اطفال اكتوبر 2011 ياحلوهم 

[انثى الكويت]

بخير انتي شلونج ام سليمان


انا قبل فتره وديت شواقتي وصورتها بنفنوف عيد الوطني وكشختها وصورتها بالبامبرز. بروح
وبدله ثانيه

بعدين صورت انا واهيا وابوها لقطه جماعيه

الصراحه الصور تهبل وحلوه صورت بلقطات

عجيبين والله


وخلاص قررت اسوي عمليه ركبي وعطوني الموعد ١٣/٥ بسويها تعبت منها والله



وببلش اعطي شواقه روب النكهات شتنصحوني فيه احلى نكهه

وعيونها شوق اليمين تغمص وتدمع عاد بلحق عليها وبوديها دكتور عيون يشوف لي القناه الدمعيه

 

[om_3azoz]

مرحباااا شلونكم


ام مريوم اقري المعوذات وليش ماتواطنج بالله من زينها عاد ,, منزل مبارك ياقلبي


انثى
ماتشوفين شر ياقلبي والله يقومج بالسلامه سويها وافتكي احسن من انها اتزيد عليج لاسمح الله



اليوم رحنا انا وريلي واليهال القهوه الشعبيه وناااسه والجو عجيب اول مره نطلع طلعه عائليه مع ريلي هههه على قولته خل نطلع طلعه عائليه


انا حاسه اني حامل حلمانه حلم كل ماحمل احلم نفس الحلم واليوم خاصرتي اليسار تحت تعورني ولايعه جبدي ههههه الله يستر بس ريلي يقول لو حامل مستشفى العدان قتله مو كيفك ههههه

عاد اللي الله كاتبه يصير ونعمه من الله بس انا مابي الحين واذا حامل الحمدالله علىكل حال

ترى اليوم اخر حبه كانت واخذ حبوب هههه بس شاكه


اليوم عزوز كمل 3 سنين حبيبي صاير ريال ,, كلامه عسل انتي قلبي وحياتي يقولي انتي جميله جميله هههه فديته والله

 

[om_3azoz]

حاليا قاعده اكل بفك ودقوس وبعد شويه بروح انام لان باجر زواره ولا طلعت لي بدله مالي خلق بلبس تريننق لان بطلع من الزواره بروح بيت ابوي عشان بنروح الشاليه

 

[om_3azoz]

وعلى فكره انا قبل لا اتيلي الدوره لازم اكل بفك ودقوس بس هم حاسه وان شاءالله احساسي مايكون بمحله


ادري قرقت وايد بس شنو اسوي فيني قرقه

 

[Janna-q8]

ام عزوز
لووووول ضحكتيني فاصله.. و على فكره من علامات الحمال الفصله ههههههه

انثى
الله يسهل عليج و يشافيج و تنجح العمليه يارب..وين قلتي بتسوينها؟؟ و من عنده قررتي؟

ام سليمان
شلونج عساج طيبه

مريوم
سلامتكم غداكم الشر...واااااي الله يكافينا شر هالعيووون
و منزل مبارك باذن الله

خوتا
شلونج شخبارج

نوحا
مالج حس

 

[دنيا أبوها]

نور الدنيا
ما تشوفين شر طمنينا عليج يا قلبي ..


أنثى
ربي يسهل عمليتج و سخر لج عباده وتردين مثل اول واحسن



ريريز

وينج مالج حس ... عسى المانع خير ... ربي يسهل امورج كلها

 

[دنيا أبوها]

أم مريوم
خطاكم السوء .. الحمدلله عالسلامة


أم عزوز

الله يكتب لج اللي فيه الخيرة ....

 

[دنيا أبوها]

واااااي بنات ترى ريريز من زمااااااان ما دخلت التجمع .. اللي تكلمها بالواتس اب تطمننا عليها و على نوارتها ..

 

[تدلل حبيبي]

ام مريوم

حبيبتي خطاكم السووو
امبي شهالعييين البازوكيه لوووول

اثنا
الله يسهل عمليتج ويتمم عليج الصحه والعافيه

نوحا
وينج مختفيه؟

نور
طمنيني حبيبتي انشالله خف الدم؟ وارتفعت نسبة الهرموني
قاعده احاتييييج

خوتا
مالاحظتي ان من دخلتي اكل قلت الرضعات من الصدر ؟ وقل الحليييب بصدرج؟
امبي انا الحليببب صاير شويييه لانها ماتشرب وايد يمكن كل 5 ساعات بالغصب تشرب 5 دقايق لا واكون ماشكه راسها وغااااصبتها

 

[تدلل حبيبي]

دنيا ابوها
ريريز بخير بس شوي لاهيه
انشالله اذا فضت تطل علينا

 

[ام سليمان 2008]

انا الحمد لله تمام

 

[noo7a]

جنى
تدلل
كاني لوول
بس خميس و يمعه الها شوي


بنات انا شقتي كلها سيراميك
مافي الا قطعه زوليه صغيره حدها حاطينها بالصاله
يعني مافي مجال احط هشوم عالارض كلش
عشان يتقلب على راحته و اخاف هم مايحبي من هالسالفه
لان مانحطه عالارض
شالحل ؟!*

 

[*دنــيـQ8 ــا الوله*]

صارلي جم يوم مكان عمليتي يعورني من داخل طبعا ... يضيق خلقي من هالعوار مادري ليششش استغفر الله

ام عزوز هاااااا نبارك لج المركز الثالث ولا لأ خخخخخ بشرينا

نوحا ... والله مادري شالحل ماكو غير نفرش الشقه كله زل علشانه خخخخخ واذا على انه يقلب انا احطه علي فراشي وطبعا اكون يمه ... بس اذا بدى يحبي مشكله

 

[*دنــيـQ8 ــا الوله*]

بنات عادي اسوي تنظيف بشره واحف بنفس اليوم ... ماعندي وقت بصراحه اروح يوم ويوم ... وشرايكم بتنظيف بشرة صالون رنيم انا مجربته بسسسس شغلهم بالقص والحف ...... لوووول بنات لاتنقلون سوالي لقسم الاستفسارات الجماليه

 

[انثى الكويت]

الله يسمكم بنات ما قصرتو واي بفتك من ركبي وناطره التاريخ مناطر وعد بالبيت 6 سابيع

عادي اشتري من مذكير الزوليه الي فوقها العاب وتطلع موسيقى يستانسون عليها اليهال انا يابوها لي هديه

وفي منها بسنتر بوينت

 

[Khota8]

صباح الخير حبيباتي
تدلل
حماده مأكل كلش ولا وجبه للحين وماادري شالحل معاه

انثى
الله يوفقج ويسهل عمليتج
وبنات لاحد يزعل عليها ماقصدها اتسممكم بس خانها التعبير قصدي الاي فون ههههههههههههه بتقول الله يسلمكم

دنيا الوله
والله مااعرف الصالون هذا
بس التظيف روحي مستشفى احسن

نور
بشري ان شاءالله ارتفع الحمل وماكو دم

 

[noo7a]

دنيا
اي انا احطه عالفراش يتقلب
بس ماينفع للحبي :/



انثى
عندي الزوليه
بس يقلب قلبتين يوصل حق طرفها
انا ابيها حق لمن يبلش يحبي
اخاف ان ماحطيناه عالارض مايحبي

 

[noo7a]

انا مجربه رنيم بالحف
امبي اكسبو فينا اجر يوم حطو الصالون يم الجامعه
لووول لان كلش ماعندي وقت فاروح وقت بريكاتي

 

[om_3azoz]

مرحبا شلونكم

ام جنى هههه صج من علامات الحمل الفصله لا ماتوقع ههههههه

تدلل
اكيد بيخف الحليب لان ماترضعين وايد من جذي


انا ليلحين المفروض الاثنين اتيلي الدوره وبنطر ان شاءالله اتيه

تصدقون مره اقول ابي احمل طبعا بليل ولمن اقعد اقول لا مابي الحين بستانسبحياتي شويه هههههه صج كلام الليل يمحيه النهار



امس كان عيدميلاد عزوزكمل ٣سنين ,, ابي اسال مكدونلز جم يسون العيدميلاد لان فكرت اسويه في بيت بس بيكلف علي وايد

 

[noo7a]

ام عزوز
كل عام واهو بخير حبيبي و العمر كله يارب



اكررررررره ريال مدريد انشالله يخسرون
اليوم حاطه ببالي اطلع عندي جم شغله بسويها
ولا المباراه الساعه ٩ و طبعا نو وي يطلعني خاصه ان لعبهم مع برشلونه
انشالله يخسرون