ミܓܨܓلولوه وخواتها ܓܨܓミ

[سر القلوب]

الله يهديها وجبة برمظان ماتنبغا
الله يعطيج العافية جدا مشوقه

 

[{ عبره وهلت }]

يا مال العافيه يا ريم الخبر .

عز الله انج روووعه فديتج وفديت اهل الخبر معج بس لا يوقف بليز

لا تحرينا ياليت ما طولين << حدها اندمجت على القصه الروعه

حسيت اني معهم

 

[ريم الخبر]

كملي اندمجت خووووش رواية

تسلمين ياقلبي تسعدني متابعتك

 

[عاشقة الأنغام]

مشكوووووووووووووووووووووره

 

[عاشقة الأنغام]

ريم عجلي تكفييييييييييييييييييييييييييييييييييييييييييييييييييييين


صرت مندمجه تكفيييييييييييييييييييييييييييييييييييييييييييييييييين

 

[عاشقة الصمت]

تكفين ريومة كملي لا تطولين عفية

 

[ملكةالدلع]

ريومه تكفين عجلي
وااااااااااااااااي مره روووووووووعه

 

[ريم الخبر]

*********


لي عوده مع ردودكم بارك الله فيكم

%%%%%%%%%%%

طاش طاش طاش ماطاش
امل وهي صاكه على اسنانها
من القهر:قصري صوت التلفزيون ياعبير
خليني اسمع هيا وش تقول..
هيا:الو الو امل الحين انتِ ماتسمعيني
اذا جيت عطيتس الاخبار كلها اخاف هدى تسمعني..
امل:الله يقلعتس ياعبير ماخلتيني اسمع
عبير:ياسلاااام انا بعد ابسمع التلفزيون
بعدين حرااام الحش في رمضان!
امل:لاياشيخه ؟
*****
الساعه 9,5بعد صلاة التراويح
هيا :تعالوا تعالوا اعلمكم عن الاخبار
امل :ايه والله تكفين عطينا اخبار هدى .
هيا:اسكتوا استقبلتنا هدى وهي كاشخه بذيك
الجلابيه البيضاء المطرزه بالذهبي ومسويه هاي لايت
كنها عروس...
وبعدين دخلنا الصاله واحسب اني داخله بيت ثاني
جابوا (فاير بليس) واكسسوارات وشالت النيون وحطت
سبوت لايت...والشموع اللي شابتها في كل محل
بغت تحترق طرحة امي المسيكينه خخخخ
وطاولة الطعام حطتها في الصاله والفطور
اشكال والوان..والرجال مساكين فرشت لهم سماط
في الخيمه وحطت لهم شوربه وسمبوسه وشوية فطاير
والا طقم البيالات اوووف تذكرين ذاك الطقم اللي في السيد
وخقينا عليه يوم شفناه ..شرته ..
امل: تلقينها متسلفته !
هيا:والله يمكن..المهم اذن ولاقالت تفضلوا جلست
تدقدق على خالتها والخاله ماردت ..بعدين قامت امي
وصبت لها عصير وخذت تمره وسوينا مثلها وهي طول الوقت
تكلم وفي النهايه ردت سموها خخخخ...
(والله مااقدر اليوم اجي عندنا حفل خيري في الجمعيه سامحيني
حبيبتي)
انصفق وجه هدى ..بعدين قالت بكل حزن يالله نفطر؟؟؟
امل:خخخخخ احسن عقايبها !!!
****

الساعه 2 قبل الفجر
ولولوه في المطبخ تجهز السحور..
ام خالد وهي ترتب الفريز :
لاتحطين يالولوه ملح مع السلطه حطي ليمون
لا يظمينا ورانا نهار طويل..
لولوه:ان شاء الله يمه ..
ام خالد :بكره ام عبدالله عازمتنا عقب التراويح
ماودتس تروحين معي وتوسعين صدرتس يابنيتي
لولوه:والله مهيب شينه بس اذا بنتها نوال موموجوده
وش يوديني ..
ام خالد وهي فرحانه وماصدقت موافقتها السريعه:
الا الا موجوده بكره الخميس وهي كل خميس تزور اهلها.
**
الخميس....بعد التراويح..
فهد:لولوه تكفين ابي منتس طلب
لولوه:وش هو؟
فهد ودي بكوب كابتشينو ذاك ابورغوه وفوقه قرفه
يازيييييينه سويتيه لي مره والى الحين مانسيته...
ام خالد:خل هيا تسويه لك لولوه بتروح معي الحين..
فهد:وين؟
لولوه:للجيران!
فهد:اول مره اشوف بنت تسير مع امها للجيران.
ام خالد:وش فيها اصلا لولوه صديقة نوال..
فهد:الله واكبر وش هالصداقه اللي منقطعه لها سنين
وما طلعت الا يوم طلبت كابتشينو..
ام خالد:يابوي اذا رويسك يوجعك شف الترمس فيه قهوه عقب الفطور ...
***
في بيت ام عبد الله...
ام عبدالله:ياهلا ياهلا والله بلولوه وام لولوه
هذي والله الساعة المباركه..
دخلت لولوه وجلست تطالع في الحريم وحده وحده
كلهم من سن امها واكبر مافيه الا هي وبنت بنت وحده
من الحريم عمرها 9سنوات ...معها قيم بوي تلعب فيه...
لولوه:ام عبدالله وين نوال؟
ام عبدالله:الله يستر عليها مشت اليوم هي ورجلها لمكه..
لولوه تطالع امها وهي مقهوره ..والام تقول بشويش:انا وش دراني انها بتعتمر..
مرت 1\2ساعه بغت ترجع للبيت لحالها الا حلفت عليها
ام عبد الله تاكل جح
جلست وهي تنتظر الجح لين يجيبونه ..ومالقت شئ تتسلى فيه(اووووف هذولا راحوا يزرعونه)
شوي الا نادت البنيه الصغيره :ممكن حبيبتي العب شوي بالقيم بوي حقتس..

لي عوده مع بقية الردود بارك الله فيكم..
اليوم 26/9/1428هــ
الساعه 12الظهر

والعايله كلها مجتمعه...وابوخالد وام خالد
يستعدون للسفر للعمره...
ام خالد:لااوصيتس يالولوه على البيت وخلي عينتس
على الشغالات, والسواق لاتنسون فطوره وسحوره.
ابو خالد:يافهد اليوم لاتطلع من البيت الا ضروره
وان ابطينا لاتنسى الفطره
وانتبه لخواتك انت رجال البيت الحين وانا ابوك ..
لولوه:الله يحفطكم ان شاء الله واول ماتطبون المطار دقوا علينا..

***********
بعد الفطور ..
فهد :يعني الحين و اقعد اسوي اقابل وجيهكن
امل: مو شرط تقدر تقعد في غرفتك واذا احتجناك ناديناك
عبير:فهد من زمان مالعبت معنا مونوبولي!
فهد:والله مهيب شينه جيبيها..
عبير:تلعبين منا يالولوه؟
لولوه: هوووو ماانتوا صاحين الليله ليلة سابعه وليله
فضيله من شهر فضيل والواحد يستغل مثل هالليالي
اللي تفتح فيه ابواب الجنه وتغلق بواب جهنم وانتم تلعبون مونوبولي!!!
فهد:طيب لاتلعبين بس احرسي البنك لايسرقن اعرفم خواتس!!
لولوه:استغفرالله بس.. .انا رايحه للمسجد ها انتبهي للسحور.بعد عشر دقايق
قصري على الفرن لاتحترق الباشميل...
******
بعد 1\2ساعه
عبير:ياحرامي شفتك وانت تسرق من هيا !!!
فهد: ياكبر كذبتس انا بس اعد فلوسها!!!! تشمون ريحه؟؟؟
هيا:ياويييييللللللي احترقت الباشميل!!!!!!
******
بعد رجعة لولوه من المسجد..
لولوه:احسن هذي عقايبكم..
فهد:وشلون يعني مافيه سحور؟
لولوه:الا.....توووووووونه بالمايونيز..
فهد:طيب والسواق وش ذنبه وامي موصيتس عليه؟؟؟
لولوه:والله عشان هالسواق مهوب عشانكم يالفسقه
فهد:مقبوله منتس بس اهم شي تسحرينا...
****
عبير :لولووووووه الحقي الحقي !!!!!
الشغاله انحاشت!!!
لولوه وهي مرتاعه:اي وحده منهم؟
عبير:الفلبينيه!
خديجه الشغاله الاندونسيه:مام انا مافيه علوم انا نووووم
بس هازي سغاله (كارن )امس فيه كلام كتييير هي قول( اناتئبانه
رمدان سغل كتيير )
لولوه:الله ياخذها ان شاء الله ..فهد شف شغلك؟
فهد:نعم ان شاء الله تبيني اطارد وراها في الشوارع!!!
*****

بعد 1\2ساعه
وفهد يحاول يتصل الشرطه...
ولولوه حايسه مع السحور في المطبخ
فجأه....
ررررررررررررررررن رررررررررررررررررن
ام خالد تتصل على لولوه..
لولوه:الوهــلا يمه..وش فييييتس ؟
ام خالد:لولوااااه انا ضااااااايعه!

لاحقا...
فهد:ان شاء الله بعد تبيني ابلغ عن ضياع امي مدري ابوي!
على فكره مين الحين اللي ضايع فيهم؟
لولوه:ياربي وش هــ البلاوي!
رررررررررن رررررن
لولوه:الو يمه هاااه لقيتي ابوي ؟
ام خالد:ايييه يمي لقيته عند باب السلام يحتريني ياقليبي...
لولوه:الحمدلله ..
****
اليوم 28\9\1428هــ
ام خالد:دعيت ليتس يالولوه وانا بالحرم ان الله يرزقتس العبد الصالح..
لولوه لا تعليق وكأنها قطعت الامل..
هيا:يمه ابي السوق ماصارت, العيد جا وانا ماشريت شئ
وماشاء الله عليه ابوي عازم اهله كلهم..
ام خالد:ماعزمنا احد ابوتس الكبير الحين عقب وفاة
عمتس الله يرحمه والحق له عشان كذا
بيتجمعون كلهم هالسنه عندنا..روحي و لاتبطين
ورانا شغل وخديجه ماتدري وش تلحق عليه..
امل:يمدحون الحبشيات..
ام خالد وهي معصبه:الا يمدحون البنات السنعات ..وش ناقصتس
يد والا رجل..

عبير:يعني وشلون مناب رايحين للديره عند خوالي..
امل:احسن ..
عبير:بالعكس والله كنا ننبسط مع بنات خالاتي..
*****
ليلة العيد
ام خالد:والله ياهيا ان مارجعتي الحين انت وخواتس من السوق
اني لاعلم ابوكن عليكن كل يوم رايحين رادين على هــ السوق...
هيا:لاحووول يمه ماخلصنا باقي لي كم شغله..
*****
لولوه والشغاله في الحوش يغسلونه استعدادا للعيد
خديجه الشغاله:لولوه انتي ليه مافيه زوز ؟
لولوه:سيم سيم انتي!
خديجه:بس انا مافيه هلو انتي هلوه!
لولوه وهي مبسوطه على الاطراء:بس خواتي احلى مني
خديجه:أأأأأ ...مين قول والله انتي وازد هلوه وكلب انتي ابيز
لولوه:يمكن عشان قلب ابيض لو اصفر كان احسن!
خديجه وهي تطق لولوه مع كتفها:كككككككك اسفر !
لولوه:ماكنتس ياخديجه طيحتي الميانه شوي يوم عطيناتس وجه؟
*****

يوم العيد
الله اكبر الله كبر
ولله الحمد
الله اكبر كبيرا والحمدلله كثيرا
ابوخالد وهو يطق باب فهد: فهد قم قم صل العيد
ام خالد:وييين يقوم مانام هو وخواته الا قريبات الفجر
يشبون بهــ الصواريخ ويطيرونها سدرونا وسدروا الجيران
ابوخالد:الله يهديهم ادعي لهم بالهدايه يالله عجلي اركبي
قبل لاتفوتنا خطبة العيد..
***
لولوه:خديجه ودي صياني الحلا لمجلس الرجال ومجلس الحريم
خديجه:تيب اول انا يفته باب ..
لولوه:يوووووه جو عماتي ؟وامي وابوي مابعد جو!!!!
****
لولوه:فهد تكفى قم استقبل الرجاجيل
يوم مارد عليها ...دقت على خالد :خالد تكفى تعال
المجلس مليان رجال وابوي مابعد جا...
خالد: انا الحين تحت في المجلس..
لولوه:اشوى !
وبعد ربع ساعه......
ام خالد وهي توزع العيديات على البزران:ياهلا والله
ومرحبا حياالله من لفانا ..
****

الساعه 12الظهر قام فهد وبقية الخوات من النوم..
عبير:وش ذاو ش ذا كل ذولا عماتي!!!
امل:يالله يابزران اللي يبيني اصوره يجلس عاقل...
وبعد خمس دقايق...
هيا:صوريهم حرام عليتس !
امل:خليهم شوي وجعتنا روسنا من الصجه..
هيا:ههههههه ياشريره...
****
العمه لطيفه:فهههههد ادخل وانا عمتك تغطوا ياللي تغطون..
دار فهد على عماته الست وحب روسهن وبارك لهن بالعيد وهو مستحي
من بنات عماته وعمانه ومن كثر الحيا حب راس عبير بالغلط
او بالاصح هي عطته راسها تمزح ومادرت انه بيصدق..
وهالموقف خلا الجميع يضحك وخلا فهد يستحي اكثر واكثر...
*****
بووووووم بووووووم بووووم
خالد:والله يافهد ان ماوخرت اني لاشق ثوبك بهالصاروخ
فهد يوجه الكلام لولد عمه عبدالله اللي في سنه:
رح جيب لنا من اخوك الصغير صواريخ انا اعلنت الحرب
على خااااااااالد..
ابوخالد يطل من الشباك:
فهههههههد تعال صب القهوه صبيتها مهبول...






تابعونـــــــــــــــــــــــــــــــــــا

 

[عاشقة الصمت]

متابعين والله متابعين بس كملي تكفييييييييين

 

[ريم الخبر]

الله يهديها وجبة برمظان ماتنبغا
الله يعطيج العافية جدا مشوقه

شفتي وشلون عجازه الله يصلحها :dddds:
مشكوره ياقلبي على المتابعه

 

[عاشقة الأنغام]

ريم روووعه كملي متاابعين معاااج ..

 

[شوارفسكيه ورديه]

وااااااااااااااااااايد حلوه اندمجت فيها كمليها عفيه

 

[أنــــــ والحــــــظ ـــا]

كملي عفيه باراتج حييل قصااار
والعموم يسلموو ع هالبارات

 

[ريم الخبر]

يا مال العافيه يا ريم الخبر .

عز الله انج روووعه فديتج وفديت اهل الخبر معج بس لا يوقف بليز

لا تحرينا ياليت ما طولين << حدها اندمجت على القصه الروعه

حسيت اني معهم

تسعدني والله متابعتك ياالوسن ..ابشري ان شاء الله

 

[سر القلوب]

يالله ترى طولتي علينا حرااام شوقتينا

 

[ريم الخبر]

مشكوووووووووووووووووووووره

ريم عجلي تكفييييييييييييييييييييييييييييييييييييييييييييييييييييين


صرت مندمجه تكفيييييييييييييييييييييييييييييييييييييييييييييييييين

ابشري يالغلا عقب الغداء بــ انزل بارت جديد

 

[*peace*]

لأ لأ حرااااام جذي

كملي تكفين

انزين ليش ممازوجتي لولوه ليليحن حرام تكسر الخاطر انزين لولوه تشابه منو؟؟؟؟ تقريبا تقريبا تشابه منو

بخيالج طبعا :dddds:​

 

[ريم الخبر]

لي عوده مع ردودكم بارك الله فيكم

وصف لمنزل ابو خالد عصرية العيد...
التلفزيون لازال يذيع اغاني العيد
ومن العايدين ومن الفايزين ان شاء الله
الصغار بعضهم نايم على الكنبه وبعضهم على الارض
وطبعا حلوياتهم وعيدياتهم مرميه حولهم
....
عبير وبنات عمها اللي في سنها جالسين
يرسلون بلوتوثات لبعضهم
ومالهم هم الا الجوال
...
هيا وبنت عمها ليلى في غرفتها
توريها جهازها واغراضها اللي اشترتها
استعدادا لزواجها بعد شهر..
امل على الماسنجر
تعايد رفيقاتها
...
ابوخالد وخالد طلعوا مع الرجال
يدورون استراحه لقضاء بقية السهره
فيها هم وعائلاتهم
...
فهد والسواق راحوا يجيبون الذبايح
العمات البعض منهم طلعوا يعايدون
اقاربهم وبعضهن استسلمنا للنوم..
ومن بين اللي جلسوا عمتهم ام ماجد
اللي انسدحت وتوسدت شنطتها يوم
مالقت لها محل تنسدح فيه...
وكانت هي الوحيده اللي مانامت
عشان كذا راحت لولوه جابت
لها قهوه ...
**********
ام ماجد:امتس وهيا اختي ابطوا
كل ذا يعايدون ام العبدالله..
لولوه:يمكن مروا السوبر ماركت ياخذون
اغراض للعشاء الليله..
ام ماجد:ماشاء الله عليتس يالولوه مره وثمره..
لولوه نزلت راسها مستحيه ومنقهره في نفس الوقت
وودها تصرخ وتقول:بدررررررررررري توتس تنتبهين!!!!
ام ماجد:اثر الزين مهوب كل شئ!!
افااااااا كنا بدينا نخور ياام ماجد
لولوه:يعني انا شينه ياعمه!
(ودها تكمل وتقول والله ان خديجه تقول اني زينه) بس استحت
ام ماجد:لا يمي الا زينه ..انا اقصد العله اللي خذها ماجد
نوف بنت اخوي
...
الحين زانت الجلسه والسوالف:ليه ياعمه وشي مسويه؟
ام ماجد:وش ماسوت ؟؟مالها ولا شهرين معرسه وطلع لها عرف
لولوه:معقوله!!!!
ام ماجد:مغترتن بزينها قالوا كنتس بوسي وبزت!
اجل مسيره عليهم قبل امس ولا طلعت تسلم علي!!!
ووليدي كل يوم يفطر عندنا وهي عند اهلها
والله ان وليدي فيه ضيقه
..
لولوه ودها تقول احسن:افااااااااااااااا, ليه؟
ام ماجد:مدري ياختي وليدي طابت نفسه منها..بس والله
عشانها بنت خاله والا كان دواها سهل !!
******

الساعه 6 المساء..الكل يستعد
للخروج ...
عبير:تكفين امل عطينا الآي بود حقتس
ابو سماعات كبيره ..ودنا نرقص ونستانس
امل:روحي زين مابعد انهبلت !!!خذي مسجل خديجه اللي في المطبخ!!!
عبير:بس ماعندي اشرطه!!!
امل:سيارة ابوي فيها شريط لحمد الطيار كذا
(وأشرت بيدها علامة الجوده)ههههههه.
*****
حركت كل السيارات
بــ اتجاه الاستراحه اللي حجزوها ..
وباقي لولوه طلعت ماتدري وين تركب
تأخرت وهي ترتب البيت عقب حوسة
العيد
شوي الا سمعت عمتها ام ماجد تصوت لها
من سيارة ماجد:
لولوه يمي تعالي, معنا محل فاضي !!!!
***

بعد مانادت العمه لولوه...
جت لولوه تفتح باب سيارة ماجد الا وتسمع خالد
اخوها يصوت لها...(لولوااااااه)
لولوه:خلاص ياعمه هذا خالد رجع.
خالد:عسى ماشر تركبين في سيارة الرجال!
لولوه:اولا هذا مو غريب هذا ولد عمتي
ثانيا ماشاء الله عليكم كل واحد شغل سيارته ومشى
ومحد فكر فيني...
خالد:وليش مادقيتي علينا؟
لولوه:جيت ابدق نادتني عمتي الله يعافيها...
وين ر اااايح ؟
خالد:ابروح اجيب هدى من اهلها
***
في الاستراحه
اول مادخلت لولوه من باب الاستراحه (آآآآي عمى ماتشوفون)!
شاتوها بالكوره مع راسها ...
ماجد يركض ياخذ الكوره قال وهو صاد بوجه :اسف والله يالولوه ماشفتك
عسى ماتعورتي؟
لولوه بكل صراحه:شوي...
*****

في مطبخ الاستراحه
ابوخالد وهو يهوش:نطركم طراره وش هالتمر ياام خالد؟
ام خالد:والله مهوب انا اللي مرسلته خديجه جعلها الوجع
ام خالد حطت حرتها في اللي حولها :هيا من تكلمين لتس نصف ساعه
مضيقتن علينا بهالمطبخ مغير تدورين كنتس حامل وفيها طلوق!!!
هيا ترد على امها بحركة لسان من غير صوت:صاااااالح
ام خالد بصوت واطي:ووووه مايكلم الا وقت الضيق!!!
*****
عبير وهي طايره من الفرحه :يمه انتِ عازمه خالتي ساره؟
ام خالد: ايه عازمتها هي جت ؟
عبيروهي تعد باصابعها وكلها ملح :ايه جت مع بنتها خلود وولدها
الصغير طارق وصينية باتشي وش كبرها!!!
ام خالد طلعت مسرعه لقسم الحريم
ام خالد:هلا والله ومرحبتين تعال سلم علي ياطارق
الخاله ساره:حب راس خالتك
طارق بكل براءه:مابغى ريحته شينه
ام خالد وهي منحرجه:خخخخخخ الى الحين يذكر ريحة الحنا براسي

كانوا فارشين على الثيل ..وجلست خلود على المركى ..

وحده من العمات قالت بعفويه:اجلسي يمي على الارض
ردت الخاله ساره : ماتعودت ..

نفس العمه تسأل:وين باقي بناتس ياساره؟
ساره:راحوا مع عمتهم لبيروت يقضون اجازة العيد هناك
العمه هيا:مهوب توهم جايين من فيينا؟
ام ماجد نغزت اختها وكلمتها بشويش:منتيب صاحيه تبين بناتها
يجيهم شئ وتقول هذي عين هيا وخواتها ..
عبير طنشت بنات عمها وجلست مع بنت خالتها
وهالشئ حز في خاطرهن مساكين ..

*******
لولوه:يمه ابوي يقول حطوا العشاء
ام خالد:زين تعالي ساعديني .
ام ماجد :مايحتاج تنادينها بسم الله عليها تامر روحها ..
********

بعد اسبوعين
ام خالد وهي تكلم بالجوال:مع السلامه ياام مازن
ام خالد تلتفت على ابو خالد وهي مطيره عيونها
ابوخالد:عمن عماتس وش فيتس كنتس شايفتن عزرائيل؟
ام خالد:دعوتي ياابو خالد في الحرم استجاب الله لي..
ابوخالد:وش دعوتس؟
ام خالد:لو قلت لك ان لولوه جاها اليوم ثلاث خطاطيب تصدقني!

\\\\\\\\\\\\\\\\\\\\\\

في غرفة البنات..
ام خالد:هاااه وش رايتس يالولوه؟
لولوه:ابوي وش رايه؟
ام خالد :ابوتس ماخالف على مازن و فليج بس ماجد رافضه مره !
لولوه:ليه مايبي ماجد؟
ام خالد:والله شوفي ياامي ماجد ولد اخته ونوف بنت اخوه وموقفه حساس
ومايبي يزعل اخوهــ
لولوه:طيب مين مازن ؟
ام خالد:ولد ام مازن ذيك المره الحمرا العطرا اللي شفناها عند ام عبد الله في رمضان!
لولوه:طيب وهاللي اسمه فليج من وين طلع ؟
ام خالد:هذا صديق خالد اخوتس بس يقول احتمال يغير اسمه !
لولوه:ياربي وش هالحظ اماقحط والا سيل ؟
ام خالد:قولي الحمد لله ,واستخيري يابنيتي
\\\\\\\\\\\\\\\\\\\\\
في المطبخ..
هيا:انت فيه يعرف قص شعر؟
روزي الشغاله الجديده: نو مافيه معلوم
ام خالد:هذا اللي جيدةٍ به بدل ماتسألينها تعرفين تكنسين والا تمسحين
بس تسألينها عن قص شوشتس جعلها الصوني
هيا:انتِ فيه يسوي مساج؟
روزي:يس فيه معلوم
هيا:يمه تعرف تدلك
ام خالد:والله ناديها خليها تجي تدلك رجيلاتي
هيا:بس هذا اللي همتس بدل ماتسألينها تعرفين تكنسين والا تمسحين
مالتس هم الا رجيلاتس ...
ام خالد:اعقبي ياام لسانين !
\\\\\\\\\\\\\\\\\\\\\\
عبير:يمه بكره اجتماع الامهات لاتروحين زين
ام خالد:ليه ماتبيني اروح تخافين افشلتس؟
عبير:لاوالله بس حانتس من المشوار
ام خالد:والله ماهقيته!
عبير:تبين الصراحه ودي اغيب دامه اجتماع ولا فيه حصص
ام خالد:حتى لو غبتي ابروح ..
عبير:طيب الله يعافيتس اكشخي
ام خالد:انا والله اللي الحين ابكشختس بهــ الملاس اللي معي
مابقى الا انتي يابنت عبّيد تعلميني وشلون البس ...جاني تمدن
ماجاتس انتي وخواتس ..من اول مايلبس الاقمشه الزينه
الا انا واخاياتي يجيبها ابوي الله يرحمه من البحرين نخيطها على موديلات
شاديه وصباح!!!
\\\\\\\\\\\\\\\\\\\\\

الساعه12 نص الليل
لولوه:يمه يمه قومي ابقولتس شئ!
ام خالد:هاه وش فيتس؟
لولوه:مافيني شئ بس ابعلمتس من اخترت عقب ماصليت الاستخاره!
ام خالد:من اخترتي ؟؟؟؟؟؟؟؟؟

​

تابعونـــــــــــــــــا

 

[شوارفسكيه ورديه]

لا يووووووووووووووووووووووووووقف ريووووووووووووووووووومه:ggdw:

 

[*peace*]

امبي اختارت منوووووووووووووووووووو

ياااااااارب ماجد خل نوف تولي حرتني :eh_s(14):

كملي تكفين لايوقف لايوقف​