❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد الخجل

[عـالي مستـواها]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

ناطرينج فديتج لا تطولين علينا

 

[هواي كويتي]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

وييييتنغ

 

[عيون ابوها]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

الجزء (5)



... يا كم ضيقه تبتلينا و تنفرج { ’’
’’}تروح ما كنه أبد عايشينها ...






بعد مافضفضت كل اللي بقلبها وقالت كل اللي عندها قالت حتى أدق التفاصيل ومانست تزيد كم جرعه جذبه لزوم البرستيج على قولتها



-

حصه تنهد / ااااه وبس ... تصدقوون عطشانه حدي

الشله كلها متجمعه حوالينها على شكل دائره وهي مترأستهم

مناير / اكيد بتعطشين وانتي ماخليتي شي ماقلتيه حتى الفلم قلتي لنا قصته حسافه كنت بروح له الحين عرفت القصه

رشا/ حتى انا كنت بروح حرقتيه علينا اوووف

حصه / روحو له عادي حرقتيه وحرقتيه انا لو يقولون اوديج له 10 مرات اروح ما امل

مناير / ههههههههههههههههههه مو عشان الفلم لا عشان تدخلين السينما صح ههههههههه
حصه متفشله / لا شكو
فاطمه / هههههههههههه اقول حصيص تعالي ابيج بموضوع

نوره / اوف اوف اوف موضوع بينج وبينها غريبه مو حنا اسرارنا كلها عند بعض ليه ماتعلمين عندنا

مناير / اي صح قولي عندنا

فاطمه / موضوع خاص مالكم شغل فيه
حصه تطق كل وحده / وانتوو شكو مالكم شغل تعالي فطووم

رشا/ ووجع عورتيني
مناير / هيه انتو وين رايحين علينا عربي

حصه / خل يولي العربي عاد ابله مديحه ياكرهي

فاطمه / اذا قالت وين فاطمه وحصه قولو يشترون ماي






-


-
من طلعت من البنك وهي بحاله صدمه وخوف وتوتر وبالسياره كل دقيقه تلف وراها تحس انه للحين يلحقها

فرح ** امبيه انا ليه خايفه لهدرجه يما قلبي يرقع

راجو / فرح يمر جمعيه ؟؟
فرح / ها إي إي تدري شلوون هاك جيب طمام انا ماراح انزل

فرح ** الحين عندي 50 دينار بعطي ابوي 30 واخلي 20 حقي .. حسافه كان ودي اشتري لي عبايه جديده بدال هالي علي ..














عبدالله / هبه بابا روحي ارتاحي بغرفتج
هبه/ No ببآآتي بقعد عندكم بعدين اروح
الجده / وهو صاج ابوج روحي ارتاحي لج شوي ولاصار الغدى تعالي تغدي معنا .. العصر بيجون اهلنا يباركون لج

هبه / اوكي خلاص بروح غرفتي ارتاح لي شوي واذا خلص الغدى نادوني
عبدالله / من عيوني .. ترى قلت لهم يودون اغراضج فوق بغرفتج
هبه / تسلم عيونك ياعساني ما انحرم منك ( وطالعت جدتها وابتسمت ) ولا منج





صعدت غرفتها وكل ركن تمر فيه تطري عليها ذكرياتها
هني لعبنا انا وفرح ومرام وحصه
هني نمت وهني بجيت وهني ضحكت
وهناك غنيت وتمنيت اني اكون مصممه
وكاني صرت

دخلت غرفتها / ااااااااااااااه ياحلو البيت والدفى والراحه انسدحت على سريرها وتذكرت قبل 2 سنين














/ وراح اصير احسن مصممه ازياء
/ اقوول لا تقعدين تهايطين على روسنا
/ بتشوفين ياحصيص ان ماصرت مصممه ازياء وكسرت عيونج هذي وتجين لي بعرسج هبه امانه هبه تكفين صممي لي
حصه تكش عليها / الله لايحدني عليج مالت
فرح / حصووه ووجع لاتغلطين على خويتي
حصه / الحين خويتج شروق ولا هبه
فرح / هبه بنت عمي وخويتي وشروق صديقتي وخويتي واختى وكل شي
هبه / لا والله وانا مو كل شي
فرح / اممممممم يعني
حصه / ههههههههههههههههههههه فشلووها
هبه / جب انتي جب
حصه / جب تجبج
مرام فتحت عليهم باب الغرفه / وجع انتي وياها قصروو حسكم واصل الى تحت وعن قلت الادب وتعالوو تحت عمي عبدالله وجدتي يبونكم
فرح / شنو يبوون
مرام / مدري امشوو
هبه / هجوووم

وقاموو يركضوون






عبدالله / بسم الله شوي شوي
الجده / حشى مو بنات
حصه / اوووووووووووووووووووووووووووول
هبه / انقلعي انا قبلج وصلت
حصه / جده منو اول انا ولا هي
مرام / انا الاولى بعدين هبه
حصه / ياجذابه
هبه / اي صح كلامها وانتي الاخيره
حصه / الاخيره فرح وينها
فرح / كاني
الجده / والله ما اعقلكم الا فرح تعالوو انثبروو
حصه / كا انثبرنا

وتجمعو حوالين جدتهم
مرام / يالله جده قولي
عبدالله / هبه بابا
هبه / نعم ببآآتي
عبدالله / تعالي عندي انا اللي بقوول مو امي
الكل التفت لعمهم عبدالله
هبه / شنو ببآآتي ؟؟
عبدالله / احم احم احم
حصه / شنو بتغني خلص عمي
فرح تطقها / ووجع عيب
حصه / يالله
عبدالله/ الكليه اللي تبين تدرسين فيها برى احم دزولي موافقتهم
هبه نطت بحظن ابوها / صج هياااااااااااااااااا هههههههههههههههههههه واخيرا
الجده / قومي عن ابوج كسرتي ضلووعه
فرح / مبرووك هبه
مرام / واااااااااو مبرووك هبه
حصه / اهب ام قلبين على طوول وافقو عليج (وصدت عنها وبنفس ) مبرروك
هبه طالعتها بزعل
حصه لفت لها وانقزت / بنت عمي بتدرس براااا هياااااااااااااا هههههههههههههه مبرووك هبه
هبه تلمها / هههههههههههههههه الله يبارك فيكم كلكم

عبدالله / هبه ترى المقابله بعد اسبوعين

هبه / صج بروح اطلع تصاميمي عشان يمديني تعالوو بنات اختارو معاي

فرح ** الله يوفقج ياهبه تستاهلين كل خير

حصه ** ياحظها بتسافر برا وتدرس بروحها

مرام ** حظها وحيده امها وابوها .. وابوها يموت فيها ياليت ابوي جذي






هبه بأدينها اوراق / هااااا شنو اختار انا اقوول هذوول
فرح / اي حلوين بس اخذي شي يلووق لهم
هبه تعقد حواجبها / قصدج ناعم
حصه / لا قصدها مفصخ
فرح / وووجع انتي وكلامج الخايس
مرام/ صح كلامها هم هناك مو نفسنا اخذي التصاميم العريانه شوي
فرح / ووجع حرام عليكم ما عليج اخذي اللي انتي تبينه مو هم
هبه خذت لها كم تصميم / انا اقول هذوول كافي







بعد اسبوعين قبلو هبه وردت الكويت قعدت شهر بعدين ودعت كل احبابها وناسها على امل انها تلاقيهم وقت ما الله راد .. كان ممكن من هبه انها ترد بالعطل والاعياد والماسبات بس هي فضلت تكون هناك منها تدخل دورات وتعلم لها كم شغله








الكويت الوقت الحالي



-




فوز / فكره حلو مرام بس انا اقوول لو نسوي مجسم احلى
مرام / صح وبعد لو نسوي ببرنامج PowerPoint احسن واحلى
سلمى / صح
فوز / اوكي خلاص بس هني ماراح نقدر نسوي شي يعني لازم نتجمع مكان شرايكم تجون بيتنا مافي احد غيري
سلمى اللي متعوده على بيت فوز / اوكي خلاص
مرام اي هين اذا امي وافقت ولا ابوي / اممممم لا لا يمكن ما اقدر
فوز / ليش ؟؟
مرام / اهلى اكيد ماراح يرضون و
سلمى / عادي انا دايم اجي بيت فوز مافي احد وانتو جيران
مرام / ادري بس يمكن ابوي وامي مايرضون
فوز/ اوكي خلاص انتي حاولي في امج وابوج لان جد لازم نتجمع عشان البحث
مرام اللي عارفه رد اهلها /لا خلاص خلوها هني
سلمى / مايصير هني ماعندنا الا الفرصه وكلها ربع ساعه ويطق الجرس حاولي في اهلج واذا وافقوو نتجمع عندي ولا نتجمع عندج
مرام يافضحي عشان ابوي يطردكم / ها والله مدري
فوز / لاخلوها في بيتنا احسن عشان نكون بروحنا
سلمى / كيفكم







خلونا عند فرح اللي ردت البيت وقامت تساعد امها بالغدى
فرح وهي تقص الخيار للسلطه / يما
بدريه اللي تقلي الدجاج / سمي
فرح / سم الله عدوج .. أأ خالتي سلوى للحين ماردت من السعوديه
بدريه / والله مدري عنها الفقيره كل مره تدق علي بس انا القاطعه ما ادق
فرح / يما مو منج من ابوي حتى التلفون يحاسبنا عليه
بدريه / شتبيني اسوي يمج ... هذا ابوج من عرفنها عجلي بس على السلطه الحين ابوج جاي بالطريج

فرح / ان شاء الله






حصه / جذاااابه
فاطمه / ووجع شنو جذابه اقوولج ابيها لخووي
حصه / أأأ الصراحه انا مدري شقوولج بس اكلمها وارد لج خبر
فاطمه / اوكي حتى هو قال كلموو البنت اول واذا وافقت اتقدم لها رسمي
حصه / انزين وابوج
فاطمه / ابوي مايدري تدرين لاهي مع مرته وو
قاطعتها حصه / واذا رفضته تزعلين مني
فاطمه تضحك / هههههو ليش ازعل منج كل شي قسمه ونصيب على فكره ترى اخوي ماينرفض ولا ينعاب
حصه تخصرت / لا والله
فاطمه / اي والله رجل مصلي مسمي وضابط ويخاف ربه والناس كلها تشكر وتحمد فيه ومزيون
حصه / هو من ناحيه مزيون لا بالله مزيون بس مدري اسألها واقولج وناسه بنصير نسايب
فاطمه تنقز / اي عاد كل يوم طيحي عندنا
حصه / اكيـــــــــــــــــــد








خايفــه { ..
من أقــربــ .. النــاس
لــــــــــــيـــــــــــــا !!! ..{




بدريه / فرح ودي السفره اانا بنجب الغدى
فرح / ان شاءالله يما
فرح ** زين هذا احسن وقت ابوي قاعد مع سيف بعطيه الفلوس قبل لا تجي امي ما ابي اسمعها زف ابوي ولا ابي امي تنزف وياي

طالعت خدها بالباب اللي عاكس صورتها / الله يستر بسم الله


فرشت السفر ه وخلف يسولف مع سيف
سيف / فررح الابله تقول انت شاطر
فرح اللي خافت من ابوها لا يزفها قبل لا تكلم
خلف / انتي هني ماداومتي يالعاقه
فرح / لا تعبانه
خلف / عسى
فرح بعيون مدمعه / اسفه يبا حقك علي تفضل ( مده له الفلوس )
خلف / شنو هذا اممممم 30 بس
فرح / هذول كل اللي عندي
خلف / 100 دينار طارو بيوم
فرح / شريت حق اخواني عشان مايزعجونك
عندهم طلبات واجد المدرسه والبيت و
خلق يقاطعها / بس بس خلاص مالي شغل فيكم بس علمن يوصلج ويتعداج اذا جتج فلووس تعطيني نصهم فاهمه
فرح / ان شاءالله
خلف بصراخ / بدررريه خلصيني جيبي غداج
فرح ** الحين ليه تصارخ على امي / انا اروح اجيبه










بالسياره
حصه تهف على نفسها بورقه / اوووف حر الحين لو بفلوس فرح حاطين لنا مكيف مو احسن
اصايل / شكوو فرح مسكينه ماعندها فلوس
اوضاح/ ياحظ سيف يجيبه ابوي من الروضه ويقعد بالتكيف مو مثلنا بهالحر
حصه / احمدي ربج ان عندنا سايق ولا بالقصب من فلوس عمي عبدالله ولا جان حنا بالباص مثل قبل
اوضاح / ليش ابوي ماخلنا نروح بالباص
حصه تلف عليها / عشان سالفه فرح لما تأخر الباص عبالهم مخطوفه وعمي حرم انها ماتركب الباص وجاب راجوو
اصايل / صج مرام

مرام اللي كانت سرحانه ** ياربي شقوول لأمي المشكله شنو اقول لأبوي بتفشل
حصه تصارخ بأذن مرام / مرررررررررررام
مرام تمسك اذنها / وووجع بطيتي اذني شتبين
حصه / وين رحتي
مرام / كاني ماتشوفيني جدامج
حصه / قصدي سرحتي
مرام / بالبيت اقولج
حصه / لا قولي الحين
مرام / عناد ماراح اقولج
حصه / اوووف







فرح ** خليني افتح تلفووني اليوم عدى .... اووف 12 مكالمه من شروق و5 مكالمات من بيت جدتي الله يستر ورسالتين

اول رساله
شروق
( صباح الورد .. من صجج ماراح تداومين .. سلامتج ماتشوفين شر .. شوفي اذا حسيتي انج احسن على الساعه 10 داومي )

فرح / عشان جذي مافتحت تلفوني لاني ادري انج بتحنين علي لازم اداوم

الرساله الثانيه
شروق
( لو انج مو مريضه جان دعيت عليج ليش ماداومتي يرضيج قاعده بالكافتيريا بروحي ماعندي احد حتى ريوق ماتريقت مشتهيه ( صاج ) بس زحمه عليه كالعاده)


ودقت عليها
شروق تصارخ / ووووجعه تلعنج ان شاء الله يمال الماحي يال
فرح بصوت خفيف / تعبانه
شروق هدت / سلامتج شفيج
فرح / ههههههههههه لهدرجه خايفه على
شروق /ليش مادومتي
فرح / والله تعبانه اذا شفتج يوم الاحد اقولج
شروق / يعني ماراح تداومين باجر
فرح / لا باجر خميس ومافي احد يداوم واحس اني للحين تعبانه
شروق /خلاص حتى انا ماراح اداوم
فرح / وانتي على الريحه والله ليعطونج فصل
شروق / عادي المهم ما اداوم وانتي مو موجوده
فرح / ههههههههههه ليش مو حلو الدوام بدوني
شروق /الصراحه لا انتي محليته
فرح / هههههههههه ياحبي لج
شروق / لحظه فرح .... هلا يما ...... انزين جايه ..... يالله عن اذنج بتغدى
فرح / بالعافيه على معدتج مع السلامه
شروق / ياحلو معدتي هع بحفظ الله







حصه / يماااااااااااااااااا
مرام / ووجع قصري حسج ابوي نايم
حصه تحط ايدينها على حلجها / يوووو نسيت ( وتهمس ) يماا
مرام / هههههههههههه خواافه
حصه تهمس / اكيد اخاف هذا وحش هههههه
فرح / أهلا بالصبايا
مرام / هلا فيج


ترررررررررررررررررررررررررررن

حصه / انا بشيل التلفون
حصه / الووو

Hello is This house of Mr Kalaf/

حصه / ها

is This house of Mr Kalaf/
حصه / والله مدري شنو تقولين اصبري انادي مرام تعرف ترطن مثلج ... (تصارخ )...مرام تعالي وحده تكلم انجليزي مدري فرنسي

مرام / منوو

حصه / مدري
مرام تاخذ السماعه / الووو
Hello is This house of Mr Kalaf/

مرام /yes
Is there a girl named farah /

مرام /
What do you want yes

/ ابي اقولها اني انا هبه ورجعت من السفر ههههههههههههههه
مرام / هببببببببببببببببببببببببببببببببببه هههههههههههههههههه فرح حصه هبه رجعت هههههههههههههههههههههههههههههههه

فرح نقزت /صج عطيني الووو هبووون متى جيتي انتي اللي داقه علي من بيت جدتي
هبه / اي ليش مغلق
فرح / مافي شحن شلوووونج
هبه / تمام
حصه / عطيني بنت عمي اللي تدرس برا ... الووو هبوون تتمصخرين علي تتكلمين لغه ماني فاهمتها

هبه / ههههههههههههه اسكتي بالغصب مسكت نفسي شلوونج حصوص الله ياني جايبه لج هدايه
حصه تنقز / صج وناسسسسسسسسسسسسسسه حبيبتي انتي خلاص بجيكم الحين
فرح / عطيني السماعه ... الووو هلا هبه ماعليج منها المهم قوليلي متى جيتي
هبه / اليوم الصبح ادق عليج مغلق
فرح / وليش ماقلتي لنا
هبه / قلت أسويها مفاجأه
فرح / والله احلى مفاجأه
هبه / اليوم تجوني اوكي
هبه / اشوف اقول لأبوي
هبه / ما ابي اشوف اكيد اخلى ابوي يكلم عمي والله اشتقت لكم
فرح/ حتى حنا
هبه / خلاص بروح اقول لأبوي اوكيك فديتج بشوفكم اليوم واااااااااي مستانسه
فرح/ هههههههههههه وانا اكثر حياتي خلاص اليوم اليوم
هبه / اوكي يالله بروح ابدل لابسه بجامه حرير وميته برد
فرح / هههههههه هنيالووو اللي ميت برد مو مثلنا معرقين ههههههههههههه
هبه / وووووووووووووع ههههههههههههههههه خلاص باي
فرح بعصبيه / هبه
هبه / سوري سوري مع السلامه
فرح /بحفظ الله


حصه / شنو تقوول
فرح/ تقول بتخلي عمي عبدالله يكلم ابوي عشان نروح بيت جدتي
مرام / ليش تقولين لها معرقين
فرح / اي هههه تقول لابسه بجامه حرير وميته برد
حصه تكش عليهم / مالت علينا ماشافت هدوامنا ولا دراعتج
( تأشر على فرح ) النص جم وقطنيه بالصيف


طالعت فرح دراعتها الزرقه / وانتي صاجه يالله الحمدالله على كل حال

مرام / فرق بينا وبين هبه مو جنها بنت عمنا هي مو متحجبه ودلوعه وعمي عنده فلوس وحنا فقاره عقد و
فرح / تحمدي ربج غيرج العن منا
مرام / الحمدالله على كل حال
حصه / يالله انا بروح اتغدى جوعانـــه حدي
مرام / حتى انا جوعانه بعدين حصيص انتي مو توج ماكله برد وبالفرصه الثانيه ماكله بطاط وكاكاو
حصه تبحلق عيونها / يما منج اسم الله علي من عيونج شسووي انا بسرعه اجووع
مرام / إلا اسم الله علي من عيونج المبحلقه
حصه / فرح لج ولا لذيب
فرح / امممممممم ودي اقولج يخسي الذيب بس
حصه / دام فيها بس اكل من اكل البيت احسن
مرام / ليش شنو كنتي بتقولين
حصه / كنت بقولها عطيني فلووس بطلب لي من المطعم
فرح / اقوول طيري عن وجهي ماعندي الا 20 بخليهم لي
حصه / متى تجيني فلووس واشتري اللي أبي
مرام تطقكتف حصه / شدي حيلج وجيبي الشهاده واشتري اللي تبين
حصه / دام فيها شهاده عز الله ماني شاريه شي
فرح/ لاتصيرون مثلي والله لتندمون
حصه / انتي مو منج من
مرام تضيع السالفه / اقوول شرايكم نتغدى عشان يمدينا نلبس قبل لايقعد ابوي ونروح بيت هبه
حصه / اي والله يالله بتغدى
فرح / مشكوره مرام
مرام / العفوو ما كنت ابيج تتذكرين شي يكدر خلقج
فرح / انا ضايق خلقي ضايق
مرام / اي صج فرح تعرفين فوز بنت جيرانا
فرح فز قلبها وبسرعه قالت / شفيها
مرام / شفيج بسم الله وتقولين لي ما
فرح تقاطعها بعصبيه / مرام خلصيني شفيها
مرام / شفيج مافيها شي بس تدرين اني مشتركه معاها بمشروع واليوم قالو ان ماعندنا وقت بالمدرسه ولازم نتجمع في بيت وحده فينا وقلت لهم ما اقدر قالو خلاص نتجمع في بيتنا وانا ادري ابوي ما يرضى مدري شنو اسوي
فرح تنهدت ** اشوووى عبالي شي ثاني
مرام / فرح شنو اسوي
فرح / هاا أأ مدري قولي لبوي
مرام / توقعين بيوافق
فرح / اذا وافق أبئى أبليني
مرام / على قولتج يالله بروح اتغدى تلقين حصيص حامت على الاكل كله
فرح/ ترى امي ناجبه من زمان لأوضاح واصايل وانتي وحصه
مرام تركض / يوو بروح ألحق على حقي
فرح /ههههههههه



تعريف بسيط عن العايله
الجده ام عبدالله عيالها
ناديه
خلف
عبدالله




ناديه : متزوجه من ولد عمها عندها بنتين وولدين ( شخصيتها اخليكم تتعرفون عليها بنفسكم )
عمر / 22 سنه اسمر حلو معضل وجسمه متناسق وجميل
الجوري: 17 سنه مغروره ومتكبره تكره بنات خوالها بس هم طيبه دايم تهاوش ويا حصه
رتاج / 12 سنه حليوه وطيوبه
طلال / 9 سنين

عبدالله: عنده خير بس مو واجد يعني يطقطق بالتجاره ويموت ببنته هبه مطلق ام هبه من 13 سنه وللحين ماتزوج
هبه : عمرها 21 سنه جميله مدلله ابوها طبعا لانها وحيدته عايشه ببيت جدتها هي وابوها ومرات تزور امها امها تزوجت وعندها ولد وبنت صغار

خلف ذكرته قبل






/ قلتي لها
/ ياخالد شفيك اي قلت لها جم مره اقول
خالد / انزين فطوم متى توقعين يردون علينا
فاطمه / هههه خالد حنا ماخطبنا بس قلت للبنت ناخذ رايها بس
خالد / والله لو صج كلامج انها خوش بنت لجيب لج خوش ولد ابرك من فواز ولد عمي
فاطمه وجهها احمر تطقه على كتفها / اكست يالله ماتستحي بعدين فواز مالي شغل فيه
خالد / هههههههههه لا مالج شغل وهو كل يوم يحن علي تكفى خلينا نملج قبل لاتخرج بس انا اللي معيي
فاطمه طالعته بصدمه / ليش معي
خالد /هههههههههههههههههههههههههههههههههههههه توج تقولين مالي شغل فيه
فاطمه تحط ايدينها على وجهها المحمر / خالد
خالد / ههههههههههههههه خلاص خلاص سكتنا
فاطمه / انا اروح غرفتي احسن
خالد / لا لا اقعدي هني انا بروح انام







يـقـولـون لا ضاقــت عـلى الآدمـي دنيـاه
تـعـوّذ من إبـلـيس الـرجـيـم وذكـر ربـّه


واقـرا مـا تـيـسـّر مـن كـتاب اللـه بنجواه
وطـــفـت نـاره اللي داخـل الـرّوح مشتبه

وأنا يا رحـيـم الخـلـق عـبد(ن) رفع شكواه
إليـــكــ وطـلبتـكـ تبري الهـمّ يا طبّـه





-
كانت تقرأ القرآن بتلاوه وخشوع صوته يبعث الراحه داخل النفس .. قاعده على سجادتها ولابسه ثوبها الصلاه وجه دائري يشع منه النور وعلى خدها لون احمر خفيف اثر طراق ابوها

قطع عليها صوت الباب اللي انفتح فجأه ودخلت منه حصه المعصبه وتصارخ / فرح شفتي ابوي يقوول انقلعوو دوركم مافي روحه لهبه

/ صدق الله العظيم .. ( سكرت مصحفها ولفت عليها ) .. انا جم مره قايلتلج لا تدخلين على قبل ما تستأذنين وتطقين الباب انتي متى بتفهمين

حصه الي ما همها كلام فرح وكلمت وهي تقعد على السرير بعصبيه / اقوول ابوي يقوول مافي روحه لهبه وزف اصايل لما قالت بنروح .. وتقولين لي باب ومدري شنو

فرح صفطت سجادتها وقطت ثوبها الصلاه وسافهتها وقامت تمشط شعرها

حصه / فرح ... فرح انا اكلمج ابوي يقول مافي روحه لهبه

فرح / ...............
حصه بصوت خفيف وهادي / فرح ابوي يقول مافي روحه لهبه وروحو دوركم وزف اصايل

فرح طالعتها / شفتي شلون كاج تكلمتي بأدب اشزينج .. اول شي انا كنت متوقعه ان ابوي بيرفض تعرفينه ما يداني هبه ثاني شي نروح لها يوم ثاني

حصه ردت لعادتها / شنو يوم ثاني ابي اليوم انا تحمست

فرح / اللي يقول مشتاقه لهبه انتي تبين الهدايه وبس

حصه ردت بهدوء وهي تبتسم وترد خصله من شعرها ورى اذنها / الصراحه صج انا بروح حق الهدايه ( وكملت وهي تبتسم ) بس اشتقت لهبه

فرح تبتسم وتقعد على السرير / اي والله اشتقت لها ياحلوها هبه تريحني حيل يعني تسهل علينا اشياء عندنا من المستحيلات

حصه بنفس الابتسامه / صح تذكرين يوم كنا بروح حفله الجوهره بنت خالتي سلوى يوم ابوي يهاوشنا ويعي لانروح

فرح تقاطعها وهي تذكر هذاك اليوم / لما تدق هبه علينا وقالت لنا وينكم وقلنا ان ابوي عيا .. وقالت لعمي عبدالله و
حصه تكمل / وعمي عبدالله كلم ابوي وخلانا نروح ويا هبه
ولما ردينا طقنا طق وحــ ...
فرح طالعها / كملي قوولي ان حبسني بالمخزن اللي بالسطح يومين تراني تعودت
حصه تطبطب على كتوف فرح / اسفه اني ذكرتج
فرح تمسح دموعها اللي خانتها ونزلت / عمري ماراح انسى هذاك اليوم .. كنت خايفه وبليل يتهيئلي اني اسمع اصوات كل هذا عشان كسرت كلمته

حصه تضحك / شكل ابوي متأثر بالافلام ويطبق علينا ههههه تذكرين لما يطق مرام عشان زفت سيف ههههههههههه
فرح / ههههههههههههههههههه هذاك اليوم على انها كسرت خاطري بس ما قدرت امسك نفسي من الضحك مسكينه انطقت طق
حصه / وانتي غبيه ليش تروح تهدينه مايطقها ليش دايم تحاولين ان يطقج ومايطقنا
فرح / مدري ... ( وسكتت ) .. تدرين ساعات احس اني امكم ودي احميكم وما أبي تشوفون االي شفته .. تدرين ان امي مافيها حيل وسكري وضغط ما ابيها تحتر كفايه اللي فيها

حصه وجها محمر وماسكه نفسها طالعتها فرح / شفيج حصيص
حصه انفجرت / هههههههههههههههههههههههههههههه تقولين ههههههههههههههههههههههه تقولين امكم واحميكم هههههههههههههههههههههههههههههه ما اعبر من ابوي إلا انتي بالافلام متأثره حدج هههههههههههههههههههههههههههههههههههههه

فرح تطقها / الشره على انا اللي افضفض لج ولا انتي مو كفو الواحد يتكلم دايم اتطنزين برا برا يالله

حصه تطلع وهي تضحك وتحك زندها / مع انج تعورين بس ههههههههههههههههه بمشيها هههههههههههههههه

فرح انسدحت على سريرها وهي تضحك وقعدت تطالع سقف غرفتها المتنتف ومتقرش ** بس صج احسهم بناتي وقطعه مني ما ابي احد يمسهم بشي اخاف عليهم ما ابيهم يشوفون اللي شفته .. من يوم كنت صغيره وابوي دايم يطق امي واذا بجيت طقني معاها .. ابوي من قطع الخمر وهو مايرحمنا قبل لما كان يشرب ما كنت اشوفه كنت ارتاح لما مايكون عندنا مرات احس ودي يرد للشرب استغفر الله بس عشان يروح عنا
(قطع عليها سرحانها صوت تلفونها – ضحكه الدنيا يتصل بك )
/ هلا وغلا بهوونه
هبه تصارخ ومعصبه / ليش ما جيتوو ويا ابوج يقوول ماراح يجون عندهم امتحانات .. انتي قلتي اوكي بنجي ( وكملت بصوت متشحط < يعني رايح ) ليش خوووونتي

لفت على جنبها وهي تضحك / شوي شوي صوتج راح ..
( بترقيع ) أأ ... حنا كنا بنجي بس اصايل
هبه / فرح امانه لاتجذبين
فرح / ....................
هبه / كنت حاسه انه يجذب باي

فرح عصبت ** هين ياهبوو تسدينه بوجهي وتقلووين باي هين











/فهـــد .. فهد ادخل
فهد / ادخلي فوز
دخلت وقعدت على طرف السرير / فهد وين بتروح اليوم
فهد اللي يمشط شعره / ليش ؟؟
قامت وقفت عنده قدام المنظره / ودي اطلع ضايق خلقي صار لي اسبوعين منحكره
فهد / اها عشان جذي والله انا ... بروح عند واحد من ربعي تبين شي ؟؟
فوز تأملت اخوها بعجاب ** طول عمرك مزيون استانس لما يقولون لي البنات عن زينك ماشاءالله
فهد / فوز .. فويزه
فوز بعصبيه / لاتقول لي فويزه اسمي فوز
فرح يضحك / ههههههه فوز الحلوه شرايج
فوز نفخت ريشها / طبعن حلوه
فهد / اقول تلايطي بس عطيتج وجهه
فوز بدلع يجنن / فــــــــــــــــــهد
فهد يقلدها / فـــــــــــهد .. شتبين ؟؟
فوز / بروح وياك
فهد / اقوولج بروح مع واحد من الربع
فوز / ياربي مليت
فهد / خلاص باجر الخميس اوديج المكان اللي تبين زين
فوز بزعل / اوكي
فهد ماحب يكسر بخاطرها لان يدري ان اول مايروح بتشتغل مناحه وتبجي وهو مايبيها تبجي وتزعل
فهد / خلاص قومي البسي بوديج
فوز / لا خلاص خلها باجر عشان مايكون في داوم
فهد / اكيد
فوز / اكيدين
مسح على شعرها / يالله باي واي شي تبين دقي على تراني ماني مطول
فوز/ اوكي
فوز ** ادري اني ثقلت عليك حيل وانك قاطعت ربعك وحاكر عمرك كله عشاني حرام خليني اخليه براحته


ترررررررررررررررن
/ الوو
فوز/هلا بشوره
بشاير مرت اخوها غانم / هلا فيج شلوونج
فوز / تمامووو وانتووو اخباركم واخبارك الجوو عندكم
بشاير / والله تمام اسكتي ميتين بررد وعزوز مسخن صاره لها يومين
فوز / ياحياتي سلامته مايشوف شر وبندووري شخباره
بشاير/ والله تمام كاهوو يحليله قاعد قبالي ياكل كاكاوو وملطخ حلجه ههههههههه لوتشوفينه
فوز / ههههه ياربي ياحلاته تكفين صوريه ودزيه بالمسن اذا شبكنا
بشاير / اوكي لحظه ....... ( بعد ماصورت ) إلا شخبار لولوه مارديتوو على ام عبدالله
فوز / والله ما ادري عن لولوه
بشاير / والله تاريخ 4/4 حلو وقت عطله يصادف خميس
فوز تكمل مأيدتها / اي والله حتى انا اقوول وانتو متى تجوون
بشاير/ بنجي شهر 1 بالعطله وبنجي بعرس لولوه
فوز / اها

( وكملوو سوالفهم )












( ضحكه الدنيا يتصل بك )
فرح / الووو
/ البسو هدومكم وتعالو بسرعه ابوج رضى
فرح معصبه / ووجع هبو انا شكوو تعصبين على بعدين ليش زعلانه
هبه بصوت حزين / مو زعلانه ... بس اشتقت لكم
فرح / لييش تبجين
هبه تبجي / لاني مشاتقله لكم وكنت مستانسه وابوج نكد علي
فرح ماحبت تعلق تدري ان ابوها مايحب هبه ودايم يتهاوش معاها ..
هبه لما حست بسكوت فرح كملت / يقول لي ليش تلعبين بفلوس ابوج واتعنين وتروحين برى ووين شهادتج وليش للحين ماتحجبتي كلام واجد يكدر الخاطر
فرح / .......................
هبه / فرح
فرح بغصه وبهمس / هلا
هبه / ليش ماتكلمين
فرح / شقول ابوي وتعرفينه طول عمره جذي ( تغير الموضوع ) بعدين ليش نلبس هدومنا ؟؟
فرح تمسح دموعها وتضحك / خليت ابوي يقول حق ابوج وكالعاده ابوج مايرد لبوي لا كلمه ولا طلب ووافق
فرح / صج
هبه / يس يالله تعالو بسرعه قبل لاتجي عمتي ناديه
فرح / اوكي يالله بروح البس مع السلامه
هبه / مع السلامه


راحت تعلم خواتها بالخبر ومن درو الكل راح يلبس نص ساعه وهم بالسياره




فرح / راجوو مر جمعيه
مرام / ليش
فرح / بشتري كيكه
حصه / بنزل وياج
فرح / لا انثبري بالسياره
حصه / ليش
فرح /بس ما ابيج تلجيني .. اصايل سيف انزلو وياي
حصه / اووف
مرام /احسن
حصه / تلف عنها انقلعي
بدريه / حصه احترمي اختج
حصه / يما هي اللي تحرش
مرام / انا جذابه
حصه / امبلا
بدريه / اسكتن

وسكتوو دقايق وفرح عندهم
فرح / اوضاح حطي الكيكه بحظنج لا تطيح
اوضاح اللي قاعده جدام ومنحشره جنبها اصايل وسيف بحظن اصايل / شسوي مافي مكان
حصه / اي والله السياره شصغرها ومتحاشرين فيها حتى نص مرام قاعده على فخذي
مرام / والله انتي البطه وحاشرتني
حصه / عدال يالعصله
فرح / اسكتي انتي وياها بدينا هواش









نزلت على الدرج خطوه بخطوه وكلها رقه وهي اتمايل بجسمها وقوامها الممشوق لابسه تنوره قصيه ابيض بأحمر وبلوزه نفس التنوره رافعه شعرها وحاطه مكياج ناعم وحلو
/ السلام عليكم
الكل / وعليكم السلام
/ هلا وغلا بهبه ... مبروك
هبه / هلا فيج عمتي
بنفس/ حمدالله على السلامه
هبه / الله يسلمج جوري
بضحكه وحياء /حمدالله على السلامه ومبروك التخرج عقبال الوظيفه
هبه / الله يسلمج ويبارك فيج رتووجه اوف والله وكبرتي
رتاج / اكيد اخر مره شفتيني لما كان عمري 10 سنين خلاص عجزنا ههههه
هبه / ههههههههه ياحلاتج شلوونج عمتي
ناديه / الحمدالله زينه وانتي شخبارج والله ومحلووه اثاري الدراسه تحلي
هبه / هههههههههههه افا يعني انا مو حلوه قبل
الجوري بنفس / مو حيل
هبه / افآآآ قويه
ناديه / إلا مزيونه وتجنن ماعليج منها
رتاج / شلوون الدراسه برا تنصحيني فيها
هبه / امممم اذا حابه الشي اكيد بتبدعين فيه
رتاج / مافهمت
هبه / انتي اول شي شنو تبين تدرسين ؟؟
رتاج / اممممم والله مدري بس افكر بطب
جوري / طب مره وحده اي هين انتي حدج دورات خاصه
هبه / لا ليش تحبطينها يمكن تقدر له وان شاءالله توصل
رتاج تبتسم / مشكوره
هبه / ولكم
ناديه / الا هبه شنو راح تسوين الحين ؟؟
هبه / والله ما ادري يعني افكاري موقفتها جم شهر لما ارتاح بعدين اكمل
جوري تطالع اضافرها / اقصهم اذا سويتي شي
ناديه / جووري
هبه قامت / خليها عمتي هذي سفيه .. منو يبي قهوه
جوري / شقصدج
هبه سافهتها / رتاج تبين قهوه
/ السلام عليكم

ناديه / هلا وغلا هلا بولدي عمر
عمر / هههههه هلا فيج يما إلا وين جدتي
ناديه / بالمطبخ الحين تجي سلم على هبه
عمر لف على هبه / هلا ( اوف اوف اوف شهالزين ماشاءالله احلووت ) وغلا حمدالله على السلامه ومبرروك التخرج والنجاح وعقبال الوظيفه
الجوري / اوالله كل هذا قول مبرروك وبس
ناديه / شفيج خليه يبارك لبنت خاله من زمان ماشافها
هبه / هلا مشكور الله يسلمك ويبارك فيك
ناديه / صبي له قهوه
هبه/ اوكي
عمر يكلم امه بأذنها / والله مو هينه
ناديه / شفت قلت لك
هبه / تفضل
عمر/ زاد فضلج
ناديه / رتاج روحي نادي امي خليها تسلم على عمر
هبه / خليج رتووجه انا اروح اناديها
قبل لا تكلم ناديه طلعت

هبه ** اوف شنو هذا ناديها تسلم عليه المفروض هو يروح يسلم عليها
/ هبوووووووووووووووووون
هبه / حصووووووصه
هبه تضمها وتنقز / اشتقت لج حيل حيل حيل
حصه / حتى انا يااااااااااي وناسه
/ وانا ما لي دوور
هبه / فررررررررح
فرح / حمدالله على سلامتج والف الف مبروك ( وتبجي ) اشتقت لج مووت
هبه دمعت عيونها / وانا اكثر والله
/ انا انا انا
هبه / مرام
مرام / حياتها اشتقت لج
هبه / وانا بعد
اوضاح / كلكم تقولوين اشتقت لج
اصايل / يعني شنو
اوضاح / يعني يحبونها
اصايل / حتى انا بعد
هبه تسلم عليهم / وانا بعد ياحبيايبي
بدريه / حمدالله على سلامتج والله نورت الكويت
هبه / الله يسلمج خالتي منوره بناسها
بدريه / مبرروك لج مبرروك
هبه / الله يبارك فيج
حصه / يالله خلونا ندخل انكسرت رجلي
هبه تمسح دموعها / دشوو الصاله هناك عماتي
حصه /اوووف يالملاقه
مرام / الله يستر
فرح / حصه لا تهاوشين مثل كل مره ويا جوري
حصه تهدد / ان غلطت علي بهاوشها
بدريه / عشان اعلم ابوج
حصه / ياااوو خلاص بسد فمي
فرح / بروح اقط عباتي ونقابي
بدريه / يالله امشوو




فرح وهبه عند المغاسل
فرح تقط عباتها / حليانه
هبه / صج مشكوره ... وااااااو
فرح / شفيج
هبه / ماشاءالله رروووعه صايره تهبلين يابنت
(فرح كانت لابسه تنوره بنيه وبلوزه بنتي وبيج لبسها عادي حيل بس جمالها غطى على اللبس )
فررح / صج الله يجبر بخاطرج مثل منتي مجربه بخاطري
هبه/ هههههههه شفيج جنج شحاذه
فرح / يالله عاد
هبه / حطي قلووس اكثر مافيج غير كحله وقلوس خفيف
فرح / بس جذي حلو
هبه / هو حلو بس المكياج الكثيف هم حلو عليج
فرح / خلينا من الكثيف وقوليلي شلون الدراسه
هبه / كل شي تمام بس بليل اذا سهرنا اقولج
فرح / سهرنا !!!
هبه / اي اجل ها
فرح / اقول شكلج خرفتي ولا ( تلمس خدها ) فيج حراره
هبه / عاذرتج حبيبتي بس انا كلمت ابوي يقنع ابوج وافق بس انتي وتنامين عندي خميس وجمعه
فرح / صج
هبه / يس
فرح / وناسه
هبه / ادري يالله امشي الصاله تأخرنا عليهم










دخلو كانت الجده قاعده على الارض على يسارها بدريه وتسولف معاها ومرام تطالعهم وتبتسم ورتاج واوضاح وحصه يسولفون مع بعض جوري لاهيه بتلفونها وناديه تكلم عمر بصوت واطي

دخلت هبه وفرح

عمر اللي شافهم انصدم
هبه دخلت بكشختها وحلاها ودلعها وجرأتها ..
وفرح وهي منزله راسها دخلت بخجلها وجمالها وهدوئها أدبها ..

عمر ** كلهم حلوين بس فرح احلى واجمل ياااااه كل هالزين عند عمي خلف ما اصدق صاري سنين ماشفتها شوف الحياء ( ولف يطالع هبه ) حتى هذي صاروخ بس امي تبيها بعدين ما راح اقدر عليها هذي مدلعه حيل الله يستر


ناديه تساسر عمر / ها شرايك ؟؟
عمر اللي يطالع فرح/ تجنن
ناديه/ قايلتلك قبل زين ودلع وذرابه وغيرهذا فلووس
ابوها مردها لك
عمر اللي توه ينتبه / هاا اي صح يالله انا بروح
ناديه تبتسم / خذ راحتك
عمر/ يالله عن اذنكم
الجده / وين
عمر يطالع فرح / عندي شغل جده امرج بعدين
الجده / كل مره تقوول امرج وماتجي
عمر يبوس راسها / لا هالمره امرج جم ام عبدالله عندنا وحده مع السلامه
الجده / حبيت الكعبه الله يسلمك
وغمز حق هبه / مع السلامه هبه ومبروك مره ثانيه
هبه / الله يسلمك ويبارك فيك

فرح/ هذا شفيه انجن يغمز لج جدامنا
هبه / اسكتي جنه مكتوت علي ماي بارد
فرح / ههههههه وجهج قلب احمر
هبه / صج
فرح / هههههههههههههه اضحك اضحك
ناديه / الا اقول بدريه للحين ما انخطبت فرح
بدريه / لا والله الله كريم
ناديه / وووويه عمرها 18 وللحين ما انخطبت غريبه
هبه / عادي عمتي كا انا عمري 21 وللحين ما انخطبت
ناديه ترقع / ها اي بس انتي غير .. انتي كنتي تدرسين وعندج عذر
هبه / وفرح تدرس ولها عذر
فرح ** لازم كل مره تجيب المشاكل لأمي الله يهديج ياعمتي
ناديه / من قال بس انتي مخطوبه
هبه / شنو ههههههههههه مخطوبه وانا مدريه
الجده / من قال ان هبه مخطووبه محدن خطبها واللي يبي يخطبها يجيني انا وبعدين فرح ماتنعاب عشان تقولين هبه غير وادحري الشر واسكتي يا ناديه ولا ترى والله لازعل عليج
ناديه / يما الله يهديج اانا ماقلت شي بس اسأل
الجده / خلي سؤالج لج وانا امج
هبه / بنات شرايكم تجون اعطيكم هداياكم
حصه اول وحده قامت / صج يالله
الكل قام الا جوري
هبه / جوري قومي
جوري / مو لازم
حصه / تقولين مو لازم وجبدج تحترق تبين الهديه
ناديه / ليه شايفتها مثلج اول من قمز
حصه / لا شايفتها قاعده
جوري / خليها يما كلن يرى الناس بعين طبعه
حصه / بهاذي صدقتي
هبه / امشوو بنات
الجده / جوري يمج قومي معهم
جوري تقووم / اوووف


على الدرج

حصه / أووه جوري وينج الي تقول ما ابي مسرع هونتي
مرام / هههههههههه ماتصبر
جوري / جدتي قالت روحي وياهم ولا انا ما ابي
مرام / ياهوول الليل
حصه / خلاص عطيني هديتج
جوري /لا
حصه / ههههههههههههههههههه شفتي ان جبدج تشب على الهديه
فرح تطق حصه / ههههههههه اصعدي بسج ضحك
هبه / هههههههههههه يالله اصعدوو

قاعده تطالع التلفزيون بملل تقلب بالقنوات وهي ضايق خلقها خذت كوبها الوردي على رسمه دبدوب وشربت من النسكافيه الخاص لها مع الكاكاو / اووف حار
فوز / لولوه انتي هني عبالي طالعه
لولوه تطالعها بنفس وتقعد / ...
فوز / لولوه انا اكلمج شفيج
لولوه معصبه/ مافيني شي
فوز / انزين ليش تصارخين
لولوه / كيفي ولا شرايج تروحين لفهد وتقولين له لولوه صارخت علي روح زفها
فوز/ لولوه ليش تغيرتي ليش صرتي قاسيه علي ليش ؟؟
لولوه / اي اي كملي بعد وانا الشينه وانا اللي فيني كل شي وانتي الدلووعه اللي الكل يحسب لج الف حساب
فوز تمسح دموعها / حرام عليج انتي ماتحسين تحسديني على اهتمام فهد فيني لاني صغيره ويتيمه ام تعرفين يعني شنو ام ادري انج تعرفين شنو ام .. فوز انتي بتتزوجين وتروحين ويا رجلج بدلعج ويعزج ويحبج وانا ببقى بروحي ماعندي احد ليش تبعدين عني ليش ؟؟ انتي عرسج قريب المفروض هالوقت حنا ويا بعض حيل بس انتي كل مالج تبعدين عني
وراحت غرفتها
لولوه دق تلفونها ( ندى يتصل بك )
لولوه / يووه مالي خلق لج (وحطته مشغوول )








هبه / هذا الكيس لأوضاح
اوضاح / مشكوره
هبه / العفوو ... اممم وهذا لأصايل
اصايل / ههه مشكوره هبه
هبه / العفوو حبيبتي ... وهذا لرتووجه
رتاج تبوس خد هبه / مشكوره
هبه / العفوو ... وهذا لجوري
جوري / ثانكس
هبه / ولكم .. امم وهذا لطلال هاج رتووج و هذا لسيف هاج فروحه
فرح / مشكووره حياتي
هبه / ولو .. ياالله بس
حصه اللي طول الوقت تطالعهم ومتخصره ووجها احمر ومعصبه / لا والله وانا
هبه تغمز لها / اغراضكم بالجناط الثانيه اجيبهم باجر اوكي
حصه مو فاهمه / هاا اوكي
هبه / شرايكم نروح تحت
جوري /قولو اطلعو بعطي فرح ومرام وحصه اغراضهم وبس ماله داعي الترقيع
حصه / اشوه انج فهمتيها
رتاج / يالله بنات امشو تحت
الكل راح
حصه / يالله وريني
هبه / اووف عليها مايطوفها شي
مرام / خلينا منها وعطينا اغراضنا
هبه / اوكي اقفلي الباب
ثواني وحصه قافله الباب وهبه جايبه جنطه كبيره افتحتها وعطته فرح وحصه ومرام اغراض الجنطه كانت مخصصتها للبنات بس
فرح / الله تجنن تدرين نفسي فيها من زمان بنات المعهد كلهم هابين بهالجنطه
هبه / حتى هناك هابين فيها بالعافيه عليج
حصه / شرايكم
( لابسه بدله جديده شاريتها هبه )
هبه / تجنن
مرام / حلووه
فرح / ماشاءالله
حصه / بخليها للعيد
هبه / ليش البسيها الحين وبالعيد البسي بدله ثانيه
حصه واقفه جدام المنظره / لا لا بدله العيد عاديه هذي كشخه
هبه / كيفج .. امم لحظه عندي جنطه تلقووق عليها

بعد ثواني هبه / تلووق مو
حصه / اي والله ميرسي هبوونه
هبه / تستاهلين والله
مرام / هبه الجوتي ( يكرم القارئ ) وسيع علي
هبه / صج حسافه
فرح / عادي حطي كلينكس
هبه / او ألبسي دلاق
مرام / بس حلو يجنن
هبه / شوفو هذوول سوارات حق كل وحده فينا عليها حروفنا
حصه / كششششششخه
مرام / وناسه
فرح / يهبلوون
هبه / اي عاد ديرو بالكم هذول غالين
حصه / أفا عليج والله ما اخلي اي احد يسرقه مني وبحطه بالتجوري
هبه / هههههههههه ليش ذهب
حصه / غالي من برا
هبه / هههههههههههههه

طق طق
هبه / منوو
/ انا ماما قوول عشى خلص
هبه / زين زين
مرام / عاد انا بطني يعورني
هبه / عاد جدتي مسويه ذبيحه حقي
فرح/ عاد انا الله يديم النعمه ما احب لحم الذبيحه
هبه / حتى انا بس بناكل سلطات والاكل بليل للسهره
مرام / اي سهره ؟؟
فرح / بنام عند هبه
حصه ومرام بصوت واحد / نعم
فرح تضحك / هي قالت لأبوي ووافق ترى بس انا
حصه / مايصير ظلم
مرام /اي والله ليش ماقلتي كلهم
هبه / ههه انا قلت بس هو قال ان عندكم مدارس
حصه / ياسلام يعني فرح ماعندها معهد
فرح / انا عادي اصلا غايبه غايبه
حصه / اووف
هبه / اقوول قوموو بس العشى برد







غرفه مظلمه بارده صوت شهيق خفيف
دخلت غرفتها من مده طويله لم تدخلها .. رغم حبها لها لاتعرف لماذا اصبحت تكرها لهذا الحد .. مسحت على رأسها


/ عبالج اني اكرهج .. غبيه انا احبج واموت عليج .. تدرين ليش قمت ما اواطنج ودايم اتهاوش معاج حتى لو كنت انا الغلطانه .. لأني اغار منج تدرين ان امي قبل لا توفى نادتي ووصتني عليج .. وعطتني علبه ..













/ شنو هذا يما
شريفه / هذي يالولوه شبكتي .... عطيها فوز قولي لها انها هديه من امج بأي مناسبه نجاحها من الثانويه اول تخرجها من الجامعه ( وبجت )
لولوه / يما هدي هدي شوي مايصير تبجين
شريفه / كان ودي اكون وياها بكل مناسباتها مثل ماكنت وياج بنتي بتخرج وتتزوج وانا مو عندها ااااااه ياحسرت قلبي
لولوه / يما استغفري ربج ماتدرين يمكن الله يطول بعمرج وتكونين وياها حتى بعرسها
شريفه تسمح دموعها / لولوه حبيبتي انتي عندج شبكه واهديتج هدايا وسويت لج ملجه كل الكويت تحجي فيها حتى يوم تخرجج سويت لج اللي الكل يحلم فيه .. بس يا يما فوز ماراح اسوي لها اللي سويته لج .. تكفين ياللولوه ديري بالج عليها وعطيها شبكتي باي مناسبه انتي تبين فوز وصيتي لكم كلكم لاحد يضايقها ولا يكدر خاطرها









/ تدرين وقتها شنو سويت بجيت كنت اتمنى اني اكون مكانج وامي توصيكم علي فوز انا احترق وانا اسمع كل واحد فيكم يقول وصيته امي فوز .. وانا انا وين رحت امي بس قالت لي اسمحي لي ما اقدر احظر عرسج .. ساعتها كنت باخذ الشبكه واخليها لي . . بس مايهون علي .. تدرين كل ما اتهاوش وياج وكل يوم بليل كنت اجي غرفتج واطل عليج وانتي عبالج فهد
فوز / بس
لولوه / تطلعين خبله اذا ببالج اني ما احبج يابنت انتي اختي من لحمي ودمي وعرسي محد يحدده غيرج قومي ولاتضيقين خلقي قومي


وظمت اختها اللي فقدتها من توفت امها حست انها امها وانها للحين عايشه-

.. ماكانوو منتبهين للي طول الوقت كان يسمعهم وعيونه حمره راح وخلاهم براحتهم ..


-


-

لغايه هنا أتوقف ..
ماذا تخبئ الأيام لأبطال روايتي ؟؟
ومالذي يجمع قلبان واحد منهم بحب الاخر !؟
ومالذي يجمع قلبان كلاهما يكره الاخر !؟


ان شاء الله يكون الجزء الخماس عجبكم
ناطره ردودكم وتعليقاتكم




احب زوله واحب طوله واموت [ برزة ] عقالـه



تحياتي

تناهيد الخجل


دمتــم بود

 

[6amni bs]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

يعطيج العاافيه ..
كملي حبوبه نااطرينج

 

[MeeMeeYoo_2]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

يعطيج العااافيه

 

[miss disaster]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

يسلمو وناطرين الياي

 

[غــلآهاا غير]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

يعطيييييييييج الف عافيه البارت جوناااااااااااااااااااااااااااااااااااااااااان كمليييييي

 

[عيون ابوها]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

يعطيج العاافيه ..
كملي حبوبه نااطرينج

يعطيج العااافيه

يسلمو وناطرين الياي

يعطيييييييييج الف عافيه البارت جوناااااااااااااااااااااااااااااااااااااااااان كمليييييي

الله يعافيكم منورين بمروركم الطيب لا عدموو

 

[ح رؤف آلـ غ ـلأ]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

الرواية روعة

وناطرين البارت الجديد...​

 

[غــلآهاا غير]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

متـــى البــارت حبــيــبــتــي ؟؟

 

[ورود11]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

ننتظرج لا تطولين علينا

 

[حور العيون]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

يسسسلموو ياقلب


نااطريين الباااقي

 

[حور العيون]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

يسسسلموو ياقلب


نااطريين الباااقي

 

[غــلآهاا غير]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

طوولتي حبيبتي

 

[عيون ابوها]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

مشكورين على المرور وسامحووني اذا طولت معاكم

لهيت بالعيد .. كل اللي دزو لي على الخاص يعطيكم الف عافيه على سؤالكم ومروركم وهم سامحووني اذا قصرت وياكم

ان شاء الله اكمل الروايه وما اخلف بوعدي وياكم

 

[teen girl]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

حبيبتي انا كنت متابعه بصمت بس لما فقدتج قلت اسجل واسال عنج وين اختفيتي
والروااية حدها رووعه نااطرينج

 

[A7BEE5 TOOFE]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

حبيبتيـ وينجـ ؟؟
كمليـ القصهـ حتاتـــــو
ويعطيجـ العافيـهـ...

 

[عيون ابوها]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

حبيبتي انا كنت متابعه بصمت بس لما فقدتج قلت اسجل واسال عنج وين اختفيتي
والروااية حدها رووعه نااطرينج

ياحياتي تسلمين .. منوره والله ان شاءالله يكملها

حبيبتيـ وينجـ ؟؟
كمليـ القصهـ حتاتـــــو
ويعطيجـ العافيـهـ...

الله يعافيج ياقلبي ان شاء الله بكملها

 

[6amni bs]

رد : ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ا

متى الباارت حبوبه

 

[عيون ابوها]

رد: ❝روايتي الثانيه❝ঔღ احب زوله واحب طوله واموت [ برزة ] عقالـه ঔღঔ للكاتبه تناهيد ال

الجزء 6

نضحكـ ونمشـــي ’’ ولا ندري عن المكتوبــ



الجده / وينهم ؟؟
الخدامه وهي تحط اللبن / ماما هيا قوول الحين يجي
ناديه / اكلي يما ماعليج يجون الحين
الجده / باكل باكل .... هاذي ليه قاعده
ناديه تطالع الجوري / ماتحب الذبيحه
الجوري / ما احب العيش بكبره يمتن
الجده / استغفر الله قولي الله يديم النعمه ..

/السلام عليكم
الجده / هلا وعليكم السلام تعالوو تعشوو
حصه ترفع كمومها / الله عاد انا جوعانه
ناديه رفعت حاجبها / شفيج جنج مشفوحه على الاكل
فرح تطق حصه بكوعها من بين اسنانها / الله يفضحج
الجده / مو مشفوحه مغير جويعينه سمي يما سمي
حصه / بسم الله الرحمن الرحيم اوله واخره
هبه / سيتي جيبي بيبسي
بدريه / افتكي من الببسي يابنيتي مو زين
ناديه / خليها براحتها
هبه / والله ودي ياخالتي بس صعب علي انا ادمان
فرح / انا حاولت اقطعه ما قدرت
حصه / فرح وهبه غرامهم بيبسي
مرام / انا حليب
بدريه / ههههههه تذكرين خالتي يوم مرام تشرب من الحليب
الجده / ههههههه اي اذكره يومها رقدوها بالمشفى
مرام / عاد انا ما اذكر
الجده / هههههه كنتي صغيره شربتي من الحليب لما انترس بطنج ولما وديناج الطبيب قالو لنا متسممه
هبه / تسممت من الحليب
الجده تكمل بندماج / اي لانه كان معفن وانتي الله يهداهج منتي ورعن ماتعرفين
رتاج / منو مسوي المعكرونيا؟؟
هبه / اكيد سيتي ليش ؟؟
رتاج / الصراحه تجنن
هبه / عاد انا حاولت اسوي مثلها ما اقدرت هي خلطتها تجنن
ناديه / لازم اتعلمين باجر لارحتي عند رجلج شنو تسوين ؟
هبه / اخلي الخدامه تطبخ
ناديه / خدامه ليش وانتي توج عروس
هبه / انا اللي بياخذني ماياخذني عشان اطبخ له يجيب له خدامه تطبخ بعدين انا ما طبخت ببيت اهلي عشان اطبخ له
نايه ** هذي اولها / والله مدري عنكم يابنات هالوقت
الجده / اكلو بسكم من الهروج اللي ماتنفعكم



-



-
بعد العشاء



بدريه / يالله بنات الساعه صارت 10 بنروح البيت
حصه / لا يما انطري شوي
بدريه / لا باجر وراكم مدارس تسهرين الحين والصبح لاجيت بقعدج ماتقعدين
حصه / خلاص اجل نغيب
مرام / لا ماكو باجر عندج امتحان قصير انجليزي
حصه / اهب ام قليب انا نسيت ان عندي امتحان وانتي تذكرتي
الجده / قولي لا إله إلا الله على اختج لاتحسدينها
حصه / ماشاء الله ولا إله إلا الله
مرام / عبالي
هبه وهي تصب الشاي وتزوعه / فروح تبين
فرح / لا مشكوره
هبه / تفلضي عمتي
ناديه / زاد فضلج على عرسج ان شاء الله ..اي صج يما نسيت لا اقولج ام احمد جارتنا اللي قبل
الجده / علامها
ناديه / عرس ولدها الاسبوع الجاي وعازمتنا
الجده / ياحليلها .. بس احمد مو اعرس قبل سنتين
ناديه / اي هذا عادل الثاني ماخذن بنت عمته نوره اللي كبري
الجده / ايه ايه تذكرتها ياحليها
ناديه / بتروحين
الجده / ان شاء الله بروح .. وبرقص هبه

ناديه اللي توترت وخافت لاهبه ترقص بالعرس وتنخطب لولد ثاني غير ولدها / ها لا يما هبه توها جايه وتعيبنه وبعدين يعطونها عين
الجده / على شنو ؟؟

ناديه / توها جايه من السفر ومخلصه دراسه ومزيونه والكل يبيها افتكي بس انا ارقص الجوري
الجوري/ نعم لا يما انا ما ابي
ناديه / ليه
الجوري / ما احب ارقص بالعروس
هبه / عشتوو ماعليج انا ارقص
الجده / لا يما صح كلام عمتج .. خلو فرح ترقص
فرح يوهو ياذي البلشه ماعندي فلوس للصالون ونفنوفي قديم / بس انا عندي امتحان
ناديه / ماعليه امتحانج متى
فرح / نفس اليوم ومن باجر
ناديه / عادي ادرسي قبلها وبعدها
الجده / خلاص خلوها براحتها
ناديه / بس يما مايصير لازم احد يرقص الناس يوجبونا وحنا مانوجبهم
بدريه / يالله حنا انترخص مع السلامه
الجده/ حافظكم الله .. الله يسلمكم
حصه ومرام واوضاح واصايل يبوسون راس جدتهم / مع السلامه جده
الجده / الله يسلمكم
هبه تضحك / هالله هالله بالمدرسه ها ههههه
حصه تكش عليها /اقول انجعمي بس بروح اخذ اغراضي من فوق
هبه / اوكي
ناديه / ماراح تروحين فرح
فرح / لا عمتي بنام عند هبه
هبه قبل لا تعلق عمتها قالت / انا ابيها تنام عندي يالله فرح امشي نبدل
فرح / يالله
جوري / يما يالله نروح البيت مللل
ناديه / اصبري بقعد عند امي روحي ويا البنات
جوري / ما ابي
الجده / ياعيشه رتاج نويمه روحو البيت خلوها تنام
ناديه ياكبر النغزه / يالله يما الظاهر جدتج ماتبينها اليوم
الجده / ليه وانا قلت شي
ناديه / لا بس مادري علامج علي من اليوم تدقريني
الجده / مادقرتج يما الله يهديج
ناديه تبوس راس امها / ويهدي الجميع فمان الله
الجده / فمان الكريم
الجوري راحت ولا سلمت على جدتها ولا تكلمت
الجده / الله يهديكم





-


-

فوق بغرفه هبه


فرح / الله وناسه ماني مصدقه ياحلو غرفتج اشتقت لها
هبه عند الكبت تطلع لفرح بجامه / هههههههه اي والله وانا اشتقت لها ... فرح هاج هذي جديده مالبستها
فرح / لا هبه هذي ضيجه وبرموده عطيني من دراريعج القطن
هبه / ماعندي الا الي اروح فيهم للصالون وفيهم دلعه
فرح / اووف خلاص دوري لي وحده وسيعه
هبه / لحظه ... هاج هذي زينه
فرح / تمشي حالها
هبه / يالله بدلي على ما اروح اجيب اكل من تحت واشوف عمتي راحت ولا لا
فرح / اوكي





-



-


بالسياره

حصه / يما هبه شرت لي بدله تجنن بخليها للعيد هي والجنطه

مرام / وانا شرت لي جوتي يخبل
بدريه / الله يرزقها على قد نيتها
مرام / وشرت لج يما جوتي ومضاعد
اوضاح / وانا جنطه وشباصات وبدله
اصايل / حتى انا ولعابيب حتى حق سيف بدله وجوتي
بدريه / الله يخليها لأبوها ويحفظها ياحلو هالبنت حلواه



-





-


بعد ما سمع كل الكلام اللي دار بين بناته قعد يطالع صورت مرته
/ ااااه ياغنيمه .. من رحتى والبيت معتفس فوق حدر الله يرحمج

طق طق

عبدالعزيز/ منو ؟؟

/ انا يبا
عبدالعزيز/ حياك فهد
فهد يسلم على ابوه / حمدالله على السلامه .. والله لما قالت لي الخدامه انك جيت من السفر ماصدقت بس لما شفت ليت غرفتك مفتوح والله استانست

عبدالعزيز / الله يسلمك انا قلت اجي اسوي لكم مفاجاه بس مافي احد الكل نايم

فهد / اي خبرك مدارس ودوامات شلوونك وشلوون كانت سفرتك

عبدالعزيز / لا الحمد الله كل شي تمام والشغل اللي رحت لها الحمدالله تم
فهد / لا صج مبرووك
عبدالعزيز / الله يبارك فيك

وقعدو يسولفون عن الشغل والصفقات





-




-
لآ شِفت لِك مجروح .. حآوِل تِدآوية
دآوَه مِن بآب الإحسـآن دآوَه

وإن شِفت لِك مِن يبكِي .. فـ لآ تسألة لية ؟
الدَمْع مآ عُمرة نِزل مِن فَضـآآوة



فرح وهبه قاعدين على السرير ومقابلين بعض وياكلون بطاط وكاكاوات وبيبسي
هبه / ياربي جوعاااااانه
فرح / اشفيج مو جنج توج متعشيه
هبه / يا معوده انتي شفتي عمتي ناديه مغير عيونها على ما قدرت اكل عدل
فرح / هههههه لا حظت عليها صايره تحبج
هبه / الله يستر منها العاده ماتواطني مدري اشتاقت لي

فرح / هههههههه لا ما اعتقد يمكن وراها عله

هبه / الله يستر تذكرين قبل مغير تهاوش وياي

فرح / جدتي تقول من عمرها غيوره

هبه / ياوو سدي الموضوع خليها تولي .. انتي قوليلي شنو صار معاج
فرح / ماكو غير المعهد و....
هبه / وشنو ؟؟
فرح / ... أأ .. أأبوي .. ( قعدت تبجي )
هبه / فرح .. خلاص عاد بسج دموع
فرح تبجي وظمتها هبه وسكتت نص ساعه وفرح ماوقفت دموع وهبه ساكته
فرح قامت / بوريج شي
ورفعت بلوزتها الى زندها شوفي
هبه شهقت / شنو هذا لا يكون عمي
فرح ردت تبجي / وفي غيره ااااااااااااااااااااااااااااه
هبه / خلاص خلاص ياقلبي بس

( وظلت سهرتهم كلها بجي وفضفضه وضحك كل وحده تقول للثانيه عن كل اللي بقلبها )








-





اصبح يوم جديد على ابطالنا



فوز / يبا
عبدالعزيز / هلا وغلا
ركضت تسلم على ابوها / حمدالله على سلامتك متى جيت ؟؟ وليش طولت ؟؟ ليش ماقلت لي ؟؟ شنو شريت لي ووو...
عبدالعزيز / هوووب خلاص شوي شوي اقولج
فوز / قوول
عبدالعزيز / امس جيت ولقيتكم نايمين قلت ما ابي اقعدكم
قوز / وليش طولت ؟؟
عبدالعزيز / شغل بعد شسوي .. وين لولوه
فوز / ما ادري الحين تجي
عبدالعزيز / شلوون المدرسه؟؟
فوز / عال العال .. اي صج ماقلت لك المشروع اللي بنسويه اكتمل
عبدالعزيز /صج زين ... عاد انتي و منو
فوز / انا وبنت جارنا مرام وسلمى رفيجتي
عبدالعزيز / الله يوفقكم بس ها ما ابيه يلهيج عن دراستج
فوز / افا عليك انا منظمه وقتي عدل
عبدالعزيز / عفيه بنتي

(وقعدو يكملون ريوقهم )




-



حصه / الله وناسه اليوم نروح مبجر المدرسه عشان اسولف مع رفيجاتي العاده اجي حده حده مايمديني اسولف الا بدى الطابور
مرام / بدال ماتدرسين وتحاتين الامتحان تقولين عشان اسولف
حصه / والله عاد انا مو مثلج ام قليب احاتي الدراسه انا ماخذه الدنيا عاااادي
مرام / عااادي على قولتج ماراح تفيدج بالمستقبل
حصه / لا جا المستقبل يحلها الف حلال
مرام / حمدالله والشكر
اوضاح / مرام
مرام / ها
اوضاح / مشتهيه جباتي
حصه / وانا بعد
مرام /انتي كل شي تشتهينه
حصه / اهب ياوجهج سمي
مرام / اوضاح عندج فلوس
اوضاح / عندي ربع بشتري فيه
اصايل / وانا بعد عندي بشتري فيه راجوو مر مطعم جمعيه



-




-


فرح نايمه وتفكر ( الحين اكيد قاعد بالحديقه .. انزين حس اني موموجوده ولا لا ؟؟ فقدني امممممم اتوقع )










(عند فهد اللي مادرى عن فرح )

فهد / اوووه فوز قاعده مبجر شنو الطاري
فوز تبتسم / لاني نمت مبجر وقعدت مبجر ماتعرف اللي يقول نام بكير وتصحه بكير
لولوه / وشوف الصحه كيف بتصير صبااااحوو
فوز / صباااحو .. رايحه الدوام
لولوه / اي تبين اوصلج
فوز / والله ياريت
لولوه / يالله
فوز / بايوو فهوود
فهد مستغرب / باي .... شسالفه








بعد الطابور
الحصه الاولى



حصه / نوير شوفي الابله اذا جت صفري لي عشان ببرشم للأمتحان
فاطمه / ووجع ابج والله لتعلن خيرج عاد هنديه ماتقدرين تكلمينها لو كويتيه قدرنا
حصه / شسووي ما افهم انجليزي لازم ابرشم
رشا / انا اغششج
حصه / اكيد كلكم راح تغششوني وغصبن عليكم بس هذي البرشامه احتياط
رشا / لا والله غصبن علينا !!

حصه / يب
مناير / انا بعرف انتي تبرشمين شنو كلها صح وخطأ وتوصيل واكملي الفراغ سهلين

حصه / عندج اانا عندي مثل الفاينل ههههه
فاطمه / هههههههه خلوها على راحتها
نوره / الابله جت
حصه / اذا وزعتو ادراجكم صيرو قريب منى واذا كحيت يعني ابي تغششوني
مناير / توكلي على الله




مرام وسلمى وفوز عندهم احتياط وقاعدين يسولفون عن المشروع < صج شطار هههه


مرام / حلوه فكرتج سلمى خلاص انا بكلم امي وابوي واشوفهم
فوز / خلاص اوكي
سلمى / بس منو يروح يشترى من المكتبه
فوز / انا اروح مكتبه السنافر اللي بالاندلس كل شي فيها واشتري
مرام / خلاص اجل اتفقنا
فوز تكتب بالورقه / اوكي الحين خلصنا كل الاغراض




-




-
طلع من البيت وشاف عبدالعزيز خلف / حيالله بوغانم
عبدالعزيز / هلا بوسيف شلوونك
خلف / طيب الحمدالله شخبارك انت
عبدالعزيز / الحمدالله بخير
خلف / وينك لك اسبوعين ماشفناك بالدوانيه
عبدالعزيز / والله يابوسيف كنت مسافر عندي كم شغله والحمدالله خلصناهم
خلف / الحمدالله حياك تقهوى
عبدالعزيز / لا مستعجل من زمان مارحت الشركه وتدري الشغل كله علي
خلف / الا بوغانم فهد ولدك ليه مايمسك الشغل عنك وانت ترتاح
عبدالعزيز / والله قلت له بس هو معيي خبرك من بعد الحادث ما قام يداوم شغله يجيه الى البيت
خلف / الله يهون عليه يالله انا اترخص تامرني على شي
عبدالعزيز / ابدا سلامتك سلم على الربع بالدوانيه
خلف / يوصل ان شاء الله




-





الساعه 1 الظهر قامت فرح من النوم بدلت وصلت وقعدت تمشط شعرها
هبه / صباح الخير
فرح لفت عليها / اي صباح الا مساء الساعه 1 الظهر
هبه اتمقط / ااااااه مدرى عبالي الصبح فيني النوووم
فرح / ليش قمتى
هبه / موحظرتج ازعجتيني من سكرتي باب الحمام والكبت ازعاج
فرح / ههههههههههه والله ... عاد انا احاول ما ازعجج خلاص مدام قمتى قومي بدلي وصلي وامشي تحت

هبه / فررح كأن شعرج طال
فرح وهي تلف شعرها / اي والله وذبحني
هبه / حلو بالعكس يلوق لج
فرح / بس يتعب
هبه تقوم من السرير / المهم حلو
فرح / وانتي صاجه انا بروح تحت على ماتخلصين
هبه تدخل الحمام / اووكيك








-

الجده وعبدالله يتغدون
فرح/ السلام عليكم
الاثنين / وعليكم السلام
فرح تحب راس جدتها وعمها / شلونك عمي
عبدالله / هلا فرووحه الحمدالله تمام شلونج انتي
فرح / الحمدالله
عبدالله / وين هبه
فرح / فوق تلبس
الجده / تعالي تغدى فرح
فرح / لا بنطر هبه لماتجي
عبدالله / ماعليج منها الحين تجي وتقول مالي نفس ويطوفج الغدى
فرح / ههههه لا عادي
الجده / براحتج





-






الهده


مرام / حصيص شنو سويتي بالامتحان
فاطمه / بدعت هههههههه
رشا / ماحلت شي هههههه
حصه / اختى مالج شغل فيهم سويت زين
مرام / اي هين هذا وجهي
مناير / ههههههههههههههههه حرام والله غشششتها
حصه تطق رشا / وهذا حاطتها جدامي على خالي بلاش بس تظحك
رشا / ههههههههههههههه انا بكتب ماقدرت كل دقيقه تكحين
مرام / ليه
فاطمه / يعني غششوني عاد المس شكت فيها
حصه / والله ريجي نشف من كثر ما كحيت
الكل / هههههههههههههههههههههه
نوره / يالله بنات سايقنا جا مع السلامه
الكل / مع السلامه
فوز جت حق مرام / مرام اليوم كلمي اهلج اوكي
مرام / ان شاء الله
فوز / يالله باي
مرام / بحفظ الله
حصه بعد ماراحت فوز / شنو تكلمين اهلي
مرام / عن المشروع
حصه / حمدالله عبالي عندكم هرجه
مرام / اقول امشي راجو جا مع السلامه بنات
حصه / جااااو
الكل / مع السلامه












هبه / فرح تبين نطلب
الجده / حرام تطلبون والنعمه موجوده
فرح / صح خلى الطلب بعدين امشي نتغدى
عبدالله / عاد مسوين السلطه اللي تحبينها
هبه / امممممممم اوكي
عبدالله / فرح
فرح / نعم عمي
عبدالله / شلون دراستج
فرح / الحمدالله حلوه وسهله يعني تلوق لي
عبدالله / اذا تبين شي قولي لي مو تستحين
فرح بخجل / ان شاء الله عمي
هبه / يما صبي لي دقووس
الجده / والله ياهبه مدري شنو كنتي تاكلين هناك جسمج راح
هبه / الله لو تعرفون شنو كنت اكل كله وجبات ووحده لبنانيه كانت وياي مشاءالله عليها تطبخ طبخ يجنن بس ما يشبع اغلبه سلطات مشتهيه عيووش هههه
عبدالله / جان خذيتي وياج الخدامه
فرح / هههههههههههه ولا جده
الجده / ياااو الله لا يقووول
عبدالله / الحمدالله
الجده / ياعله عافيه




-








مرام / اوضاح وين امي ؟؟
اوضاح / نايمه بالصاله تقول خلوني اغط لي شوي
حصه اللي تطالع التلفزيون واذونها عندهم / شتبين فيها
مرام / مالج خص
حصه / ترى اذا تبين واسطه ولا شي تراني عند وجهج
مرام تاخذ من حب اوضاح الشمسي / لا مشكوره ما ابي منج شي ( وتفل الحب ) .. وع مالح
اوضاح بزعل / كلا من حصيص راحت غسلته وحطت فوقه ملح تقول انظف
حصه / حصيص بعينج بعدين انتي وين تعرفين النظافه
مرام/ وهذي نظافه الا رفاله
حصه / رفاله بعينج تبين ناكل الحب وصخ
مرام / طول عمرج تاكلينه وصخ جات على اليوم
حصه / اليوم انتبهت واستنتجت الفكره
مرام / بالعون فكره عايبه مثل وجهج
حصه / اقول اكرمينا بسكوتج
مرام / احترمي نفسج
حصه تلقدها / احترمي نفسج .. من متى الادب
مرام / من زمان مو مثلج الادب بصوب وانتي بصوب
حصه / ماني راده عليج اذا خاطبك ( وتأشر عليها بأصبعها ) السفهاء فقل سلامن
مرام / زين والله تطور قمنا نقول حكم وامثال
حصه / احسن منج
اوضاح / خلاص اسكتو بيبدي المسلسل وانتو تهاوشون
حصه / سكتي الرادو اللي يمج
مرام / حصيص ووجعه بتحترميني ولا لا
حصه تنسدح / لاااااء
مرام طكتها بكرتون الكلينكس / حيوانه
حصه قامت معصبه / اح ليش تطقين
مرام / عشان تحترميني
حصه ردت لها الكرتون وطق مرام براسها
مرام / اححح ياكلبه

وتهاوشو وصراخهم قعد ابوهم من النوم الي اول ماشافوه خافو جنهم شايفين جني طبعن كالعاده ماسمع اصراخهم وتأسفهم طقهم وحبسهم بالغرفه



خلف / لا عادت عليكم من بنات صياحكم واصل للشارع اهب ( ولف على ام خلف ) وانتي وينج فيه مخليه بناتج ها

بدريه / كنت نايمه راسي يعورني
خلف / راسج يعورج ها ولا من الرباده قوومي سوي لي شاي قومي
بدريه / ان شاء الله





-





-





فرح وهبه قاعدين بغرفه جدتهم الجده منسدحه
ونايمه وهبه تطالع التلفزيون وفرح خلصت من قراءه الجريده صفطتها وحطتها على جنب

فرح/ اقوول هبه
هبه / هلا
فرح / شنو ناويه تسوين بعد ماخلصتي
هبه / اممممم والله مدري اول شي برتاح على الاقل لمده شهر بعدين بفتح لي مشغل اول محل للحين ماقررت

فرح / اها
هبه / ليش ؟؟
فرح / بس قاعده افكر ماراح تشتغلين ولا تكملين دراسه بالجامعه
هبه / لا وين اكمل انا نسبتي ولا شي بعدين تعرفين اني ما اداني الدراسه وبالقصب خلصت الثانوي عشان خاطر ابوي اما الشغل لا ما يلوق لي انا ابي اكون سيده اعمال مشهوره

فرح / ههههههههه مشهوره يعني شلوون
فرح / يعني مثلا الحين انا مصممه اوكي افتح لي محل واشوف اذا توفقت فيه افتح لي فروع بالكويت والخليج لما اوصل العالم ويمكن اسوي لي ماركه بأسمي
فرح / ههههههههههههههههههههههههههههههههههههههههههههههه
هبه / ليش تضحكين
فرح / ههههههههههههههههههه تفكيرج واسع وتجاري وهم خيالي
هبه / ليش حبيبتي
فرح / تعتقدين اهلنا بخلونج
هبه عصبت / والله عاد انا مايهمني الا جدتي وابوي واذا وافقو مالي خص بأحد ( تقصد عمها خلف )
فرح حزت بنفسها / الله يوفقج
هبه / ووجع مو قصدي انتي
فرح / لا ادري اممم تصدقين ودي اروح البيت
هبه قربت لفرح وحزنت / ليه امانه لايكون زعلتي والله موقصدي شي
فرح ابتسمت / لا والله ما زعلت بس اشتقت لخواتي وتعرفين بروحهم و
هبه / قولي اشتقت للطق ههههههههه
فرح ببتسامه مجروحه / يعني
هبه / اسفه
فرح تضيع السالفه / عادي اممم مشتهيه برد
هبه / تصدقين حتى انا قومي نروح ناخذ من المطبخ
فرح / يالله






-



مرام قاعده على سريرها ووجها كلا دمووع / اهئ اهئ كله منج
حصه اللي مثل حالتها واردي ماسكه شعرها الكشه وتلمه / اهئ اهئ اح يعوور بعدين انا شكو انتي اللي بديتي

مرام / اسكتي لا نتهاوش ويجي يطقنا مره ثانيه
حصه / اكرررهه والله ما احبه والله
مرام / مايصير تقولين جذي هذا ابوج
حصه / اي ابو يا مرام اللي يصبح ويمسي بناته بالطق اي ابوي اللي مايعطينا ولا فلس وباخل علينا بكل شي

مرام / ولو بس لازم ماتقولين عنه جذي والله رجلي تعورني من الطق
حصه / حرام فرح مدري شلون كانت تستحمل
مرام / يمكن تعودت
حصه / مسكينه انا كل يوم بليل اذا بروح اشرب ماي اسمع صوتها تقرأ قرآن وتبجي
مرام / من اللي فيها
حصه / تدرين هالاسبوع ابوي جم مره طق فرح
5 مرات
مرام / حرام
حصه / مره لما تأخر السايق ومره لما سيف يطيح ومره لما نزلت الايعانه ومرتين لما تهاوشنا ودافعت عنا

مرام / ااااااااااااااه والله حرام اللي يصير فينا قومي خلينا ندرس احسن

حصه / طاع وجهها حنا وين وانتي وين

مرام / الهي نفسي وانسي همومي .. اي صج نسيت لا اقولج اتفقنا انا وفوز وسلمى انتجمع في بيت فوز يوم السبت يعني عقب باجر

حصه واقفه عند المنظره تمشط شعرها / شنو !! ومن قالج بتروحين .. ومن قال ابوي بيوافق

مرام / ادري مستحيل بس انا لقيت فكره اقنع ابوي يخلينا نروح ..
حصه / شنو هي
مرام / اذا فاز مشروعنا بيعطونا مكافأه كل طالبه 200 دينار
حصه تقاطعها وتشهق / اوووله 200 دينار
مرام / اي وانا بقووله 100 وبعطيه اياهم وبخش ال 100 الثانيه
حصه / ليش تخشينهم ليش ماراح تعطينا منهم
مرام / اول شي بعطي ابوي 50 وبقول ال 50 الثانيه ابيها بحاول اقنعه اني اخليهم عشان اجيب مدرسين
حصه / انزين
مرام / وبعطيهم امي حلو الفكره
حصه / ياجيدج والله لوانا ماعرفت اتصرف انزين وامي يمكن ماترضى
مرام / امي مقدور عليها .. بس ها إياني وياج تقولين لأحد عن سالفه ال 200 امانه ابيه سر بيني وبينج
حصه / ابشري بس تعطيني منهم
مرام / اكيد بعطيكم
حصه / وفرح بتقولين لها
مرام / اي بقول لها وبشوف رايها
حصه / اها .. اتوقع بتقول لج لا


-
-

فرح / لا
هبه / انزين ليش لا
فرح / لان ابوي مايرضى وامي ماتدري
هبه / انتي عندنا وابوج مايقول شي لان ابوي بيكلمه اصلا محد راح يدري امانه فرح راعي شعوري توني راده الكويت بروح اتسووق واتمشى والله نرد مبجر

فرح / هبه اسمحي لي ما اقدر واذا درى ابوي بيزفني

هبه / ماراح يدري انتي نايمه عندنا يعني عباله قاعدين بالبيت

فرح / ولو ما ابي

دخلت عليهم الجده وهم بالمطبخ
الجده / علامكم
هبه / جده شوفي فرح اقول لها امشي نتمشى ونروح السوق تقول ما ابي ابوي مايرضى

الجده / ليه يما روح دوجي
فرح / بس ابوي
الجده / مالج شغل بابوج روحي وانا له
فرح اه لوتدرون ان حرته يحطها وحنا بالبيت / ما اقدر

الجده / تبين تزعليني
فرح / لا والله بس والله ابوي يعيي
هبه / خلاص مدام جده قالت روحي يعني انتي بأمان هههههههه
فرح تبتسم / بس مع منو بنروح
هبه / انا وانتي
فرح / بس
هبه / اي لايكون عبالج بناخذ سيتي معانا او جده
فرح / اي او نروح مع عمي
هبه / ابوي يروح مكتبه العصر شفيج عادي انا دايم اروح بروحي معالج شغل
فرح / مدري




-




بعد ساعتين عقاب انفتح الباب على مرام وحصه بواسطه اوضاح

اوضاح / ابوي يقول قوموو نظفو الملحق بيجون مأجرين
حصه منسدحه على سريرها / بس انا تعبانه راشي مصدع
مرام / وانا ايديني تعورني
اوضاح / قومو قبل لا يجي ترى هو معصب حده
قامو بسرعه مرام / هو وينه فيه ؟؟
اوضاح / ينطركم بالحوش
حصه / امشي يامعوده لا ننطق مره ثانيه
مرام / يالله




بالحوش كان خلف واقف عند الباب اللي يفصل بينهم وبين المحلق
جو له مرام اللي كانت ماسكه المخمه والجيس اللي فيه اغراض التنظيف وحصه معاها جيس فيه فووط وصابون وسطل الماء
مرام / احمم ( وتحب راسه ) اسفين يبا
حصه ( تحب راسه ) سامحنا يبا
خلف سفههم وراح بطل الباب / دشو نظفو

حصه بصوت خفيف/ خووش تدقيره
مرام / انجعمي

خلف / اسمعوو نفضو الغرفتين والصاله والحمامات ولا تكسرن شي فاهمين
حصه ومرام / فاهمين
خلف / انا بروح واجي القى كل شي خالص زين
مرام / زين

بعد ماراح ابوهم كل وحده شمرت ذراعها وربطت دارعتها وقامو يشتغلون بذمه وضمير










قاعد بمكتبه الخاص ومندمج بالشغل يوقع اوراق ويرسل بالبريد
طق طق
فهد / همممم
فوز / فهد انا فوز عادي ادخل
فهد / ادخلي
فوز / قووه
فهد / اهلين .. فوز انا مشغوول تبين شي ضروري ولا بس بتسولفين
فوز بضحكه تجنن / هههه شفيك بسم الله اممم الصراحه

فهد/ لاني مشغول خلصي شنو تبين ؟؟

فوز / بروح المكتبه بشتري اغراض المشروع وماعندي احد يوديني توديني ؟؟

فهد / الحين لا
فوز / لا مو الحين بعدين
فهد / متى تبين الاغراض ؟؟
فوز / ابيهم حق يوم السبت عشان بنتجمع انا والبنات
فهد / خلاص روحي باجر انا الحين بروح مع ابوي الديوانيه
فوز / لا عفيه باجر جمعه اخاف تسكر اليوم امانه
فهد / يو هو خلاص اذا خلصت ادق عليج
فوز / اوكي



ونزلت تحت بالصاله لقت لولوه قاعده اتكلم بالتلفون ومعاها ورقه وقلم وتسجل

فوز / هاااي
لولوه / هااي
فوز تأشر لها وبصوت خفيف / منو تكلمين
لولوه / اكلم بشاير
فوز / صج سلمي عليها
لولوه / بشور فوز تسلم عليج .. انزين كملي بعد
فوز قعدت تطالع التلفزيون وتلتفت على لولوه وتضحك
لولوه / بس يعني الحين ما اشتري بدل غير 6 ...... اها امم والله مدري .... انزين انتو متى تردون العرس ما بقى عليه الا جم شهر مايمديني اجهز بروحي .... اوكي خلاص يكون احسن .. يالله اخليج الحين سلمي على غنووم وحبي لي بندور وعزوز
لولوه بعد ماسكرت التلفون / اااه الله يعيني
فوز تطالعها / بديتي من الحين
لولوه / هذي اللسته بحط فيها كل اللي ابيه وببدي من باجر اتسوق
فوز / اها .. وين بتصممين نفنوفج
لولوه / والله ما ادري للحين
فوز / شرايج بـ ...... حلوه حيل انتي شفتي بدله حنان مرت فهد تجنن كانت
لولوه / لالا لا بعدين تقول تقلديني واسمها حنان طليقه مو مرت فهد
فوز/ اللي اهو .. تعالي ماتدرين عنها
لولوه / والله ما ادري اللي اعرفه انها قاعده لا شغل ولا مشغله بس جنه انخطبت

فوز / انخطبت على منوو
لولوه / والله ما ادري بس جنه ولد الـ .....
فوز / لا ما اعتقد
لولوه / والله تسويها هالخبله
فوز / مسكين فهد ترى للحين يحبها
لولوه / اسكتي لا يجي ويزفنا تذكرين اخر مره تكلمنا عنها زفنا زف
فوز / اي والله






فرح / هبه بتلبسين جذي
هبه تطالع شكلها ( لابسه برموده جينز وبدي اسود )/ اي ليش

فرح / لا هبه حرام عليج لبسج شوي خالع ساقج كله طالع

هبه / ويعني انا مو متحجبه
فرح / ولو بس خلج محتشمه شوي
هبه / فرح بليز لا تزعلين منى بس لبسي حريه شخصيه
فرح /الحين تقولين لي حريه شخصيه واذا قابلتي ربج بتقولين حريه شخصيه
هبه عصبت / استغفر الله فرح شنوه الكلام
فرح / كلام الصج دايم يزعل
هبه / مازعلت وخلاص فرح سدي الموضوع
فرح تكلم نفسها / الله يهديج
هبه / يالله انا انطرج تحت
فرح / انزين البس نقابي واجي










مرام / اووف بالغصب خلصت
حصه / اااه عرقانه حدي احس فيني الدووخه
مرام / راسي زاد علي قام يعورني
حصه / خلصتي كل شي
مرام / اي وانتي
حصه / باقي لي الدرايش امسحهم امانه ساعديني
مرام / ولو انج مو كفو بس كسرتي خاطري وجهج محمر
حصه / مشكوره بعدين لاتقعدين اتفضلين علي كلها دريشتين
مرام / مدام كلها دريشتين نظفيهم بروحج لان شغلج وانتي وحده مو كفو
حصه / لا خلاص امانه تمت تمت والله ما اعيدها
مرام / انقلعي
وراحت
حصه / ياااو ياكرهج لا زعلتي

وكلمت تنظيف الدرايش بعد ماخلصت سكرت الليت وراحت








بالسياره

فرح / وين بنروح
هبه / والله ما ادري نروح شرق
فرح / الصراحه انا ما ادل ولا اعرف اختاري انتي
هبه / شرق اجل
فرح / بعيد
هبه / ماعليج عادي
فرح / انتي وعدتيني نرد مبجر
هبه / شفيج قريب وبنلحق اوف لاتحنين
فرح / زين





فهد / يالله فوز بتروحين
فوز / اي يالله ثواني واجي
فهد / لاتطولين
لولوه / موقلت بتروح مع ابوي الدوانيه
فهد / اي بس ابوي بيتأخر يمديني اودي فوز واجي
لولوه / اها
بعد ربع ساعه نزلت فوز وراحوا لمكتبه










بسوق شرق وسط الزحمه والازعاج يوم الخميس اغلب الناس طالعه كانت هبه تمشي وهي مستانسه ومتعوده ومشتاقه للمكان .. اما فرح كانت تمشي وعيونها تطالع الناس بخوف وارتباك وانبهار تحس نفسها ماتنتمي للمكان وياما حسدت ناس على وناستهم بس حمدت ربها على حالها
هبه / الله شوفي البدله هذي حلوه صح
فرح اتلفت يمين ويسار / ها اي
هبه مسكت ايدين فرح / فرح اشفيج ايدج بارده
فرح وعيونها شوي وتدمع / احس نفسي غلط
هبه / وليش غلط ؟؟
فرح / ما ادري
هبه / حمدالله والشكر امشي بس انتسوق
فرح / خلينا نرد انا ما احب الزحمه
هبه / فرح تونا جايين نتمشي ونشرب كوفي وبنتعشى ونرد بعدين
فرح / اللهم طولج ياروح



بالكوفي
هبه / اشربي شفيج
فرح / ووع الله يديم النعمه قهوتي احلى
هبه / ههههههههههه والله تحسسيني انج اول مره تطلعين وماتنتمين لعالمنا
فرح / مو عن بس انا اخاف ربي
هبه بدينا / كلنا نخاف ربنا
فرح / مهما راح اقولج ماراح تفهميني لانج راح تزعلين وصعب اغير رايج الهدايه من الله بعدين بتعرفين كلامي لان الحين تفكيرج غير عن تفكيري
هبه / انزين انا جعت امشي اتعشي
فرح / هبه من صجج اللي يسمعج يقول انج بطه ابي اعرف اكلج وين يروح
هبه ترفع ايدينها / ما ادري









بعد ساعه على ما لقو لهم طاوله فاضيه
هبه / تبين من ماك
فرح / اكيد
هبه / اعرفج تحبينه انا بطلب من هذاك المطعم زحمه عليه انتي اقعدي بالطاوله عشان ما احد ياخذها وانا اطلب لي واطلب لج واجي اوكي
فرح / اوكي


راحت هبه تطلب وفرح قاعده شافت هبه تسلم على شله بنات وتسولف وياهم وتأشر عليها وراحو يطلبون من مطعم ثاني
بعد ماطلبت لها ولفرح راحت
فرح / يسلمو
هبه / ولكموو
فرح / منو هذول اللي سلمتي عليهم
هبه / اي رفيجاتي ايام ماكنت ماخذه دوره ترى ماعندهم طاوله وعزمتهم على طاولتنا
فرح / اوكي حياهم


بعد دقايق اجتمعو البنات على الطاوله 3 بنات مع هبه وفرح يصيرون 5
هبه / اعرفكم على بنت عموو فرح
فرح / هلا
هبه / فرح هذي روان
(روان سمره وطويله عمرها 22 شعرها قصير صابغته اشقر)
روان / هلا فرح
فرح / هلا فيج
هبه / وهاذي هند الخبله
هند / يلا عاد
فرح / هلا
هند / هلا فيج
(هند سمره حيل متبتبه عمرها 20 شعرها اسود واصل الى كتوفها )
هبه / وهاذي ابرار
ابرار / اهلين
فرح / هلا
ابرار
( برونزيه شعرها بني فاتح ضعيفه حيل عمرها 22 سنه )
كانو يسولفون ويضحكون بصوت عالي
فرح / بنات قصرو صوتكم ماعليكم امر الناس تطالعنا
روان / ووويه فرووح عادي شفيج كل الناس يسولفون
فرح / بس صوتكم عالي والناس تطالع
هند / فرووح تكفى يعني الحين انتي بتفهميني ان الناس كلها هادين عمرهم ويطالعوونا من صجج ههههههههه
ابرار / هههههههههههههههههه امبيه جيكي على هذااك مووصج ياحلاته
هبه / اللي جنبه روووعه
روان / اي والله
هند / انا بفتح اللبلوتوث واتحرش
روان / يالله هههههه

فرح تطالعهم وتبتسم ** ويـــه حياتهم غير غارتهم الدينا ومضاهرها الله يهديهم وهبه .. والله ما ابيج تكونين مثل حالج .. حاولت وياج بس بابج مسدود مو وراضيه تسمعيني حتى
/ لو سمحتوو
روان / نعم اخوي
/ احنا ماعندنا طاوله وبما ان كلكم بنات حلوين ممكن نقعد عندكم عشان تفتح نفسنا
( كانو 4 شباب )
ابرار / حياااك
فرح تكلم هبه / هي شنو حياه مايصير
هبه / شفيج طاولتنا كبيره
فرح / ولو مايجوز
هبه / ياو فرح لا تكبرينها عادي
روان / شفيكم
فرح / لايقعدون
هند / هو عيل وين يقعدون
فرح / ولا مو شغلنا يدبرون لهم مكان بعدين الطاولات واجد قلت عليهم الوسيعه
هند / هبووو شفيها بنت عمج جنها يدتي يا ماما خلاص شيلي الغبار من على مخج هههههههههههههههه
ابرار / هههههههههههههههههههه
فرح / الغبار على قولتج احسن من نظافتكم االحين
(وقامت ) هبه انا بروح السياره اذا خلصتي تعالي
هبه / فرح اشفيج اقعدي فضحتينا
فرح راحت / انطرج هناك
روان / امبيه هبوو بنت عمج صج عقيديه مو ذووق
هبه / احترمي نفسج روان انا رايحه
هند / هوو اشفيهم هذووله



فرح تمشي بالمجمع تحاول تدل مكان الطلعه كانت خايفه وشوي وتبجي لما دقت عليها هبه وانطرتها بمكان وراحو السياره



هبه / فرح شنو هذا اللي سويتيه فشلتيني جدام رفيجاتي
فرح / فشلتج !! من صجج ؟؟
هبه / اي والله وشنو فيها لو قعدوو عادي ماعندهم مكان وقعدوو
فرح / تصدقين طحتي من عيني
هبه عصبت اكثر / لا والله يا الداعيه فرح الحين طحت من عينج انا
فرح / بقعدون شباب ويانا وصوتهم وضحكهم وحركاتهم البايخه عادي عندج
هبه / انا متعوده دايم اروح مع البنات وشي عادي اكلم شباب لا تنسين اني لما كنت ادرس هناك كانو عندي زملاء شباب
فرح / انتي مو انا
هبه / يحووول شفيج اليوم انتي خلاص مره ثانيه ماراح اروح معاج مكان اوووف
فرح تغورقت عيونها / من قال انا بروح تووبه
هبه / يكون احسن .. كومار عل على المسجل
فرح / هبه لاتعادين تدرين اني ما اسمع اغاني
هبه / كومار عل وحط راشد
فرح طلعت الهتفووون من جنطتها وحطته بإذنها وقعدت تسمع قرأن


هبه تسمع اغنيه ويلاه ** والله ماراح اخذها مره ثانيه وياي انا الخبله اللي قلت بونسها هين يافرح

فرح ** الله يهديج يا هبه وانا اللي ماصدقت تجين واقعد اشكي لج وتوقعتج بتلهيني اثاريج تذليني وتزيديني


الى هنا اتوقف .. اعلم انني تأخرت كثيراً عليكم

اسباب كثيره رمضان والعيد وظروف صحيه منعتني اكتب
لاكن بأذن الله راح اكمل معاكم إلى غايه النهايه

اتمنى الجزء السادس يعجبكم

احب زوله واحب طوله واموت [ برزة ] عقالـه



تحياتي

تناهيد الخجل


دمتــم بود