✔✔تجمــ؏ لحوامــل التــوأأأم✔✔

[" ذوق "]

هتيي بنات شلونكم

 

[" ذوق "]

جم يكون وزن البيبي الطبيعي في بدايه السادس لان احس انهم صغار حيل عن طبيعي ودكتوﻻتي ماوصفت لي حبوب كالسيوم

 

[سمو النفس]

استراليا حبيبتي ربي يسهل علييج وتتسهل ولادتج



ذوووق اسآلي دكتورج اذا وزنهم طبيعي ولا لا وقوليلها تصرفلج كالسيوم ضروري

 

[love^angel]

السلام عليكم انا ولدت يوم الاحد الحمدلله باول يوم بالاسبوع 38
موعدي كان قبلها بعشر ايام والدكتور قال اذا ما ولدتي للسبت راح اولدج بطلق صناعي لنه المشيمه ماراح تتحمل اكثر
رحت السبت بليل حطولي الطلق و ظليت اطلق للصبح الساعه 11 وما انفتحت الا 1 سانتي
بعدين تعب الصبي و قل نبضه و خرج فبطني قالو خلاص عمليه بس انصدمت عقب الولاده طلع وزن الولد 1.790 والبنت 1.850 طلع وزنهم نازل اخر الايام و حطوهم بالشيشه . الصبي احتاج اكسجين يوم واحد بعدين حطولهم دريبات تغذيه. البنيه يومين وشالوه قامت تشرب حليب بس اخوها لنه صار عنده تسارع بالتنفس و حطوله اكسجين ف شوي نشاطه خامل كله نايم و غصب تقبل الحليب . البنت انشالله اليوم تطلع و اهو بيظل بعد جم يوم لحد ما يتحسن نشاطه و يستجيب للعلاج اسرع. ادعوله والله قلبي معورني عليه و احاتيه اخاف كل هذا يأثر فيه و يكون مو طبيعي وايد اوسوس و افكر والله وهم خايفه شلون بعتني بأخته و اهي نتفه ما كملت كيلوين
الله يسهل عليكم و يقر عينكم بشوفة عيالكم بصحه و سلامه يارب

 

[شيخه_البيض]

لاف انجل الحمدلله ع سلامتج

ان شاءالله ماعليهم شر وتشوفين ولدج باحضانج بصحه وعافيه

 

[Australia girl]

لوف انجل الحمدالله علا سلامتج انتي معاي بالظبط والدكتوره ماقالتلي شي عن صغط المشيمه وبالنسبه لوزن البيبات اخرً سونار جم كان وزنهم وشلونج بعد العمليه

والله يقوم ولدج بالسلامه ويشفيه

 

[بنفسجيه_Q8]

الله يسهل عليكم ويرزق كل محروم

 

[سمو النفس]

لووف انجل الحمدالله ع السلامه وربي يخليلج عيالج وان شاء الله مافيهم الا العافيه وعليج بالدعاء ويارب يطلعون بالسلامه

 

[غارقة بأحزانها]

الحمدلله ع السلامه لوف انجل والله يسهل عليج انا استراليا

انا الحين بالاسبوع ال ٢٩ ونفسيتي تعبانه حده من الثقل والتعب

واحاتي حيل الحكومه يبون يولدوني بالاسبوع ٣٢ لان يقولون ان المشيمه ماراح تتحمل

ودكتوري عمرو عصام يقول لا عادي تقدرين تكملين واهو معطيني ان ابجر موعد للولاده اذا كان كل شي طبيعي ٣٤ اسبوع


اهما الحين اوزانهم ١،٢٨٠ و ١،١٨٠

وانا توامي من نوع مشيمه وحده
بس مختلف بسالفه جم جيس الحكومه يقولون جيسين ودكتوري يقول جيس واحد

 

[غارقة بأحزانها]

يور دريم الحمدلله ع سلامتج والله يقوم عيالج بالسلامه

انا خذيت ابر الرئه في الاسبوع ال ٢٨ والله كريم

 

[love^angel]

الله يسلمكم و يقومكم بالسلامه
وزن عيالي قبل الولاده بعشر ايام كان كيلوين ونص بس اتوقع هالوزن تقريبي مع الماي والجيس يمكن و هم اخر ايام المشيمه بدت تتكلس و صارت ما تغذي عدل مع انهم كل واحد مشيمه بس الدكتور يقول لنج بجر و توأم يعتبر هذا وايد عالرحم مونفس لما يكون ثاني او ثالث حمل عشان جذي ما تحمل بس الحمدلله كل شي اوكي اللهم سالفة الوزن

 

[أأأميرة الورد]

الحمدالله على سلااامتج والف مبرووووووووك لوف انجل

حبيبتي اذكرج قلتي مره انج مسويه تكميم


اذا مو آنا غلطانه


شلووون وزنج مع الحمال ما زاد وايد ؟؟؟

وماتاثر التكميم على البيبي يعني مايتغذى عدل ؟؟؟؟؟

 

[Australia girl]

لوف انجل بديت احاتي والله لان على سالفة الوزن انا قبل ٣ اسابيع كانو ٢٥٠٠ وبعدها باسبوعين مراجعتي مازادو كلش الدكتوره قالت عادي بشوف الاثنين عندي موعد اخاف مثلج مشيمتي ماقامت تغذي عدل

 

[Your Dream]

مشكورين حبايبي والله يسهل عليكم

انا ماباقي شي واطلع انفاسي والبيبيات للحين بالشيشه

اوزانهم اول ماولدت ١١٠٠ كلواحد وعقب الولاده بيومين نقص وزنهم وبعده بيوم زاد

ويقولون هذا الطبيعي

خليتهم بالخاص اسبوع وصراحه تماليف وايد وهم الدكاتره ماكو تخصص

وحولتهم الفروانيه
والله يطلعهم بالسلامه

 

[سمو النفس]

يور دريم ربي يطمن قلبج ويطلعوون بالسلامه يارب وتفرحين بشووفتهم



بسراحه حمل التوآم يخووف بآي حزه توقعي الولاده من السابع خلاس الوحده ماتدري متئ تولد والله خايفه وكله افكر واحاتي يارب تريح بالي واطمني ونولد كلنا بالتاسع ،،

 

[شيخه_البيض]

اللهم امين سمو

انا نفسج الوسواس لاعب فيني كل اقول بجهز الحين وبقعد لان احس بولد بالسابع

 

[سمو النفس]

شيخه البيض انا جهزت ولالحين ماخلصت ربي يسهل علينا

 

[شيخه_البيض]

اللهم امين سمو

اليوم شفت سرير للبيبي حق النفاس حلو للتوام

السرير ينشال وااايد عجبني دقيت وطلبته

اختي تقول ماشافت مثله اهني

وانا ماراح اخليهم يشترون اغراض وايد بالاربعين بجهزلهم معاي

اما حق النفاس شغلات عمليه بس جم قطعه حق لمن الناس ايون

 

[حياة ريلي]

بنات بتسوون استقبال بالمستشفى ؟

 

[Australia girl]

الله يسهل يارب