اطفال اكتوبر 2011 ياحلوهم 

[om_3azoz]

اي فهمت انا بعد سبوعين بعطيها

في جاي ميلوبا وايد زين انا كنت اعطي عزوز بليل لمن خلص ٥ شهور وايد يريحه بليل قبل لا ينام اعطيه كنت

 

[ReRez]

نوحا الاكل تبع الثلاث وجبات يوميا مو حق قبل ٦ اشهر
صح؟

قبل ٦ اشهر حدنا وجبة غدا فقط اللي اهي نوع خضار واحد بالبدايه بعدها يصير تسوين مكس خضار نوعين

وبعدهم فواكه وجذي
بس يكون وجبة وحده مو ٣

اذا كمل ٦ اشهر يصير نعطيهم ٣ وجبات و اذا صارو ٧ شهور عادي مسكيهم طرف فطيره يعضصون فيها بين الوجبات وااا حلااااااتهم*

 

[om_3azoz]

اي ريري قبل 6 شهور بعد 6 شهور خلاص لازم اتوقع

انا بس تخلص 4 مابقى شي خلاص بعطيها وجبه وحده بس جم قفشه موايد على ماتتعود

 

[انثى الكويت]

وييييييه بنات اصلا انا من الحين
بكل رضعه مره بسكوت العود اقصه راخذ ربعه بس
ومره قفشه سيريلاك

والله اهم يقولون مو زين بس امي تقول من انتو شهرين واعطيكم
حتى خالتي ام ريلي تقول عطيها
واختي تقول عطيها اكل ٤ شهور لازم بطاط وجزر وكوسا وعيش نصري
وهابسوالف

وانا مبلشه وبنتي تحب جذي بس للحين بالبسكوت والسيريلاك بالحليب
بعدين شوي شوي اكل
بس مابي اخذ الغراش مو زين كلها مواد حافظه

 

[om_3azoz]

لا انثى القراش موزين كلها مواد حافظه انتي سويه لها احسن وانظف

والبسكوت انا خالتي كانت تعطي عيالها عادي وامي كانت تعطينا بس الحين يقولون موزين

عاد انا شريت بسكوت مال 4 شهور وذوقتها وقالولي موزين في مواد حافظه ومادري شنو فيه قطيته خفت الصراحه



بس بروح ادور لها عيش الاطفال مال 4 شهور وبعطيها ,, وبروح اشتري الخلاطه عشان اسويلها بروحي بالبيت

 

[Khota8]

السلام عليكم جميعاااااا
كان النت مفصووول وكان قلبي مفصووول معاه >>>>>>لاني صج فقدتكم
عن الاكل
ممممممم مادري اوكله والا لا اهوا يخز ويتطعم كل ماشم ريحة الاكل او شافنا نحرك حلوجنا .
مره لحسته شوية لبنه جان يحوشه اسهال ومره لحسته بطاطا بطرف القفشه هم حاشه اسهال

 

[om_3azoz]

اهلين خوتا حبيبتي


انا جذي اذا خلصت خدمتي اذيع والمشكله اقول حق ريلي مابي خلاص الشهر الياي يقول تكسرين خاطري العاده تلفوني كله معاي وين ماروح ولمن تخلص خدمتي قاطته مادري عنه ههههه يقول ماقدر اشوفج جذي ويشتري لي رصيد هههه

 

[noo7a]

ريريز
اي لمن يكمل ال6 اشهر


والله انا ولدي كمل الخمس اشهر بس لي الحين ماعطيته شي
اهو مولود قبل موعده فلازم اراعي هالشغله



حيالله خوتا
مكانج مبين

اي انا قالولي لمن تبلشين توكلينه راح يمشي بطنه
لان دايما امساك

 

[om_3azoz]

فيني نومه
من الساعه 10 طالبين برجر العاده يوصل بسرعه الحين ليلحين ماوصل وتاخر ريلي دق قالهم اذا يه مابي الطلب كنسل وانا ميته يوع يقول ناكله الاكل بارد شنسوي فيه هههه لو عزوز يدري ماكو راح يذبحنا هههههههههههه

شكلي بروح انام

 

[om_3azoz]

كا بنروح مكدونالز هههههه

 

[Khota8]

الله يحيج نوحاا

ام عزوز
انا امس طاري علي وجبة برجر وريلي مايرضى مطاعم بليل طرشت السايق ياب صمون وهمرجر لحم وجبن سلايس وجبن بيتزا وسويته بالبيت وحطيت طماط شرائح وكاتشب ومايونيز واكيد قليت البرجر لمن خلصت لفيت كل بروحها بقصدير وصفيتهم بصينيه ودخلتهم الفرن واطلع الجبن ذايب والصمونه تحمشت وفيهااا دخان لمن تبطلين القصدير والله حيل حلوه وخفيفه على المعده حتى لما نمنا ماغثتنا ولا عطشنا

*

 

[Khota8]

الحين يوعانه بروح اكل شي قبل الريوق شنو اكل مممممممم
اسرع شي حليب بارد وكورن فلكس
او جاي وبسكوت نايس
او صمون ونوتيلا
مادري بروح المطبخ واختار على ماتي الصلاة

 

[noo7a]

بنات انقذوني
عيد زواجي انشالله يوم السبت 25 فبراير

المهم نويت اخذ حق ريلي سوني
بس قلت خل اجيس نبضه اخاف ما يبي هالسوالف
جان اقوله امس ماشوفك تلعب مع اخوك سوني كلش
جان يقولي تصدقين يبيلنا واحد للشقه
و راح امس بليل شرالنا واحد
واااااااي قهر  لو ساكته احسن
الحين بالله شييب

بليييز هلب مي
*

 

[انثى الكويت]

حيالله خوتا سالت عنج والله

ام عزوز ماكدونلز لذيذ

وزني 89,3 كيلو ولازم اوصل 70

كيفكم دبروني لوووووووووووووووووووووول

نوحا شاللقافه لووووووووووووول

لو ساكته جان يبتيها حقه الحين

وهقه شتيبين له

عندج بوك تيبين له شلون بوكه رايح فيها ولا ماركته عاديه
يعني مو من الماركات الي اهياااا

انا شريت بوك شوبارد كربون فايبر حق ريلي نوحا والله عجيب في واحد 110
وواحدب 80 خذيت بو 80 لان حجم زين هذاك وايد اوفر عود
وكل من بالدوانيه يسالونه منو يايبه لك يهبل شحلوه

وعندج تشترين له جاكيت ماركه
او مجموعه ملابس من فوت لوكر سبورت او من نايك ب 360

او كالعاده ساعه

او جنطه كروس ماركه من الصالحيه جنفشي ولا شانيل رجاليه طبعا يشيل فيها بوكه ومفاتيح واغراضه

حلوه عند اخوي مجكنمه يعني مو اوفر ورجاليه هابين فيها


او تشترين نعال وانتي بكرامه ماركه

 

[noo7a]

انثى
اييي والله لقافه حدي

كل الي قلتيهم عنده
ولا انا الي ماخذتهم له لووول
ياربي هذي سنتين صارلنا و احترت كل شي يبت له
لو نكمل انشالله ٥٠ سنه شبييب لووول

 

[om_3azoz]

انثى
ماكدونلز احلى وانظف مطعم لذيذ

نوحا
وي شكو تكلمتي عاد يالله دبري عمرج
الله يخليكم حق بعض يارب



انا شهر ٤عيد زواجنا يوم اللي رحت معاه خلاص بشتري له سوني لان يحب يلعب من متى واهو قايل بيشتري ماشرى ان شاءالله مايشتري هههههه



توني متغديه صبور لذيذ يمي يمي *

 

[♥ ام منوله ♥]

ريريز اي الجهاز اللي مركبته لمنوله نفس اللي قلتي عنه
وبالنسبه للأكل قاعد اشوف ان كل وحده طريقه مافي قاعده نمشي عليها حتى الدكاتره يقولون كل طفل يختلف
عن الثاني
اللي على اربع اشهر واللي بعد السته واللي يبدي بسكوت
واللي يبدي خضار اتوقع حسب تقبل الطفل
بس كلام انثى وايد متفقين عليه ان القراش مو زينه لان مواد حافظه
الاكل اللي تسوينه بالبيت والبسكوت وسيريلاك العيش اشوفه احسن وانظف ويكون فريش

 

[om_3azoz]

ربي يشافي منوله يارب

اي صح احسن شي اكل البيت اللي احنا نسويه انظف واحسن انا ماحب الجاهز كلش

 

[Janna-q8]

خوتا
مس يوووو

نوحا
لوووووووووووووووووووووووول

 

[Khota8]

انثى فديتج وفديت شواقه المولوده مع حماده بنفس اليوم

ام جنوي
احبج في الله والله يشهد

نور
وين تقطين انتي >>>>>>اعلم ام جنوي عليج ديري بالج موحلوه انها تصيدج قولي احسلج اي تجمع تروحين

ام منوله
حياج بينا والله يشفي منوله يارب

نوحا
طلعت جواز حماده امبيه نكته
باجر انا معزومه بمنطقة عبدالله مبارك انتي ساكنه هناك صح

ام عزوز
هني وعافيه على الصبور


ياحلو جسمهااااا كل شي موجود عندها بس باعتدال