اطفال اكتوبر 2011 ياحلوهم 

[Khota8]

عسى ماشر نوحااا
ترا انا اعين واعاون امري اذا تبين اي شي اقدر اساعدج فيه سواء مادي وحطي تحتها خطوط ومعنوي ولايضيق خلج جم ام هشوم عندي

 

[Janna-q8]

خوتا
ياربي هالبنت الواحد يقرى ردودها و سوالفها يستانس^^ فديتها

نور
لاااا خوتا تحذرج مني انا الشرطيه الحين اشغل صفارة السيارة و اخلي الليت هذا اللي احمر و ازرق يدور و اطلعج هههههههه

انثى
خخخخخخخخخخخخخخ تحسين صج جنوي تتحلطم و انا قلبي معاكم اشارك اشارك حتى لو بكلمتين لوووول... اي خلصي من بنتج بعدين سولفي... لا ما ينفع ما احب اصبر

نوحا
الله يكون بعونج يا حبيبتي

ريريز
انا بعد نفنوف بنتي يشبهه لاني قلدت انثى و رحت جمعيه الشاميه و شريته.. لا و لما سألتها عن سعره جان تقولي بعشرة جان اقولها بس في ناس خذوا منج بثمانيه جان ع طول تقول اي اوقي مداام انا يبيع حق انتا تمانيااا... و بس خذيته ناويه اروح اصورها باجر

تدلل
شكلج تحبين دوامج لو انا مكانج جان قلت البس و استانس و انا اجازة ابرك من البس 20 نفنوف و انا مداومه

 

[بنت الاصالة]

قوه بنات شلونكم شخباركم شلون اليهااال


و الله متابعتكم بس ما يمديني اسولف اللا عيسو قاعد


بنات اليوم انتبهت على شي


انا قريت ان البيبي اول 5 شهور تقريبا يزيد وزنه كل شهر كيلو اللا ربع

ولدي مولود 3 كيلوات والحين اهوه بالخامس ووزنه تقريباً 7 كيلو


مو شويه؟؟

 

[Khota8]

ياصباح الخير
يارب يوووم جميل وسعيد وفيه الرزق الوسيع للجميع
امين

بنات كاسره خاطري بنتي بأولى ابتدائي اليوم حفلة التفوق واهي مومتفوقه وتقولي باجر بيحتفلون بس انا بقعد بروحي وبعطونهم هدايا غيبيني ماما وتبجي
قتلهاا مو مشكلتي انج ضعيفه جان يبتي امتياز واحتفلتي وياهم وهذا مثل العقاب صديقاتج يستانسون وانتي لا وامهات صديقاتج بيستانسون وانا لا
والحين نايمه ومالي قلب اقعدها بعد شوي تروح بس صراحه ودي تروح علشان تحس فيني وبتعبي عليها واهي ماهمها *

 

[بنت الاصالة]

خوتا ميخالف هم عشان ما تتعود تغيب بهالمناسبات لانها راح تاخذها فرصه


وهم انشالله تتشجع وتتفوق وتفرحج يا رب

 

[noo7a]

خوتا
حبيبتي تسلمين خيرج سابق
بس الي مضيقني شي ثاني
ماقول الا الله كريم

و بالنسبه لبنتج
اولى ابتدائي ! تصدقين بمدسه منطقتنا اولى و ثانيه
يسطرونهم كللللهم امتياز
حتى الياهل الي مايعرف أ من ب يعطونه امتياز
حتى ناس وايد تتحلطم بالنسبه لهل نظام لان لي رابعه مافي سقوط و نجاح
بس تقديرات فالناس ماتعرف مستوى عيالها



بس حرام انا اقول لا تودينها صغيره بعدها لا تعورين قلبها
وانشالله السنه اليايه تييب امتياز و بنسبه حلوه



بنت الاصاله
لا مشالله وزنه مناسب
دوري بقوقل جدول الاوزان المناسبه للطفل و شوفي
الله يخليه لج


واي بنات الجو مره وحده قلب
صار دافي و رد اولت امس صار بردددد
ابي ايي الصيف مشتهيه افصخ هشوم


ذاك اليوم رحت مذركير خذيت له ٣ شورتات سباحه لووول
ياربيييي ايننون
بس حدي ينيت من مقاس واحد منهم لان خامته استرج و مابي شي يضايقه
كله صغير فخذيت حق عمر سنتين لوووول يوم رديت البيت اقايسه
ولا شكبرااااااا و بعدها استوعبت ان ينلبس بدون حفاضه لوووووول
وانا الحلوه ماخذه القياس و حاسبه حساب الحفاضه لووول

 

[Khota8]

مشكوره بنت الاصايل كان ودي تشوف البنات وتنقرص بس ابوها نادها وهي لابسه ملابس المدرسه بتطلع !!اعيالي علاقتهم بابوهم رسميه مايقدرون يقلوله بنغيب او مانبي ندرس جان يقولها انا سمعت امس انه اليوم حفله تفوق وانتي ماودج تروحين صح مسكينه جان تبجي بجيه بصوت عالي وتشاهق وموقادره تتكلم قالها خلاص خلاص ماراح تروحين وانتي راح تعوضينها المره اليايه وقالي خلاص القرصه وصلتها

نوحااا
فضفضي لنا جود يخف عنج الهم
صج امس رحت عبدالله مبارك ق1 واعيوني تلاقط اقول يمكن اشوف نوحاااا ،اختي ساكنه هناك وتعبت على مادخلت المنطقه كله تصليحات مكتوم بال جي بي اس ربع ساعه بس مع الزحمه اخذت خمس وثلاثين دقيقه الله يعينكم من الشاحنات تخرع **

 

[noo7a]

خوتا
ياحرام عورت قلبي
انشالله الكورس الثاني تييب نسبه حلوه
لووول عالجي بي اس رفيجتي مره مرتني الشقه
شوي و تبجي تقول اول مره يطلع لي بالجي بي اس كله لون اسود و بني لوووووول
انا عبالي اليوم بتيين

 

[*دنــيـQ8 ــا الوله*]

برنامج الواتس اب معلق عندي مايفتح ... ابي احذفه وانزله من جديد بسسسس ابيه فري مجانا ... من ويييين

 

[*دنــيـQ8 ــا الوله*]

دايخه فيني النوم حدي ... مانمت امسس عدل او بالاحري نمت واعيوني مفتوحه خخخخخ كانت مرت حماي تسولف سوالف حلوه تالي الليل خخخخ تقول تسمع اصوات بشقتها وحركات ... وتقول ان خواات ريلي قايلين لها ان نصصص البيت مسكون خخخخ صوب شقتي يعني وغرفة نومها خخخخ عاااااد انا بكمل السنتين بهالبيت ماسمعت ولا شفت شي خخخ الظاهر يحبوني ..... بسسس لاصج خالتي كله تقول سوالف عن اشياء تشوفها وتسمعها لانها بهالبيت من عمر ...... واااااي امس كنت ابي اي عذر علشان اقوله ودني عند امي خخخخخ

 

[noo7a]

دنيا
انا منزله الجل بريك حق جهازي
فالواتس اب
من بين البرامج الفري

 

[Khota8]

حماده بالبجاما المخططه ونوحااا شعور حلو لازم تشترين لهشوم

 

[noo7a]

واااااااااااااااي
وسلم قلبه
كربووووونه
فديته
من وين ماخذتها
؟؟؟؟؟

 

[*دنــيـQ8 ــا الوله*]

حماده سلم قلبه والله ... احسه متدفي بهالبجامه ... بروح اشتري حق خلودي مثلها خخخخخ

ناويه الحين البس خلودي بدلة العيد الوطني واكشخه ... واصوره ... علشان يوم الخميس بزوارة اهلي والجمعه بزوارة اهل ريلي اوزع عليهم الصور خخخخ حركات خخخ

 

[Khota8]

الله يسلمكم حياتي
في جاهز عند فرع اللبس الشعبي بس هذي امي فصلتها علشان ماتبي لها قبه علشان ماتحكك رقبته فصلتها عند خياط عادي بس صج شي حلو ينام فيها لمن يقووم اكله اكال شكله جنه شايب البيت

 

[sweeta77]

هاااااااي يا حلوات
اشلونكم ولهت عليكم
للحين اتحلطمون؟

انا الحين عاد دوري بحن واتحلطم ما اخذ زامي في تجمع الحوامل


شعري شعري شعري
يطيح بشكل خيالي
خصل خصل
اخاف اصير قرعه

 

[sweeta77]

khota8
عجيبه عليه بالف عافيه

 

[sweeta77]

قوه بنات شلونكم شخباركم شلون اليهااال


و الله متابعتكم بس ما يمديني اسولف اللا عيسو قاعد


بنات اليوم انتبهت على شي


انا قريت ان البيبي اول 5 شهور تقريبا يزيد وزنه كل شهر كيلو اللا ربع

ولدي مولود 3 كيلوات والحين اهوه بالخامس ووزنه تقريباً 7 كيلو


مو شويه؟؟

انا اكلمك طبيا
الطفل لازم يكون دبل وزنه يوم ولادته بالشهر الخامس
يعني انت الحمدلله وزن ولدك طبيعي

 

[Khota8]

يعافيج سويتا
فقدناج ادري ماتعرفيني بس كنت اتابعكم بصمت ايام تجمع حوامل
اذا ماترضعين اخذي كورس علاج لشعرج مثل حبوب وكحول مثل سورسير بالثوم وشامبوه وفي نوع ثاني ياباني يي معاه الشامبو ومطول والثالث لتوقف التساقط حيل حلوين

هذا الياباني والواحد بعشرين دينار عند الصيدليه

 

[sweeta77]

انا ولدي ما عطيته ولا شي غير الحليب كله من الدكاتره مو راضين
مع ان عيالي قبل ابتدي معاهم الاكل مبكر بس الحين ما يرضون الا بالسادس
انتو عطيتوهم؟