اطفال اكتوبر 2011 ياحلوهم 

[om MaRyooM]

ام مريوم ... اولا مبروك علي التميز والفال لنا خخخخ
وثانيا اشصار علي خدامتج الفلبينيه الاكيله ... اللي مو مخليه لا خضر ولا يابس الا ماكلته ... اذكر كاتبه موضوع عنها من فتره

*

هلا والله
لووووووووول والله للحين الحالة مستعصية مشالله عليها كل جم يوم نمجل من الجمعية بسبتها!!
مادري شسوي ماقدر امنعها حرام
بس شي اوووووفر
تخيلي من جم يوم ريلي يايب كيكة
اهو ماكل شوي منها ثاني يوم مختفية:krkrkr:

اهم شي زينة مع بنتي عشان جذي استسلمت

 

[Khota8]

صباح الورد

ام مريوم مبروك التميز والله يعينج على هاالافه اللي عندج
والله ولدي يوم ياحلوه ويوم يلعوزني بنومت اليل ماينعرفلهم وللحين مشكلة الاكل معاه وذاك اليوم امي خذته وتبي توكله مني مناك جان ترده تقولي توبه مالي شغل فيه عوب ولدج مايحب يبلع ومايحب يبطل حلجه واذا القمه دشت يرجعهاااا
يبي صدري بس

دنيا
الله يعينج انتي كشخي ماعليج مهما كان انتي جنه لازم تصيرين مميزه عاد بروح البلوكات اي حزه انتي رحتي علشان ماروح هناك وقت الزحمه

نور
عليكم بالعافيه الطلعه زين تسوين

بنات اختي كانت حامل باول الشهر او شهرين مارتفع معاها هرمون الحمل وكله نزيف بسيط المهم الدكتور عطها ورقه وقالها روحي الحكومه اخذيها هذي تنزل الجنين علشان ماتتسممين
وهذا كله بسبب ان في رحمها تليف وكبر مع الحمل 7سم
احنا مانعرف في احد سمع عن جذي ويقولها اشيله عقب بعمليه وانا قريت انه ماينشال يأثر عليها حرام توها عروس
ادعولها وقولي اذا تعرفون شي

 

[om MaRyooM]

الله يبارك فيكم احم احم صرت كشخة مع الوسام ههههههه









khota

حرام ليش ماياكل ؟ ؟
بس مشالله عليج زين ترضعينه ياخذ مناعه عالاقل .. انا شهر وبس لوول
بس حاولي حاولي فيه لازم يتغذا وياكل خضار وهالسوالف
انا بنتي ريووم اكبر من عيالكم بشهر والحمدلله تاكل منوعات لأن بلشت معاها من 4اشهر عكس البجر
لما بديت معاها بعمر ال6 اشهر ماتاكل ولاتبلع وماتحب اي شي

 

[حمرة الورد]

سلام للحلوين شلونكم رحت يومين فندق راحه مابعدها راحه والحين نحجز للسفره ان شا الله أنتو شمسوين البيبيات انا ولدي بالليل كله يحن يمكن من التسنين ماصارت طولت السالفه ولا سن طلع. وبعد أبشركم عيالي امتياز الحمدلله وواحد جيد جدا وان شا الله كلهم امتياز يارب

 

[Khota8]

ام نيرمانا
مبروك تفوق اعيالج وعقبال الجامعه يارب
ومتى العطله

 

[حمرة الورد]

الله يبارك فيج ياقلبي والفال لعيالكم يارب مادري والله متي العطله انا مدارس عيالي خاصه تختلف والسفره محتاره والله متي ورأ رمضان ماكو لان ريلي عنده صيفي وبروح عمره بعد واي احس من الحين تعب ريلي عطوه الجامعه شاليهات خيران بس صراحه مالي خلق مادري شفيني حتي السفره مو متشجعه مثل كل مره

 

[حمرة الورد]

اي صج بنات منو فيكم ربحت سفره حلوه ربحت ها لشرم الشيخ عطونا اسبوع جنه شرايكم اللي راحت تقول تسوا ولا لا

 

[تدلل حبيبي]

سلام
بنات شلونكم
ولهت عليكم
بسالكم عادي اعطي فطومي روب نكهات ؟
ودانيت ؟
ومتا انسب وقت لهم ؟
لانها بس تاكل وجبتين وبخليهم ثلاث بس محتاره شعطيها بالثالثة

شوفو اهيا تقعد الصبح ارضعها وعال١٢ نغديها خضار ودياي وعيش طبعا مهروس
وبعد المغرب اعطيها سيريلاك او فاكهه او فيرلز
حابه ادخلها شي قبل النوم شرايكم
يعني مثلا عال ١١ او ١٠ ونص اعطيها دانيت
ولما تبي تنام ارضعها وخلاص عشان موكل شوي تقوملي

انا بانتظار اراااائكن لووووول *

 

[انثى الكويت]

هاي بنات شلونكم
ام مريوم ممبرووووووووووووووك شالشخه لوك يديد بالمنتدى هاااا خخخخخخخخ

عليج بالعافيه


شرايج لما اتحلطم كول ها عيل بكتب كتابام عندي الاسلوب بالكتابه واقدر اقنع خخخخخخخخخخخ

مبروك ام نيرمانا على اعيالج ان شاء الله يطلعون دكتاتره ومهندسين

خوتا حبي شلونج؟

 

[حمرة الورد]

انثى مشكوره ياقلبي الله يبارك فيج وان شا الله يا كريم يطلعون مثل ابوهم يارب


بنات ابي عبايات راقيه للسفر من وين بس مو سودا بليز اللي تعرف

 

[حمرة الورد]

تدلل انا اعطيه عادي روب اللي بالفراوله وحلو جدول الاكل ماشا الله عليج

 

[om_3azoz]

ام نيريمانا
مبروك على تفوق عيالج يارب ,,


تدلل
انا اعطي بنتي دانيت تحبه ,, اللي بالفنيليا الاصفر


بس روب ماجربت بنكهات بجرب لها


انا ليلحين ماتاكل عدل يعني تاكل اقل من وجبه شويه بس موكل يوم بد ماتحب الاكل


بس قلت ببلش خلاص من باجر اعطيها غدا خضار والعصر سيريلاك نفس تدلل ,,

 

[*دنــيـQ8 ــا الوله*]

ام نيرمانا .... اناااااااا ربحت مع ريلي اقامه بشرم الشيخ ... بسسسس مارحنا للحين وماظن بنروح .... ريلي مو مال سفر ياااااااحظي خخخخ

 

[انثى الكويت]

هلا ام نيرمانا

اذا عالعبايات انا اروح يا المجمع الشمالي بحولي فوق كله عبي

واروح الفروانيه اروح العربيد اشكال والوان تحت
واروح مجمع ثاني بالفراوانيه بس مو ذاكره اسمه اهو بشارع الي فيه كناري نفس السطره

الصيفي جنه اسمه

وعند مغاتير في عبي حلوه وكشخه



انا بنتي الصبح اوكلها الساعه 10 ميلوبا عيش وحليب

وبعدين اذا ياعت اعطيها حليبه

الظهر اذا ياعت او صار موعد اكلها مسويه لها خضاركوسا وجزر وبطاط وقرع

وبالعاده بعد الاكل بساعتين تبي حليب ما يشبعها الاكل

والمغرب اوكلها فواكه فرش ابشر لها تفاحهنصها حيل ناعم واهرس نص موزه واعصر عليهم برتقالنص برتقاله
واحط فوقها قفشه سيريلاك عشان يتماسك لذيذ والله تحبه جربو هالطريقه

ومرات اعطيها ميلوبا فواكه اذا ماعندي فرش

والحين بغير شوي بوكلها روب مع عيش لين
وبوكلها روب النكهات

دانيت لا تعطونه اليهال وايد فيه سكريات تو الناس عليهم

وبيها انواع ثانيه من السيريلاك

 

[om MaRyooM]

ديروبالكم من الدانيت وروب النكهات مو الحين
لأن مايركب على كيمائية المعدة للطفل تو الناس <<<شرايكم بالمصطلحااات العلمية خخخخ

بعد ال8اشهر عطوهم هالسوالف
ومثل ماقالت انثى لأن فيهم سكريات واايد

فتحملو تعطونهم بالليل ويرجعون .. او يسهرون من السكريات لوول

 

[om MaRyooM]

اذا كـ سناك او بين الوجبات تبون تعطون البيبي تحلية سووله مهلبية او كاسترد بس بحليب الاطفال

انا جذي اسوي حق بنتي

ونفس ماقتلكم كتاب (الطفل السليم ) حق د.ريم وايد فيه افكار وصفات للاكل




*انثى
الله يبارك فييييج .. شرايج بالنيولووك سويته حق بعد الولادة لووووووول

 

[om MaRyooM]

والمغرب اوكلها فواكه فرش ابشر لها تفاحهنصها حيل ناعم واهرس نص موزه واعصر عليهم برتقالنص برتقاله
واحط فوقها قفشه سيريلاك عشان يتماسك لذيذ والله تحبه جربو هالطريقه

^
^
اسويلها جذي وفعلا لذييذ وكافي الفيتامينات الي فيه:eh_s(15):

 

[Janna-q8]

حبيبتي ام مريوم تسلمين عالسؤال و جنوي بخير الحمدلله عسى بناتج بخير يارب انتي وياهم

خوتا تبارك رقمي يوم سجلتيه

بنات سوالفكم تونس بس كللللش ما فيني حيل لرد عليهم لان قاعده بالدوام زااااهقه الدنيا و لوعه و كافي انصدمت بجم وحده وووويع قطع بس انطر ارد البيت و ارتـاح...لااااااء صج ماقدر ارتاح.. ريلي قال اليوم مشتهي ياكلأ من طباخي... صج فاضي

 

[*دنــيـQ8 ــا الوله*]

انا بديت اليوم اول الشهر ريجيم ... والله يعيني

 

[om MaRyooM]

كافي انصدمت بجم وحده وووويع قطع بس انطر ارد البيت و ارتـاح...لااااااء صج ماقدر ارتاح.. ريلي قال اليوم مشتهي ياكلأ من طباخي... صج فاضي

نفس وضعي

دوامي لوعه وقاعدة انصدم والله .. هذا واحنا بالمستشفى يعني المفروظ الدكاترة يكونون مستوا :rgewrg:
اخ بس والله الدنيا كلها تصدم <<<ودها تسوي مسلسل تركي


وطبخي حق ريلج يا مرا .. الزم ماااعليج طاعته هههه