اطفال اكتوبر 2011 ياحلوهم 

[Janna-q8]

هلا بنااااات سوري حدي انشغلت و توني فضيت،،،

قاعده بحفله تخرج اختي من الهندسه ملل كل واحد يقول كلمه شطولها ههههههه


معبوج
يحليله فروووس مو راسيله على بال يلعب عليكم و الحزم كلهم فدوه لعيوونج يا قلبي

ريريز
انا موجوده كاني ما هجرت التجمع هههه ،، لا عاد صج بنات لازم نرد نسولف شوي هني لنا جونا الخاص

ام عزوز
نعيييييما عالصبغه 

 

[Khota8]

ام عزوز شعور حلو التغير وعليج بالعافيه
انا ماهجرت بس كل مادخل ماكو احد
ريرز
الله يعينج
انا انزل البرامج بس الله وكيلج كل يووم تفتيش وهذا منو وهذا منو لاعت جبدي وزهق
الله ياجرنا
انثى شلونج وشلون ركبتج
وانا حماده ياويل اللي يمشي جدامه كل البيت نحبي علشان مايشوفنا واقفين
ولا للحين مايحبي ولا يعرف يمشي بالدرايه بس ينقز ومرات يرجع ورا
انا احسن شي حبيته بالانستغرام اني شفت هشوم حبيبي وملك قلبي واحلى بنت تعرفت عليهااا فطومه بنت تدلل الله يحفظهم يارب

 

[ReRez]

جنى و خوتا اي لاتهجرون التجمع صاير حيل هادي جنه بيت اشباح

خوتا انا نوني توها من اسبوع فديتها صارت تمشي لي جزام واذا ماكو زل تلاقينها منطلقه تهبل شكلها يونس ربي يحفظهم

كان ودي اشوف بيبياتكم بس كلكم برايفت حاطينه حسافه

الله يخليهم لنا يارب


ام عزوز فديتج نعيييما النيو لوك

 

[*دنــيـQ8 ــا الوله*]

ريريز ... انا مو برايفت بسسسس مو حاطه صورة ولدي خخخخخ

انا خلودي للحين ماحبى وبالدرايه بسسس يرجع وعلى الخفيف بعد ... بسسسسس بدى الضرس الثاني يطلع ... ويقولون اللي يسنن يأخر بالحبي والمشي والعكس صحيح ... يعني انتو عيالكم اسم الله عليهم يحبون ويمشون شوي بالدرايه بسس بعد ماسننو

 

[انثى الكويت]

صباح الخير شلونكم شخباركم



ريرز الله يسلمج اي والله الكل راح الاستغرام

خوتا انتي شخبارج

انا الحين ااتعالج علاج طبيعي يعلومني امشي

جني ياهل يا سبحان الله عشان غضروف ريلج ماتمشي وتتعلمين المشي

بس انا بالبيت اسوي التمارينواثبت ريولي وبديت امشي

واذا اطلع بالمجمعات يدزوني بويل جير وامي تدز شوق وريلي يدزني



وشوق قبل جم يوم ٣ ايام مرتفع حرارتهاوخامره مالها خلق تلعب
فيها احتقان بس الحمدالله فحت الحراره

بس اول كنت احط تحميله ترد الحراره

قمت احط تحميله واعطيها دوا واحط اللزقه الجل الباره على يبهتها عشان تتطخ


وضروسيواصل للعصب بيشيلونه والله بغيت اسويه بخاص

بس شدعوه اقط ٣٠٠ دينار عشان ضرس بنطر ليه باجر


والله تنظيف عصب ٧٠ وضرس تلبيس ١٥٠ ومادري فتح ملف واشعه وخرابيط

اسويه بالمستوصف الاشعه والتنظيف وكل شي واروح البسه بخاص او حكومه اشوف شلون بسرعه والبسه



دقيت على كذا عياده مو شي


انا الصراحه احب الحساوي كلينك عد دكتوره سوريه بس مسافره فضيعه

تقول حق امي روحي سوي تنظيف الاسنان بالمستوصف اهني ياخذون ٤٠ دينار شحقه يعني مو ماديه

مسكينه ماتييب يهال الله يرزقها

 

[Khota8]

انثى
الله يعينج ويشفيج والضروس انا نفسج وكل يوم اقول باجر بروح ومااروح حدي تنبل من هذي الناحيه ومستوصفنا عباله روحي المركز الثانيسوي تحاليل واذاتلبيس دايم يحولونا لبنيد القار حشوه وتلبيس وع وع شغلهم مقطع

بنات حماده يبوسني واقوله ابا ماما على طوول يحبني وابوه احتر جان يعلمه طق ماما والحين صار يطق

 

[Janna-q8]

هههههههههههههه صج الغيره تسوي شغل خوتا

انثى وين اي مستشفى تتعالجين؟؟؟ حلاته عند ام مريوم بالاميري !!!

ريريز مو جنهم صغار عالدرايه؟؟ انا اخاف احطها توها صغيره و اساسا ماودي تصير من اللي يمشون مبجر لوووول لاحقين على الخراب خليهم قاعدين بمكانهم ليما عاد يصير عمرها سنه مثلا زين و الله يقدم اللي فيه الخير

ام خلودي
شنو اكاونتج؟؟ ضيفيني عندج بس ترى انا ملاقه ما احط شي غير سوالف البزنز << عشتو عالبزنز هههههه

 

[Nooo7a]

هااااااي
بنات
انا نوحا
نحنوح على قوله ريريز
لووول


تخيلو من الاسبوع الي طاف نك نيمي موراضي يدخل
يقولي الباسوورد غلط

و الايميل الي حاطه فيه النك نيم شخباري قديم ناسيه باسوورده

راسلت الاداره طبعا طناااااش
مبين يدخلون على الموضوع بس مايردون علي
شسوييي ابي نك نيمي له ذكريات و مواضيع كاتبتها
ابييه
و بتبوتا ماقامت تدخل التجمع بعد عشان تتوسط لي لووول



ابي نك نيميييي



 

[Nooo7a]

هيى شنو هذا بعد هم اكتب ردود و مايبين

 

[Nooo7a]

خوتا
حبيبتي والله تسلمين
والله انا الي تحطمت بسنون حماده حمودي كربوووونه فديته

ريريز
انا مو حاطته برايفت


بالنسبه حق عمه ريلي الي ولدت بنت داون
جنى اهي مو كبيره عمرها توها اول الثلاثينات يمكن ٣٣ او ٣٢ مووو اكبر
و هالحاله لها درجات
في بعضهم يفحصون البيبي عشان يتاكدون بعدين يبلغون الاهل لان مايكون واضح
اما البنت هذي فقيره وااااااااضح مبين فيها
احنا رحنا نزورها بالمستشفى
اخيه كل واحد يحاول يبين ان الوضع طبيعي و انه نصيب من الله بس والله مو قادرين
بس والله هذا اختبار من الله قاعده اقول حق ريلي
الله مايبلي الا عبده الي يحبه عشان يقيس قوه ايمانه و صبره
و يمكن هالبنوته تكون اهي سبب دخول امها و ابوها الجنه

 

[Nooo7a]

استغفرالله باجر يبلش الصيفي
احس مخي مو مستعد يبلش بمنهج يديد
ولا يستوعب معلومات يديده
لووول

 

[ReRez]

نحنوووح وللللكم باااك
وانا احتج نبي النك القديييم حاولي تردينه
--

جنى ليش تو الناس؟؟ جم عمر بنتج؟ انا دشت ٨ اشهر وبالعكس حده مناسب هالعمر يتمشون ويستانسون حرام لا تحكرينها خليها تتمشى بالدرايه
--


بنااااااات باركووولي واخيييرا ريلي اقتنع بالانستغرام قعدت اقنع فيه ٣ ساعات اني بحطه برايفت وماراح استقبل من احد بس بضيف اللي اعرفهم وماراح تحط صوري و و و و ياااالله بالاخييير قال اوووكي

يالله يا شطار عطوووني نكاتكم وحده وحده اهووووووووووو

 

[*دنــيـQ8 ــا الوله*]

ريريز ... منوره البرنامج وعفيه عليج عالحنه يابت نتيجه .

 

[Janna-q8]

نحنووووووووووووووووووووووووووح !!!!

لاااااا ليش ما ضبط معااج من ذاك اليوووم؟؟؟؟

انزين عندي لج حل ثاني

ايميلج اللي ناسيه باسوورده حاولي تحطينلهم انج ناسيه الباسوورد يسوولج صرفه تردينه.. و بعدين دشي منه و ضبطي سالفه المنتدى!!


ريريز
مبررررررروووووك الانستغرام و عقبال التوتر و الفيس بوك لوووول و لو انهم صاروا موضه قديمه بس ما عليه لحقي اسمها جربتيهم لول
و عن سالفه الدراي مادري يمكن انا خوافه زياده عاللزوم

 

[ma3boocha]

جنووووووي
اولا: حبيبتي تسلملي عيووونج ياقلبي
ثانيا: عيالنا مو صغااار عالدرايه ... انا ولدي صار محترف بالدرايه ...اذا عاقه شي بالطريج .. مسك درايته و رفعها و كمل طريجه لوووووووووووووول ... والله شكله يفطس ضحك و اهوا رافع الدرايه


ريرييييز

مبروووووووك عالانستغرام
هاااچ اكاونتي _tasneem
نوريني


خوتا
لوووووووووول
موتيني ضحك على حماااده انكم تحبووون جدامه ههههههههههههههه
و الله يعييينج عالتفتيش صج ما يسوا عليج

انثى
حبيبتي الله يشافيج و يعافيج
و ماتشووف شر شواااقه حياااتي


نووووووووووووووحااااااااااا

لا لا لا ابي اللوووك مالج القدييييم
الله يردج لنا بالسلامه
والله يوفقج بالصيفي حياتي

 

[Nooo7a]

جنى
حطيت لهم الايميل القديم وقلت ان ناسيه الباسورد
قلت لهم قصه حياتي لوووول
بس اقولج مايردووون يبين عددد مشاهده الموضوع يزيد يعني يطلون عليه بس مايردون
ابي نك نيمييييي

 

[om_3azoz]

مرحبا شلونكم كلكم وشلون بيبياتكم

انا لهيت شويه وغير ريلي يقعد يجابل الاب توب مايعطيني اياه

بنات محد بلش يجهز حق القرقيعان ؟؟

 

[انثى الكويت]

كتبت تعليق شكبره وحذفته يعلق قكيعه مايكمل ولا يخلوني اعدله


اووووووف عصبت اهدي وارد لكم



بس نور الدنيا اختفت


ريرز مبروك الاستجرام

نوحا ردي نكجس اذا ما رضو يالله مالجالي تكملين بهذا


انا تبع الاميري بس اسوي ضروسي بالمستوصف

خوتا نصيحه لا تسكتين على ضروسج لازم تهتمين


اناوصل للعصب وتوهقت يذبح وعطوني مضادلان ملتهب

واصلا اذا بلبس الضرسلازم اروح بنيد القار

يالله اسبوعين وافتك



ريلي بيسافر بيروح حق امه ماشافهامن قبل لا اولد بخمس ايام
قال بروح ولهت على امي قلت روح

كان ودي اروح واخذ شوق بس صعبه ريولي وميزانيه ماتسمح


على كاري القرقيعان خذيت للكبار الخالات والعمات واخواني واهل ريلي
جدور زري خذيتهم من وحده بالاستحرام

بس امي وابوي وام ريلي وابوه ابي لهم نفس بوابه شي مميز لان بعلق لهم
صور شوق كبار منها شي حلو ومرتب يحطونه ديكور بالبيت

شنو عندكم افكار حق الكبار


واليهال جياس فيها لعبه وحلاو وكاكاو وخلاص


باجي بس دراعه القرقيعان حقي وحق بنتي نفس الشي ابي

مابي البسها بخنق ودراعه لانها ماراح تتحمل الحر وياذيها وبتبجي
لما تكبر اسوي لها دراعه وبخنق






بنات شفتو حلقه خالد عبدالجليل عن سوريا تبرعت لهم ب ١٠٠ دينار
كسرو خاطري اليهال

هذا الي كان عندي لو عندي زود جان تبرعت اكثر



بنات ادعولي امشي بسرعه تعبت والله ابي امشي

 

[ReRez]

حياتي انثى ان شاءالله تمشين بصحه وعافيه يارب بس سؤال اذا بالليل احتجتي تقومين حق بنتج او ترضعينها او او او اشلون وانتي ماتقدرين تمشين يا قلبي عليج

وبعدين ليش ماعطيتيني نكج سري؟؟؟
--

دنيا الوله انتي اللي قذلة ولدج مخربطه ولا انا مضيعه؟؟
---

ومنو ام التوينز علي وحور؟؟ ماعرفتها &#55357;&#56851;



معبوجه ضفتج بس ما استقبلتي مو انتي اللي كاتبه لوير ؟؟

 

[om MaRyooM]

شخباركم بنااات

عاش من شافكم يارب وشلون البيبيات


بنات بنتي الاسبوع الياي بتدش الشهر العاشر وللحين ماسننت الكسوولة