اطفال اكتوبر 2011 ياحلوهم 

[Khota8]

ام عزوز شفيهاااا وينها
يالله يستر عليهااا

 

[*دنــيـQ8 ــا الوله*]

جنوووي الحمدلله عالسلامه ويلا بطلي الجناط ابي صوغتي خخخخخ

انثي الكويت كنت بقولج مااااااشالله عليج نظرتج مستقبليه خخخخ قاعده تزهبين لوك العيد من الحين خخخخ ذكرتيني والله اخفف كرشتي انا بعد واضعف شوي اشمتني صايره بسسسسسس مشكلتي فقر الدم وااااايد نازل ومتعبني جسمي يعورني لو امشي خطوتين او اصعد الدري .... ابي شي يقوي الدم بنات شنو تعرفون طبعا لاتقولون لي اكلي جبده خخخخخخ ماحبها كلشششش

انزين انثي شنو مكونات الخلطه اللي تنظف الكلي اللي قلتي عنها قبل يومين *

 

[sweeta77]

هاي يا حلوات
لهيت عنكم وسافرت ورديت



ام مريوم
ولكم باك مس يو

 

[sweeta77]

يلا نبتدي الحنه


بديت اوكل ولدي مايعرف يبلع يخلي الاكل في حلجه
شسوي؟

 

[تدلل حبيبي]

سلااام
شلونكم صديقاتي بالنت 

امبي هالجم يوم كاانو لوووويه
فطومي من طعمتها والسخونه مااااتهدهااا
ومره قتلكم كللله تبجييي وتون
عاد امس بس قلت خلاااااص راسي بينفجرررر
ماصارت هالتطعييييم شنو كل اليهال يطعمونهم
محد سوا جذييي
جان ازخها انا وابوها ونوديها السيف لووووول
دخلت علا دكتور ياسر قتله كلشي جان يفحص اذونها وانا اقول بقلبي شكووو
خو انا ما قتلك اذونها
قتلك بلاعيمها وخشمها ومسخنه بس
المهم والا يقولي يا ام فاطمه مالاحظتي انها تحط ايدها علا اذونها اليمين وايد

قتله امبي امبله بس عبالي انها متضايقه ودايخه بتنام وفعلا بس تسوي هالحركه انومها وتنااام
قالي فيها التهاب بالاذن اليمين
وصارلها ٥ ايااام السخونه من الالتهاب وزين لحقتي ويبتيها قبل لا ياثر بطبلتها ويقلل سمعها
انا جذييي

المهم كتبلي مضاد
عاد سالته عن وزنها وطولها قال الطول بالحدود المقبوله
بس الوزن اقل من المقبول 
قالي زيدي رضعتها
وضحتله انها راااافضه الصناعي
وماتااااكل الا قفشتين ثلاث خضار بسسس
ويادوووب شوية سيريلاك المغرب
قالي ميخالف لازم اصبر عليها واتدرج معاها لان اللي يرضعون من الصدر صعب علا ما يتعودون علا الاكل والقفشه

ياحياتي يافطووومي طلعت اذنها ملتهبه وانا ماااادري عن هوا دااارها
عبالي تحن من التطعيم 

 

[تدلل حبيبي]

ام مريووووم
امبي شخبارج ولهنا عليييج يبا شهالقطاعه 
وي كربون مريوم وريووم الله يحفظهم

*نوحا
انصحج لا تودينه السينما
خلي يوم الصبح بدال لا تروحين الكليه روحي سينما مع رفيجاتج
ودارن درا ودارن مااادرا لووووول

خوتا
نفس معاناتي ماقدر اخليها عند احد فتره طويله لانها ترضع طبيعي

جنا
الحمدلله عالسلااامه
ها شلون السفره بشرييي

انثا
زين تسوين اعتني بشعرج
بس ديري بالج من خلطات النت ترا اغلبها خربووطه

نور
شخبارج مع النسااة

باقي البناات شخباركم 

 

[Janna-q8]

الله يسلمج خوتا ما تفقدين غالي يالغاليه

انثى الله يسلمج و يسلم قلبج

دنيا افا عليج صوغتج بالحفظ و الصون الحين يرن عندكم الجرس عرفي انها صوغتج دازتها لج لول

تدلل الله يسلمج الحمدلله و الله كانت حلوة و تغيير جو و عشان اداوم و ارجع الدوام طايب خاطري شوي عالاقل هههه

 

[om_3azoz]

مرحبا ,,

خوتا العرس يوم السبت وشفيج خرعتيني شفيني ؟؟



اليوم عيد زواجي ,, رحت مساع الصالون حفيت وقصيت شعري ابشركم خلال شهر نزلت 6 كيلو صرت الحين 53 باقيلي 3 كيلو وخلاص وناااسه

 

[om_3azoz]

الحمدالله على السلامه ام جنى ها شلون سفرتج

 

[انثى الكويت]

ام عزوز سدحي رجيمج مني

انا ناطره الدوره وهوبا اخلص واروح النادي

 

[Khota8]

مرحبا
ام عزوز مادري شفيج اختفيتي بس ضحكني ردج
وشلون ضعفتي قوليلي ومااقول حق انثى>>>>>ههههههههه

جنوي ابي صوغه بدل محاتاة هههههه

توسويت تسريحة الورده اللي تي فوق الشعر وعوع ابي نفس اللي باليوتيوب بسرعه وحلوه اما انا عفيسه حده

 

[Khota8]

تدلل ماتشوف شر فطووم
سويتا حمدالله على سلامتج والاكل والله مشكله كنا فازين من الرابع بنوكلهم الحين بالسادس وماكلوا
انثى
زين تسوين لا تلعبين رياضه وهاذي عليج

ام عزوز
سوري اني خرعتج بس حسيت انج من زمان ماتكلمتي وخفت انج مشغوله لاسمح الله بشي موزين
ام جنوي
وين رحتي باروبا
وشلون الجو
والشوبنغ
وسكنتو وين اي فندق

 

[نور الدنيا 88]

ام مريوم الله يبارك فيج
تدلل لوعت جبد اليوم رحت الطبيب سوت لي سونار قالت لي مايبين شي
حتى جيس مأشوف
قالت سونار داخلي مارضيت
عطتني موعد بعد اسبوعين
ام جنوي الحمدلله على السلامة

 

[Janna-q8]

نور و ام عزوز الله يسلمكم

ام عزيزان السفره حلوة الحمدلله بس ناقصها جنوي بس لما شفت البرد قلت الحمدلله ما يبتها

خوتا
عاد اسم الفندق ما اذكره طوييييل
اخذنا جوله لندن برشلونه مدريد باريس جذي ماطولنا بكل ديرة شوي ركضه ركضه كانت ههههه و صوغتج ما يبتلج كله حق استاز حماده يبتله تيشرتات ماركه اضبطه عشان استاذ جنوي نسيتي؟ ابيه ينجحها واسطه هههههه

 

[Khota8]

نور
شدعوه تو الناس شفيج ولا تبين سونار داخلي بعد علامج مصرقعه وهذا عندج خبره ههههههههههه السونار الداخلي اذا موشاطر الدكتور يسوي رد عكسي
اهم شي اكلي فولك اسد الحين
واهوا يبين في تحليل الدم يكون الهرمون مرتفع والله يستر عليك ويتمم عليج وبالصحه والعافيه وتيبين احلى بنوته

ام جنوي
ماشالله خوووش رحله عليج بالف عافيه
وحماده ناطر التي شيرت يالله اقنعته خايف انه يعتبر رشوه >>>اهوا صج يحب الفلوس بس يخاف الله ههههههه
ونسيت صباحكم فل وياسمين

 

[Khota8]

نور سوري انتي اللي مارضيتي اشوااا وهذا العشم فيج حبيبتي والدكاتره ماوراهم الا التجارب

 

[om MaRyooM]

ام عزوز
الله يهنيكم انشاللله ويخليكم لبعض
قوليلنا شنو رجيمج ..


انا وزني هالعلة مو راظي ينزل متأزمة حدي







انثى
حياتي شنو الخلطة اللي قلتي عنها تنظف الكلى والكبد

ويبيله والله برنامج عشان العيد اطلع بنيولووووك ... خصوصا العيد اللي طاف كنت حامل ومتأزمة كنت الوع الجبد ههههههه
اي نادي ناوية تشتركين؟
احنا فتحو في منطقتنا(سلوى) نادي كيرفز خاطري اشترك فيه بس اخاف ماالتزم لوول





تدلل
ياااابعد جبدي والله تسلمين
وماتشوف شر بنتج
منو دكتورها بالسيف ؟؟؟



دنيا الوله
نفس الحالة اخذي حبوب حديد
واكلي رمان وايد وايد زييييين وشمندر اذا تحبينه وسبانخ والخضار بشكل عام





سويتا
ياحياتي تسلميين
وحمدلله على سلامتج


ام جنى
حمدلله على سلاامتج ياحلوة

 

[om MaRyooM]

بنات
sorry بس شنو تستخدمون موانع ؟؟
انا كلش مومفكرة احمل قبل 4سنين صراحة مكتفية حدي

الحبوب تتفخني
جربت ياسمين وبيلارا وديان35 وسليست .. كلهم يلوعون الجبد
بس اخف وحدة سيليست

الحين مانع طبيعي +طريقة العد

اهم شي انه محد عبر سؤالي لوووول
مستحين يعني:bbbiu:

يلا كل وحدة ترد:rgewrg:

 

[Khota8]

انا مااستخدم للحين ارضع طبيعي ومايتني الدوره واصلا اهوا مايرضى اكل حبوب مره اكلت علشان بنسافر جان تيني اعصاب عليه وعلى اعياله ومااعرف انام باليل وتيني حاله من البجي بسبة الارهاق
وعقبهااا حرم اكل حبوب موانع
وقبل هذا صارلي ست سنين ماحملت على العد

والله يوفقج ام مريوم وتحصلين حبوب زينه وتضعفين وتصرين احلى من زبيده ثروت<<<<< خلى عرجج اللبناني يبين <<<~

 

[om MaRyooM]

خوتا

اي انا عالعد بس اخااف احمل صراحة
الله كريم

وتسلمين ياحياااتي
لووول اهم شي زبيدة ثروت ... شدراااااج فيني عرج