✔✔تجمــ؏ لحوامــل التــوأأأم✔✔

[shayto0oNa]

واخيرا باركولي بنات خلصت غرفة البيبيات

سويت لهم غرفه وحطيت على صوب قنفه على حرف ال

 

[Mawiya]

ألف مبروووك

ربي يجيبهم بالسلامه وتشوفينهم بحضنج ..

عاد قوليلنا شلون كان الشكل النهائي ؟!

وشلون اعتمدتي السريرين ؟؟

 

[shayto0oNa]

والله كنت اتوقع الغرفه صغيره وراح تصير حشره بس اول رحت خذيت قياسات السرير والكبت وطاولة التبديل ورحت خذيت قياس القنفه ورديت البيت انا وريلي ورتبناها بخيالنا طلعت زينه

اللي شجعني على الغرفه ان ماماز اند بابز مسوي عرض غرفه ب٣٩٩

وحمدالله طلعت راهيه بس ماحطيت سريرين حطيت واحد بس لان مايحتاجونه الحين وبعد سنه احنا بنكبر شقتنا عرفتي

 

[Mawiya]

ربي يبارك لج فيهم ويكبرون وتحطيلهم يارب

وغرف ماماز باباز أنا شفتهم بصراحة راقيين وجودة

بعد شفته غرف الغانم مسوين عليهم عرض بس اللي عجبتني

ما عجبت زوجي وقالي عليها شاذي مابيها هههههه

انا توني بعد السادس اشوف الغرف عشان جذي مو مستعيله الحين

عاد حزتها نستعين بخبرتج ....

 

[shayto0oNa]

حبيبتي ماويا ولج بالمثل ان شاء الله


وحياج الله باي وقت سالي نعين ونعاون


بصراحه انا فريت على سنتر ومذركير وبوتري بارن وصفاة الغانم ومامز اند بابز وايكيا

اللي عجبني حيل احس خشبهم جووده اهم مامز اند بابز و بوتري بارن

وكفرات وستاره احلى شي مامز اند بابز

 

[شيخه_البيض]

شيطونه الف الف مبروك

انا ماخذه غرفه اليهال من بوتري بارن

واهم شي انج افتكيتي فديتهم عليهم بالعافيه

وين حطيتي غرفتهم عندج بالغرفه ولا برا ؟

 

[سمو النفس]

شيطووونه زين سويتي انا لالحين ماشريت غرفه لهم بس بشتري السراير وعقب الاربعين بآخذ الكبت بفصله من منجره وبسوي فيه تقسيمات وسراير لالحين محتاره اخذ واحد كبير للاربعين ولا اخذ اثنيين سله موسئ وبعدين اشتري احترررت بسراحه هذا اللي ناقصني حاليآ





ماويا ديري بالج علئ تفسج حبيبتي


باقي البنااااات اخبارررررررركم واللي فيكم بنوتات شنو ناوين تسموونهم ؟؟؟؟؟؟

 

[شيخه_البيض]

سمو

انا امس رحت للدكتور لاني تعبت شوي

وقالي الثاني بنت يعني بنت وولد الحمدلله

والبنت احتمال كبير اسميها ع عمتي اخت ابوي والولد كنت بسميه ع ابوي بس خلاص بنسميه ع ابو ريلي

 

[شيخه_البيض]

وبالنسبه للاربعين انا بييب واحد من سراير البيبي وبخليهم فيه وباخذلي حاجز

احسن لان سله موسى ماراح استفيد منهم بعدين

بس اللي محتاره فيه كرسي اليهال حق نزلتي تحت شنو اخذ لهم ومن وين عيزت وانا ادور

 

[Mawiya]

سمو حياتي انتي عشانهم بنتين حلاته اساميهم قريبه من بعض
مثال : حلا وغلا وهلا
نور وحور
حنان وجنان
عالية وغالية
عهد و وعد
سجى وغنى

طبعا هذه مجرد أمثله
بالنسبة لي والله أعلم فيني بنت وولد الولد إن شاء الله على اسم عمي
والبنت ليلحيني محتارة

الله يقومهم لنا بالسلامة
وعلى فكرة من حقوق الأبناء على الآباء حسن إختيار أسمائهم
يعني بنات بحثوا عن معنى الإسم مو بس يعجبكم

 

[shayto0oNa]

لا شيوخ صالتي سويتها غرفه لهم وبزاويه حطيت قنفه مريحه حرف ال


انا حق الاربعين خذيت سلة موسى وبالعكس تستفيدين منها ليش ماتستفيدين يا انج تاخذينها بيت حمولتج تخلينهم تحت عشان لما تنزلينهم او تخلينهم ببيت اهلج لما تسيرين ينامون فيهم والسله تكفيهم لين عمر ٧ شهور

 

[" ذوق "]

صباح الخير شلونكم بنات بلشتوو تسوون تخطيط البنات الي بسابع ؟ انا قايلين لي كل يومين سووي

 

[moony77]

اشلونكم بنات انا للحين اخذ مثبت الحمل وباقيلي ٥ ابر والحين اخر السادس الحمدلله بس بغيت اسالكم بنات حركة البيبي متى تبلش تخف لان انا اول ماشاللله كانوا وايد يتحركون والحين خفت شوي حركتهم مو مثل الاول

 

[Mawiya]

ذوق انا توني بدخل هالاسبوع الخامس

بس شنو سالفة التخطيط ؟؟

وليش كل يومين ؟؟َ

بصراحة أنا حدي خايفه عالبيبيات ومستعيله على إبرة الرئة اخاف ييون صغار

ربي يسهل علي وعليكم

 

[moony77]

ماويا ابرة الرئة يعطونج اياها بالسادس انا خذيتها

 

[Mawiya]

موني انا بلش معاي الدكتور ابر تثبيت من الرابع وقالي احتمال لي الولادة

بصراحة أريح لاني وايد احاتي خاصه ان عندي دوام وجامعه فدايم مضغوطه .

بالنسبة للحركة أنا اصلا ليلحين ماحسيت فيها بس أمس كنت مع زوجي بالسياره

وحسيت شي يرف ما ادري اذا هذه الحركة أو يتهيأ لي , بس اللي اعرفه ان من

اخر السادس تبدا تقل خاصه بالتوأم لان ماعندهم مكان يتحركون فيه أصلا .

ربي يقومج ويقومنا بالسلامه .

 

[moony77]

الحين احنا المفروض متى تتم الولاده في اي اسبوع لان السستر قالتلي ٣٤ او ٣٥ اسبوع

 

[Mawiya]

انا ودي ادخل السادس عشان أركض اخذها موني حدي احاتي

ادري كل شي بيد رب العالمين بس هم ما اقدر امنع نفسي من المحاتاة .

 

[moony77]

الله يسهل عليج ماويا ديري بالج من الحركه الزايده خصوصا انج طالبه وحركتج وايد الله يقومج بالسلامه وتكملين لي التاسع يا رب لان الولاده المبكره مو زينه لها اعراض بالمستقبل الله يسهل علينا كلنا
الرفه اللي انتي حسيتي فيها هاذي حركة البيبيات ربي يخليهم انا بلشوا شوي تخف حركتهم الظاهر صار زحمه داخل

 

[moony77]

ماويا المحاتاه مو زينه تضغطين على نفسج بالتفكير سلمي امرج لله وتوكلي عليه وربي يحفظلج حملج انشاءلله