رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐
قوه بنات ....أنا دخلت ولدي هالسنه عندهم بريسبشن يلو ...ويندمت ندم ...
أول شي المدرسه فوضى مو طبيعيه ...والطلبه بالممرات بكل وقت ...ويتأخرون ويدخلون عادي!!!
كل واحد يدخل بأي وقت عادي ...وولدي ماشفت عليه أي تقدم أبد أبد ...الا اللقافه والصراخ وقله الأدب !!!
وصار حيل ملقوف ومن يجي للبيت طق بأخوانه !!!!! والدروس والله ما قاعده أشوف شي ...
بصراحه انصدمت ...ما توقعت المدرسه جذيه ...وكل ما شوف حال ولدي وحال الفوضى الي عندهم
اتندم زياااده ...ياليت الي لها ولد مع ولدي تفيدني بأي شي ...هل ولدها استفاد وبين عليه شي ؟؟؟
والله أنا حدي متعومسه من المدرسه ....
اممم ام خالد ماشوف اللي قلتبه لما اروح !!
والتاخير جدامي البنات اللي بالرسبشن مايدخلون اليهال اللي متأخرين الا بعد تحقيق
ليش تأخرت ومنو يابك وقول حق اهلك ماراح تدخل اذا تأخرت !!
هالكلام جدامي وأكثر من مرا أشوفهم وأسمع أسئلتهم لليهال ..
اما أخلاق ولدج فـ اهوا ياهل يتأثر بالناس بسرعه خصوصاً اصحاب الأخلاق السيئه دايماً يجذبون الياهل ,
انتي حاولي تكلمينه بهدوء وتعلمينا ان اللي قاعد يسويه غلط وعاقبيه اذا غلط او طق اخوانه ..
انا ولدي أول ما دخل المدرسه من كي جي كان حيل حركي وشيطان حيل
واكثر طفل مشهور بالاداره من كثر ما اهو مأذيهم ,
لكن الحمدلله اشوف تعاملهم معاه بحزم لين تعدل والحين سار من احسن مايمكن
بالدراسه والأخلاق ,
لكن يتم ياهل وهم عندا مشاكل شوي ..
موفقه ..
