✿انتي وريلج وعيالج وبيتج ودوامج،،حيــــاكم ✿✾

[نهى الأحمد]

السلام عليكم


والله يسعد صباحكم وأيامكم ،،،




حبيت أتكلم عن هذا الموضوع لانه رح يفيد شريحة كبيرة من المتزوجات او المقبلين على الزواج

والفائدة رح تعم على الجميع من خلال ردودكم وابداء الرأي



طبعا كل وحده عندها نظام تمشي عليه في حياتها ما بين :


نفسج


وريلج


وعيالج


وبيتج


ودوامج



والأغلبية يشتكون من ضيق الوقت لأداء واجباتها تجاه أي من اللي ذكرتهم



والكل يدري انه الوقت من ذهب


وحتى الانسان يكون راضي عن نفسه وغيره راضي عنه

لازم يعرف شلون يستغل وقته بالشكل الصحيح



في بداية الزواج ....


دلع
وناسه
سفرات
طلعات
صالون
عناية
دوام
زوارات
صديقات



بعد فترة من الزواج...

ياهل ياي بالطريج
مسؤولية
دوام،، وبعد الدوام تزهب الغدا حق اهل البيت
هم بعد وناسه وسفرة وطلعة واداء الواجب في المناسبات





وبعد فترة ...


تكثر المسؤوليات مابين الزوج والعيال وتدريسهم ومتابعة الخدامة ان كان في خدامة وترك بعض المسؤوليات عليها
والدوام




والزوجة ان ما نسقت امورها عدل ونظمت وقتها رح تحس انها مو ملحقة على شي ورح تهمل في الأشخاص اللي ذكرتهم




سؤالي لكم:



قادره تنسقين وقتج ما بين نفسج ،، وريلج ،، وعيالج ،، وبيتج،، ودوامج ؟؟





بقلمي الخاص

أختكم
نهى الأحمد

 

[شادن33]

هلاا نهووووي
بالنسبه لي انا موموظفه ولااااكن ربه بيت جيده ولا ازكي نفسي >>>> من يمدح العرووووس خخخ
أنزين
اعيالي يوم كانو نتاتيف كنت ابيت عمي يعني الاكل والشغل كله على الخدامه الا الخاص فيني
بس تعبت فيهم لأنهم ورأ بعض تقريبا
وبعدين استقليت ابيت بروحي وكنت اعاني اركض ورأ هذا وااكل هذا والبس ذاااك ولما ينامون ابدي شغل البيت بس على اخر النهار اكون منتهيه مالي خص بالريل اشوووخر مهدود حيلي من المراكض وراهم
بس بعدين يبت خدامه سهلت المهمه علي اشويه يعني بس اهتم بالتدريس والإشراف عل الاكل والنظافة
وصار عندي وقت لا باس به لزوجي والحمدلله
اما نفسي ساعات أنساها فقيره بهالمعمعه واتذكرها بعدين واروح أدلعها اشويه لاتزعل علي هههههه

 

[Perfume]

وعليكم السلام حبيبتي
انا كنت مالجة وانا بالجامعة وتزوجت بعد التخرج الحمد لله
وحملت وولدت وانا ما اشتغل للحين
الحمد لله قدرت انسق بين البيت والبيبي بس احياناً اتعب وتصير الشقة معفوسة
وحالياً دشيت معهد ادرس اشغل وقتي لانه مليت من قعدة البيت والياهل عند خالتي واذا عندي امتحان ريلي وامي وخالتي مايقصرون يساعدوني ويمسكونه عني عشان ادرس
وبالاوقات العادية ريلي يساعدني بعد يعني التعاون مهم عشان الوحدة تقدر تنسق
واحاول بنفس الوقت اهتم بنفسي بشكل يومي من ناحية النظافة اهم شي والكشخة مو لازم يومية بس التغيير بالستايل والنيو لوك بين فترة والثانية
بس اتوقع مع الشغل وزيادة اليهال تزيد المسؤولية ولا بد من التعب
تسلمين على الموضوع الحلو

 

[مشتاقة الى الله]

تسلمين على موضوعج الحلو

الحمدلله منظمة وقتي بمساعده امي الغالية وخواتي العزيزات طول النهار انا بالدوام واوصل البيت عالمغرب عيالي يكونوا خلاص مزاهبين للنوم يعني ماكلين ولابسين البجايم اوصل اقعد معاهم والعب معاهم لحين وصول موعد النوم وانيمهم وبعدين افضى للتنظيف والترتيب والتسنيع لحين وقت العشى اتعشى ويا زوجي ومن بعد العشى للثاني يوم كله بس مجابلين بعض واقوم بواجباتي اتجاه

للعلم انا ساكنه مع اهل زوجي وبيت امي قريب من بيتنا يعنى من اصحى الصبح اطرش اولادي عند الوالده واخذهم بعد الدوام والحمدلله ببيت ريلي في شغالة يعني عليها الشغل هي وان شاء الله قريبا راح ايب شغاله خاصه بي والله الموفق

 

[نهى الأحمد]

حياكم الله حبيباتي


ان شاءالله رح ارد عليكم


بس ناطرين مشاركات ثانيه فيما يتعلق بموضوعنا :eh_s(7):

 

[PuPa^^SWeeT]

انا سييدة تزوجت ريلي


سيدة مسئوليات


حملت على طووول
ولدت



وبعدييين ما ارتحت يبت الثانية بعد سنة و نص بس



الحيين شوي قاعديين انريح



الوظييفة متعبة


و مولمة



و البيت لما اترديين الظهر واتلاقين الخدامة مو بالتنظيف المطلوووب

 

[غـرامـي أنـت]

الحمدلله وقتي حييييل منظم

انا مو موظفه وماعندي شغاله

وماعندي غير بنتي وزوجي

والحمدلله كل شي ماشي تماااام

 

[ميما الاموره]

موضوع حلو
اهم شي تنظيم الوقت بس شغل البيت والاولاد مابيخلص
حتى بس يكبروا المسؤليه بتكبر معهم
وعشان البيت يضل نضيف لازم شغل 24 على 24
غير تجهيز وجبات الاكل
الحمدالله نوعا ما قادر اسيطر على مسؤولياتي
والله يعين الجميع​

 

[خالتي قموش]

مرحبا نهوي
لج وحشه

موضوعج حلو
امس كنت عند جارتي و عندها حريم
جان يسولفون بنفس موضوعج
حسدوني على وقت فراغي هههههههههههههههههههه
ماكو شغل ابد
شايله هم باجر
انا راح ابد ادرس التيرم الياي و بدور شغل
انشاء الله اقدر انسق يينهم
بس اعتقد هلشي بياخذ من صحتي و راحتي
بين الياهل والريل والبيت ونفسي
الله يعين

 

[قمورتي فطوم]

انا تزوجت كتكوتة ياحليلي عبالي الزواج كله وناسه وانصدمت
بداية حياتي ملخبطة
حملت بس زين مو ع طول حملت بعد ٧ شهور
وانا ادرس وهالسنة خلصت واحس الحين شقتي نظيفه ومرتبة على طول
قدرت انسق بين وقتي لي ولزوجي ولبنتي وللشغل
ومن ينعفس شئ اسويه ارتبه ع طول
مواعين اغسلها ع طول عشان ما اخلي شئ يراكم علي
بس مليت من جلسه البيت وبدخل بمعهد ان شاء الله قريبا اشغل وقتي فيه

الله يعيننا جميعا






استغفر الله العظيم واتوب اليه

 

[*مطبخ الذواقة*]

هلا حبيبتي منورة ..


والله اعتقد ان الوسيله الوحيده هي ترتيب الوقت

وترتيب الاشياء حسب اهميتها .. يعني مهم فالاهم فالاكثر اهميه ( ههههه )

..
وما في مانع اذا تلقيت بعض المساعده من افراد الاسره


حتى اليهال ممكن تعودينهم انهم يرتوبون غرفتهم وما يقطون زباله عزج الله على الارض ...

ومع الوقت بيصر كل شي سهالات باذن الله ...

​

 

[ام ثلاث الصقور]

والله بالنسبه احس اني مقصره في حق بيتي
يعني كل الطبخ على الخدامه انا. مااطبخ
احيان افكر ودي يوم ااخلي عيالي وزوجي ياكلون طبخي
بس مافيه مجال اطلع من الدوام تعباااانه من سهر الليل ومقابل ولدي الصغير امراضه كثيره الحمدالله والشكر
وانام العصر لازم ساعتين مو اكثر ولا اقل اذا اقل من ساعتين اتعب
اقعد من النوم ادرس العيال اخلص اعشيهم وانومهم
مايمدي اتلبس واكشخ حق عزيمه
يعني عزايم نص الاسبوع نهائي مااروح
خاطري اني انظم وقتي حق العزايم والزوارات

 

[سندس 90]

واااااي الله يعين
ترا الشي اللي يغث أكثثثر الدوااام والدرااااسه
اما ربات البيوت تتعب بس موقد اللي تدرس او اداوم
عااد الله يعييني انا كسسوله وزواج ودراسه صج الله يعيين

 

[أحبه حدي]

بيت و وظيفه و يهال وزوج وتدريس شي صعب الصراحه وفيه اوقات وايد احس إني مو ملحقه على شي احس ساعات إني داخله سباق طوييييييييييل وماني قادره اوصل لي النهايه
ما اقول إلّا الله يآجرنا ان شاءالله

 

[اندرويديه]

ترا ابجي والله لا تذكروني بنفسي ...
انا تزوجت اول شهر حامل الحمدلله ودراسه وريل وبيت حموله وهالشي متعب كان بالنسبه لي لان لو بشقتي اقدر اييب خدامه تساعدني بس المصيبه خالتي كلا تنقد وتتنرفز وما تبي خدم غير خدامتها عشان لا تخترب ... عقب سنه ونص يبت البيبي الثاني والامتحانات مصيبه واسحب الكورس والمواد تتراكم والمكان عندي عفسسسسه وما الحق على شي عقب يبنا خدامه وطفشتها والبلوه من تتعودين ان خدامه تساعدج من تروح تحسين انج ضااايعه وتعب والاجمل من كل ذلك يا اخوات اني حملت بالبيبي الثالث باااااالغلط والحمدلله العيال حلوين بس عبااااله تعبت تعبت تعبت مااادري عن ويهي والصالون هذا بيني وبينه ذكرى الايام الجميله وغير مشاكل عيالي بالبيت بما ان حمواني يهال وابتدائي وعيالي لا يحوسون صوبهم تقوم الدنيا واااي صداع طول اليوم ... لااا بعد لازم انزل انا وعيالي من الصبخ هذا قانون خالتي ولا انتي مو سنعه رافعه خشمج يعني انا بالملفع والدراعه من الصبح لي الليل وااااي..


بس ما ضاقت الا فرجت يا بنات الحمدلله تخرجت من الجامعه بعد المعاناه وهالاسبوع باذن الله بنقل لشقه جديده ونطلع من هالسجن الالزامي ولله الحمد وصلت لي خدامتي اليديده امس فمتفائله ان الحياه ممكن تكون اجمل ....

 

[<<الأميره>>]

اندرويديه
عطيتيني امل بالحياة
انا تزوجت وكنت ادرس اخر كورس ميداني والحمدلله كنت مضبطه اموري تخرجت والتزمت بشغل الحموله اللي
مايخلص حملت وبعد اول طفل للحين مسيطرة عالوضع واموري تمام
حملت بالثاني وبعد ماولدت الا موقادره الحق شي
24 ساعه افتر بشقتي واذا خلصت نزلت تحت ولازم يحوشج كلام يغث من جدتهم ولاعندي خدامه لساعتكم. هذي
بس الحمدلله حاليا متأقلمه مع الوضع ومسيطره تماما صج تعب وبس ركضه ورى العيال وشغل بيت وغسيل ملابس
وباقي المسئوليات اللي ماتخلص بس كل شي بالترتيب والنظام يتسنع

 

[روح مووود]

مقدر اقوووووول غير انى منكرفه مع عيالى وزووووجى الله يعين بسس

 

[Patcholli]

ياهلا ياهلا ياهلا
تو مانور القسم والله
هلا بالطش والرش :**




موضوعج حلو ومهم ووايد بنات يعانون ويشتكون منه وللاسف صاير اهمال كبير نتيجه لهالضغوطات اللي تعاني منها بعض الزوجات

اولا انت يازوج يا محترم
اذا تبي مرتك تساعدك ماديا وتبيها موظفه لازم اتعرف انها قاعده تعطي شي فوق طاقتها
يعني هالشي يأثر على طاقتها وجهدها بالبيت
ماتقدر المره الموظفه تجابل بيتها نفس المره ربة البيت اللي ماتشغلها وظيفه عن بيتها وتادي دورها بالبيت بدون مايشغلها شي ثاني عنه

كافي ان صاحبة الوظيفه ترد بالحر وتكون مكروفه من الصبح قايمه وحايسه وتشيل وتحط وترد البيت فوق تعبها وقومتها من الصبح لازم تطبخ وتبدل عيالها و ترضي زوجها بالاهتمام واللبس والكشخه والدلع
وهم وقت التدريس وتسوي عشى وتنظف البيت والملابس والاوتي وييلها عقب هالكراف كله يبي حقه الشرعي ..!!

متى ترتاح هالمره ؟؟
هالانسانه ؟؟

واللي يحر ان تشوفين هالزوج حارمها من الخادمه تساعدها بالبيت ..!

انزين ليش اهي قاعده تعطي فوق طاقتها ماتستحق احد يخفف عليها ؟؟ ماترحم مرتك ؟؟ ماتكسر خاطرك ؟؟

وجود الخادمه للزوجه الموظفه وايد مهم وظروري واحس بدونها المره ماراح تقدر تجابل بيتها عدل وفوق هاذا راح يصير عليها ظغط كبير وهالظغط راح يسبب اهمال كبير وتعب عالمره

انا بدون الخادمه ماقدر الصراحه واحس وجودها مخليني انسق حياتي
متى ماكنت مرتاحه اجابل بيتي واصرفها
ومتى ماكنت هلكانه وتعبانه اناديها تساعدني

 

[Sisyphus]

رفع
من حزب المعانين

 

[om MaRyooM]

الحمدلله قادرة بفضل من الله سبحانه

مع اني موظفة وام لبنتين وريلي حنان ..
بس لأن عندي شغالة وحاطة بنتي بالحضانة فشوووية الوضع متعدل


بس هذا مايمنع اني احيانا اقصر بحق نفسي .. الصالون بدال لايكون مرة بالاسبوع صار مرة بالشهرين لووول
واحيانا وايد تطلع الامور عن سيطرتها ..

بس هذي سنة الحياة


وشكرا لموضوعج المتميز