا
خرج سالم و طلال من المقهى
في مجمع 360
بدور: امشي ندخل هالمحل
رهف: فريتي راسي
بدور: انا بدخل و انتي قعدي بأي مطعم... او بالكافيهات اللي تحت
رهف: اوكي ....مو اتطولين
بدور : اوكي
دخلت بدور المحل
و توجهت رهف الى الكافيه
وصلت
رهف: لو سمحت وحدة قهوة تركية
انتهى الطلب
و اخذته رهف
التفتت لكي تتوجة الى طاولتها
صدمت في شخص ما و انسكب القهوة عليه
رهف بتوتر: ااسسفة اااسفة ....و الله ما ما كان قصدي....ما انتبهت
الشاب بعصبية: لانج عمية .....ما اتشوفين احد وراج
رهف: وو الله ما انتبهت
اخذت رهف القليل من الكلينكس
و اعطته الشاب
رهف: تفضل ....و اسفة مرة ثانية
اخذ الشاب الكلينكس و بدأ بتنظيف ثوبه
و سرحت رهف بجماله
رهف: يا حلوه و الله يهبل
انتبه الشاب الى نظراتها و ابتسمت ابتسامة جانبية
الشاب و هي ينظف: خير اختي ...امضيعة شي بويهي
انتبهت رهف على نفسها
رهف: اسفة .....و اسفة
الشاب: حصل خير.....بس مرة ثانية انتبهي
ميهاف: ان شاء الله
و ذهبت رهف
(يا حلوها...انا شقاعد اقول )
: عبد الرحمن
التفت عبد الرحمن اليه
: الحين انت مو قلتلي لما اخلص راح اييك
عبد الرحمن:ما دخلت المحل ....نزلت اشرب كوفي
: هاذا شنو اللي منكت على ثوبك
عبد الرحمن: اووو سعد عاد مالي خلق لك
سعد: لا صج مالك خلق لي ....ِشوف شكلك يضحك هههههه
عبد الرحمنك مو ناقصك....الطلعة كلها خربت.....امش برد البيت ابدل ثيابي...بعدين انروح لاخوك
سعد: انا اصلا مستعير منك.....ِشكلك تحفة....ياهل انت ما تعرف تشرب
عبد الرحمن: بتسكت و لا اشلون
سعد: خلاص خلاص ......بسكت
خرج عبد الرحمن و سعد من المجع

في المستشفى
احمد: يما خلاص انا اكل بروحي
ام سعد: اقول انجعم....انت ولدي و للحين بعيوني صغير
احمد: خلاص خلاص بنجعم
طرق الباب
ام سعد: تفضل
دخل ابو حمد و عائلته
ابو حمد: سلام
ام سعد: و عليكم السلام
احمد: هلا و الله تو ما نورت الغرفة
و الكل سلموا على بعض
ميار: خالتي ما قالوا شفيه احمد
ام سعد: لا و الله يا بنيتي للحين....كل شوي داخلين ياخذون فحوصات
كانت انظار احمد تراقبها
ميار:الله يقومه بالسلامة
ام سعد: امين
و الكل اندمج مع بعض بالسوالف
دخل الدكتور
الدكتور: سلام عليكم
الكل: و عليكم السلام
الدكتور: ممكن تتفضلون برا.....لازم نفحصة شوي
خرج الكل
و ظلت ام سعد و ابو سعد
الدكتور: انا ما اقدر اخش عنكم شي....و لازم اقولكم كل شي بصراحة
ابو سعد: خير دكتور ....شفيه الولد
الدكتور: الصراحة عنده ورم براسه
ام سعد: يا حسرتي على ولدي
احمد: يما ما فيني الا العافية
ابو سعد: دكتور في امل يتعالج
الدكتور: في امل كبير ....لان الورم اللي معاه حميدي ....و للحين ما كبر...و لازم نبتدي بالعملية باجر....عشان انلحق
احمد: دكتور....من الحين اذا تبي
الدكتور: تعجبني القوة اللي فيك ....و هاذا اللي راح يساعدنا ان نتخطى كل شي....لازم توقعون على موافقة اجراء العملية
ابو سعد:انشاء الله
الدكتور: تفضل معاي
خرج الدكتور مع ابو سعد
مسك احمد يدي والدته
احمد: يما يا بعد روحي لاتبجين ....عشان خاطري...دموعج غالية علي
مسحت ام سعد على رأسه احمد
ام سعد: بتروح مني يا حشاشة يوفي
احمد: يما اللي كاتبه ربي بيصير
ام سعد: و نعم بالله

في بيت مبارك
سحر:هههههه.....اي حبيبتي اقولج هاذا اثول ......على طول صدق اني حامل ....قلتلج صج اثول ....قلتلج انا سحر اللي ابيه اسويه.....ميهاف بالعنة تلعنها....اي خليت طلال يغتصبها.....اي .....و الله ميتة حية بالطقاق.....المهم اللي ابيه سويته
: سحححححححححر
التفتت برعب
سحر:اامبارك
صفع سحر
تحسست سحر خدها
مبارك:يا حقيرة .....يا بنت الجلب ......هاذي اخر الثقة
مسكها من شعرها
سحر:ااااا مبارك حبيبي هدني
مبارك: حبتج القرادة
ضربها و ضربها حتى سال الدم من انفها
سحر: انا اعلمك اعلمك
مسكها من ملابسها
و سحبها
و طردها للخارج
سحر في نفسها: انا اراويك اراويك
في مخفر الشامية
الضابط: خلاص اختي .....حقج راح تاخذينه و البيت راح يكون لج .....مادام باسمج
سحر: مشكور اخوي
الضابط: تفضلي معانا....تاخذين كل حقوقج
سحر: اوك
المــــــــــــــايك لكم

 

[♥«Sαяσσŋαн»™♥]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

واااي بطت جبدي هالسحر حيه قاعدتلهم قعده نبط الجبد
شكرًا ع البارت

 

[الزهور الجبلية]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

مشكووووووووووووووورة قلبوشة البارت رووووعه