✔✔تجمــ؏ لحوامــل التــوأأأم✔✔

[مــتــنــحــة]

اشلونكم بنات
انا طبعا ولدت 7/11 قيصريه وولدت في مستشفى السلام ودكتوري احمد الشاذلي صراحه ماشالله عليه خوش دكتور علطول بلسانه ذكر الله ويقرا عليج عشان يهديج وانا صراحه كنت خايفه حيل احاتي الم العمليه وهالامور
طبعا انا رحت بالليل وكلن مقرر لي اني اسوي العمليه الصبح وحسابي انا كنت بالاسبوع 34 ويومين بس بحساب الدكتور 35 مادري شالفرق المهم خذوني الصبح ولله الحمد سويت العمليه طبعا لقى التصاقات للعمليات القيصريه القديمه وحيل تعبت من الخياط في الرحم

وجبت الحمدلله ولد وزنه 2153 وبنت 1900 وحطوهم بالشيشه بس الحمدلله ما احتاجوا تنفس صناعي ولدي كانت مشكلته تنفسه سريع وكانوا يبون ينظمونه لان مع الرضاعه كان تتفسه يزيد معدله عن الطبيعي وكانوا يرضعونه عن طريق انبوب ووزنه نزل الى 2080 اما بنتي فمشكلتها الاساسيه وزنها 1900 وطبعا نزل الى 1830 ولدي الحمدلله طلع من الشيشه لكن بنتي حبيبتي للحينها بالشيشه بس اضطريت احولها من السلام الى العدان عشان التكاليف الماديه يبون وزنها يزيد لي 2 كيلو وانشالله تطلع وافرح بطلعتها مع اخوها

الحين ولدي ماذيني من ناحية رضاعته وايد يطول على ما يرضع وساعات ما يبي يرضع وبالمستشفى قالولي مفروض يرضع 30 مللي لكن اهو ما يرضع الا 20 مللي واكمله من صدري انوعله بين الصناعي وصدري

ابي اعرف اي نوع حليب زين للخدج ويزيد الوزن عدل لان انا استخدمله الحين سيميلاك نيوشور وفي ناس ما مدحولي اياه انشالله القى عندكم اجابه

ادعوا لبنتي يزيد وزنها وتطلع مشتاقه اضمها

حبيبتي الله يفرحك بشوفتها ان شاءالله باقرب وقت يارب


شوفي يالغاليه اكثر شي بيفيدها الحين هو حليب صدرج

يوميا كل صبح اخذي لج حليب كامل الدسم وفوحيه مع ملعقه كبيره حلبه وملعقه صغيره كركم وحليه بالعسل

واكلي تمر ، وخضره خضرا ، وحاولي قد ماتقدرين يكون اكلج صحي عشان تدرين حليب اكثر

وبالنسبه لشغلات تكبر الجاهل بس الطبيعي ماادري والله اذا تناسب الخدج ، اسالي عنها الدكتور احسن

حليب بيبي لاك حلوووو ويمتن الجاهل بس فيه جهال يناسبهم وفيه لا،

اخذي 3 تمرات حطيها بكوب وصبي عليها ماي دافي وحركيها بالشوكه لين تذوب بعدين اشخليها برضعة

الجاهل وعطيه ، هذي روووووعه باذن الله،

اذا وصلوا ال4 شهور او 5 شهور ، اكسري نص بسكوتة فارليز بعد ماتخضين الحليب وخضيه مره ثانيه لين تذوب

وحافظي على وقت الرضعات عشان تتوسع معدة الجاهل ويتقبل الاكل ،،

وموفقه يالغاليه ?

 

[دلــــع الكويت]

الحمدلله على سلامتج
وبقولكم بنات والله انا مجربته بكل عيالي
حليب روعه للجاهل بس مو مجود بالكويت
واخذ كراتين منه
موجود بالسعوديه اسمه ماييل ماما
روعه وراح تدعون لي من اول شهر يبين
يمتن الجاهل

 

[Mawiya]

ماويا ربي يسهل عليج وتولدين بالسلامه

ويسهل علي وعلى جميع بنات هالتجمع الطيب

ومبرووك عليج الولدين والبنت

بالنسبة للأسامي أحس التوائم حلاة تكون احرف اساميهم متشابه

مثلا شهد وفهد وحمد

ربي يبارك لج فيهم وارتاحي كثر ما تقدرين
حولي دايم ترفعين ريولج .

 

[HOT^CHOCOLAT]

مساء الخير
ماويا أنا معاج بالاسامي خلاص قررنا فهد وشهد انشالله
أنا بنتي كنت استخدم سيميلاك نيوشور سنه كامله ماغيرته صج ماتخرج بس كان يغذيها حيبيبتي أحسن حليب اهو لاتغيرينه
متنحه ربي يكتبلج التوم انشالله وتنظمين لنا قريب

 

[دلــــع الكويت]

اي انا نفسي بشهد وفهد بس كل عيلت زوجي
فيهم شهد وفهد

 

[مــتــنــحــة]

مساء الخير
ماويا أنا معاج بالاسامي خلاص قررنا فهد وشهد انشالله
أنا بنتي كنت استخدم سيميلاك نيوشور سنه كامله ماغيرته صج ماتخرج بس كان يغذيها حيبيبتي أحسن حليب اهو لاتغيرينه
متنحه ربي يكتبلج التوم انشالله وتنظمين لنا قريب

حبيبتي الله يسلمج ويجزاج خير يارب ويهون عليج يارب ?

 

[سكره في زمن مر]

بنات طلع معاي التهاب بكتيري بموت من الالتهابات ذبحتني حتى قبل لا احمل والله خايفه من الولاده المبكره الله يسهل يارب بغيت اسالكم ربي يعافيكم عطتني تحاميل الدكتوره ومضاد بنات التحاميل مهبليه مااقدر ادخلها داخل احسها ماتدخل لما اقعد من النوم القاها نازله ماني عارفه احطها وانا قاعده وانا واقفه وانا منسدحه بس مو عارفه انتم شلون تحطون تحاميل مهبليه عشان تظمنون انها دخلت واستفدتو منها تكفون ردو الله يسعدكم

 

[احساس السعوديه]

موني حبيبتي الف الحمد لله على سلامتك وسلامة الحلوين
وربي يفرحك بطلعة البنوته يارب ويطمن قلبك
الحمد لله اهم شي انكم كلكم بخير وهذي فترة وتعدي ان شا الله
انا الحليب ماعندي خببره



هوت شوكلت عاشت الاسامي حلو اختياارك موفق شهد وفهد حلوين
انا كنت اذا ولد بسمي فهد ومحمد
بس بنات مدري مو عارفه قلت شهد وعهد بس عندنا شهد بعيلتنا
ولابعارفه للحين
اللي بنتين تقولي وش بتسمي اغش منها اسمي مثلها



متنحه ربي يرزقك بالتوم المتعافين
وماشا الله شكلك خبره بالاطفاال ربي يحفظك


دلع حبيييبتي مبروك الولدين والبنووته حياتي بلحالها
ربي يحفظهم ويتمم لك وتشوفينهم بصحه وسلامه
خليها ملاك مع عبد الملك احلى

 

[احساس السعوديه]

ماويا ربي يسهل عليك انتي قبلي بشهر تقريبا




الحمد لله ولدوا منا 4 شيطونه وسمو النفس وروزماري وموني

الله يسهل لنا الباقي بصحه وسلامه ويرزق من يتمناهم يارب



سكره حاول يدك فيها ماي اشوي ودخلي وبالسبابه دخليها لداخل ورفعي رجولك
وحطيها قبل النوم احسن شي
وماتشوفين شر الله يعينك

 

[Mawiya]

مساء الخير
ماويا أنا معاج بالاسامي خلاص قررنا فهد وشهد انشالله
أنا بنتي كنت استخدم سيميلاك نيوشور سنه كامله ماغيرته صج ماتخرج بس كان يغذيها حيبيبتي أحسن حليب اهو لاتغيرينه
متنحه ربي يكتبلج التوم انشالله وتنظمين لنا قريب

وايد حلوين هالاسمين مع بعض ربي يرزقج شوفتهم ويفرحج فيهم

عاد انا قلت هالاسمين مثال .

بالنسبة لتوم البنات حلو دانة وداليا بعد

غلا وحلا او هلا
امممم عالية وغاليه

 

[HOT^CHOCOLAT]

مساؤ ياعسولات
ماويا تسلمين حبيبتي من ذوقج حبيبتي وانتي بعد ربي يتمم عليج أنشالله وتمكينهم بحضنج
احساس عاشت ايامج حبيبتي تسلمين لي أنا اخت رفيجتي فيها بنات وبتسمي على امها منى والثانيه مناي والله يسهل عليكم يارب
سكره حبيبتي ماتشوفين يارب حاولي بصبعج تدخلينها وانتي منسدحه ونامي عقب أنا جذي ربي يشافيج ماعليه كلنا معرضين للاتهاب

 

[سكره في زمن مر]

بنات يعني اذا نزل مني الصبح شي معناه التحميله نازله ولا ينظف رحمي مدري انجنيت بنات ساعدوني

 

[HOT^CHOCOLAT]

بنات يعني اذا نزل مني الصبح شي معناه التحميله نازله ولا ينظف رحمي مدري انجنيت بنات ساعدوني

لاتحاتين تكون نظفت الرحم من البكتيريا عادي اذا نزل لأنها تذوب لاتخافين

 

[مــتــنــحــة]

بنات يعني اذا نزل مني الصبح شي معناه التحميله نازله ولا ينظف رحمي مدري انجنيت بنات ساعدوني

حبيبتي اسمحي لي رديت عليج وانا جديده عالتجمع ،

بس اذا انتي متازمه من التحميله قوليلهم يعطونك مضاد غير ،

حبوب او شراب ،

واذا فيك التهابات حاده اكيد ماتشربين ماي بكميات كافيه

حطي قدام عينك بمكان دايم تقعدين فيه دولكة ماي كبيره وقلاص ،

وكل بين فتره وفتره اشربي ، ليما تخلصينها ،


الماي ينظف المسالك البوليه والرحم باذن الله ،

حاولي باليوم تخلصين ثلاث من الدولكه الكبيره ،

ونقعي لك مره بعلبه كبيره وتشطفي فيها بعد ماتغسلين ،

باذن الله تفيدك ماتضرك

وماتشوفين شر ان شاءالله

 

[سكره في زمن مر]

مشكورين بنات ياللي ردو ماقصرتو

متنحه حبيبتي انا اخذ مضاد مع التحاميل الله يعين

 

[Mawiya]

ماويا ربي يسهل عليك انتي قبلي بشهر تقريبا




الحمد لله ولدوا منا 4 شيطونه وسمو النفس وروزماري وموني

الله يسهل لنا الباقي بصحه وسلامه ويرزق من يتمناهم يارب

انا امس رحت موعدي وقالي الدكتور بيوقف ابر التثبيت الاسبوع الياي
اد احاتي يوقفهم وتصير ولادة مبكره شكلي بكمل الابر لي اخر رمضان

ربي يسهل علي وعليج وعلى كل حامل يارب

 

[مــتــنــحــة]

انا امس رحت موعدي وقالي الدكتور بيوقف ابر التثبيت الاسبوع الياي
اد احاتي يوقفهم وتصير ولادة مبكره شكلي بكمل الابر لي اخر رمضان

ربي يسهل علي وعليج وعلى كل حامل يارب

حبيبتي الله يهون عليج ويسهل امورج،

اذا وزن البيبيات طبيعي وزين،

وكنتي بشهرج خلاص وقفي الابر

لاني سمعت ان كثرة المثبتات تصعب الولادة الطبيعيه اذا ناويه عالطبيعي

والافضل تستشيرين اكثر من دكتور قبل توقفين الابر

يمكن فعلا الدكتور استعجل على توقيف الابر

واستخيري وادعي عشان ربي يكتب لج اللي فيه الخير

 

[احساس السعوديه]

ماويا حبيبتي ربي يسهل عليك ويتمم لك للتاسع يارب بصحه وعافيه

انتي حملك بعلاج ؟؟
وش اسم الابر اللي تاخذينهم ؟؟



انا بعلاج واخاف من المبكره بس كنت اخذ تحلميل سايكلوجيست وابر انهوبي بس وقفتهم من بداية الرابع تقريبا

 

[عاشقة هواك]

انا راضيه بواحد بس يكون بصحة وعافيه هذا كافي والله

 

[Mawiya]

حبيبتي الله يهون عليج ويسهل امورج،

اذا وزن البيبيات طبيعي وزين،

وكنتي بشهرج خلاص وقفي الابر

لاني سمعت ان كثرة المثبتات تصعب الولادة الطبيعيه اذا ناويه عالطبيعي

والافضل تستشيرين اكثر من دكتور قبل توقفين الابر

يمكن فعلا الدكتور استعجل على توقيف الابر

واستخيري وادعي عشان ربي يكتب لج اللي فيه الخير

متنحة انا دكتوري هو مستلم علاجي من قبل لا احمل وحيييل اثق فيه

انا توني داخله السابع والمفروض ولادتي بعد شهرين اقل شي...

ربي يسهل الامور من عنده بروح له الاسبوع الياي واقوله بس ابي

اخذهم اسبوع زيادة عشان اعدي رمضان ان شاءالله .

بالنسبة للإستخاره انا مصليه استخاره باختيار الدكتور نفسه

ودام ربي كتبلي الحمل عنده موكله كل اموري لله هو يختارلي الافضل .