✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

[omm-salim]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

اهلين اخت كوكو والله الحمدالله لليحين مابين شي عدل انشالله خير انتي عيالج بأي مرحله الله يحفضهم

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

مرحبا انا ولدي الكبير فيها من ثلاث سنين والحمدالله والصغير اول سنه له بالرسبشن المدرسه لا باس فيها اذا كانت مُدرستهم زينه
بس للأسف المدرسه بدت تطلع لي عيوبها من العام اول شي الاعداد وايد قامت تزيد المفروض المدرسه الخاصه مو اي احد يقبلونه لان وايد قاعد يصير زحمه بالكلاسات وهذا مو من مصلحة الطالب ولا المُدرسه والمدرسه صغيرة لان مدرسة المعرفه ماخذه نص المدرسه يعني غلط حاكرين لصغار بالسرداب الشمس ما يشوفنها بعدين الفوضى موجودة كل سنه بالادارة ولليحين مافي شي تغير الا كل سنه تزيد انشالله الوضع يتعدل لاني مفكرة انقل عيالي اذا الوضع استمر اي استفسار انا حاضرة

يا هلا ومرحبااا

انا اول سنه لي فيها وعيالي يير 2 وبنتي كي جي ومن قبل كانو بالرساله و اكتشفت ان ماكو مدرسه كامله اللي علينا ننبه الاداره وحسب المعلومات اليديده في مدرسات يدد وراح يقل عدد اليهال بالكلاسات

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

انا ولدي يير ٢ وهذا ثاني سنه له بالمدرسه والحمدالله الامور تمام

وفعلا ماكو مدرسه مافيها سلبيات انا ولدي كان بالتكامل وطبعا ما خلت من السلبيات

 

[نمله عصبيه]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

الحمد لله عالسلامه كوكو ماتشوفين شر حبيبتي ..
بنات بغيت أسألكم اللحين معاني الكلمات والاسئله اللي اخر الدرس بالقران هذي تنحفظ والا شلون
بعدين جدول يير ون ابد مؤ عارفه اقراه .. حصه وحده بالأسبوع رياضه !!!

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

هلا نمله اي عيالي يير 2 مره بالاسبوع رياضه ومره ارت ومره موسيقى وبالنسبه للكتب ما عطونا للحين عشان اجاوبج ​

 

[ترف بابا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

ياسمينا

الله يسعدج ويريح بالج

 

[omm-salim]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

انا اعرف اقرى الجدول مالهم اذا حابه اساعدج عادي حبيبتي كتبيلي الي مو عارفته وانا اقولج شنو المادة

 

[omm-salim]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

مرحبا بنات انا ولدي الي دش يير ثري لاحضت عليه خطه كان مو حلو والكتابه عنده ضعيفه بالعربي حاولت معاه بالعطله بس اتعرفون الصبيان ليش اني امه ويمون علي يبجي وكله ماله خلق كنت ادورله على مدرس وصراحه انا ما اثق الي بالوسيط وهل السوالف اعتقد اتعرفون الاسباب المهم انصحتني مدرسته بمدرس كان يدرس عيالها اجانب ودقيت عليه والله يشهد علي بس قتله ابي تأسيس قلت بشوف شقول عن ولدي بس قعد وياه خمس دقايق وعطاني المقرر عن ولدي وفعلاً كل الي قاله عنه صح والحين وايد فرق معاه صج صج يدرس من قلب ويعرف يتعامل مع اليهال صح والي تبي اتعرف اكثر انا حاضرة وسوري على الاطاله بس حابه افيدكم مثل ما انا استفدت

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

الله يسلمج نمله حبيبتي

*

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

انا عندي مشكله بنات وحبيت افضفض بنتي من دشت كله تعبانه مالها خلق امس بطنها عورها وطلعت واليوم صدمتني طلعت من الصف والابله ادخلها مو راضيه معاي بالبيت تدرس مافيها شي بس بالمدرسه ماتبيها كل يوم طالعه بسالفه ادعولي بنات انا مادري شفيها المدرسه تدق علي باليوم 3مرات واليوم لي الساعه 2 ونص وانا عندهم والابله تعبانه منها وانا تعبانه اكثر الله يهديها ويساعدني

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

الله يعينج حبيبتي ماريا انتي بنتج كانت حكومه صح ؟؟

يمكن متغير عليها النظام يبيلها جم يوم بعد بس انشاءالله راح تتأقلم لا تحاتين

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

لا تحاتين ماريا بس انا بنصحج نصيحه واتمنى ما تتضايقين لان ابي مصلحتج ومصلحتها
انتي جدا جدا جدا متوتره وهالشعور تلقاااائيا ينتقل للياهل لاحظي مشاركاتج معانا من اول فتره وراح تلاحظين ان ممكن اي احد بدقيقه يلاحظ توترج وخوفج ... ريلااااااااكس ترا اولى ابتدائي شنو متوقعه منها !!!

لا تزيدين وتعيدين جدامها مخاوفج وتوترج ولا تذكرينها انها طالعه من حكومه عشان ما تحس بالفرق وتخاف ان غيرها احسن منها حاولي تطبقين كلامي وبتشوفين التوتر والخوف والعناد اللي فيها اختفى ...

ان شاء الله تعتبرين كلامي خفيف ومامنه اللا المصلحه لكم للامانه ​

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

امس عطونا واجب ماث ورقه نحلها ونلزقها بالدفتر الكبير وقبله عطونا ورقه انجلش هم نلزقها ...

العربي يوميا واجبات بس خفيفه .. هم للحين ما عطونا الكتب ..

القران ولدي يقول العاديات صج واللا متخربط ؟ حق يير 2 ؟​

 

[أم عبووووود]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

موفقين حبيبات قلبي
بس عندي نصيحه اذا كنتي مضغوطه او صعب عندج المنهج لاتبينون لعيالكم عشان ما يتاثرون ترى عيالنا ماشالله اشطر منا واذكى

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

الله يعينج حبيبتي ماريا انتي بنتج كانت حكومه صح ؟؟

يمكن متغير عليها النظام يبيلها جم يوم بعد بس انشاءالله راح تتأقلم لا تحاتين

حبيبتي مشكوره
انا انصدمت مو اخلاق بنتي تطلع
بعدين اهي بالحظانه والروضه كله اجنبيه بس افرقت الابتدائي اولي فعلا فرق طول اليوم الدراسي تروح في باص يجي امبجر ويجيبها متاخر تقول ليش كله علينا انجلش تقول ليش بس انا اللي اداوم وبنات شارعنا مايداومون انا متوقعه انها بتتاقلم بس خايفه تخيب توقعاتي

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

لا تحاتين ماريا بس انا بنصحج نصيحه واتمنى ما تتضايقين لان ابي مصلحتج ومصلحتها
انتي جدا جدا جدا متوتره وهالشعور تلقاااائيا ينتقل للياهل لاحظي مشاركاتج معانا من اول فتره وراح تلاحظين ان ممكن اي احد بدقيقه يلاحظ توترج وخوفج ... ريلااااااااكس ترا اولى ابتدائي شنو متوقعه منها !!!








لا تزيدين وتعيدين جدامها مخاوفج وتوترج ولا تذكرينها انها طالعه من حكومه عشان ما تحس بالفرق وتخاف ان غيرها احسن منها حاولي تطبقين كلامي وبتشوفين التوتر والخوف والعناد اللي فيها اختفى ...

ان شاء الله تعتبرين كلامي خفيف ومامنه اللا المصلحه لكم للامانه ​

[/





اشدعوه شيخه ماقلتي شي غلط بالعكس كلامج حلو فعلا انا كل يوم اردد عليها الكلام من اليوم بسوي نفسي عاديه وادرسها وماجيب طاري شي
وفعلا انا متوتره ماتمشي ابيلها الخير ولا ابيها تفشل

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

امس عطونا واجب ماث ورقه نحلها ونلزقها بالدفتر الكبير وقبله عطونا ورقه انجلش هم نلزقها ...

العربي يوميا واجبات بس خفيفه .. هم للحين ما عطونا الكتب ..



القران ولدي يقول العاديات صج واللا متخربط ؟ حق يير 2 ؟​

نفس الشي اللي خذته بنتي بس بنتي تقول القارعه مادري عاد

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

موفقين حبيبات قلبي
بس عندي نصيحه اذا كنتي مضغوطه او صعب عندج المنهج لاتبينون لعيالكم عشان ما يتاثرون ترى عيالنا ماشالله اشطر منا واذكى

اي والله صدقتي وانا ببدا من اليوم الامر عادي انشالله

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

ماريا حياتي
من بداية الدوامات قلت لج لاتبينين لها انج متوتره راح تلاحظ عليج وتتوتر ,
والحين شفتي شلون نفسيتها بسبب توترج ,
فلازم لااازم عشان مصلحة بنتج تخفين على نفسج شوي ,
وتبدين تراجعين حساباتج و رييييييلاكس روحي سوي مساج يمكن تهدا نفسيتج ..


نصيييحه لاتحسسينها ان الوضع متغير بالعكس قوليلها لانج شاطره وراح تسبقينهم بالدراسه مداومه قبلهم ,
ولا تبينهم يسبقونج ويصيرون احسن منج !!

دايماً طلعيها اهي الاحسن ومدحيها حتى لو غلطت ,
مثلاً قوليلها ان اللي يغلط دليل على ان شاطر ويحب يصير الاحسن ..


حطي بالج حتى الزف الحين مو بصالحج ..
موفقه قلبي :*

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

العربي لي الحين ماكو كتب بس مراجعه وحتى واجب ماكو ,
القرآن هم ماخذوا شي ..

الانجلش كل يوم هوم وورك , اليوم ماكو ..


القرآن يابنات متأكده من المنهج أول سوره العاديات ..