اطفال اكتوبر 2011 ياحلوهم 

[om MaRyooM]

ديروبالكم على عيالكم
امس جان راحت من ايدي ريوم بعد عمري


انا غبية

حاطتها على الغنفة قاعدة ابدلها جان الف على مريوم زفيتها باخذ منها الككاو كان بنص الليل
بهالثانية هذي سمعت طراااخ عالارض (اشوا ان فيه سجاااد)
ولا ريم طايحة على ويهها قالبة من القنفة

بجت بجي مو طبيعي وانا بجيت معاها
خفت لايكون مكسور خشمها ولا شي بس ربي حفظها كانت حاطة ايدها على بطنها وهالشي الظاهر سوا دعامية حق ويهها

الحمدلله عدت على خير


مع انها ماتقلب كسولة .. بس سبحان الله بهالثانية قلبت والله حفظها

 

[om_3azoz]

ام عزوز دشينا 4ونص بس طول الوقت ساكت ماقاعد يحن بس وناسه كان و انا من زمان مو رايحه

اي زين اشوه انه ماحن يالله الحمدالله انكم استانستو

 

[om_3azoz]

ام مريوم
ديربالج ياقلبي الحين غلط تحطينها على الغنفه حتى لو ماتقلب سبحان الله شفتي فجاه طاحت

انا ايام النفاس واااي توني والده يمكن 5 يوم رحت بيت عمي عشان ماكان في احد بيت ابوي
وخالتي قاعده تبدلها حاطتها طرف الغنفه وااااي وانا يمها فجاه زلقت وشعره وطيح جان اتلها من ريلها وااااااي بغيت اموت

 

[om_3azoz]

ملل قاعده بالبيت بروحي وريلي طالع ,, وطبعا ماكو سياره هههه

مسكين ابوي كلمني يقولي تبين امرج اتين عندنا قتله لا بعدين منو يردني البيت بليل ان شاءالله ماطالع ابوي بليل مره ثانيه

ريلي قال اقطج اخذ سيارة امي اقطكم وارد اخذ سيارتي اوله قصه ويع ,, قلت بنام يعني زعلانه ههه


يقولي ادري زعلانه ومتضايقه عشان ماعندج سياره قتله لا مافيني شي قالي يعني تبين تقنعيني ترى انا عرفج عشرت عمر مويومين هههه جان اضحك قتله بنام بنام

وتميت بالفراش اتقلب ساعه ماقدرت انام جان اقوم ويوعانه مومتغديه

 

[تدلل حبيبي]

سلام
بنات امااانه ادعو حق يدي حده تعبان
وباجر الصبح بسووله عملية القلب المفتوح
الله يستر حددددنا خايفين حاطين ايدنا علا قلبنا يقولون العمليه وايد خطره
اليوم زرته انا وفطومي اخر شي بنطلع انا بسته بعدين عطيته فطوم عشان يبوسها وااااي فضحتنيييي بچيييي
فشلتنيييي

يايتني الدوره اخيرا الحين جم شهر مايتني
فاحس راسي مصددددع ومسخنه
وقبل جم يوم سويت تحليل حديد وكالسيوم والا عندي الهمغلوبين وصفائح الدم نازله مادري يعني شنو !!
والله ماعندي وقت حتا اروح المستوصف اخذ علاجي

بسالكم بنات شلون اعرف الكميه المناسبه للوجبه حق الغدا
يعني تقريبا جم قفشه
انا فطومي تاكل اسملله عليها تقريبا ٥ قفاش او ٦
تتوقعون زين والا شويه
مره زدت الكميه رجعت كللللله

 

[Janna-q8]

ام مريوم
احلى شي بالاميري انه مجابل البحر.. فاذا انقثيتي من احد تطلين شوي من الدريشه تشوفين منظر حلوو,, الا اذا حاطينج من ورا عيل الله يعينج خخخخخخخخ

انثى
الله يعطيج طوله العمر.. زين انا كملت 27 قبلج بشوي^^

ام عزوز
يه يه شهاللوك .. متغيره ماعرفتج..ناويه على لبنان الظاهر؟؟ ^_-

نوحا
هههههه ضحكتيني على هشوم.. و عن العصاير عادي عطيه بس خففيهم بماي بدال ما تخففين الطبيبعي بماي.. لان حرام يفتهمون و يشوفونا نشرب و جذي يبون مثلنا.. جنوي الله يحفظها زين ما تصير عينها بعصيري خخخخخ كل ما شارب تقعد تتنهوص تبي تذوق فعشان جذي اعطيها ملوت اليهال ماكو الا العافيه ان شاءالله يعني كل شي طبيعي اكل طبيعي نعطيهم مو مشكله عالعصير

 

[Janna-q8]

تدلل الله يقومه بالسلامه و يشافيه امييييييين

 

[حمرة الورد]

ام مريوم حبيبتي تمونين لووول حيلج فيهم هههه مالي صاحب فديتج اما علي بنتج الله حفظها وصاجه الحرص والانتباه بالعمر هذا ياقلبي عليها وين تتحمل


عاد انا ولدي تعبان صايره فيه بكتريا بكل جسمه ماينام ولا يرضع وحراره توصل فوق ٣٩ وشي وكمام بعد صدره تعبان الله يعين

تدلل الله يقومه بالسلامه ذكرتيني بيدي الله يرحمه ماشبعت منه الله يقوم يدج بالسلامه يارب وتعدي عمليته علي خير

 

[om_3azoz]

تدلل ربي يشافيه يارب الله يقومه بالسلامه



ام جنى لا ههههه توني شهر 1 كنت رايحه الصوره من تصوير ريلي ,, ان شاءالله ناوين على الاردن

 

[Khota8]

السلام عليكم
انا غبت عنكم يدي توفى الله يرحمه وعلى ماخلص العزا
ومن الصدمه نزلت علي الدوره وجنها نزيف والحمدالله واللهم لا اعتراض

 

[om_3azoz]

لاخوتا موخوش خبر ياقلبي
عظم الله احرج حبيبتي

 

[*دنــيـQ8 ــا الوله*]

خوتا عظم الله اجركم والله يرحمه ويغفر له

 

[*دنــيـQ8 ــا الوله*]

قبل امس طعمنا خلودي ... وخلصنا من سالفة التطعيمات كل شهر وعوار قلب ... الحين التطعيم الياي لاكمل سنه انشالله

 

[Janna-q8]

خوتا عظم الله اجركم يا قلبي انتي

شلونكم الحين... الله يكون بعونكم

 

[om MaRyooM]

عظم الله اجركم khota

 

[نور الدنيا 88]

خوتا عظم اجؤكم

 

[دنيا أبوها]

خوتا

عظم الله أجركم وغفر لميتكم ..
آخر الأحزان ياااا رب ..

 

[انثى الكويت]

هاي بنات شلونكم ويني عنكم من زمان معلق النت موضي يشبك الموضوع معاي ادش اي قسم اي بس موضوعنا مادري ليش؟

ام مريوم الستر وماصار بريوم شي الحمدلله انا الحين لو شنو اخلي شوقو كله على الارض وانومها على الزوليه الي فيها العاب



انا بعنيا طعمت شوقو وافتكيت والحمدلله ما سخنت ولا شي الله ستر وطاف هالتعطعيم على خير

باجي مال سنه
بحط منبه والله عشان لا انسى


انا خلاص يوم الاحد عمليه ابي الله يعيني والله احاتي شلون بهتم بشوق بس هذا الي افكر فيه

ومابي تييه وتعاني معاي واتعبها الله يعيني ويسهلها علي



وشوقو ما سننت بنات تمت 7 شهور بالضبط اليوم

شسوي تهقون تاخرت عادي

منو الي سنن بنتها ولا ولدها




بنات انا شلي ماعندي ميزانيه للقرقيعان

تهقون عادي اطوف هالسنه واسوي لها السنه اليايه
فشله

 

[noo7a]

تدلل
الله يقوم يدج بالسلامه


خوتا
حبيبتي عظم الله اجرج


انثى
الله يقومج بالسلامه و يعينج
انا هشوم بعد اسبوع يكمل ال٨ اشهر و يدخل ٩ و ماطلع له و لا في بوادر الا ان يعضض بالمميه و يفركها بحلجه
بالعكس عادي انا مابيه يسنن الحين ابيه يحبي و يمشي اول
لان التسنين ياخذ من صحته و يتعبه
و عالقرقيعان والله مادري انتي ادرى بوضعج اذا كلش كلش بخاطرج سوي حق القراب بس و المهمين
مثل امج ام ريلج و اذا عندكم يدات وبس

 

[Khota8]

جزاكم الله خير خواتي
والله للحين تعبانه من الدوره واحس بصداع منها بس احس اني ريشه عقب مانزلت اوووف كانت هم سبع شهور ماشفتها
وامي الله يصبرها مسكينه يرتفع عندها السكري واهي ماتدري من التفكير وانا عندها من ذاك اليوم والله يشفيها
ومفروض عرس اخوي بعد شهرين كنسلوه والمشكله دافعين للفندق والدي جي وموارضين يردون العربون عاد احنا دافعين دفعه قويه الله كريم اكيد خيره