اطفال اكتوبر 2011 ياحلوهم 

[ma3boocha]

هاي حبيباتي


خوتااا و دنيااا

روحوا نعومي
توني شاريه منه حق عروس
ست كامل محطوط بجنطه مثل خامته
( فوطه+و نعال-تكرمون- + و فوطه ويه - و فوطة شعر )
الوانهم حلللللللوه

او عندكم

زهور الريف بالبيرق فوق
شغله اعجب من العجيب
ستتااات حق الجسم شي خياااال
و روايح اتينن
و غالي مو هين




وبس





شلوووونكم حبيباتي


بلشت اعطي فرووس من غدانا


امبي صار ماعنده وقت للحليب
بس وقت النوم

تقريبا بس ٣ مرات يشرب حليب باليوم او ٤

الباجي كل اكل و سناكات


مادري مبدعه فيه والا عادي ؟؟!!!!

 

[noo7a]

معبوجه
شلون يعني من غداكم ؟
يعني اكلكم العادي بس تطحنينه ؟!
مادري انا مرت اخوي من اول ماتبلش تعطي عيالها تعطيهم بعد اسبوع اسبوعين من اكلهم بس تطحنه
بس احس حرام توه البيبي مو بسرعه تتقبل معدته

 

[انثى الكويت]

هاي بنات شلونكم

ليش المووضوع كان ورا نوحا

الصراحه ماكو وقت

المهم اليوم قطعت اجازتي ورديت دوامي وايحتاجه لفلوسي

عاد امس رحت ربيل وشريت كاكاو منهم واحد صحن حلوحق مديري احنا بدوامنا لازم عشان يقدرني اذا بطلع حقبنتي ولا شي

وواحد للبنات عطيته للهندي وافتر عليهم واستانسو لان ينن ولذيذ وكشخه

عاد في حرمتين بالدوام فوق 45 سنه

عاد شنو انا ماوشه معاهم لان قلت كبار وعيب احط دوبي من دوبهم بس لما قلو ادبهم وانا اعصاب

جان امس فيهم الارض

قبل حمالي

عاد وقبل كنت بفتره اجازتي االبنات
بس ما اسلم عليهم معنه اهم باول غرفه بس طاااااااااااااااااف شلي بعوار الراس

عاد اليوم ما خذو من الكاكاو

احسسسسسسسسسسسسسسسسسسسن والله وايد مرتاحه ومستانسه
ليش لانهم حثاله
واي ارتحت والبنات يقولون لي مبرررررررررررررررروووووووووووك افتكيتي الفال لنا

والحمدالله ارتحت كنت احاتي ترد العلاقه على بو يعني ولدت وجذي

بس اشوه ماردت

واي تحت حدي انا نوعيتي ما اجامل يعني مثلا لو اعرفوحده وتطلب رقمي ماعطيها اقولها
اسفه ماقدر ماعرفج عشان اعطيج رقمي

شيضمني اهيا شنو ولا شنو اخلاقها

واذا لقيتها مو شي اقطع اخليها تولي


مالي خلق كل شوي اغير رقمي عشان وحده





تدلل يبي حق ناظرتج كاكاو قولي لها عشان مناسبه ولادتي

ولا تطلبين منها شي يمكن اهيا تقدر وضعج تالي



انا لو اموت ماشتغل بمدرسه قطييييييييييييييعهناظره ووكيله تتحكم فيني




نظام وزاره اهون والله

 

[ma3boocha]

معبوجه
شلون يعني من غداكم ؟
يعني اكلكم العادي بس تطحنينه ؟!
مادري انا مرت اخوي من اول ماتبلش تعطي عيالها تعطيهم بعد اسبوع اسبوعين من اكلهم بس تطحنه
بس احس حرام توه البيبي مو بسرعه تتقبل معدته

اييي بالضبط

شنو غدانا

حطيتله العيش والمرق و الدياي و خضره و طحنته له

اليوم ثالث يوم

الحمدالله سليمه

 

[تدلل حبيبي]

نوحا
انا اخصائيه نفسيه مو مدرسه
والله محتااره شسويييي
باجر برد اكلمها بهدوووء
واذا مارضت بقولها ابي استئذان برضع بنتي وارجع
عشان تعرف اني جديه مو قاعده اقص عليها
واذا ماخلتني بروح الوزاره اسوي عمل جزئي مادوي شسمه
اللي يكون يا اول ساعتين او اخر ساعتين اطلع فيهم ويكون خصم من الراتب
بالطقاق يطق الراتب اهم شي بنتي ماتموت من اليوع وصحتها تتعب


معبوجا
زين تسوين عطيه من غداكم بس ديري بالج طبعابدون لحم دياي سمج رببان

 

[تدلل حبيبي]

أنثى
المشكله الناظره ماعرفها
انا انتقلت من مدرستي القديمه
فجنه فشله اييبلها ككاو بتقول اكيد عشان اراعيها مادري شنو ماحب جذي تاخذ عني فكره

والحريم اللي بدوامج خل يولووون
وفرو ككاوتين 
عاد ريبل روووعه ككاوهم ترف


تدرون مسويه رجيم صارلي شهر
مانزلت ولااا كيلو مادري ليش!!!

 

[Khota8]

ام عزوز
مافي الم لاقبل ولابعد بس تحسين انه الفك ثقيل ومع الساعات يخف وعقب جم يوم تشيلين الخياط بس نصيحه لاتشوفينه بالمنظره ابدااا لانه موحلو شكله واهوا يلتأم يصير لونه ابيض بس ها لاعطورات ولا شي حار ولابارد
وتاكلين مظادج كله مع المسكن بعد الاكل
اول يوم عيش لين ورب وشوربه ولبن
والله يسهل عليج وماتحسين بشي

معبوجاا
ولكم حبيبتي

 

[انثى الكويت]

انا يمكن اسوي الحلقه بضعف شسوي

وركبي المليقه مزهقتني عيشتي تعورني قبل لا انام حبتين اولفين يالله طخ جان انام
وتوني اقعد اشرب شوق حليبتها

وافكر شلبس باجر خخخخخخ برد ايام كشختي ومكياجي

اول بفتره حمالي عباه زهقت

 

[Khota8]

الله يعينج انثى الحال من بعضه حماده قاعد من الساعتين موراضي ينام والمشكله مع بجي ونواح اللي يسمع يقول قاعد يعذبونه اهله

الحلقه <<<<<اخاف منهااا مادري اسمها يخرع
عاد صج انا جم يوووم عدلت اكلي وحرمت نفسي من الحلويات واكل اخر اليل بس ماكو فايده ماتحرك الوزن يمكن اللي فينا مياه محتبسه من الحمال والولاده

شنو الحل

 

[المكسيكيه]

شلونكم بنات شخباركم
امبي على زيادة الوزن انا قمت ازيد وزياده مو طبيعيه بنات تخيلوا يوم تزوجت وزني55 وطولي 157 الحين لا وزني 68 لا مو طبيعي فيله

 

[Poison_Girl]

سلام شلونكم..
واي لا اتيبون طاري الرجيم.. انا مشتركه ابديت كير صارلي شهرين وبس 2 نازله واي يالقهر..

تدلل
انشاءالله ترضه الناظر.. وصج يخصمون من المعاش؟ انا ما خصمو اتاكدي مو معقوله..

​

 

[Poison_Girl]

تدلل
جربي هالمميان وايد زينين نفس حلمت الام..

شوفي هافيديو​

http://www.youtube.com/watch?v=3HEjDPaKFHM&feature=player_embedded#!​

 

[نور الدنيا 88]

انثى انا ماوديت شي
عادي اللحين اودي ؟
تدلل الادارات زباله يبون بكيفهم

 

[noo7a]

عندي باجر مدتيرم
و تسليم هوم ووركين
ناطره ريلي يرجع من الدوام يتغدى و يريح يقوم المغرب عشان يمسك هشوم و اجابل شغلي
وااااااي متى اخلص
لا و وحده تبيني اشرح لها
بالله متى ادق عليها الساعه 12 ولا 1 عشان افهمها فشله


ولاااااااااااااا امتحاني الساعه 8 اول محاضره يعني ما يمديني اقوك مبجر عشان اكمل دراستي
و تسليم اول هوم وورك ثاني محاضره 9 و نص
و ثاني هوم وورك الساعه 11 ثالث محاضره امبيييييييييييييي كله ورى بعض
المفروض يعطوني شهاده بالاقدميه لووول بما اني ام خخخ

 

[انثى الكويت]

اي والله خوتا الله يعينا تعببببب


اليوم وحده من الحرمتين يت سلمت علي وباركت لي

واي حسافه كنت مابي


نور اي ينديج تودين كاكاو وروحي اشتريواحد للمدير وواحد للبنات انا شريت
الاثنين ب ٧٥ دينار

بس حسافه جان زين ماخذه للموظفين والبنات واحد اكبر احس ما كفا

 

[تدلل حبيبي]

سلام







بنات الناظره مارضت تعطيني ساعات رضاعه
تقول بنتج عمرها ٦ اشهر خل يوكلونها علا ماتردين 

يعني امبييي شهالمسخره بيبي توها قاعده من النوم شلون لها خلق تاكل
لاااازم حليييبه
بعدين يبدلون ااحفاظه وتتصحصح وتااالي ريوق
ظلمممم والله ظلمممم لا والكويت مسوين حمله يشجعون عالرضاعه ااطبيعيه
بالله وين اللي يطبق هالحمله ويساعد عليها

المهم انا قلت لها خلاص ابي تغيب جزئي

 

[تدلل حبيبي]

المهم قتلها خلاص ابي تغيب جزئي قالت علا راحتج
التغيب الجزئي اهوا اول ساعتين او اخر ساعتين مااداوم
وينخصم هالساعات من الراتب
عاد اليوم خذيت استاذاااان عشان ارضع بنتي وارجع
والله رضعتها ورجعت ماصارلي ٢٠ دقيقه
يعني شنو بيأثر لو عطتني ياها بدون استاذان وخصم وتغيب جزئي ولويه

اليوم شكثر بجيييت نفستي وايد تعبت
ماتوقعت في ناس قلبهم قاااسي لهدرجه
وعلا منو علا بيبي ماكملت سنه !!!
احرمها من حليبي واموتها من اليوووع عشان دوااام
بالطقاق يطق الدوام وستعة الدوام
بنتي اولااااا وأخيييرااااا واللي موعاجبه فيه خير يفنشني


>>>> حدي عصبت لووول *

 

[تدلل حبيبي]

>>> قلبها متروووسه 

بكمل تفريييغ بليز تحملوني





يعني شيسوا عليها لو رفعت ايدي بالمطر ودعيت الله انه ينتقم منها لانها ظلمتني وسلبتني حققق
من حقي ارضع بنتي من حقييييييي


انزين لو صار عندي ظرف ااسمح الله بسوي تحليل بروح مستوصف
شلون استاذن ؟
واهي بتخلص كل استاذاناتي عالرضاعه ؟؟؟


يارب فطومي طفله بريئه واذا احتاجتني ومالقتني يمها
او ياعت وتبي حليب وماطلعتني
يارب اخذ حق بنتي منها
يالله انك قادر علا كل شيء


بويزون
شريت هالمميات وشفطت حليبي حطيتلها
بس دخلت الحلمه بحلجها دززززتها وصرخت وبجت بجيييي
جنها تقول مابي هاذي ابي هذاك حبيبتي والله


 

[Khota8]

واااي تدلل الله يعينج شنو هاالانسانه اخاف عبالها تجذبين عليهااا لان في موظفات جذي تاخذ ساعه رضاعه علشان تنام وترد ماكو الا تردين تكلمينها وتقوليها انها ماترضع صناعي كلش وماتحب راس المميه والاجان شفطت لهاا وبعدين ماتاكل لانها رضاعه طبيعيه وقوليها اذا مو صدقه شوفي حليبي >>>قويه هااا
اوخلي وحده من المدرسات الكبار القديمات يكون اسلوبهاا حلو تصير وسيط بينكم مع دموع التماسيح وخو انتي اخصائيه مو مدرسه وحصص وطابور
الله يهريهااا وتوافق

بنات حماده مواليد شهر عشره متى يكمل ست شهور صح شهر ابريل تخيلو شفت الميلاديه مالت التطعيم كاتبين شهر مايو تطعيم ؟؟؟؟

 

[حمرة الورد]

نوحا انتي اي كليه لا يكون !؟؟ صج شلونكم مارديتو علي تطعيم ست شهور باوله ولا آخره انا للحين ماطعمته ١٩ موعده