اطفال اكتوبر 2011 ياحلوهم 

[نور الدنيا 88]

تدلل اخاف قصدج من 3/6
عادي لبسها المقاس الاكبر خبكون راهي يمكن عشان جذي البيبي يحن اكيد متضايق مايصير

 

[تدلل حبيبي]

نور الدنيا
اي ٣-٦ البسها كبيير صوب الريل والإيد
بس عادي قمت البسها البربطوزات لان ٠-٣ انهروا من الغسيل ومليت منهم ههههههه

 

[ReRez]

نور صح كلام تدلل انا للحين ملابسها ٠-٣ الداخليه والخارجيه
و اقصد حده حده يعني قدها عدل بس ملوت مذر كير لا زينين وراهين مرتبين و مو ضيجين كلش بس بغيرهم عشان ما اكتئب
شريت لها نفانيف من ٣-٦ طلع طويل يضحك

تدلل عالنومه اي ويع استغفرالله حدي راسي يفتر امس خليت باب الحمام مطرف و سبحت جان تبجي تنشفت بسرعه و طلعت يارب تنام متواصل لان احس مخي تعب يارب لك الحمد

 

[om_3azoz]

انا ملابسها الطلعه من 0-3 بشيلهم خلاص صارو ضيجين لمن البسها بالغصب ااطلعهم ههههه فبشيل كل ملابسها اللي من 0-3

توني نومت مناتي ودشيت اتسبح ولا اشوف واحد يطق الباب ويبجي بطلي الباب ماما بطلي الباب وبجي موطبيعي بطلت الباب صرخت صرخه ههههه

وليلحين يبجي قتله والله اذا طلعت من الحمام تكرمون راح اطقك والله ماسكت اول ماطلعت طقيته طقه تلف اعصابي تعبت منه ربي يهديه يارب

 

[om_3azoz]

ضايق خلقي ياربي


عندنا عرس سبوع الياي مادري ليلحين شنو البس نفانيفي كلها كوكتيل او حفر
وانا ايدي فلم هندي تخرع مابي البس جذي ابي شي جمه طويل من وين احصل ؟؟

شفت نفنوف بزارا حلوو اسود وجمه تور بس كان اكس سمول لبسه قدي بس لو سمول احسن ماخذيته

لان العرس من بعيد يصيرون حق خالتي بروح عشان خالتي وعشان اغير جو ملل من زمان مورايحه عرس

 

[noo7a]

اي عدل
ملوت سنتربوينت ٠-٣ تمام بالضبط قياسه
مذركير قياساتهم اكبر

٣-٦ طويييل و وسيع و لمن اقعده صوب الصدر يرتفع لي خشمه ويقعد يلحس فيه لوول
كلش مو مرتب


واهو اسم الله عليه بعد اسبوع يكمل ٦ يعني المفروض قياس ملابسه ٦-٩ لوووول
والله مادري محتاره اجهز له للصيف ٠-٣ ولا ٣-٦ ولا اخربها واخذ له لي عمره ٦-٩

ام عزوز
جان سالتي زارا
عندهم بفرع ثاني من محلاتهم قياس سمول
عشان يحجزونه حقج و تروحين تاخذينه

 

[Janna-q8]

يحلووو اللي يلحس هدومه كيووووووووووووت

هههههه تدلل فديت فطومه كبر ولد حماتي بينه وبين نور 20 يوم حلاتهم ربي يحفظهم
انتي بعد بنتج تحت الوزن المقبول انا بعد طلعلي تحت المقبول
بس يمكن يريحج اطلعت نسبتج 17.4
والمقبول 18.5 معناته شوية فرق الحمدلله

انا نور اطلعت 16.7
بس الحمدلله اهم بخير و ان شاءالله بنشوفهم يكبرون بصحه وعافيه يارب

ريريز يمكن اهم ماخذين القياسات من مرجع اجنبي
ترى اعيال الاجانب بالطبيعه اكبر من اعيالنا
انتي سأليالدكتور وزنها طبيعي و لا لأ يفيدج احسن

ريريز
لووووول لا يطوفج شلون قست طولها
خذيت متر الحديد اللي مثل الرول
وسدحتها علا طاولة التبديل وقستها
شكلها يضحك ههههههههه

المهم

طولها يامحفوظة السلامه ٦٢
وزنها ٦ و٧٠٠
ومنولده ٢/١٠/٢٠١١

جنه قاعده تسالين عن بنت حق خطوبه هههههه 

ههههههه تدلل اي بهالعمر ما نسأل وين تشتغل و جم عمرها ..لا نقول جم طولها ووزنها

 

[ReRez]

جنا اصلا اللي نبهني اول شي الناس والله عبالهم بالثالث اقولهم اشدعوه عليكم حرام بنتي بالخامس الحين يقولون والله مو مبين كلش حدها نتفه
و يوم رحت اخر موعد قلت حق الدكتوره ان بنتي تشرب ٩٠ ملي يعني ثلاث ارقام وتكمل الرابع بعد نص ساعه واكثر ف من ايي موعد الرضعه اليايه تكون شبعانه وماتبي
قالت لا حرام بنتج ماعندها شهيه من جذي ضعيفه
و عطتني بيبي فايتمن اعطيها المفروووض يوميا بس انا عطيتها ٣ مرات وماعدتها يبيلي طق طبعا بس شسوي حيييل ثقيل و ريحته ارف و بنتي تلوع جبدها ياقلبي

تدرين ان البسها بامبرز مقاس ٢ بس من جم يوم حسيتها مو مرتاحه فيه و غيرته يبت مقاس ٣ ولا مكرمه وصاختها اطلعت لي ساقها و مره امقعدتها على ريلي ولا البول على حضني ،، كبير عليها بس قمت اضيجه احط اللزقات فوق بعض واشده

 

[انثى الكويت]

هاي بنات
اكلمكم من دبي دار الحي
بقعد ٧ ايام

فجاه امس حجزت وكل شي فوقه تعبت جان تلتهب ركبي تخيلو واخذ عكازي مره ثانيه
دبي وعكازه ياربي تطيب ريلي تطيب

 

[ام سليمان 2008]

شلونكم بنات شخباركم
سلامات أنثى

 

[noo7a]

انثى
عليج بالعافيه السفره
و ماتشوفين شر

 

[المكسيكيه]

هلوووو بنات
شلونكم شخباركم
انوثه انا كنت هناك وتوني راجعه اليوم رجعت بالسلامه
خذيت جوجو معاي شنو غربلتني شنو مصخرتني يمكن ساعه اطلع وباجي الوقت قاعده بالفندق
المهم هي تحت عيوني كل شي يهون والله المهم هي معاي

 

[المكسيكيه]

انوثه سلامتج ياقلبي من شنو جذي فيج يالغاليه

 

[ام سليمان 2008]

هلا مكسيكية الحمد لله على سلامتج

 

[Khota8]

ماتشوفين شر انثى ورحله سعيده ان شاء الله

 

[Khota8]

بنام كالعاده سهرانه من امس
حماده حراره وبلغم ودوا البلغم يلوع الجبد بس ترجيع وتوني راده من مدرسة بنتي استدعاء ولي امر اخترعت عسى مو مسويه شي طلع علشانها ضعيفه بالعربي والانجليزي فشله
مسكينه هالبنيه من يبت البيبي واهي حالتها كل يوم اردى
*

 

[noo7a]

مكسيكيه
الحمدلله عالسلامه


خوتا
حبيبي حماده
البلغم حده يضايق بس انشالله كله يطلع عشان يرتاح
وبالنسبه حق بنتج الله يعينج والله احنا بيبي واحد و محتاسين
ذكرتيني باختي الله يعينكم انشالله

 

[noo7a]

انزين ليش ما تدخلينها معهد العصر
حق المواد الي ضعيفه فيها

 

[noo7a]

اليوم هشوم اول يوم يروح عند ماما حجيته
لوووول حده كان مستانس من الصبح طالع

عاد انشالله ماياذيها و تييله فصلته بالبجي
لان امي مسكينه بروحها توها مسويه عمليه حق ريلها
وماتقدر تمشي الا بعصايه




بنت اختي يوم
كانت صغيره نسالها شسم حضانتج تقول بيت بابا حجي
انزين شنو اسم ابلتج تقول ابله ماما حجيه
لووووول

 

[om_3azoz]

نوحا
ماكو قتلهم دقو ماكو خالص حسافه عاد ان شاءالله ايدي تصير زينه لي الاثنين الياي

فديت هشوم يلحس ملابسه ههههه


انثى ماتشوفين شر يارب وتردين بالسلامه

مكسيكيه
الحمدالله على سلامتج ,, انا ماحب اسافر ومعاي بيبي صغير عندي اكنسل السفر ولا اسافر مع بيبي




الساعه 12 طلعت من الدوام وصلت 12وربع طبعا على طول بدلت وغسلت ودشيت المطبخ اليوم غداني سمج زبيدي طبعا انا ماكل
رجيم هههههه تدرون من الصبح موماكله ولاشي بس شاربه ماي

المهم كنت بسوي لي سمج بالفرن بس هونت عاد حطيت لي بطاط مفيوح وسويت لي سلطه هههه وناسه رجيم