اطفال اكتوبر 2011 ياحلوهم 

[Khota8]

نورررر
مبروك والله يتمم عليج ويحفظه انشاء الله

 

[*دنــيـQ8 ــا الوله*]

نور الدنيا .... الف مبروك عالحمال ... وبصراحه شنو شعورج لما حللتي وشعور سي السيد خخخخ والفال لي بنات بسسسس لحد يقول آمين خخخخخ وي عاد ابيخ شي عندي اراجع طبيبتي بالعياده والنطره بالساعات وسونار وحاله كل شهر


*

 

[Khota8]

:yaaaaaarb:امين


:ggdw:

 

[*دنــيـQ8 ــا الوله*]

خوتا ... مدام قلتي آمين بقولج اجمعين خخخخ علشان تحملين وياي

 

[انثى الكويت]

تضحكوني بنات انا بعد سنه عشان اشتركت بنادي مابي اخسر فلوسي خخخخخخخخخخ

 

[نور الدنيا 88]

الله يبارك فيكم كلكم تسلمونلي
شعوري عادي مأستانست وايد و زوجي مستانس الحمدلله

 

[om_3azoz]

شلونكم ياحلوين ,,

اليوم مادومت هههه معنه باجر اخر يوم بالميداني قلت خلاص خل يولون بدام باجر وخلاص

صايره عيزانه اقعد من النوم ابي انام ههههه


بعد شلونكم شخباركم شمسوين شلون بيبياتنكم

 

[noo7a]

هلا ام عزوز
انا تمام ماشي حالي
شخبارج انتي و شلون كتاكيتج

انا بعد حدددده مالي خلق اداوم
غصب اتسحب للدوام
التتوريلات معطيتها اكبر طاف
مع ان واحد فيهم كله فيه كوزات وحاسه بتانيب الضمير
بس شسوي ماني قادره
باجر عندي مدتيرم
الماده حدها سخيفه كلها احصاءات الدول
تخيلو الدكتور بس يفتح جداول و يقعد يقول الدوله الفلانيه هالكثر عدد الذكور فيها و هالكثر الاناث و يقعد يتحلطم الذكور من وين راح يلقون زوجات لان عددهم اكثر يعني من هالطقه سخافه الماده
بس ذاك الاربعه الي طاف الدكتور عطانه نموذج اسئله للامتحان لان جد ماندري شالسالفه بالماده
امبي النموووذج حده صعب من وين يايب الاسئله ماندري
كلها حسابات و قوانين
امبي ماعطاني ولا شي منهم
الله يستر باجر
ولا نص الطلبه مايحضرون لان الماده تزهق و اهي اساسا اختياريه فجاه قالنا الاثنين الياي المدتيرم
وايد طلبه ماعندهم خبر ان باجر المدتيرم وماعندنا ارقامهم نبلغهم
و نظامه يقولنا امج ابوج يدج يدتج بالمستشفى حادث انا مالي شغل الي مايحضر زيرووو ولا تتعبون نفسكم و تييبون عذر لان زيروو

 

[Khota8]

نوحا
موفقه يارب

دنيا الوله
هههههههه

انثى
متى تطعيم شواقه مال ست شهور

 

[تدلل حبيبي]

نور
حبيبتي الله يسهل عليج ويهون عليج وتييبين احلا اخت حق حسوني الجميل

دنيا الوله
لوووول انشالله تحملين بالوقت المنااااسب

ام عزوز
ايي حدده مال تغييير الجو الجسم متكسسسسررر
بس لا تصيرين كسوله تعوذي من ابليييس

نوحا
الله يوفقج بالمدتيرم ياااارب وتييبين فل مارك وينتدونج اخت مصطفا


انا اليوم فطومي بس تبجي وتحننن مادري شفيها
ورافضه تاااكل بس احط القفشه تصررررخ وتدز وماااتبي
احسها ضعفااانه وخدودها فاشه لانها صايره ماتاااكل بس حليييب شويه وكلله بجي مادري يمكن بتسنن


ريريز وينج مختفيه اشتقنالج واشتقنا حق سوالف نوراني العسوووله

 

[Khota8]

تدلل
اخاف شي يعورهااا
تدلل ودي ابجي ودي اصرخ حماده موراضي ياكل تلوع جبده من القفشه شسوي من هالولد لا مصاصه ولا مميه ولا اكل بس يبي صدري ولا طالعه سن واحد جنه شوكه كل مارضع يعظني واصرخ ويضحك عباله العبه
تخيلي كل يوم اتهاوش مع ريلي على المصاصه والمميه يقولي كله منج وكذا مره يعيدهااا مانطلع ولانروح مكان بروحنا لانه مايرضع الاصدري حتى الدكتور يقول ست شهور خلاص دخلي الصناعي والاكل وجذي يخف عليج التعب

انثى
متى تطعيم شواقه ست شهور عشان حماده بنفس اليوم وكاتبين له بالميلاديه تطعيم ست شهور بشهر مايو

 

[noo7a]

تدلل
اخت مصطفى عاد لوووول
ترى بهالفتره كلنا راح نحس ان عيالنا ضعفو
انا مره قريت معلومه حلوه
انا اول 5 اشهر او 6 اشهر من عمر البيبي الزياده الملحوظه عليه تكون بزياده وزنه بحجم جسمه
و بعدها 6 اشهر ثانيه الزياده الملحوظه عليه بطوله

يعني انا ولد اخوي اكبر من هشوم بشهرين و نص و اسم الله عليه كان متبتب
من دخل الست اشهر امبي خقققققققققققققققققققققققق وايد بشكل مو طبيعي
نقولها حرام ضعفان وااااايد تقول مادري مع ان اكله زين و وزنه زايد بس مادري ليش جذي مره وحده فش
الحين يوم هشوم كمل الست اشهر الكل يقولي امبي ولدج وايد ضعفان خدوده اختفو مع ان ملاحظه ان وزنه اسم الله عليه طبيعي
عاد تذكرت حزتها هالمعلومه ان اسم الله عليه لان زايد طوله فنحسن انهم ضعفو


خوتا
واي حبيبي حماده
حاولي تيوعينه
ادري صعب ما يهون عليج ولدج يوعان و يبجي و ماترضعينه
بس شتسوين عشان مصلحته و راحتج
لازم يتعود عالاكل
المميه خلاص طاف مو مهمه بس الاكل مهم عوديه على الاكل
و بالطلعات جذي عطيه عصاير

 

[noo7a]

خوتا
اذا مضيعه بعمر الست اشهر
عطيني تاريخ ميلاده اسم الله عليه
وانا احسبه لج

 

[om_3azoz]

نوحا
ربي يوفقج يارب

تدلل
يمكن بطنها او اسنانها اوشي يعورها
وعلى طاري الدوام والله كسل موطبيعي التكيف يكون بارد فمالي خلق اقوم يالله باجر اخر يوم بروح اضبط اوراقي وارد البيت عطاليه بطاليه ههههههههههه
بطلع بروح السوق عندنا عرس السبت وليلحين مادري شنو البس شفت نفنوف احتمال اروح اخذه معنه عرس مايصيرون لي يصيرون حق خالتي بس بروح معاها هههه الفرجه ببلاش ههههه



الحين بطالع اكون او لا لمن يخلص اروح انام


وعلى طاري كتاكيتي ,, مطلعين لي قرون سمله عليهم

طبعا خلو عزوز بصوب مادري شنو اسوي بهل ولد تعبت منه

 

[om_3azoz]

خوتا انتي تاريخ جم ولدتي

يعني انا ولدت 1-11 تطعيم بنتي 7-5 لانه متاخره بالتطعيم المره اللي طافت

 

[دنيا أبوها]

السلااااااام عليكم ... من زماااااااااااان عنكم ....

شخباركم كلكم ...

نور الدنيا
حياتي الف الف الف الف الف مبرووووووووك ربي يسهل حملج وولادتج و نفاسج و يرزقج الذرية الصالحة السليمة المعافاة..

و الفال لكل البنات اللي يبون الحمال ...

 

[دنيا أبوها]

نوحا
يعطيج العافية على المعلومات الحلة عن الوزن و الطول ...

صج شخبار هشوم مع الكرسي اللي اشتريتيه من تويز ار اس. (( امبيه احس قفلت نسيت شنو اسمه))


عساه يقعد فيه ويستانس بالعافية*

 

[دنيا أبوها]

أنثى
شخبارج و شخبار ركبج ... ما تشوفين شر بإذن الله ..


تدرين انا من يزيد وزني اموووت من ركبي ما اقدر اقعد و لا اصعد درج و لا شي ..
يصير الم خيالي حتى ما اقدر انام على جنب يصيرون نار ...

ما ادري احس هالشي يصير معاي اذا زاد وزني لانه يستمر شهوووووووور لحد ما ينزل وزني ...


و مالج شر بإذن الله ..

 

[دنيا أبوها]

اامممممم اذا قدرت برد عالبنات بوقت ثاني بإذن الله ..

باختصار :

ام عزوز
الله يعينج على ضرس العقل و عسى الله يرزقج بالوظيفة السنعة

معبوجة
عسى الله يبارك لج بعمليتج ويعطيج من خيرها ويكفيج شرها و تضعفين بصحة وعافية ..

 

[Khota8]

السلام عليكم بنات
دنيااا ابوهااا
انتي شلونج وشخبارج
تصدقين ان ركبتي اليسار شابه علي مااقدر اثنيهااا وصارلي جم يوم احط كريم الاخظر ربيكام بس ماكو فايده تهقين عشان وزني
عاد ناويه اسويلها اشعه هاليومين

نوحا
حماده مواليد 9/اكتوبر نفس يوم شواقه بس السستر حاطه موعد الشهر الياي يعني مايو يكمل سته بس اهوا هالشهر ابريل يكمل سته فحبيت اتاكد منكم

ام عزوز
لا تنسين تقولينا شلون العرس وشنو شفتي شي اعجبج بالبس والتقديم وصج الحين موضة التساريح الفنتازيا