اطفال اكتوبر 2011 ياحلوهم 

[noo7a]

ام عزوز
من يبلش البيبي يقعد
و يصلب ظهره حطيها

 

[ام سليمان 2008]

هلا ام سليمان
عاش من شافج

اكيد ذاكرينج افا عليج

اهلين ام سليمان نور المنتدى
فديت سمية بنتي بتوقيعج صارت عروسه وتمشي بعد هههه الله يحفظها

قوه بنات
شخباركم

ام عزوز وخوتا ماتشوفون شر يااارب تطبيون بسرعه

ريريز
الحمدلله علا سلامة نوراني

نور
حسافه ماعندي تويتر جان سويتلج فولو
اشكثر احن علا ريلي بسوي يقول لاااا انسي التويتر
ههههههه بس شكلي بسوي من وراه خو موحرام بستانس خووو

ام سليمان
هلا فيج
شلون ناسينج افا عليج
لا يبا نذكرج

تدلل ليش موراضي
انا سويتلي بدون ما أستأذن مارا يقولي شي امه و خةاته و خالاته كلهم عندهم هههه

ام سليمان نتذكرج

الحمدلله متذكر يني

اي ريري شفتي نوني صارت تمشي بالتوقيع

 

[Janna-q8]

نوحا شنو اسمج بتوتر عشان انا اسويلج فولو بعد^^

 

[Janna-q8]

ام عزوز لا تحطينها صغيره حيل ترى بعدين تخترب ريولها

تمشي على اصابع ريلها بعدين اعرف ناس جذي

 

[نور الدنيا 88]

جنا انا سويتلج فولو
مايويتي فولورز
ليش

 

[noo7a]

جنى
Om-hashim
@H_Alt و اسم العايله لووول
حاطه صوره بنت لابسه احمر

 

[ReRez]

انا بعد ريلي موراضي و هم اهو ماعنده حساب يقول اي مكان في شباب وبنات انسي تسويلج احساب فيه قلتله بس هذا مو حق سوالف قال ولو هم لا :/

 

[نور الدنيا 88]

قررت اني مأعطي ولدي اكل
امس ذبحني موراضي يشرب حليب و
لأن عطيته موز و برتقال سكري جلب فيها موراضي يهدها و سيريلاك و ماي لوبا
مارضا يشرب حليب
و اللحين هوشه اذا بيشرب حليب بالغصب احطها بحلجه و يدزها ينني

 

[noo7a]

وي نور
لانج غلط بلشتي بالاشياء الي فيها حلا

لازم ترجعين من اول و يديد
خلج هالاسبوع بس حليب عشان ينسى
بعدين بلشي بالخضااااااااار
قرع
كوسا
بطاط
جزر
بروكلي
بعدين سويهم خلط
و زيدي عيش شويه
روب و شوفان
بعدين بلشي عطيه الفواكهه
مثلا الموز يكون كسناك
و البرتقال و الفواكه كعصاير
بعدين جربي بالفواكه تسوين خلطات اكل


ريريز
انا وريلي سوينا اكاونت بتوتر مع بعض
ايام الانتخابات
فتخيلي كله سوالف سياسه بسياسه ضايفه
فحده ملاقه
بس من بينهم فوزيه الدريع شكو لوول
تشوفين الصفحه كلها سب بسب و فوزيه داشه بالعرض تتكلم عن الحب لوووول

 

[noo7a]

جنى
انا سويت لج فولو
انتي دوريني بلسته الفولونج عندج
صورتي بنوته لابسه احمر و كاتبه ام هاشم

 

[noo7a]

جنى
انا سويت لج فولو
انتي دوريني بلسته الفولونج عندج
صورتي بنوته لابسه احمر و كاتبه ام هاشم

 

[Janna-q8]

نور
ماشاء الله باليوم الواحد فوق ال10 يسولي فولو و مرات اكثر فما قمت اشوف منو

خلاص قلبي الحين ادورج

اام هشووومي
اوكي ياليلى و الذيب الحين ادو ردائج الاحمر

نور
نفس حااااااالتي
جنون عادي قبل تشرب الاثنين طبيعي و صناعي
الحين ماااااتبي الا طبيعي

ياماما مايصير لازم مره جذي و مره جذي عشان لما احطج عند يدتج و اسوي شغلي ما تموتين من اليوع و عشان لما ارد اداوم مايصير مشكله....راسها ياااابس الله يحفظها جذي اتدزني و تصييييح

نوحا
ضحكتيني لما قلتي حق نور خلينسى لووووووووووول حسيت رجل الي ننزل فيه برامج جذي

ريرز
ماعليه اهم شي لا تخلين ريلج يتضايج..اهو لانه مو مجرب التوتر و موعارف قصته فخايف عليج..جربي تشجعينه يسويله حساب و لما اهو يشوف انه عادي ايخليج

 

[نور الدنيا 88]

اي نوحا راح ابلش من يديد

بنات عطوني حل مع هالولد اللي كل شوي يقوم استغفرالله تعبت شلون راح ارد اداوم

 

[نور الدنيا 88]

نوحا ماقلتي شسوى هشوم مع القرع

 

[ReRez]

لا رافض هالاشياء كان من قبل الزواج عندي فلكر و فيس بوك وسكرتهم لان مايحب جذي و الحين مو راضي توتر يقول شباب ومادري شنو
خلاص مو لازم �� مالي خلق عوار مخ

---

نر الدنيا كل اللي قلتيهم عطيتيه يوميا يعني؟؟
انا توووني امس اول مره اعطيها ولا قبل كنت اذوقها بطرف اصبعي
امس سويت لها جزر بس جنه شوربه لان يقولج بلشي مع البيبي الخضار على شكل شوربه خفيف حيل يعني و كلت يمكن ٤ قفاش صغار ونصهم بره بعد بس ماكثرت لها كافي حق اول مره
وباجر هم نفسه وعقبه هم نفسه جزر طريقة شوربه بعدين جزر بس شوي ثقيل يومين جذي و تالي انغير نجرب خضار نوع ثاني بس نبديها جنه شوربه وهكذا

عشان يتعود البيبي عالطعم مو تصدمينه مره وحده ب اكل ثقيل

بعد الخضار سوي مكس نوعين،،تالي زيديه نتفة عيش بالخلاط طبعا

بعدين دور الفواكه بعده السيريلاك

طبعا مره وحده باليوم خليها العصر و باجي اليوم بس حليب

شوي شوي خليهم
وجبتين ان كمل ٦ اشهر جذي يعني

الله يقدرنا ونشوفهم كبار وبصحه وعافيه يارب

 

[انثى الكويت]

بنات ريحلج شوقو خايسه

بواليع الظاهر لوزها ملتهبه

تهبل هالبنت ياربي

 

[المكسيكيه]

ام سليمان
ياهلا وياغلا فيج
شلونج شخبارج ان شاء الله طيبه حبيبتي
وشلون بنوتتج مابينها وبين جوجو شي بس يومين على ما اعتقد
الله يخليها لج

انووثه
وي مسكينه وديها تعالي شوفي حرارتها مرتفعه ولا
ان شاء الله ماعليها شر

 

[حمرة الورد]

سلام شلونكم بنات يدي توفى رحمه الله عليه والحمدلله علي كل حال

 

[Khota8]

عظم الله اجركم ام نيرمانا ومثواه الجنه ان شاءالله

 

[نور الدنيا 88]

ريرز مأعرف الطريقه
شلون اسويها بالضبط و لازم اعطيه و اهو يوعان ¿
ث
ام نيرمانا عظم الله اجركم
انثى وديها الطبيب حرام