✔✔تجمــ؏ لحوامــل التــوأأأم✔✔

[روزماري]

سمو ما تفقدين غالي فديتج
انا الحمدلله بخير احوس على شغل الاستقبال للحين ضايعه


mawiya

صح كلام دكتورج الإمساك طبيعي
و الحديد يقدر يعطيج نوع ثاني ما يسبب إمساك

انا دكتورتي معطتني فيتامينات شامله الحديد و كل شي

 

[shayto0oNa]

استراليا الف الف مبروووووك وحمدالله على سلامتج وايد فرحت لج


قرت عينج

 

[" ذوق "]

صباح الخير مادري ليش ملينتقل معاي لصفحه الاخيره

 

[Mawiya]

صباح الخير


مبروك استراليا يتربون بعزكم وحمدلله على سلامتج
باي مستشفى ولدتي ؟ وشلون كانت عنايتهم فيج ؟!



روز ماري هو قالي باخر الحديد شوي بس عشان الامساك
واذا رحتله هالمره باسئله متى ابدا بالبرغنا بلان



بنات بالنسبه للعنايه من التشققات شنو ناوين تستخدمون او استخدمتوا

انا بس استعمل بعد السبوح زبدة الشيا من فكتوريا سيكرت
ومرات احط لوشن بالمر بزبدة الككاو ماخذته من الاتحاد

بصراحه مابي بعد الولادة بطني تصير زيبرا
ربي يقومنا بالسلامه

 

[" ذوق "]

حمد الله ع سلامتج استراليا
بالنسبه للعنايه بس احط بالمرز وبذات اذا حكني بطني لاان حك البطن معناته توسع

 

[حرم_طيار]

حرم طيار
بلييييز شلون قدرت توافقين بينهم

يعني رضعتهم ونومتهم ولعبهم وسبوحهم

هلا والله الوضع ماكان سهل ابدا..ماكنت اطلع واروح مكان كلش كله قاعده بالبيت مع ان كان عندي خدامتين..الوضع كان وحده اتنام والثانيه اتقوم:eh_s(11):
امي كانت اتساعدني انا كنت امسك البنات فتره الليل واهي فتره الصبح

 

[حرم_طيار]

استراليا ربي يسهل عليج حبيبتي طمنينا عليج



حرم كلمينا عن فتره النفاس شلون كان الوضع بينهم اثنينهم ،؟؟؟

النفاس الله يسلمج اول 18 يوم كان عندي بنت وحده من البنات الثانيه كانت بالمستشفى لانها كانت صغيره..الوضع كان عذاب كان كل يوم لازم اطلع واروح لها المستشفى اشفط لها حليب واخر ايام صرت اروح لها مرتين واخلي الثانيه عند امي..

 

[روزماري]

مساء الخير


حرم الطيار
الله يخليهم لج و كل تعب باجره ان شاء الله

 

[روزماري]

انا للحين ما استخدمت شي لبطني
عنايتي بسيطه استخدم الخلطة الصابونيه مره او مرتين بالاسبوع
و الحمدلله بشره جسمي حلوه ما تغيرت
بس رقبتي مو راضيه تفتح كلش للحين سمره حيل كل شي استخدمته ماكو فايده

 

[Mawiya]

انا للحين ما استخدمت شي لبطني
عنايتي بسيطه استخدم الخلطة الصابونيه مره او مرتين بالاسبوع
و الحمدلله بشره جسمي حلوه ما تغيرت
بس رقبتي مو راضيه تفتح كلش للحين سمره حيل كل شي استخدمته ماكو فايده

اذا السمار يالج مع الحمل يروح بعد الولادة ان شاءالله
انا استخدم صابون مغربي والحمدلله زين
بس احاتي تطلع علامات بالجلد مع الحمل

 

[نرجس 2]

قوه بنات شلونكم ابشركم ولدت بالسلامه يوم اليمعه ويبت بنات طبيعي الحمدالله وولادتيً ربي لك الحمداللخ تيسرت ودتورتي فوزيه القطان ماقصرت يعطيها العافيه والبيبات وزنهم وصحتهم زينه ماشالله تبارك الرحمن

ما شاء الله تبارك الرحمن
الحمد الله على السلامه حبوبه :yaaaaaarb:
والف الف مبروك البنوتات يتربون بعزكم يا رب وتفرحين فيهم

 

[shayto0oNa]

انا كنت استخدم بيوتي ماما من بوتس والحين بديت استخدم قود باي زيبرا من قراس لان ترطيبها كثييييييييف وهي عباره عن زبدة الشيا وزبدة المانقا وزبدة الاوفوكادو


واستعمل خلطة الصابون الافريقي بالسبوح مع سنفرته


وحمدالله للحين جسمي نفس ما اهو لا غمج ولا فتح والله يستر من الياي ههههه

 

[روزماري]

Mawiya
اي من الحمل مع انه ولاشي تغير فيني بس هالشغله معقدتني ��

 

[Your Dream]

اسسسسسسستراليا

الحمدلله عالسلامه وألف ألف مبروووووك

شلون البيبيات ؟ ان شاء الله ما احتاجوا شيشه

 

[روزماري]

شيطونه


انا نفسج ما تغير شي بلعكس احس فتحت حييل بس رقبتي
و من الثقه الزايده صرت اقول يا كثر هوالات الحريم وين الزيبرا و السواد اللي يقولون

شكلي اخر شهرين بيقلب جلدي صج ههههههه ������

 

[shayto0oNa]

وي وي لا ان شاء الله يظل جذي تفاءلت فيج ان شاء الله تقومين بالسلامه انتي والبيبيات اهم شي


بس يمه منا طماعين نبي كل شي ههههه وحلو الوحده تهتم بجسمها

 

[om la6ofa]

ماشاالله استراليا مبروك و الله يسهل عليج النفاس انشاالله والله يهنيكم

 

[Mawiya]

شيطونه عدل كلامج البيبيات اهم شي

بس شنسوي لازم عنايه بالجسم يكفي الوزن اللي بنكسبه من الحمل

انا رفيجتي زاده مع الحمل من ٥٦ الي ٨٦ بالتاسع

امبيه ما اتخيل نفسي ازيد ٣٠ كيلو

وشلون بنزلهم

 

[سمو النفس]

استراليا

الحمدالله ع السلامه وربي يحفظج انتي وبناتج يارب

 

[سمو النفس]

بنات شلوونكم وشلون الحمل معاكم

شنو تجهيزاتكم ،،؟


انا تقريبآ خلصت البيبيات وخلصت شغلي بس باقي اشيآ خفيفه