✿ [ Top App . . أفضل تطبيقات الآي فون ] ✿

[الغلا يرتجيني]

موضوع ولا ارووع

 

[F.A]

للي مثلي يحب سوالف التصوير والصور
هالبرنااامج روعه للكتابه علي الصور بالعربي او الانجليزي موجود بالأب ستور ومجانى لا يطوفكم

اسمه
phonto
وهذى صورته

 

[PO PO22]

جزاكمـ الله خير

وصراحه خوووش موووضووع :eh_s(7):

انا مدمنه للعبة هذي

louxer

وان شاءالله بس تخلص امتحاناتي واحط الخدمه انزل التطبيقات اللي البنات حطوها ماااقصرووو:ggdw:

 

[PO PO22]

babyadopter

لعبه عجيبه هالبيبي اوكله واشتريله العاب وااثث غرفته

واسوي حديقه من بره البيت

بالاب ستور فري

 

[PO PO22]

zombiefarm

مادري شسالفته بس اللي اعرفه ان كل يوم اخذ ٥٠ ذهب واقدر اشتري اي نوع ابيه بس وكل مره انهي مرحله وادخل بمرحله جديده تطلعلي اشياء جديده اشتريهااا

 

[PO PO22]

camwow


يهبببببببل يسوي حركاات بالوجه بس من اشغله واسوي حركات بوجهي وبوجه خواتي نموووووت من الضحك

شوفو الحركات

 

[أحلام مبعثره]

بناااات تكفون ليه ماحد ساعدني محتاجه هالبرنامج

 

[سلة فراولة]

حبيبتي الصوره مو طلعه

 

[»همسْ ـآلخجل✿]

آبييه بنآت ليش تعآندون ..! :eh_s(12):

يعني آلبنت قآلت ممنوع آلآستفسآرآت , آحترموآ هالطلبْ ولآ تستفسرون !

آسسفه ع آلتدخل بس تنرفزت صرآحه / الله يعين صآحبة الموضوع :eh_s(1):




,




تطبيق ( قمر دين )


سجل عباداتك لليوم ،، فكرة البرنامج جداً لطيفة ،، قد يقع أحد منكم في يوم الأيام بسبب لخبطة بالنوم أو شيء من هذا القبيل في النسيان ،، هل صليت الظهر ؟! هل صليت العصر ؟! هل صمت باليوم الفلاني ؟! هل تصدقت في اليوم الفلاني ؟! ماهي الآيه الأخيره التي أنهيت القراءة بها ؟! وهكذا يكون سجل لا يتحكم فيه الا أنت ،، تقوم بمراجعة نفسك من خلاله والجميل في الموضوع أيضاً تقديم إحصائية لسجلك ،، ويمكنك أيضاً حماية هذا السجل بكلمة مرور !.

* مميزات البرنامج :

* غداً لا يظهر بالسجل فقط يتجدد عند بداية يوم جديد.
* عرض سجلات الماضي وليس المستقبل،
* سهل جداً ضغطات بسيطه لتسجيل كل شيء
* ربط برامج القرآن وكأنهم تطبيق واحد.
* يدعم الـ Multitasking
* دعم لتحديد خيارات الصلاة / بالبيت / بالمسجد ،،الخ.
* دعم التحديد المتعدد للصدقات / كسوة / إطعام ،، الخ.
* دعم تحديد أنواع الصيام / تطوع / كفارة / قضاء ،،، الخ.
* تقديم إحصائيات لجميع عباداتك التي قمت بتسجيلها.
* حماية البرنامج بكلمة مرور.
* تحديد الجنس.

البرنامج سهل جداً ولا يستحق الشرح ولكن قمت بالشرح يتمكن الجميع من إستخدام البرنامج بشكل كامل ولا يقع عند أي نفطة تحمل إستفهام ،، فهي كما ذكرت ضغطات بسيطة لتحقيق المهمة ،،


* تحميل البرنامج :

البرنامج مجاني للجميع فالرجاء من الجميع تقييم البرنامج بكل أمانه البرنامج يستحق التقييم فهو فعلاً مفيد وسهل الإستخدام بتصميم رائع جداً جداً ،،

هنــآ

 

[[ مطر ]]

Up


Up

 

[شكشكه أوربيه]

بلييييييييز بناات ساعدوني طلبت مساعده من قرووب الايفونياات للكن ماحد عبرني

بنـــات وربي كل مابي ادخل اسجل بيناتي لفتح حساب بالايفون

يطلع لي

انت لاتستطيع خلق تفاحه هويه لانك لاتلبي متطلب الـ sge الادني

افيدوني بناات شنو يعني هذا وايش المطلوب مني

مع العلم اني سجلت بيناتي حسب مطلوبهم الايميل دخلته بس ماادري هل يقصد اني اعمل ايميل جديد او الايميل

تبعي الي اسجل فيه بالمنتدياات

ارجوا الافاده​

ابي افتح حساب بالايفوون وماني عارفه اذا فيه مجال احد يصورلي الخطوات خطوه بخطوه

او يفتح لي ايميل فيه ويعطيني اياه ع الخااص

 

[a7la w7da]

سلام عليكم
شلونكم بنات
امس وانا اسوي سيرج بـ الاي فون
قلت خل اجرب برامج من عندي يمكن موجودة كتبت barbie
وما شا الله حصلت برامج حلوة للبنات واليهال نتسلى عليهم شنسوي
واستانست اني نزلتهم عشان افيدكم و اخبركم عنهم بس ما عندي صور

يا الله ابدي بسم الله

 

[a7la w7da]

اول لعبة اسمها

i can be
من باربي طبعا
free بالاب ستور

طريقتها تفتح اللعبة على 3 باربيات
وتختارين أي باربي تبين تكونين
الاولى تسوي بيتزا وتطلع لج مقادير البيتزا وتسوينها
والثانية تسوي كيك وهم نفس الشي
والثالثة طبيبة بيطرية يطلع لج حيوان وانتي بكرامة تعالجينه وتضغطين على اكسسوارته وعطوره ويلبس ويتعطر

حلوة لليهال يستانسون عليها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اللعبة الثانية اسمها
Fairy secret
من barbie
free على الاب ستور

طريقتها تقتح لج 3 أشياء
photo وتختارين صوره من اللي عندج او تبين تصورين دايركت وتركب على صورة باربي مثل الفراشة
game هذي اللعبة تساعدين الباربي توصل للبيت يعني يطلع لج دائرة وباربي فراشه انتي بس تحركين الاي فون يمين يسار فوق وتحت لين توصل الفراشة للدائرة
وvideo بس يشغل عرض صغير للباربي 31 ثانية بس

اللعبة حلوة وتونس

يتبع

 

[a7la w7da]

كتبت وكتبت و اخر شي انمسحوا
لألألألألألألألألأ مستحييييييييييل
عصبت كتبت وااااااايد اااه
بحاول اعيدهم

 

[a7la w7da]

اللعبة الثالثة اسمها
Faishonistas
من barbie
free على الاب ستور

طريقتها
اول شي يشغل لج عرض صغير للباربيات عارضات الازياء
بعدين يعرض لج كل صور العارضات
تختارين أي عارضة تبين وتقدرين تنتقلين من عارضة للي بعدها عن طريق سحب الصورة يمين يسار
اذا اخترتي العارضة بجوفين مربع مكتوب عليه swap my style
تغيرين لبسها وجنطتها وكل شي مثل اللي انتي تبين
تقدرين تغيرين لون اللبس او الجنطه عن طريق مربع الأول في الوان
والمربع الثاني تقدرين تلتقطين صورة للباربي اللي سويتينها


................................................................................................................................................

اللعبة الرابعة اسمها
Doll'd up nails
من barbie
free على الاب ستور

طريقتها
هذي اللعبة بس للأظافر
في قائمة كلها أظافر تختارين نوع الظفر اللي تبين
اذا اخترتي تضغطين طقه خفيفة على صورة الظفر
يطلع لج
basses تفتحينه في تقريبا 8 صفحات من الوان الاظافر بأشكال حلوة تختارين اللي تبين
art هم نفس الشي تطلع لج صفحات فيها رسم اظافر وتختارين
mix it up اذا حابه تدمجينهم الرسم مع اللون اتوقع

وتقدرين تسنعينه وتحددين الشكل واللون مثل ما تبين وتقدرين تحتفظين بالشكل النهائي


اللعبة حلوة وتشوق
وذكرت أحد الردود الى وحده هني بالموضوع
تبي لعبة أظافر الى بنتها تحب هالألعاب
قلت لازم انزلها عشانها وعشان الصغيرة الله يحفظها

.............................................................................................................

اللعبة الخامسة مختلفة اسمها
CocoonGirl
free على الاب ستور

شكلها حلوة وايد بس ما تعمقت فيها
طريقتها تحركين ظفرج عشان تلحقين الاشياء الصغيرة اللي تركض مادري شسمهم
جوفوها ان شا الله تعجبكم

........................................................................................................................................

هذي الالعاب اللي نزلتها
ان شا الله عجبتكم
لأن اول ما جفت الالعاب ونزلتهم ذكرت هالموضوع لازم اخبركم وافيدكم مثل ما فدتوني​

وان شا لله طريقة شرحي كانت اوكي

 

[نور الضياء]

عن جد موضوووووووووووووووووع رائع مشكورين كلكم ياحلوات
بس انا عندي مشكله الفيبر مو واضح عندي ابدا ليش معن الكل يمدحه
والواتس اب مو راضي ينزل عندي ليش
والمشكله الاخير البرامج تعلق لما تتحمل والله تعبت
تلفوني ايفون 4g

 

[بحور الذكريات]

مرحباااااا
بنات في برنامج شكل الدولار
كل شئ بفلوس يصير اباش

 

[غدووره]

برنامج رسم حلوووو كانج ترسميين صج


:::: فري ::::

هذي رسمه رسمتها من البرنامج

حلوو البرنامج لتضييع الوقت والتسليه

 

[Q8.91]

يعطيج العافيه

موضوع مميز​

 

[a7la w7da]

pink wall paper for iphone

هذا البرنامج حده حلووووووو وعجيب يشوق
يحتوي على خلفيات وردية فقط
للاي فون

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

girly wall paper collection

برنامج يحتوي على خلفيات بناتية ملونة
و وردية تشوووق
فيه خلفيات مشتركه بين البرنامج الاول
لكن بعد يحتوي على خلفيات جديدة و حلووووة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

pink

برنامج للخلفيات يحتوي على مجموعة أكبر من الخلفيات
عن البرنامجين اللي ذكرتهم فوق
يشمل الخلفيات الوردية والبناتية والكرتون والرومانسية
والطبيعية كلها باللون الوردي

روعة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هالبرامج كلها للخلفيات بس حلوة واايد
استفدت منهم كلمة روعة شوي عليهم
يشوقووووووووووون
كل يوم اغير الخلفيات من زينهم
(الهوم واللوك سكرين والواتس اب)
كل وحده احط غير

كلهم free بالاب ستور