اطفال اكتوبر 2011 ياحلوهم 

[تدلل حبيبي]

سلام بنات شلووونكم

امبي ريريز وييينهاااا مختفيه
انشالله لاهيه بالفرح يارب


بنات انا اودي بنتي الصبح عند امي مثل ماانتو عارفين
عاد اليوم اسولف مع امي تقول من باجر بتحطلها بغداها شوي دياي!!
مو چنه تو النااس عالدياي ؟؟
انا صراحه ماحبيت اقول حق امي لاا تو الناس لان خفت يحز بخاطرها وجذي
بس قلت اسالكم عادي الحين ندخل دياي او لحم بالغدا؟



ماقتلكم طبعا فطومي مازالت رافضه المميه
بعطيها عصير اعشاب اشلووون
قمت اسحبلها بالابره مالت الدوه واعطيها
عباااااله بس شسوي لازم تشرب عصير برتقال وهالسوالف عشان مناعتها وعشان الحين صيف اخاف يصير فيها جفاف

 

[Janna-q8]

تدلل
جنوي الله يحفظها كانت رافضه المميه بتااااتا قبل سفرتي

بس قلت يا انا يانتي باجر وراي دوام شلون تتعذب يعني؟؟؟ حاولت و حاولت و حاولت و تعبت لكن بالاخير الحمدلله استجابت و قامت تشرب المميه
ترى اليهال اذكيا ..اذا استسلمتي لها تستقوي عليج تدري انها بتجي و بالاخر بتعطينها من صدرج

نور شصار عليج؟؟

ريريز اي و الله من زمان عنها

حتى ملامح سما مالها حس

 

[نور الدنيا 88]

بنات مشكورين ماقصرتوا
رحت خذيت التحليل امس النسبه شويه و سوالي سونار خارجي ماكو شي
داخلي ماكو شي
قالوالي تعالي عقب يوميطبعا ماكو جيس و لا جنين مايبين
ن عيدي التحليل
واي يما طوارئ الصباح تخرع يولدون جدامي

و انا مازال مستمر الدم احمر و فيه قطع متكتله

بنات ادعولي مادري شسالفتي
اللي الله كاتبتلي برضا فيه و اشكر ربي
و سونار

 

[noo7a]

تدلل
مره قريت
ان اذا بلشتي توكلين البيبي من عمر ٤ اشهر
تدخلين الدياي واللحم من عمر ٦ اشهر
و اذا بلشتي توكلين البيبي من عمر ٦ اشهر تاخرين الدياي واللحم لي ٧ اشهر
عشان جذي انا بعد جم يوم لمن يكمل ال٧ انشالله ادخل له هالشغلات
طبعا احسن شي صدر الدياي
اخف على معده البيبي و اسهل بالهضم



نور
حبيبتي الله يطمن قلبج

 

[Khota8]

صباح الخير خواتي

 

[om MaRyooM]

نور سلاماااات سلامات يقلبي ماتشوفين شر


ليش ماتروحين خاص مو احسلج ؟

 

[om MaRyooM]

خوتا

صباح الانوار يقلبي




تدلل
حبيتبتي تو الناس عاللحوم
عندي كتاب حق د.ريم قنواتي كاتبة فيه للشهر الثامن اللحوم





انثى
مشكوووووورة وايد
الاولى تخرع .. لأن فيها ثوم واخاف تطلع الريحة
بس الليمون ويا الماي فعلا مجربتها من جم سنة عجيييبة وتنزل الوزن بعد ..دكتورة تغذية بالصباح قالتلي عنها

 

[om MaRyooM]

ام مريوم
الله يخليلج الوالده ة و يطولكم بعمرها
اي و الله شكلي بسوي بس من غير ما اقول حق ريلي.. تهقون يحسون فيه؟ سوري عالسؤال

تسلمين ياقلبي
شوفي خالتي قالتلي اي ريلها حس فيه
وسالت مرة وحدة ثانية قالتلي لأ
فمادري :bbbiu:

واااااااااااااااااااااي تعبت من ركبي خلاص مازمتني نفسيا صراحه

والزفت الي ماجرين عندهم هاملين مكانا وييييييييييييييع والماي مقع وانا ماسكه نفسي بالله هاذي حاله


ام مريوم مشتركه بجامبيونز بالجابريه القديم احبه واشتركت سنه كامله ب 300 دينار ببلاش والله


لان اهناك ماعرف احد ورفيجاتي كلهم باليديد وانا ماحب اتعرف عاحد مو عشان شي ماحب التزم باحد
ولا احب يسالوني عن حياتي حب

اسوي رياضتني واطلع

الله يعينج
ديري بالج يمكن الرياضة تاذيج زيادة
ومس جامبينز ماحبيته وايد القديم اشتركت فيه من سنتين وحمام السباحة وصصصصخ
صارت فيني فطريات بجسمي منه تخيلي
رحت المستوصف ماعرفو شفيني
رحت عيادة الخليج اول ماشافتني الدكتورة قالتلي طابة مسبح ؟؟؟؟ وقالتلي هالفطريات ماتطلع الا من الماي الوصخ وتدرين حريم وايد وعرق وافرازات و مو الكل نظيف فتلقطين العدوى
من يومها لاعت جبدي منه ومن وصاخته

وبس قرقت وايد لوول

 

[Khota8]

بنات انا مو قتلكم جسمي فيه بقع بكل جسمي وغامجه حيل نفس طريقه حساسيه بس اهو موحساسيه ولاشي والدكاتره يقولون ماله علاج يعني لاعت جبدي ماكو حل جني تايقر منقطه واضح
المهم
شرايكم اسوي تان بصالون علشان يتوحد اللون الفاتح مع الغامق
بنات انطر ردودكم منو اتقول اوكي ومنو تقول لا
حدي محتاره

 

[om MaRyooM]

خوتا

منقط بني وااضح يكون حساسية اكيد !

شوفي مرة صار فيني تقريبا نقفس الشي بس صوب جتفي
المستوصف طبعا ماعرفولي
رحت عيادة الخليج بالشعب اول ماشافتني قالتلي هذا نوع حساسية تسببها الفطريات احتمال من المسبح وعطتني كريم اسبوعين وماااكو شي

جيكي احسن دام تقولين نقط وااظحة

 

[noo7a]

خوتا
ما انصحج بالتان
انا مو خبره فيه
بس اتوقع البقع الغامجه مع التان راح تغمج بعد و راح هم يصير فرق
واسم الله عليج لا سمح الله ان كان نوع من الحساسيه مثلا و الدكاتره مايعرفون له
اخاف موزين تعرضينه للتان و يسووء اكثر

جربي تروحين لدكاتره ثانيين
مادري والله
الله يشافيج يارب

 

[انثى الكويت]

بالعكس ام مريوم حامبيونز نظيف

وكل نادي اصلا بيسبحون فيه ناس نظيفه ووصخه

ماعتقد من النادي ممكن يسبب فطريات كل النوادي جذي

وعندي رفيجات يذمون بفلكس ولا الي بالخالديه

ماكو اهو لازم يصير جذي

 

[Janna-q8]

خوتا صار فيني جذي من قبل

رحت كذا مكان حتى خاص ماعرفولي

بصراحه السالفه قديمه ما تذكر شنو اللي روحه من قبل بس اتذكر عطوني كريم تفتيح على برتقال

و اكو دكتورة اسمها طيبه المنيس بالسالميه بصراحه ما اتذكر شنو عطتني بس جنه جنه اهي اللي عطتني كريم نفعني...

سوري و الله كان ودي اساعدج اكثر هذا كل اللي اتذكره حاليا

 

[om_3azoz]

مرحبا شلونكم

نور الله يكتب اللي فيه الخير يارب
شربي ماي ونشا 3 مرات باليوم ,, حطيلج قلاص ماي وفيه قفشة نشا كبيره وشربيه


انا بنتي ليلحين ماتاكل عدل ,, ماتحب الاكل ,, الا الجزر ومره عطيتها ندانيت هههه اللي على فانيليا شافت عزوز ياكل قامت تاشر وطالع عطيتها عجبها

 

[تدلل حبيبي]

خوتا
ماانصج بالتااان احسه بيبشعه زياده حساافه
روحي عند دكتور جلديه ثاني وثالث وراابع وووو لا تيئسييين
انزين اذا نقط ومو حساسيه اخاف نمش؟؟!!


ام عزوز
ترا بنتج لازم تاكل اكثر دخليلها وجبتيين وحده خضار ووحده قمح
هاذا الدكتور ياسر قالي اهم شي هالعنصرين

جنا
اتوقع يحس فيه لان كذا مره اسمع عن هالشي 


بنات اليوم بنتي حطينا بغداها شوييي بروكلي
امبي ماحبته كلللش بالغصب كلته
بس بعودها عليه وايد مفيد متروس فيتامينات

سؤال فني
لوووووول
لا صج والله بنات ملاحظه هالايام وانتو بكرامه بول فطومي شويييييه
يعني كل ٣ ساعات ابدل الحفاظه امبي خفييييفه
وحفاظة الليل مو نفس قبل ثقيله
تتوقعون ليش؟ عشان صيف يعني؟ والا لانها ماتشرب عصير وماي وايد؟
انتو لاحظتو بعيالكم جذي اسملله عليييهم ؟؟؟!!!*

 

[noo7a]

تدلل
لازم تشربينها ماي وايد
الحين صيف و الجو حار
الجسم محتاج للماي

 

[Janna-q8]

تدلل

صح انا لاحظت جنوي بعد حفاظتها اخف من قبل

صح الظاهر لازم اعطيها ماي اكثر

 

[Khota8]

بنات مادري حيرتوني كان التان اهوا املي الوحيد وارد الثقه لنفسي والله نفسي تتردا بكل يووم
رحت حوالي ثلاث دكاتره خاصين وكل واحد قال نفس الحجي فايروس مجهول واحسلج لاتلعبين فيه عند الدكاتره مده ست شهور اوسنه والحين صاره سنتين

بس التان بحطه رش موقت عشر ايام في صالون بالجابريه اداره بنات كويتيات وحده منهم دارسه التان وعندها ثلاث الوان يعني احس فهمانه

الله يعين اليوم طعمت حماده كان الدوا خالص فطعمته اليوم يكسر الخاطر كله منهد حيله ووتعبان

شفت وزني اليووم توقعت اكثر بس انا مو طويله يبين فيني وماعمري متنت مثل هالمره بس لوعه متنتي في اماكن مو حلوه وعندي شكثر عروس ومناسبات بشهر سته والحين اللبس شفاف وقصير ماتقدرين حتن تلبسين كروسيه

 

[Khota8]

بنات حماده مايشرب ماي

 

[om MaRyooM]

ام عزوز

لووول فديت البناات..ديري بالج مرة وكلته لبنتي قامت ترجع
للحينهم صغار لازم ننتبه لأكلهم



انثى

مادري عالمدح اللي شفته ماحبيته وايد
كان خاطري اليديد بس واايد غالي صراحة
انشالله ناوية على كيرفز





تدلل
عاد البروكلي فظيييع
لاتحطينه بروحه
انا تقريبا كل يوم اعطيه حق ريوم اسم الله عليها حبته وايد
اهرسه مع بطاطا حلوة وكوسا وجزر او مع شي واحد مو شرط كلهم ..
واظيفلهم قفشة عيش مطحون او سيريلاك بالارز جذي يصير حلو ومفيد بنفس الوقت


وبالنسبة للبامبرز انا لاحظت نفس الشي
يمكن لأن رضعات الحليب خفت عن قبل مو كل ساعتين



khota
حياتي حطيله سكر نبات مع الماي يمكن يحبه اكثر
وشربيه عصاير اذا مايحب الماي

بس جيكي الماي يمكن باارد مرة لاحظت بنتي ماتبي تشرب
ولما جيكت عليه لقيت الخدامة معطيتها باارد بعد عمري
زفيتها