✔✔تجمــ؏ لحوامــل التــوأأأم✔✔

[katrina90]

ههه جوزائيه ابي تمشي الايام واخلص من تعب الحمل حتى لو مجابلهم صعب امي تقولي انتي تقولين جذي لانج ماجربتي بس عادي حتى لو جربت اخلي احد يساعدني مو بروحي بس لو رحت لشقتي هني المشكله لان اكره ماعندي الخدامه تمسك اليهال فراح اتعب بس يهون التعب عشانهم >> اشجع نفسي هههه واعطي البنات دافع

 

[حسآيِف]

انا ان شاءالله عند دكتورة اسمها امل حسام ..
//
ههههههههههه

والله كاترينا جوزائية معاها تعب بالحمال وتعب بعدين
بس على قولة امي تقول كنا نتعب ونتعب وبس نشوف ضحكتكم ننسى التعب كله

 

[Dream_hope_love]

جورائيه شلونج شلون وضع اليهال معاج
انا قاعده خدامه وحده تكفي لان ماراح اقعد
عند أمي بالنفايات واحاتي
انا قلت لكم أتابع أمريكية وزوجها صارلها شهرين
والده توأم بنات و تحط يومياتها وشلون مجابلتهم
ماشاء الله عندها ريل عن عشر سسترات مجابلهم
معاها ومرت اخوها ساكنه عندهم تساعدهم الصبح
وفتره النهار وأمها تمر عليها كل يوم وترك
عاد انا قلت أمريكية جذي ماشاء الله انا شسوي
ماعندي احد وريلي مستحيل يساعد بنص شي
احط سستر ولا شبتسون بنات

 

[Dream_hope_love]

شلونكم بنات مابقي يشتغل المنتدي
ولهت عليكم

 

[حسآيِف]

اي والله ما بغى
بس المشكلة قاعدة ادش المواضيع عن طريق اضافة رد ..
غيره ما يصير



المهم شلونكم شخباركم

شخبار البوبوات

 

[Dream_hope_love]

الحمدالله رب العالمين
طلع بطن الحين شويه بس الحمدالله مو وايد زايده
مع اني صايره كله يوعانه
بنات متي خذيتوا راحتكم بالحركة والطلعه
انا ما سويت ربط الدكتوره مارضت تقول ماله داعي

 

[angel of love]

بالتوفيق ان شاء الله

 

[Dream_hope_love]

بنات شلونكم
كل عام وانتوا بخير وعساكم من عواده
شلونكم مع الصيام

 

[بنت الكويت90]

يحلوكم الله يهون عليكم انا حامل بس بواحد هههههه
بس عمتي جابت توم وجابت سستر اصلا ماعندج اربع ايادي تجاابلينهم خصوصا اول شهر





اكيد يحتاج سستر اصلا ماراح تلحقين واحد بحضنج ترضعينه والثاني يبجي ولاواحد نايم والثاني يبجي يقعده ولا واحد مريض ويعادي الثاني ودي واحد مستشفى والثاني يمرض وردي اخذيه مستشفى لااااازم سستر علاقل اول اربع اشهر تقعد معاهم وانتي معاها

 

[سمو النفس]

صبااحووو شلوونكم





الله يهوون عليكم وتولدوون بالسلامه صج حماله التوائم صعبه ولاولدتوا اصعب بكثير من الحين اخووفكم ههههههه




عيالي تمووو سنه الحمدالله ونصيحه كل وحده حامل بتونز لازم خدامتيين لاتغلطون غلطتي والله طوول الاربعين كنت ابكي بس امي فديتها كانت تساعدني حييل

 

["*آآآنؤؤؤقهـ*"]

مشااءالله لاحول ولاقوة الابالله

الله يتمم عليكم ويسعدكم


وادعولي بالتوائم الصالحه المتعافيه



جزاكم الله خير

 

[Dream_hope_love]

مشكوره سمو
ياريت تقولينا عن تجربتج مع التوام بالأربعين

 

[سمو النفس]

اهليين دريم ،،، بالأربعين شووي تعب بس امي وخواتي يساعدوني مخليني علئ راحتي وولدي معاي وبنتي معا امي كل ماقامت ترضعها وتلبسها وكل شي وولدي معاي يعني ماحسيت بضغط كبير ،، بس لمن رحت لشقتي توووهقت وكانت وقتها عندي خدامه ماتعرف شي وماارتحت لها غيرتها وجبت خدامه لتنظيف بس وبدأ مشوار التعب كل يووم كنت ابكي بصراااحه ومانام ولااقدر حتئ اتسبح انضغطت اثنينهم معاي بدون خدامه يعني نصيحه نصيحه دريم علمي خدامتج وقت الاربعين خل تشوفج لان مراح تقدرين علئ اثنين لارحتي بيتج ،، واذا تقدرين جيبي ثانيه وحده تساعدج بالعيال والثانيه حق تنظيف وكل شي ،، زوجي كان رافض فكره خدامه ثانيه بس لمن شاف الووضع بعينه قااال لامايصير واقتنع

 

[عن النسآ أفرق ~]

صباح الخير بنات ..♡

الله يتمم عليكم بصحه وعافيه


انا حامل بتوآم الحمدلله .. بداية الشهر الثالث
واخذ مثبتات وفيتامينات والامور الحمدلله ماشيه

الدكتوره انصحتني بالربط .. تقول سواء عنق الرحم زين او ﻻ
انا محتاره شرايكم ؟


الله يتمم علينا بخير ♡

 

[سمو النفس]

صباح الخير بنات ..♡

الله يتمم عليكم بصحه وعافيه


انا حامل بتوآم الحمدلله .. بداية الشهر الثالث
واخذ مثبتات وفيتامينات والامور الحمدلله ماشيه

الدكتوره انصحتني بالربط .. تقول سواء عنق الرحم زين او ﻻ
انا محتاره شرايكم ؟


الله يتمم علينا بخير ♡

الله يتمم عليج وتولدين بالسلامه انا ماسوويت ربط ،،، سوي ربط اذا انتي خايفه احتياط والدكتوره تحدد اذا تحتاجين ولا لا

 

[عن النسآ أفرق ~]

مشكوره سمو
اللهم امين ♡

 

[سمو النفس]

مرحباااا صبااايااااا





شلووونكم

 

[روج كرزي]

هلا سمو شلونج انا الحمدالله ولدت بس ولاده مبكرة ثاني اسبوع بالثامن وقعد ولدي بالشيشه اسبوع والحين رد تنوّم المستشفى فيه كحه قويه وحراره وعاطينه مضاد والبنت وديتها خاص عطاها مضاد وادوية فيها بعد كحه قويه خفت تنوم بعد وجذي مااقدر وانا نفاس.. ولدتهم كيلو و800 والبنت كيلوين ولادتي كانت بسبة الطلق وبطني وظهري عوار صج الحمل تعب بس التوأم دبلااااااات يارب تأجرنا ،. واما الخدم مايبردون الجبد انا عندي بنتي عمرها 3 سنين وعندي خدامتين وبنتي حيل متعلقه بخدامتها وماقدر اخليها بروحها لانها اذا زعلت او تعورت تزرق شفايفها وتطيح مغشي عليها ،..وبالليل اجيب لهم ممرضه ومرتاحه حمدالله عالممرضه من 9 الليل لي 9الصبح وان شاءالله ليما يكبرون جذي 3 شهور،.
الحين بنتي تغار من اخوانها التوام لانه دلعناها حيل،. الله يعينا ويصبرنا وياجرنا يارب ،.
اول ايام من نفاسي حاشني اكتئاب ماقدرت اسيطر والتوام يبجون بالليل ومع بعض وصغار حيل وجربت كذا ممرضه موشي ليما طلبت وحده الحمدالله ارتحتلها ،.. وانتي سولفيلي عن توأمج الله يخليهم لج،.

 

["*آآآنؤؤؤقهـ*"]

الحمدلله على السلامه واالله يخليهم لجج

 

[روج كرزي]

الحمدلله على السلامه واالله يخليهم لجج

الله يسلمج انوقه