ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

[روحين في رـوح]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

اب اب اب اب اب اب اب اب



كملي كملي

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

كملييييييييييييي

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

اب اب اب اب اب

 

[نبع الكون]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

السموحة منكم بنات هالاسبوع ما اقدر عندي امتحانات
و انشاء الله اذا خلصت راح انزل البارتات الباجي و ابي القى ردووود

 

[روحين في رـوح]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

ناطرينك خيتوووو والله هالامتحانات كاسرتنا اب اب اب اب اب اب

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

ايي خلااص بعد الامتحانات متشوقين و متحمسين

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البــــــــــــــــــارت السابع عشر

في بيت ابو طلال
طلال بصدمة:يبا من صجك
ابو طلال: اي من صجي باجر بنروح بيت يدك
طلال: يبا هذا طردك من بيتة و لا سأل عنك
ابو طلال: و انا ابي ارجع لاهلي و ارجع العلاقة مثل قبل و احسن بعد
طلال: يبا انت شقاعد اتقول هذول غلطوا على و امي و طردوك جنك مو ولدهم....و لا ليش لان تزوجت وحدة تحبها
وقف ابو طلال: باجر على العصر اتكون جاهز
طلال بعصبية: ما راح اروح و لا راح اطب بيتهم
ابو طلال بحدة: و الله يا طلالوه ان ما لقيتك باجر زاهب و الله ما راح اتشوف شي يسرك...و هذا قلته
خرج ابو طلال
اخذ الهاتف و ضغط على الارقام المطلوبة
ابو طلال:الووو سلام عليكم
: هلا و الله باخوي و عليكم السلام...اشلونك ؟
ابو طلال: و الله تمام...حبيت اقولك يا ابو حمد تقدر اتكلم الاهل انشاء الله احنا باجر يايين
ابوحمد: و اخيرا يا اخوي بيرجع شملنا
ابو طلال: انشاء الله .....بس لازم يكون عند الوالد خبر....انا ما ادري شنو راح يكون ردة فعلة
ابو حمد: لا انشاء الله راح اتكون ردة فعلة تعجبك
ابو طلال: انشاء الله
في بيت ابو فيصل
فيصل: الا صح يبا شنو راح اتسوون مع هالبنت
ابو فيصل: و الله ما ادري .....لازم بالاول نعرف السالفة بتفصيل
عبير: صح كلام عمي ....اذا عرفنا السالفة راح نعرف نتصرف
ام فيصل: الله يستر على بنات المسلمين
الكل: اميييين
في بيت ابو سعد
يزن بحماس: و الله العظيم اقولك شفتها ....ليش مو راضي اتصدق
ريان: و منو قال اني مو امصدق
يزن: شكلك يقول جذي
ريان: لا لا مصدقك ....بس اشلون شكلها حلوة و لا لا
ريان بعصبية: انت شكو بشكلها مالك شغل
يزن باستغراب: انت شفيك عصبت انا ما قلت شي
تنهد ريان تنهيدة: لا مافيني شي
يزن يغمز: لا يكون هااا علينا
ريان: هييييي انت لا يروح بالك بعيييد....ِشكوو انت اكثر واحد تدري ان بس اكلم و امل منها و احذفها
يزن: اي ادري خلاص خلاص لا تذبحنا
في بيت عم ياسمين
بدور: الا صج رهوف اشرايج نتصل على ياسمين تيي
رهف: اوك جربي انتي اتصلي
بدور: اوك
اتصلت بدور على ياسمين
بدور: الووو
ياسمين: هلا و غلا بالحلوة
بدور:وااااي صج و الله انا حلوة....ثانكس يا قلبي
ياسمين:يا الثقة و منو قال انج حلوة....انتي ام الجكر
بدور بثقة: انا اصلا ما يهمني كلامج ادري اني حلوة
ياسمين: خلصي يا الجيكرة ليش متصلة
بدور:المهم نبيج تيين عندنا....مشتاقين لج انا ورهوف....و الله لج وحشة
ياسمين: اي ادري ....اكلم خالد و ارد لج خبر
بدور: اي لازم اتكلمين حبيب القلب....و اهو تقدرين اتسوين شي بدون شوره
ياسمين: اي اكيييد مو اهو ريلي ....بروح اسأله الحين عشان اذا وافق يمدي ايي بدري....يلا باي
بدور: اوك حبيبتي باباي
التفتت بدور لرهف
بدور: بتسأل ريلها و اتشوف اذا بيوافق و لا لا
رهف: اها اوك
في بيت ابو حمد
على الهاتف ريم ووجدان
ريم: و الله كيفج انتي استخيري و الله كريم
وجدان: و الله ما ادري....بس انا مستغربة ان كان بينهم خلافات و فجأة كل شي تغير و لا بعد بنصير نسايب
ريم: حتى انا حسيت بشي غريب
وجدان: غريب مثل شنو؟
ريم: لا لا حبيبتي و لا شي....المهم مثل ما قلتلج استخيري و الله يكتب اللي فيه الخير
وجدان: الله كريم ....شكلي راح اوافق عشان ابوي عطى الريال كلمة.....و ما ابي اخيب ظنه
ريم:حبيبتي هاذي حياتج يعني العمر كلة....لازم اتفكرين عدل....مثل ما قلتلج فكري عدل و استخيري
وجدان: اوك
ريم: الا صج بقولج في رقم غريب يدز مسجات حب و ما حب
وجدان باستغراب: مسجات حب ...منو ممكن يكون
ريم: و الله ما ادري انا مثلج مستغربة
وجدان: امممم يمكن يكون واحد غلطان
ريم: يمكن
و كملوا حديثهن مع بعضهن
في بيت ابو وليد
ام وليد: الا يا ابو وليد اليوم ودي نعزم عمي و خالتي و الكل في بيتنا على العشا
اسماء : اي و الله عمي نستانس على الاقل
ابو وليد: خلاص و لا يهمك....اكلم الكل و نعزمهم
سارة بحماس: انا بروح اكلم البنات
عبد الرحمن: شوي شوي لا اتطيرين
ابو وليد بسرعة: لحظة لحظة تذكرت....ابو حمد اهو اللي عازمنا كلنا اليوم يقول في مفاجأة
اسماء: مفاجأة شنو؟
ابو وليد: و الله يا ما ادري يا بنتي اليوم كلنا لازم موجودين
سارة: ونااااسة كلنا راح انكون موجودين
عبد الله باستهزاء: يعني اول مرة مو انتوا كل يوم امجابلين بعض في المدرسة
سارة: مالك شغل ملقووووف

في بيت ابو سعد
احمد:غريبة عمي عنده مفاجأة ....مثل شنو المفاجأة
سعد: و الله ما ادري علمي علمك
دخل ريان بقوة: انا اقولكم.....بس بالأول شنو تعطوني
احمد: بسم الله الرحمن الرحيم....في احد يدخل جذي
ريان: و الله انا جذي.... المهم شنو لي
سعد:مالك شي عندنا......اصلا منو قال ميتين نبي نعرف المفاجأة.....بالاول و الاخير راح نعرف
ريان: مالت عليكم......بس صدقوني مفاجأة خطيرة
احمد بفضول: قول خلص شنو......و لك اللي تبيه
ريان بنذالة: لا لا .....ما راح اقولكم....مو توه اخوك الحبيب مستغني عني و ما يبي يعرف....خلاص راح تعرفون شوي ما يحتاي اقولكم
احمد: بتقول و لا اشلون
ريان: لا ما راح اقول
احمد: متأكد.....خلص قول و لك اللي تبيه
ريان:وعد......و لا
احمد: وعد....اول شي قول بعدين اعطيك اللي تبيه
ريان: لا انت اول سلم و بعدين اقولك
احمد: اقول جب جب .....بالاول و الاخير راح نعرف
ريان بقهر: انتو امو كفو احد يقولكم
خرج ريان
باليل في بيت ابو حمد
الجد: ما قلت لنا شنو المفاجأة
ابو حمد: لحظة يبا ......انطر المفاجأة توصل
رن هاتف ابو حمد
ابو حمد:الوو.....ها وصلت.....يلا يلا خلاص انا الحين اطلع لك
نهــــــــــــــــــــــــــاية البارت
رايــــــــــــــــــكم :ggdw:

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

اووول وحده ترد انااا
الباااارت واااو بس لاا تطولين عليناا حياتي

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البـــــــــــارت الثامن عشر
ابو حمد:الوو.....ها وصلت.....يلا يلا خلاص انا الحين اطلع لك
خرج ابو حمد
الجد باستغراب: شهالمفاجأة.... اللي طلع عشانها
ابو سعد: الله اعلم
بعد القليل من الدقائق دخل ابو حمد و معه شخصان
ابو حمد بابتسامة: اقدم لكم المفاجأة
وقف الجد بصدمة
في صالة النساء
وجدان: واااي ما ادري شهالمفاجأة اللي مزهبها ابوي
سارة بحماس: حدي حدي متحمسة
فرح: و الله انا اكثر منج
ميهاف: بنات شفيكم خفوا شوي ....ترى كلها جم دقيقة و تعرفون كل شي
ميار: و الله صاجة ميهاف...... مافيكم صبر يعني
لمار: خليهم خليهم من الحماس الزايد ههههه
عبير: حمد الله و الشكر.....هييي انتوا خفوا شوي..... لا ينط لكم عرج
ميهاف:هههههههههه......مساكين خليهم
وجدان: بس بس كيفنا .....ما احد له شغل انشاء الله انطير و ما نرجع....مالكم شغل
سارة: افففف اي و الله
اسماء: هههههه شفيكم عصبتوا اهم ما قالوا شي
في مجلس الرجال
وقف الجد بصدمة
: يبا ما اشتقت لي
الجد ما زال في وضع الصدمة
ابو سعد: اخوي ابو طلال......لا ما اصدق
ركض ابو سعد و حضن شقيقه باشتياق
ما زال الجد في صدمته
ابو فيصل: شهالمفاجأة الحلوة.....بعد 10 سنين....و الله احلى مفاجأة
و الجميع ذهب يحضن ابو طلال
نظر ابو طلال للجد
ابو طلال: شدعوة يبا بعد كل هالسنين ما اشتقتلي و لا خلاص نسيت ان عندك ولد
نزلت دمعة من عيني الجد
تقدم ابو طلال للجد ووضع كفية على خدي الجد و مسح دمعتة
ابو طلال: ما عاش من ينزل دمعتك يا يبا
طلال في نفسة: قلبنا فلم هندي.....ما ادري ابوي اشلون وافق يروح لهم.....بعد كل شي بسهولة يروح....صج قهر
أشار ابو طلال على طلال
ابو طلال: يبا هاذا حفيدك طلال
تقدم طلال بخطوات بطيئة
و قبل رأس جده
طلال ببرود: اشلونك يدي
الجد: حيا الله من يانا....هلا و الله فيكم.....انتوا مو غريبين البيت بيتكم
ابو طلال و طلال: الله يحيك
تعرف ابو طلال و طلال على العايلة جميعها
ابو حمد: مو لازم تعرف امي
الجد: اي و الله لازم تدري
فيصل: انا انا بروح اناديها
جراح: ندخل عندها احسن
حمد: اي صح احسن
الجد: خلاص ندخل
سعد بهمس لاحمد: شرايك انروح معاهم
احمد: اي ليش لا
سعد: عشان حبيبة القلب
احمد: اكييييد
توجة الجميع الى الداخل ماعدا( يوسف . ريان . عبد الرحمن. عبد الله )
ابو سعد: يمااا يمااا
الجدة: تعال يما تعال
دخل ابو سعد
ابو سعد: يا حريم تغطوا <<< طبعا قصدة اسماء و عبير ولمار اهم متحجبين و الباجي سفور
ذهبن الفتيات الى فوق معادا عبير و اسماء ولمار
الجدة: حياك ادخل
ابو سعد: يما عندنا مفاجأة
الجدة: و شنو المفاجأة
ابو سعد: زاهبة يما
الجدة:هاااو....بتقول اللي عندك و لا اشلون
ابو سعد: خلاص خلاص بقول
التفت ابو سعد : تفضل يا ابو طلال
سمعت الجدة الاسم و وقفت بصدمة
الجدة:وولدي
دخل ابو طلال و خلفه طلال
تقدم ابو طلال بسرعة و حضن والدته باشتياق
ابو طلال: يما يما اشلونج وااايد اشتقت لج....يما سامحيني الله يخليج يما سامحيني
الجدة بحنان: مسامحتك يا يما مسامحتك ....لا تروح عني يا وليدي لا تروح
ابو طلال: ما راح اخليج يا يما ما راح اخليج ....راح اظل يمج وااايد مشتاق لحضنج
الجميع تأثر بهالمنظر و بالأخص الجد
الجد في نفسة: سامحني يا ربي سامحني .....حرمت ام من ولدها عشر سنين يا رب سامحني
ابو طلال: يما هاذا ولدي طلال
الجدة: تعال تعال يا ولدي يا من ريحة الغالي
تقدم طلال و قبل رأس جدته
البنات في الدور الثاني
(وجدان و ميار و ميهاف و و سارة فرح )
في الدور الثاني
وجدان: منوهاذا اللي مع عمي
فرح: يعني ما سمعتي عمي يقول ولدي طلال
سارة: شدراني عنها صمخة و لا تتصيمخ
وجدان: هيي انتي بسج عاد سؤال و سألناه و كليتوني اففففف
توجه لمار الحديث لميهاف: ميهافو ولد عمي وسييييم صح
لم ترد عليها ميهاف
فرح و هي تلتفت: ميهاف شفي
توقف الكلام
فرح: ميهاااااااااااااااااااااااااااف
في بيت مبارك
مبارك في نفسة : يا ربي وين راحت هاذي شهر مو لاقينها....المشكلة ما اقدر ابلغ الشرطة بعدين السمعة اشلون....لا حول الله افففف
سحر في نفسها: الخطة لازم اتكتكها عدل....عشان كل شي يصير ملكي ....و الله و بتروح فيها يا مبارك.....تخلصت من بنت اخوك و الحين الدور عليك يا حلو
مبارك: سحر سحورتي
سحر في نفسها: يا شين الرومانسية عليك
سحر: هلا حبيبي امر يا بعد قلبي انت
مبارك: فديت قلبج و الله....اشرايج نسافر جم يوم اي دولة اوربية .....على الاقل انغير جو
سحر بتصنع الفرح: اي اكيييد حبيبي ليش لا....انغير جو
مبارك: يعني يصير تسافرين و انتي حامل
سحر بتوتر غير ملحوظ: ها اي حبيبي عادي.... لان الجنين ثابت و يصير اسافر
مبارك: عيل خلاص انتي اختاري المكان و انشاء الله على اول طيارة احجز
سحر: اوكي
نعود لبيت ابو حمد
فرح: ميهااااااااااااااااااااااف
في الدور الاول
الجميع سمع صوت صراخ فرح
عندما سمع طلال اسم ميهاف احس بنغزة في قلبه
جراح: بسم الله الرحمن الرحيم....ِشصاير؟
عبدالله: خير اللهم اجعله خير
ركضت لمار و اسماء و عبير
عبير: شفيها البنية
سارة بتوتر: مما ادري
ميار: ككانت اتطالع معانا و ففجأة طاحت
اتى ابو وليد : شفيها؟
اسماء: ما ادري عمي شفيها....فجأة طاحت
ابو وليد: شيلوها....لازم انوديها المستشفى
لمار: انشاء الله
وحملوها سارة ووجدان و فرح و لمار
و هم ينزلوا من السلم مروا امام طلال
نظر اليها طلال بصمت و اعينه تراقبها
طلال في نفسة: لا لا لا لا مو موصج.....معقولة هاذي ميهاف نفسها اللي دمرتها
بلع ريقه طلال بصعوبة و هو يراقبها بصمت حتى خرجوا
ذهبوا وجدان و سارة و لمار و ابو وليد و احمد للمستشفى
الجدة: شفيها البنية
ابو طلال: يما منو هاذي البنت
الجدة: هاذي يا وليدي قصتها قصة
ابو طلال: شنو يما؟
الجدة: بعدين يما بعدين
وجهت الجدة لطلال الحديث: يما طلال حبيبي شفيك ليش للحين واقف تعال اقعد
طلال: انشاء الله يدتي
و جلس طلال
و بدوا بالحديث مع بعضهم و انسجموا
في المستشفى
الجميع في استراحة الانتظار
ميار: و الله فيها شي كانت البنت عادي و مستانسة......ما ادري شنو اللي تغير....جذي من غير مقدمات تطييييح......مليون بالامية فيها شي
سارة بتوتر: الله يستر الله يستر
ابو وليد: انشاء الله ما فيها الا العافية ....ما يحتاي كل هالتوتر
احمد: خلاص عاد وترتوني .....انشاء الله مافيها شي
وجدان: انشاء الله انشاء الله
بعد قليل من الدقائق خرج الدكتور
توجة الجميع للدكتور
ابو وليد: ها دكتور بشر انشاء الله بخييير
الدكتور: حظرتك ابوها
ابو وليد بتوتر: لا لا انا عمها
الدكتور : ممكن تتفضل معاي المكتب
ابو وليد: حاظر
ذهب ابو وليد مع الدكتور
لمار: مثل ما قالت فرح اكيييد فيها شي.....و لا جان الدكتور ما راح مع عمي المكتب
سارة: اي اي صح.... لو كانت طيحة عادية جان الدكتور قال كل شي جدامنا
احمد: لا حول الله ....خلاص الحين عمي يي و يقول كل شي....و يبشرنا
لمار: انشاء الله
في مكتب الدكتور
ابو وليد: خير دكتور....شفيها البنت
الدكتور: الصراحة يا عمي .....البنت يتلها صدمة عصبية.....مما سببلها حالة الاغماء
ابو وليد باستغراب: صدمة عصبية!!!!!
الدكتور: اي صدمة عصبية .....اكييد اهي شافت شي خلاها تنصدم او سمعت شي
ابو وليد: و الله ما ادري يا ولدي ....علمي علمك
الدكتور: حالتها ما تسمح احد يزعلها و لا يضايقها.....هالمرة حمد الله لحقنا عليها....المرة الثانية الله اعلم....مو كل مرة تسلم الجرة يا عمي
ابو وليد: صح كلامك يا ولدي....انزين متى نقدر انطلعها
الدكتور: انشاء الله باجر....لازم تظل اليوم تحت الملاحظة
وقف ابو وليد: خلاص عيل انشاء الله باجر انطلعها.....الله يعطيك العافية يا دكتور
الدكتور: يعافيك....ما سوينا الا واجبنا
خرج الجميع الى البيت

المــــــــــــــــايك لكم :ggdw:

 

[روحين في رـوح]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

اب اب اباكيد من سمعت اسم طلال اغمى عليها




اب اب
ناطرينك قلب

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البـــــــــــــارت التاسع عشر
في بيت ابو طلال
طلال في نفسة: شهالصدفة ميهاف اللي صارلها اكثر من شهر مختفية فجأة تطلع في بيت عمي.....انزين شنو اللي يابها في بيت عمي....اكييييد راح تفضحني و بعدين اروح في ستين داهية .......لازم اسكتها.....بس اشلون اشلون يا ربي اشلون.....لازم اكلمها بأي طريقة و اسكتها.....ما راح اخليج يا ميهافو تفضحيني ما راح اخليج
استيقظ من سرحانة على رنين هاتفه
رفع الهاتف
طلال: الوووو
: انت وينك يا حمار....من امس اتصل عليك ما ترد و اكلمك واتس اب ما ترد بعد
طلال: سلوووم مالي خلق لك....شتبي عندك شي مهم
سالم:اوووه شهالنفسية الزفت
طلال: سلوووم.... اشرايك نطلع اي مقهى انغير جو
سالم: كنت بقولك انا و الربع ننطرك......طلالو يا الخايس فيك شي صح
طلال: اي صح.....بس نطلع اقولك.....مرني مالي خلق اسوق
سالم: اوكي....يلا فمان الله
طلال: فمان الكريم
اغلق طلال الهاتف و ذهب ليغير ملابسه
في المستشفى تحديدا في غرفة ميهاف
وجدان: حمد الله على السلامة ميهاف
ميهاف بابتسامة صفراء: الله يسلمج جوجو
سارة يتصنع الزعل: زين جذي خوفتينا عليج
ابتسمت ميهاف
ميهاف: الا صج متى راح اطلع .....مليت من ريحة المستشفى
فرح: اليوم يا حلوة راح تطلعين.....و احنا وااايد مشتاقيلج ......البيت من دونج مو حلو يلوع الجبد
ميهاف: احم احم ادري ادري.....ما يحتاي اتقولين
سارة: طاع هاذي .....شهالغرور ترى مجاملة فروح اتجاملج موصج لا اتصدقين نفسج ههههه
توجة ميهاف الحديث لوجدان: الاجوجو ما قلتي شنو رايج بالخطبة .....يعني اموافقة و لا لا
وجدان: ما ادري و الله ....شوي متوترة يعني الموضوع يبيله تفكير....و انتي عارفة هاذا زواج مو لعبة ....بس شكلي بوافق .....انا استخرت و الحمد الله مرتاحة....بس للحين مترددة
فرح: جوجو يا قلبي....ِوشوفي شنو اللي يناسبج....لا تنسين بالاخير الراي رايج
وجدان: اكييييييد
سارة: مو جنة عمي تأخر....هاذا كله عشان يسوي اوراق الخروج
طرق الباب
فرح: تفضل
دخل ابو حمد
ابو حمد: هاا زهبتوا الاغراض
ميهاف: اي عمي....زهبنا الاغراض
ابو حمد: يلا عيل امشوا
خرج الجميع من المستشفى
في بيت ابو ريم
اتصلت ريم على روان
ريم: الوووو
روان: هلا و الله....هلا و غلا
ريم:ههههه على فيج يا حبيبتي .....اشلونج قلبو
روان: تمامو يا روحي....و انتي؟
ريم: و الله الحمد الله.....الا صج روانو شرايج نطلع اي مكان....احس روحي مخنوقة....و مرة وحدة يطلعون فروح وجوجو و سارونة و ميهاف و ميار
روان: اي و الله مشتاقة حق ايام يمعتنا.... وناااسة.....على الاقل انغير الروتين... بس لحظة مو جنة البنات رايحين يطلعون ميهاف من المستشفى
ريم: امبلا صح صح .....فروح قالتلي ان ميهاف تطلع اليوم....ما ادري ما اعتقد راح يقدرون ييون
روان: انا بتصل على سارونة و اشوف....يمكن يقدرون.... و مرة وحدة ميهاف تغير جو
ريم:اوك ....انطرج مو اتطولين علي..... عارفتج عدل بسرعة تنسين
روان: ههههه اوكي....يلا ذلفي
ريم: مالت عليج زييين
و اغلقت ريم الهاتف

في مجمع الافنيو الساعة 4.30
عبد الله و عبد الرحمن و يزن و ريان و سعد عند السنيما
سعد: انتوا خلصونا اي فلم تبون تدخلون
عبد الله: في فلم اكشن روعة شفت التريلر ماله .....لا يطوووفكم
يزن: طييير زين قال اكشن قال.....لا فلم مغامرات احلى
ريان: عادي انا اي شي اكشن و لا مغامرات كله واااحد
سعد: اقول انت وياه خلصوا اكشن ولا مغامرات
عبد الله: اكشن اكشن اكشن
يزن: لا لا لا لا لا
سعد: اقول عبد الرحمن....ما قلت رايك اي فلم تبي
عبد الرحمن: انا ما راح ادخل
ريان: ليش؟
عبد الرحمن: مالي خلق .....انا بتسوق و اشتري جم شغلة ناقصتني و اذا خلصتوا ييتكم
سعد: اوك كيييفك......يلا شباب امشوا نحجز
الكل: يلا
في الصوب الثاني في الافنيو
:رهوف خلصينا من اليوم و انتي تفرفرين فينا.....تعبت بس عاد
رهف: ياسمينو انجعمي ....في وايد غراض ما خلصتهم
بدور: بنات مشتهية ادخل السنيما
رهف: و الله فكرة
ياسمين: مو هاذي اللي توها باجيلها غراض ما شرتهم
رهف: لا هونت.....قوووو على السينما
ياسمين:هههههه....ليتس قوووو
وصلوا للسنيما
بدور: في فلم روووعة.....اهو مغامرات
رهف و ياسمين: اوكي
و احجزوا و دخلوا القاعة
في القاعة
ياسمين: بدور قومي يبيلنا بوب كورن و بيبسي
رهف: اي الله يخليج بدور
بدور: طييييري زين.....فاضية لكم انا
ياسمين: يلا بدور....و لج اللي تبينه
بدور بخبث: لي اللي ابيه
ياسمين: اللي تبينه
بدور: اوكي....ِشنو تبون
رهف: انا ابي بوب كورن و فانتا
ياسمين: انا بوب كورن وبيبسي
بدور: اوك
و خرجت بدور من القاعة
في نفس القاعة في مكان ثاني
ريان: شباب انا راح اييب بوب كورن في احد يبي
عبد الله: اي اي انا مثل طلبي العادة بوب كورن بس
ريان: اوك...و الباجي
سعد و يزن: بوب كورن وبيبسي
ريان: اوكي
خرج ريان من القاعة
خارج القاعة
بدور: Please I want popcorn 3 and 3 Pepsi
كان خلفها ريان:بـــــــــــدور
التفت بدور بصدمة
بدور:اااا رريان
ريان بابتسامة: هلا و الله هلا و غلا......ِشهالصدفة الحلوة
بدور بحرج: ههلا فيك
ريان: اشلونج؟
بدور: تمام....ووانت؟
ريان: من شفتج و انا بخيير
بدور:دووووم.....يلا عن اذنك انا لازم اروح
ريان: اوك بس انتي داخلة اي فلم
بدور: فلم اااا
ريان بضحكة: شنو نسيتي
بدور: لا لا فلم المغامرات
ريان: يعني انتي معانا بنفس القاعة
بدور: اي.....يلا عن اذنك انا لازم اروح تأخرت
ريان: اذنج معاج....باي
بدور: باي
ذهبت بدور و اخذ ريان طلبة و ذهب
في احدى المقاهي
طلال: هاذا كل شي
سالم بصدمة: انت من صجك !!
طلال: العب معاك انا
سالم: زين انت الحين شبتسوي
طلال: لازم اسكتها...لازم اذا تكلمت راح تفضحني
سالم بعصبية: بعد اللي سويته فيها و ضيعتها....الحين تبي اتسكتها لا احلف
طلال: عيل اشلون .....اخليها تفضحني
سالم: ما ادري ما ادري ....مصيبة
طلال: انا قلته لازم اسكتها
سالم: انت راسك يابس و ادري ما راح ينفع معاك الكلام الزايد
طلال: يصير خير
على الهاتف
روان: ها شقلتي
وجدان: انا موافقة بس ما ادري عن الباجي
روان: لو تطلع ميهاف احسن....على الاقل تغير جو
وجدان: صح كلامج....يلا ويت انا اروح اسأل ميهاف و ارد عليج
روان: اوك
بعد القليل من الدقائق
وجدان:يسسسسسسسس وافقت
روان بفرح: صج و الله
وجدان: اي و الله....يلا انا بتصل سارونة وعلى ميار مليون بالامية بيوافقون
روان: اكيييييد .....يلا باي
وجدان: باي
اتصلت وجدان على الكل و طبعا وافقوا
مرت وجدان على الكل و راحوا البحر
على البحر وجدان و ميهاف و ميار و فرح و سارة وروان وريم
فرح: ميهاف ممكن سؤال؟
ميهاف: تفضلي يا قلبي
فروح: زاد فضلج....الصراحة انا لاحظت ان طيحتج مو مني و الطريج....من شفتي طلال .....صح و لا لا.... و اتوقع طلال له قصة بحياتج
ميهاف بتوتر: هاا...ششنو
وقفت سارة امام ميهاف و مسكت يديها
سارة بحنان: ميهاف احنا رفيجاتج ....ٌقولي كل شي صدقيني راح انساعدج
دمعت عيني ميهاف
ميهاف: ططلال اهو الشخص اللي اللي
وجدان: اللي شنو؟
ميهاف بسرعة : اللي اغتصبني
الكل: شنووووووو
ميهاف ببكاء: و الله العظيم اهو...عمري ما راح انسى شكلة .....دمر حياتي دمرني
وضعت ريم يديها على فمها: ما ما اصدق....مو معقولة....مصيــــبة اذا صج اهو
و التفتت على وجدان: وجدان اللي اغتصبها ولد عمج.....انتي مستوعبة حجم المصيبة
حاولت روان ان تهدي من الوضع: بس بس بنات....احنا طالعين انغير جو مو نقلبها نكد
ميار: اي اي صح....يلا عاد شكلنا قلبنا فلم هندي
ضحكت ميهاف ضحكة خفيفة: سوري ضيقت خلقكم
الكل: لا عادي
المــــــــايك لكم
:eh_s(8):

 

[روحين في رـوح]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

اب اب اب اب اب ب
كملي قلبووو

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

يلاااا ناطرينج

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

لاا تتاخرين وااي برووح انام كنت ناطرتج تحطين باارت
بس يلاا بااجر ناطرتج

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

البــــــارت العشرين
في بيت ابو سعد
ريان منسدح على السرير و يفكر
ريان في نفسة: امبييية انا شفيني افكر فيها وااايد هالايام....معقولة لا لا .....بس انا اول مرة اتعلق في احد هالكثر خاصة اذا كانت بنت.....افففف انا ليش افكر فيها
و نفض الافكار من رأسه
في بيت ابو ريم
رن الهاتف
نظرت ريم الى الهاتف
ورفعت الهاتف بفرح
ريم: الووو
: هلا و الله بعمري...اشلونج؟
ريم: هلا فيك....تمام...و انت؟
: من سمعت صوتج و انا تمام
احمرت ريم خجلا
: ريومتي وينج انتي معاي؟
ريم: احم اي اي معاك
: فديت المستحي انا
ريم:هههه بس عاد حبي
: فديتـــــــه و الله
و كملت ريم حديثها معه
في بيت ابو حمد
تحديدا في جناح لمار و حمد
جالسة لمار على طرف السرير
انها تعبة منذ يومين و لا تدري ما السبب
لاحظ حمد عليها التعب
و اقترب لها
حمد:لمورتي فيج شي.....تحسين بشي
رفعت لمار رأسها بتعب: احس الدنيا تدور فيني
و سقطت لمار
حمد: بخوف لمار لمار لمار ردي علي
كانت وجدان تسير في الممر و سمعت صراخ حمد
دخلت وجدان بقوة
وجدان: شفيك شنو صاير...شفيها لمار
حمد بخوف: مما ادري كانت قاعدة وفجأة طاحت
وجدان: زين امش انوديها المستشفى
حمد: زين زين انا بروح اشغل السيارة ....و انتي غطيها بثوب الصلاة
وجدان: اوك
خرج حمد يركض بسرعة
و مر امام والدته
ام حمد بسرعة: حمد حمد شوي شوي شفيك
حمد: يما لمار فوق طايحة
و خرج احمد بسرعة
و ذهبت ام حمد فوق الى جناح حمد و لمار
ام حمد: شفيها ؟
وجدان: يقول حمد فجأة طاحت
دخل حمد بسرعة: ها خلصتوا
وجدان: اي خلصنا
حمل حمد لمار بسرعة
ام حمد: يما حمد انطرني بروح معاك
حمد: يلا يما بسرعة انا انطرج تحت
بعد القليل من الثواني خرجت ام حمد و حمد و توجهوا الى المستشفى
في بيت عم ياسمين
رهف: حلفي
بدور: و الي خلقني اني شفته مرتين
رهف: شهالصدفة....عاد ها حلو و لا جيكر و لا عادي
بدور: اهو موجيكر و لا حلو .....مملوح....فديتة و الله
رهف: شنو قلتي ما سمعت عيدي
بدور بتوتر: ها شنو ما قلت شي
رهف بخبث: بدور مو علينا تخشين
بدور: اففف...ِفيج انتي ما قلنا
وقفت بدور و ذهبت الى غرفتها
رهف في نفسها: هاذا ويهي اذا ما وراج شي
في المستشفى
في مكتب يوسف
دخل فهد على يوسف
فهد: يوسف حالك موعاجبني .....خلاص يا معود انساها.....البنت راحت بنصيبها و ما يجوز تفكر في وحدة متزوجة....خلاص يا يوسف انساها....صحتك اهم من كل شي .....انت شوف شكلك الهالات السوده اللي تحت عيونك و ضعفت واايد و تضغط عمرك بالشغل
كان يوسف واضعا رأسه على الطاولة
رفع رأسة ببطء و تعب
و نظر الى فهد بنظرة تائه
تقدم فهد ليوسف و نظر في عينة
فهد بجدية: انت اللي ضيعتها من ايدك....و هاذي النتيجة بح راحت....و لازم تنساها
يوسف: انا بروح البيت انام.....و دخل مراجعيني عندك
فهد: اوكي .....دير بالك على روحك
اخذ يوسف مفتاح السيارة من فوق الطاولة
يوسف: انشاء الله
في باريس
سحر بدلع: حبيبي مبارك
مبارك و اهو ذايب: عيونه
سحر: ابي اكلمك بموضوع
مبارك: قولي حبيبتي
سحر: يعني انا اقول .....لو تضمن مستقبل ولدي و عيالي انشاء الله اللي بييون ....انت فاهم قصدي .....حبيبي لازم نضمن مستقبلهم.....باجر نحتاجهم و احنا مو دايمين لهم .....ها حبيبي شقلت
مبارك: و لا يهمج حبيبتي لما انرد الديرة اكتب البيت بأسمج.....عشان لج و لعيالنا
سحرفي نفسها: و الله و طلعت خفيف يا مبارك هههههههه

هالله هالله بالردود
المـــــــــايك لكم
:ggdw::ggdw::ggdw::ggdw::ggdw:
:eh_s(8):

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

الله ياخذج يا سحر اقوول نبوووع عطيني عنواان بيت مباركوو سكانه مرته والله لعلمه شغل الله اهو و سحروو قطيعه تقطعهم قطعه قطعه

 

[نبع الكون]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

انشاء الله راح انزل البارت الواحد و عشرين يوم الاثنين
حبي و تقديري
نبع الكون

 

[A7laa kuwaitia]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

انطرج يوم الخميس الياي لانه ماقدر يوم الاثنين

 

[الزهور الجبلية]

رد: ﻗ̮ـ̃ﺂﻟ آﻟۆﮃﺂﻋ ۆ ﻣ̝̚ﻗ̮ـ̃ﺻﮃھَہّ ﯾﭴړُפ ﻗ̮ـ̃ﻟﺑﯾ ..!

انا متابعه يديده حياتي عجبتني الروايه عيل باجر بنتظر البارت الواحد والعشرين الحين انا فالدوام وقريت كل البارتات اليوم بديت من الساعه 10 والحين بس خلصت يعطيج ألف عافيه والله حتى شغلي طنشته اليوم
بس فديتج عندي طلب لا تسوين مثل وايد بنات ينزلون قصص ومن يوصلون فالنص يوقفون ,,,, ويخلوني على اعصابي واتم النهايه معلقه وانا اقعد بفضولي وتشكراااااات قلبي
تقبلي مروي أختج فالله الزهور الجبليه عاشقة البنفسج بجميع درجاته,,,,

 

[نبع الكون]

رد: ق̮ـ̃آل آلۆﮃآع ۆ م̝̚ق̮ـ̃صﮃھَہّ ﯾﭴړُפ ق̮ـ̃لبﯾ ..!

انا متابعه يديده حياتي عجبتني الروايه عيل باجر بنتظر البارت الواحد والعشرين الحين انا فالدوام وقريت كل البارتات اليوم بديت من الساعه 10 والحين بس خلصت يعطيج ألف عافيه والله حتى شغلي طنشته اليوم
بس فديتج عندي طلب لا تسوين مثل وايد بنات ينزلون قصص ومن يوصلون فالنص يوقفون ,,,, ويخلوني على اعصابي واتم النهايه معلقه وانا اقعد بفضولي وتشكراااااات قلبي
تقبلي مروي أختج فالله الزهور الجبليه عاشقة البنفسج بجميع درجاته,,,,

هلا و الله حبيبتي
هاذا من ذوقج لان عجبتج الرواية
و نورت روايتي بمرووورج