✔✔تجمــ؏ لحوامــل التــوأأأم✔✔

[HOT^CHOCOLAT]

صباح الورد
ههههههه ام الزهايمر صايرين لاحول الله
ريلج ههههههه يبيج ترتاحين من التعب حاس فيج
ماويا أنا مخي مقفل جنه قتلكم عنه ولا ناسبه تطعيم بس بالحكومه الخاص ماعندهم لكلاب قبل أمس دريت عن التسمم بالسادس والثامن يقزونج اياه

بنات سويت جريمه أنا وريلي وحدي مرعوبه الحمدلله لحد الحين مانزل دم الله يستر

 

[روزماري]

لا تحاتين وكلي امرج لربج
و خففوا شوي لين تعدين الثالث و عقبها سهالات ان شاء الله

 

[HOT^CHOCOLAT]

توكلت عليه ونعم بالله الله يحفضهم
الله يجزاج خير روز وهون عليج

 

[سكره في زمن مر]

شخباركم بنات اعذروني ماادخل كثير اتطمن عليكم بس حبيت اقولكم اليوم المغرب بسوي عمليه الربط وبصراحه ميته خوف طمنوني ياللي سويتوها انا ماعمري بحياتي سويت عمليه ????

 

[HOT^CHOCOLAT]

هلا والله سكره لاتخاتين كلش ماتحسين وسهله الله يهون عليج اخت رفيجتي سوتها والحمدالله سهاله جم لج سكره الحين

 

[سكره في زمن مر]

اسبوعين بالرابع

 

[HOT^CHOCOLAT]

الله يتمم عليج يارب

 

[Mawiya]

سكره ربي يحفظج من كل شر انتي والبيبي


هوت شوكليت جريمه مره وحده ما تأثر لكن لا تكثرون

 

[دلــــع الكويت]

موني مشكوره على الموقع

 

[دلــــع الكويت]

الله يسهل عليكم يابنات
وبشرونا

 

[دلــــع الكويت]

انا الاسبوع الجاي عندي عملية ربط
وحدي خايفه اول مره اسويها
ياحياتي سكره طمنيني شنو يصير معاج
وربي يقومج بالسلامه

 

[HOT^CHOCOLAT]

ماويا أي لا بس كلها أسبوعين ادش الرابع تعدي مرحله الخطر انشالله
طمنينا سكره عفيه عليج الله يقومج بسلامه

دلع الله يجزاج خير يتمم عليج وقومج بسلامه

 

[رمـ شمر ـش]

سكره ودلع
الله يسهل عليكم العمليه
بسال ليش قرروا لكم الربط عندكم ضعف بعنق الرحم ؟
ولا بس جذي احتياط ؟

 

[بنفسجيه_Q8]

الله يتمم عليكم ويرزقني

 

[HOT^CHOCOLAT]

رميش شمر موعن ضعف يكون الرحم مبطل فيسكرونه عشان مايصير ولاده مبكرة لاتسمح الله
بنفسجيه يالله بليله الجمعه يرزقج بالي تتمنين توام انشالله

 

[احساس السعوديه]

سكره ودلع ربي يسهل عليكم عملية الريط

موني وروز هانت حبيباتي ربي يهون عليكم بالسلامه
الحمد الله سهالات ان شا الله
ويارب تبشرونا بسلامتكم وسلامة البيبي


هوت شوكلت لاتحاتين ان شا الله خير
ويارب ماتحتاجين ربط
وقريب تدخلين الرايع الحمد الله

انا بقول لكم وضعي بالاسبوع 13 تقريبا قالت لي الدكتورة انه ولدين واضححححح
والحمد الله قررنا الاسماء
بس قالت بتأكد الشهر الجاي



الصدمه




بالاسبوع 16 سوت لي سوناررر قالت بنتين واضحين



قلت شلون قالت غلطنا ذيك المره اختلفت الرؤيه
الحين واضح معايا بنتين


الحمد الله كلهم نعمه من ربي ربي يتمم علي ويثبتهم يارب
بس صدمتني ختى ماغلطت بواحد مثلا قالت بنت وولد غيرت تغير كلي سبحان الله


وقلت بصبر بتأكد المرات الجايه

 

[سكره في زمن مر]

سلام بنات اخباركم توني اصحصح من البنج الحمدلله ياارب سويتها على ٦ وربع وطلعت ٧ ونص تقريبا اول شي كنت ميته خوف لما دخلت غرفه العمليات الله لايوريكم رجفه وحالتي حاله من الخوف بس دكتورتي الله يجزاها خير طمنتي طبعا قبل العمليه لازم صوم ٦ ساعات على الاقل وكنت حصرانه وسويت سونار تطمنت على البيبيات الحمدلله يارب وجتني دكتوره التخدير وانا خايفه ومعها الكمام قالت خوذي نفس وانا عييت مابي كمام قالت خلاص وعطوني ابره وبعدها ماحسيت الا انا ارجع بعد العمليه والممرضه جنبي تمسح وماصدقت اني قعدت وخلصت العمليه وحسيت بالام بظهري وبطني ذكرني باوول يوم للدوره وعطونا مسكنات والحمدلله الحين شوي واطلع البيت طبعا راحه تامه لمده اسبوع وينزل معي دم الدكتوره تقول يوم ويومين وخلاص والحمدلله ترى مامنها خوف وبسيطه حييييل اصلا ماتتسمى عمليه وانا سويتها احتياط خصوصا اول حمل وتوم وقبلها كان نزل مني دم وتوكلت على الله سويتها دلع الكويت وشوكلت وكل البنات مشكورين واي سوال انا حاااااااضره عيوني لكم

 

[رمـ شمر ـش]

سكره
الحمدلله علي سلامتج والله يتمم عليج حملج علي خير وعلي الكل
هوت شوكلت
انا الدكتور شافلي عنق الرحم بسونار خارجي مو داخلي واخذ قياساته وقالي ماتحتاجين ربط ليش قالولج سونار داخلي؟

 

[روزماري]

سكره
الحمدلله على سلامتج

إحساس
الله يسلمج حبيبتي
و مبروك العرايس الله يبلغج بشوفتهم
و يمكن يوم قالت لج ولدين شافت الحبل السري بين رجولهم و ما ميزت عدل
اهم شي السلامه

 

[روزماري]

رمش شمر
انا مسويه الربط احتياط لأني بجروتوم واعرف نفسي ما اقعد و حركتي واجد و الحمدلله يارب جم يوم و ادش شهري دعواتكم