✿انتي وريلج وعيالج وبيتج ودوامج،،حيــــاكم ✿✾

[PuPa^^SWeeT]

^^^^^^


ام مريووووم


اي والله مقصريين بحقنا علشان تمشي السفيينة

 

[popa]

انا الحمدالله مرتبه وقتي

 

[أم يزيد &سديم&]

سبحان الله ترديدي قبل النوم مع محروسي سبحان الله 33مرة والحمد لله 33 مرة والله أكبر 33 مرة
خير من خادم والحمد لله ربي وفقني ونجحني بشهادة الجميع سواء من أهل زوجي ولا أهلي حتى خالاتي يقولون نبي نجي لبيتك مع إنه دور مو كبير مرة بس يرتاحون يقولون نحس براحة عجيبة لما ندش بيتك
كلها بفضل الأذكار وقراءة القرآن أخصص جزء من وقتي دبر كل صلاة أقرأ قرآن وإذا غفلت عن القراءة أشغل مسجل أو إذاعة القرآن الكريم وبكذا تحسي كل أمورك تيسرت
وسبحان الله كل أمووري تيسرت بفضل الله
وبعض الأحيان لما أحس بتعب أدعي اقول يا رب ساعدني يارب أعني

 

[لمست ود]

ماشالله ام يزيد انتي موظفه؟؟

 

[وردة وطني]

تبارك. الرحمن ام يزيد صج هذي المراءه ولايهونون الباقيات
بنسبه لي لأني موضفه وعندي خدامه والحمدالله ولاشغل باحد يعني بيتي وبس
وعندي طفلين والحمدالله ي رب عاد الكورس الياي بدرس ادعولي اوفق بين دراستي وبيتي
بس قبل الخدامه كانت صج معاناه خصوصا ان بنتي شيطونه
تسلمين صاحبه الموضوع والله يعين

 

[أم يزيد &سديم&]

ماشالله ام يزيد انتي موظفه؟؟
لا أنا طالبة جامعية باقي لي سنة ونص وأتخرج من البكالوريوس
وبعده بإذن الواحد الأحد آخذ الماستر
والتوفيق أولا وأخيرا من رب العالمين ثم يتشجيع أمي وزوجي

 

[نهى الأحمد]

هلاا نهووووي
بالنسبه لي انا موموظفه ولااااكن ربه بيت جيده ولا ازكي نفسي >>>> من يمدح العرووووس خخخ
أنزين
اعيالي يوم كانو نتاتيف كنت ابيت عمي يعني الاكل والشغل كله على الخدامه الا الخاص فيني
بس تعبت فيهم لأنهم ورأ بعض تقريبا
وبعدين استقليت ابيت بروحي وكنت اعاني اركض ورأ هذا وااكل هذا والبس ذاااك ولما ينامون ابدي شغل البيت بس على اخر النهار اكون منتهيه مالي خص بالريل اشوووخر مهدود حيلي من المراكض وراهم
بس بعدين يبت خدامه سهلت المهمه علي اشويه يعني بس اهتم بالتدريس والإشراف عل الاكل والنظافة
وصار عندي وقت لا باس به لزوجي والحمدلله
اما نفسي ساعات أنساها فقيره بهالمعمعه واتذكرها بعدين واروح أدلعها اشويه لاتزعل علي هههههه

هلا والله حبيبتي شدونه

نورتي الموضوع ياقلبي

ماشاءالله عليج حبيبتي مرة سنعه وقادره ترتبين امورج في بيتج


بس اهم شي

نفسج لا تهملينها

لانها بالنسبة للزوج اهي الاساس :rerrerek:

 

[do0ora]

ييتي بوقتج عسى ربي يسر امورج
انا مضغوطة من جميع الجهات والمسؤليات بحكم زوجي دوامه شفتات
انا الي اودي المدرسة واييب وانوم واقعد واعشي واطلع كل علي انا وطبعا ماقدر انام الا واليهال نايمين لمن اطمن انهم ناموا اهني انام حتى طلعات ما اقدر اطلع مع ان اعيالي بس اثنين بس صغار
وايي زوجي من الدوام يبيني اسهر ما اقدر والله ما احس بنفسي على ما يدخل عزج الله الحمام يطلع انا نايمه
حتى لمن نطلع شاليه ولا مخيم اتمنى ان نتمشى انا وزوجي بروحنا دقيقه وارد يقولي شفيج اقوله بروح اشوف اليهال
بالليل بخاطرنا نطلع سينما ما اقدر بنتي تتفز من نومها

 

[a7la_7b]

الله كريم

 

[نهى الأحمد]

وعليكم السلام حبيبتي
انا كنت مالجة وانا بالجامعة وتزوجت بعد التخرج الحمد لله
وحملت وولدت وانا ما اشتغل للحين
الحمد لله قدرت انسق بين البيت والبيبي بس احياناً اتعب وتصير الشقة معفوسة
وحالياً دشيت معهد ادرس اشغل وقتي لانه مليت من قعدة البيت والياهل عند خالتي واذا عندي امتحان ريلي وامي وخالتي مايقصرون يساعدوني ويمسكونه عني عشان ادرس
وبالاوقات العادية ريلي يساعدني بعد يعني التعاون مهم عشان الوحدة تقدر تنسق
واحاول بنفس الوقت اهتم بنفسي بشكل يومي من ناحية النظافة اهم شي والكشخة مو لازم يومية بس التغيير بالستايل والنيو لوك بين فترة والثانية
بس اتوقع مع الشغل وزيادة اليهال تزيد المسؤولية ولا بد من التعب
تسلمين على الموضوع الحلو

هلا والله ياقلبي

الله يسلمج حبيبتي مشكوره


حلو انه يكون الزوج متعاون مع زوجته ويكون فيه تعاون من اهل الزوج او الزوجه
في تخفيف الضغط على الزوجة

لكن هذا الحال مو بشكل مستمر


الزوجة لازم تحاول تتعلم من تجارب غيرها في كيفية استغلال الوقت وتنظيم امورها بالشكل الصحيح حتى ما تتراكم عليها المسؤوليات في المستقبل


عسى ربي يعطيج الصحة والعافيه حبيبتي ويوفقج ويسعدج

 

[بكيزة هانم]

upup

 

[نهى الأحمد]

تسلمين على موضوعج الحلو

الحمدلله منظمة وقتي بمساعده امي الغالية وخواتي العزيزات طول النهار انا بالدوام واوصل البيت عالمغرب عيالي يكونوا خلاص مزاهبين للنوم يعني ماكلين ولابسين البجايم اوصل اقعد معاهم والعب معاهم لحين وصول موعد النوم وانيمهم وبعدين افضى للتنظيف والترتيب والتسنيع لحين وقت العشى اتعشى ويا زوجي ومن بعد العشى للثاني يوم كله بس مجابلين بعض واقوم بواجباتي اتجاه

للعلم انا ساكنه مع اهل زوجي وبيت امي قريب من بيتنا يعنى من اصحى الصبح اطرش اولادي عند الوالده واخذهم بعد الدوام والحمدلله ببيت ريلي في شغالة يعني عليها الشغل هي وان شاء الله قريبا راح ايب شغاله خاصه بي والله الموفق

هلا حبيبتي

الله يسلمج ياقلبي مشكوره


يعني الحمدالله قادره تنظمين وقتج بالرغم انه دوامج لي المغرب وفي من يشيل عنج شوي
وقايمه بواجبج تجاه عيالج وريلج وبيتج ماشاءالله


عسى ربي يسعدج ويهنيج ياقلبي