اطفال اكتوبر 2011 ياحلوهم 

[المكسيكيه]

انا بنتي لا سننت ولا ضرست ههههههههههههههه هما يبيلها طقم اسنان
بس تحبي وتقعد وميننتني مطلعت لي قرون
اخاف تنتحر من فوق السرير يعني تقط عمرها اوووف منها بس اموت فيها الكلبووونه

 

[Nooo7a]

لوووول


خوتا
انشالله نحمل مع بعض
انا ابي بعد ما اتخرج و اسافر سفره ترد الرووووح اطلع صيم هالسنين الي كنت فيهم بالجامعه
بعدين اتوظف و اروح اسكن يم امي و ارجع رميثيه اخيييييييه عليج يرميثيه
بعدين انشالله عاد احمل

حاطه عيني على بيت يم بيت ابوي الطوفه بالطوفه قاعدين يبنونه و كله شقق فيه
ياااااارب تكون وحده من هالشقق من نصيبي
اهو توه اسود ماكملوه تهقون شكثر يبيله على مايخلص ؟؟؟
انشالله يااارب يخلص بعد سنه و نص انشالله يااااارب مو اقل من سنه و نص 

 

[om_3azoz]

ههههه ضرست سننت نفس الشي اللهم صار عندها ضرس صغيرونو فديتها


وعلى الحمال ان شاءالله الله يرزق كل وحده تبي ياهل ... انا عن نفسي مابي الحين ابي بعد 4 سنين

 

[om_3azoz]

نوحا
يارب تطلع وحده من الشقق من نصيبج يارب ,,

 

[دنيا أبوها]

نوحا
يااااارب يكتب لج الخير وين ما كان و يرزقج البيت المبارك ..

 

[Khota8]

امين نوحااا وتردين ايام الطفوله بالرميثيه هههههههه وينادون هشوم بوحنان

مكسكيه
اعيالنا حق التخرع جاهزين وماكو اعتبه وما سرير وماكو طاوله ماذقو طعمها بالتفلع
شخبارالبيبي معاج طمنينا عنج

رحت اليوم السوق جان تنرفزتي وحده بغيت اتهاوش معاها بس مو منطبعي جان اخسها اخسها المشكله موراضيه تفهم
تخيلو تخز ريلي وجنها تغازله وكلته بعيونهاااا وتلوحقه بكل مكان لا استحت مني ولا من اعياله وعلبونه طالع حماده العياره لاعت جبدي منها
حسستني اني انا الريال وريلي مرتي <<<<<<عاد الله يعينكم افهموهاااا
حتى لما طالعنا يقولون اعيالي نبي ناكل جان تسبقنا مكان المطاعم حقيره بطت جبدي اشوا ريلي قال حدي تعبان ابي اكل بالبيت وماودي اقوله عنها عشان ماينتبه عليهااابحزتهاا

بس لما ركبنا السياره قالي شفيج منطنقره قتله لا بس لاعت جبدي من وحده خفت من عينها علينا عاد يقول يمكن مشبهه يعني حتى اهو حس بنظراتهااا الوسخه

 

[المكسيكيه]

خوتا عادي طاف هذي وصخه حشاج ماتستحي سوري على الكلمه مو متربيه طاف لا تعورين قلبج
نوحا الله يرزقج باللي تبينه
بنات ها ما في وحده حامل معاي شدعوه ههههههههههههههههههه

 

[Khota8]

مكسيكيه
اي صاجه وسخه والله لايحط هالاشكال بطريج احد منا ويحفظ ازواجنا منهم

وعن الحمال لاوالله مكسيكو مالي خلق كلش؛ ان شاءالله لمن اطيب وارجع مثل قبل افكر واليوم موعدي للنتيجه بس مارحت تسلط علي حماده اسهال حيل واهما لين ١١ص فماقدرت اروح وانا اصلا ماابي طاريهم ادور العذر ادوره كلش مااحب معاملات مستشفيات الحكومه

 

[كلاسيكال]

السلام عليكم شلونكم ياحلوات ؟

مكسيكووو انا معاااج <

اخباركم ياحلوات وشلون بيبياتكم / الحين اسم الله عليهم كبروا

 

[ReRez]

خوتا سلامات يارب الله يشافيج ان شاءالله
____
نوحا ان شاءالله يارب تخلص بسرعه وتكون وحده من الشقق من نصيبج ياااارب ..
----

ام عزوز الف مبروووك شفتي الكسلانن اللي ماتقلب ولا تسوي شي فاجئتج بضرسها واحلاتها ،، انا عكسج تسوي كل شي بس مو شاطره بالتسنين بس ان شاءالله هاليومين لان صارلها اسبوع مكرمه سهال قوي وللحين ماخف حتى واهي نايمه تسهل مرتين الله يشافيها يارب
---



بنات بخصوص الحمال انا ناويه شهر ٧ مو هذا لا اللي بعده يعني بنتي تكون سنه و٨ شهور و اذا ولدت ان شاءاللله تكون سنتين ونص
قلت احسن عشان ارتاح واسافر هالسنه والسنه اليايه شهر ٦ ،، بطلع الحره عدل هههه

يالله فكرو و تهيئو تحملون معاي بعد سنه ان شاءاللله خخخخخ

 

[Nooo7a]

ريريز
لاااااااااااا انشالله ماتخلص بسرعه
اناابيها بعد سنه ونص مو الحين
عقب ما اتوظف


انا راح احمل عقبج بجم شهر لمن اسكن بشقتي اليديده الي يم امي لوووول سويتها مالتي خلاص

 

[انثى الكويت]

دنيا ابوها والله قاعده اروح العلاج الطبيعي بس مادري شفيني اعري عالخفيف يقولون لي عادي تروح

بس تعورني ركبي مو راضيه تروح اخاف اعري طول عمري الله لا يقول تصير مصيبه كارثه بالنسبه لي


بس بذمتج شفتي شطانة شوقو ولسانها الي بره بغيت اكله الكلببببه احبها خخخخخخخ

ام عزوز مبرووووك عقبال التنمبل الي عندي لا تحبي ولا اسنان بس تقلب وغصب صفاقه مرات



خوتا حبي ماعليج منها اصلا عطيها طاف وزين ما بينتي حق ريلج

 

[دنيا أبوها]

يااااااارب يرزق كل وحدة تبي الحمل بالوقت اللي فيه خيرة ..


ريريز
امبيه لمن كتبتي بالانستتغرام و يحفظ عيالج حسيت اني كبيرة 
ترى بنتي نور اهي بجري

 

[دنيا أبوها]

أنثى
حياتي ما تشوفين شر يااااارب
لا اسم الله عليج .. اكيد المشية يبيلها وقت وترد طبيعية بإذن الله


اي واااااااي شفت شواقة اسم الله عليها و لسانها امبيه امبيه ليش ما كليتيه 
الله يحفظها ويخليها لج ياااااارب

 

[دنيا أبوها]

خوتا
امبيه حسبي الله على هالنوعية من البنات يقهروووون
الله يهديهم ويصلحهم و يشغلهم باللي ينفعهم دنيا وآخرة ..


زين سويتي دايما عطيهم أكبر طااف حتى وانتي محترقة من الداخل ..ولا تبينين لزوجج و تفتحين عيونه عليهم..

الله يحفظكم ويكفيكم شر هالنوعيات ..

 

[Nooo7a]

دنيااا
جمعمرج ؟؟؟
احسج قدي مواليد 88

 

[دنيا أبوها]

أهلين نوحا
انا مواليد87
وناسة ما بيننا الا سنة 

 

[انثى الكويت]

انا ٨٥
موتر فل اوبشن خخخخخخخخخ استعمال خفيف مدة ٣ سنوات زواج

كاااااااااك


نوحا شصار على شقتج الي ضربتيها ومحد يدري عنج خخخخخخخخخ


انا ودي اعيش بالشاميه قبل كنا اهناك

بس حاليا بكيفان قريب خخخخخخخخخخخخ




واي بنات ريلي شرا حق شواقتي ملابس من لندن تهبل بس ييبهم بصورهم وبحطهم مني

كلبببه حماره تيسه فيني طاقه سب خخخخخخخ

حتى شرا لها للاشتا مقاس شوي اكبر بلوفر قاب على بريطانيا
ياب لي نفسه واهو بعد عشان بالاشتا مع الجينزات نصير طقم خخخخخخخخخخخخ



اليوم رحت التنزيلات بمذركير وبروي وااي حلوووه بس انصحكم تروحون الصبح اليوم

حرررر تكيفيهم خربان
واليهال بكل مكان بجي وصياح وست وشوق تبجي من الحر طلعت ملقدرت اتفس
شربتها حليبه وبرد جسمها ونومتها ورديت دشيت مره ثانيه


ورحت بروي شريت عربانه عجييييبه كنت ناطرتها كل ماروح ماكو ولا مخلصه
سعرها ٧٤ دينار بس عمليه وخفيفه وسلتها الي تحت كبيييره وعوده وتشيل وايد حلوووه


بحط صورها بعدين

الي تفكر تروح تاخذها والله انه اختي شرت لها وحده بعد

وايد حلوه شفت وحده من زمان دازتها وسالتها واهيا قالت لي خذتها من بروي ط

وبس

 

[انثى الكويت]

بنلت من ولدت وانا كل يوم والثاني تحوشني فكريات والتهابات من تحت زهقت صراحه

وكله اروح الطبيب يعطوي تحاميل ابي شي يريحني

ماكو وحده تعرف خلطه اسويها بالبيت ولا نقوع ولا شي اسويه

 

[ReRez]

عليها ب الف عااافيه شواااقه العسل ربي يحفظها ويخليها

وبخصوص الفطريات مادري بس اختي دايما تغسل بمغلي البابونج اتقول وايد زين استفسر منها اكثر واردلج خبر
----

دنيا ماذكر اني قلت ويخليلج عيالج هههه يمكن تخربطت او يمكن قبل لا ادري ان هذي انتي