اطفال اكتوبر 2011 ياحلوهم 

[om_3azoz]

بنات يصير اسوي استثناء حق ولدي ادخله الروضه السنه اليديده لان اهو متاخر شهر


انا سالت مدرسة خاصه قالولي استثناء توقعين انه اذا طلعتيه من الخاص وديتيه حكومه ينزل سنه كامله فمادري شنو اسوي

 

[noo7a]

ام عزوز
وانتي ليش مستعيله تدخلينه ؟!

ترى راح تتاذين
لمن يدخل الابتدائي يكون مخه لي الحين صغير مو مستوعب الدراسه
بس يبي يلعب و يفكر باللعب مو بالدراسه
ترى اهم ماحطو هالقانون
ان تبدي دفعه يديده يدخلون الدراسه من مواليد شهر ٤ الا اهم دارسين هالشغله

انا عندي ولد اخوي مواليد ٤/٣/٢٠٠٣
وبنت اخوي الثاني مواليد ٣/٤/٢٠٠٣

تخيلي لووول و فرق بينهم بالدراسه سنه
يعني بنت اخوي تاخرت على ٣ ايام بس لوول*

 

[غلبانه]

هلا بنات
كيفكم
شخباركم
كيف عيالكم

 

[noo7a]

اهلين غلبانه
انتي شلونج و شلون مجودي
انا عن نفسي بخير الحمدلله

 

[ReRez]

نوحا القمح موزين قبل السادس من جذي وكلي البيبي حاليا فواكه خضار شوية عيش ابيض مع كوسه بالخلاط هالسوالف

واذا صار عالاقل 5 و نص عطيه بسكوت لان مايبقى شي ويكمل 6

وانتي اسم الله على هشومي ماباقي شي ويكمل 6

زين بسألج دام خلص الخامس تبارك الرحمن ،، قعد ولا بعد؟؟!*

 

[om_3azoz]

نوحا احس حرام لان عزوز موراضي يروح حضانه
سبوع الياي بروح ادخله بس ادري ماراح يروح فعادي راح اقول حضانه وخليه بس لو روضه صج خلاص مدرسه مولعب من جذي

واهو سمله عليه يعرف ويفهم يعني اللي يصير لنا بينه وبين عزوز شهر اهو يدش الروضه سنه اليديده واهو بعده بس امه كله تقول ليش ولدج كبير ولدي حيل نتفه ولدها جنه عمره سنه ونص جذي كله تقول ولدج شكله كبير حيل حاطه عينها على عزوز بكل شي

 

[om_3azoz]

زين سؤال حتى بسكوت ماري وجذي العادي مايصير

 

[غلبانه]

احنا بخير
مجودي طفشني مريض وبس يبكي
مزكم وحالته حاله
وبس يحككك لثته ويوم يسخن ويوم لا

زهقت بركب لولب ابيه يكبر اخاف احمل وتوهق
وبالنسبه للاكل انا بديت معه موز مهروس
منقوع تمر
بطاطس مهروس طبعا مسلوق
هذي طبعا مو كل يوم يومين وبعده احط له
اما السيرلاك فكل يوم ملعقه صغيره بس
السيريلاك يوميا
والحمدلله ماشي حاله
طبعا مافي رضاعه صناعي بس طبيعي والحمدلله
عشان كده قلت اذوقه اكل لانه تعبت بصراحه صرت ادوخ واتعب واجوع
والدكتوره كتبت لي فيتمين وكالسيوم وحديد

 

[غلبانه]

http://www.q8yat.com/t1018786.html

بنات دشوا هني

 

[noo7a]

ريريز
اي باجر يكمل ٥ و يدش بالست
انا مو الحين بوكله بعد اسبوعين انشالله
هشوم لا ما يقعد بس لمن يكون بحضنا ما يرضى نميله كله يبي نقعده
و هم لي الحين مايقلب


ام عزوز
قطيعه اكره هالمقارنات
اقري المعوذات دايما عليه


غلبانه
الله يشافيه ياربي
مادري احنا عيالنا لاحظت كلهم بدو بالحنه
تتوقعون هذا العمر يبدا الياهل فيه يحن مو خوش عاده :/

 

[noo7a]

ام عزوز

بسكوت ماري ما اتوقع الحين
فوق السنه


انزين بسال عن الشوفان زين لعمرهم ؟!
لان الشوفان وايد زين و بسويله بدال السيريلاك

 

[غلبانه]

بجد حناااااااااااااااان
وبس يبيني مقابلته بس اروح المطبخ يشتغل الزن

بس اوقات اطنشه واوقات اشغ له التلفزيون على طيور الجنه او ام بي سي 3
يقعد يشوف ويبقق ههههه

 

[om_3azoz]

نوحا حيل مقارنه ليش ولدج شعره ناعم اكيد مسويتله استشوار وكله تقول شوف عزوز يتكل وانت لا لمن عزوز ضعف فجاه

 

[noo7a]

شوفي
اهي ضعيفه ريلها ضعيف
اذا ايي قوليلها الوراثه تلعب دور
اكيد بيطلع عليكم
بالله بيكون متروس على منو

 

[♥ ام منوله ♥]

منوله مواليد ٧ / اكتوبر ٢٠١١ بتنضم معاكم

 

[noo7a]

حيالله ام منول

العمركله يارب

 

[♥ ام منوله ♥]

حيالله ام منول

العمركله يارب

الله يحيييييج ياقلبي

 

[انثى الكويت]

هاي بنات شلونكم
ريرز يهبل النفنوف حتى انا خياط حقها باجر بستلمه

تقطعه بالعافيه

غلبانه الله يعينج وديه مستشفى خاص او عياده خاصه اتوقع يعطونه قطره تشترينها من صيدليه

ام منوله حياج الله بينا فديت منوله الحلوه

نبي معلومات عنج >>>>>>>>>>>> بلش التحقيق

اول ولاده وعندج يال ووين ولدتي ومنو دكتورتج وشلون ولادتج
ومتى ناويه تيبين يهال لووووووووووووول


يعني الاسئله المعتاده

خوتا وينها مختفيه

 

[Janna-q8]

حياج الله ام منوله انتي و منوله الصغيرونه

ام عزوز
واااي هالاشكال ليحين عايشه؟؟ مالج شغل فيها انتي لا تجاوبينها عن كل سؤال لا تتعود

نوحا
ابدي الخضرا المهروسه و الموز و خلي البسكوت بعد الست اشهر ما بقاله شي اسم الله عليه بس شهر واحد

 

[Janna-q8]

صج تعالوا...

انا من يومين سألتكم عن الكار سيت،،، جنه محد رد علي