✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

كوكو يعني اشتري لبنتي مايوه واغراض سباحه لاماعتقد اول يوم اكو جنطه مو شي منظرها واهي فاضيه
وي مو كافي الالفين اللي احط علي بنتي كل سنه بعد مصرف دينار باليوم هههههه لا كدينا خير

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

نمله ماعندي فكره والله ..


كوكو انا بودي جنطتا معاه ,
مادري يمكن يعطونهم كتب او شي الا معاه جنطتا ..

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

ماريا كل شهر روحي شويخ اشتري ماجله ارخص لج ,
والصمون اخذي توست يكفي اسبوع وكل يوم سويلها شي ,
يوم قيمر وعسر يوم لبنه وزعتر يوم بيض وهذا اوفر من الفلوس ,


انا اقعد مع صلاة الفير وما انام عشان جذي اسوي بالبيت ,
بس بعد فتره ولدي مل وكلا يشوف اليهال يشترون وقام يحن يبي يشتري مثلهم ,
مع ان اللي احطا له بالجنطه اكثر من اللي يشتريه ,
بس سبحان الله اليهال يحبون يقلدون بعض ..

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

كوكويحليلها فاطمه وين راحت شفيها طلعت منهم
الحين يعني ممكن اختار ابله بنتي والله انا مشكلتي كبيره وحيل خايفه بنتي مو مثل عيالكم بسم عليهم انا هالسنه اللي راحت فيها الحكومه خربطت كل شي يارب تجيبلها الابله الزينه
بنات طمنوني مو قادره ارتاح كل افكر انا بنتي حفظتها كل الكتب مالت يير ون وفهمت وحفظت بس اهم راح يعاملونها كوحده دارسه يير ون عندهم وتعبت وانا اكلمهم وعادي قالولي دام دارسه عادي

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

ياسمينا فعلا لازم اجيب لبنتي ماجله مع ماجله بيتي ههههه الله يعينا ان شاء الله اشوفكم الثلاثا الصبح شكلي بقعد وياها شوي بتطمن

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

راح يطلبون من عيلكم مايوو وفوطه ونظاره سباحه

ترا يعطونهم دفاتر اول يوم ودفاترهم كبار ومتان لازم جنطه شلون بشيلونهم اليهال ووايد يعطونهم ولازم تجلدونهم الدفاتر

اللي عيالهم يير ون مو تشترون دفاتر لان اهما يعطونهم

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

والله مادري وين راحت فاطمه حسافه عليها والله تهبل خووش وحده

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

ياريت ولدي يطلع بصف احد من عيالكم نقدر نساعد بعض اذا احد غاب فينا

نلتقي يوم الثلاثه وكل وحده تحفظ صف بنتها وولدها لو سمحتوا علشان يمكن ولدي مع عيال احد فيكم

الحين كل وحده تقول منو بنتها اول ولدها يير ون ومنو يير تو

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

كوكويعني بس اغراض السباحه وجنطه جوتي ومقلمه والاقلام دفاتر ماشتري
طبعا تعرفون وحفظتو بنتي من كثر ما اشتكي واتحلطم
بنتي يير تو

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

اي والوان خشبيه

 

[ماريا 2006]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

امس رحت شريت جنطه بتواير وجنطه اكل وخرابيطها واقلام رصاص ومساحات وبرايات ومقلمه وانواع الوان خشبيه وجوتيين مدرسه وجوتي رياضه ودلاغات وملفات الشفافه وصمغ بنات بس والا في بعد غير اغراض السباحه

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

قصة المقص والصمغ ..

ولدي كان مسببلي ازمه بسبت المقص والصمغ ,
وانا نوعي كل شي اكتب عليه اسم ولدي حتى اقلام الرصاص,
عشان يفرق بين اغراضه واغراض باجي اليهال ,


كل يوم يضيع واحد ولما اروح باخذا اشوفا بعيني عند واحد من الصبيان ,
بس ماقدر اتكلم وبعدين قلت له ان اذا ضاع ماراح اعطيك ,
وصج ضاع وماعطيتا وكل يوم الابله تكتبلي بالدياري ان لازم مقص وصمغ ,
وقلت لها ان انا مسويا جذي مابعطيه وقلت لها حسسيه بالذنب وزفيه ,
وبعد اسبوع عطيته وتم معاه لي نهاية السنه لوول


ماينفع معاهم الا العين الحمرا هاليهال ..
فــ نصيحه كتبوا اسامي عيالكم على اغراضهم ..

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐


بنات هذيل السور المقرره لمادة القرآن الكريم اللي حابه تحفظ عيالها ..
ثانيه ابتدائي ..



سورة العاديات
سورة الزلزلة
سورة البينة
سورة القدر
سورة العلق
سورة التين
سورة الشرح
سورة الضحى
سورة الليل
سورة الشمس

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

زين تسوين ياسمينا

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

شلونكم بنات ؟
مستعدين حق باجر ؟


راح تخلون عيالكم يدخلون بروحهم يدورون كلاساتهم ولا تدخلون معاهم ؟

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

السلااااااااااام

كل عام وانتو وعيالكم بالف خير..

باجر دوام عيالي حبايبي الله يوفقهم ويحببهم بمدرستهم امين ..

رحت للاداره امس وطلبت انهم يكونون بصف واحد لان مالي خلق واجبات غير ابلات غير ومواعيد امتحانات غير ..

قالت لي 2 بلوو بس ما رضت تقول منو المس لان اصلا ما تاكدت اسامي المدرسات..

باجر بعطيهم جناطهم لان ممكن يعطونهم شي لا يتوهقون اليهال ...

ياسمينا انا ادخلهم الصف حرام اول يوم ربكه اليهال يتدودهون وجود الام يحسسهم بالامان او الابو طبعا ...

بنات شوز الرياضه ابيض اللا اسود ؟

بالنسبه للاغر اض المكتبيه مابي اشتري ليما يطلبون ..​

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

ياسمينا وكوكولاتي ممكن تكلموني شويه شلون كانت طريقه الواجبات والامتحانات ومواعيد الاملاء والتسميع عالاقل يصير عندي فكره ​

 

[يـاسمينا]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

حياتي شيخه لازم شوز الرياضه اسود ,

اغراض المكتبيه اللي متأكدا منهم
[ مقص , صمغ شمعي , برايه , اقلام رصاص , مساحات , مسطره , فايلات على عدد المواد ]


شوفي حبيبتي الواجبات كل يوم في واجب عربي واملاء ويوم الخميس تعبير لكن مصغّر مو طويل ..

الانجلش كل يوم واجب لكن الاملاء آخر الاسبوع ,
اولى كانوا يعطونهم 5 كلمات بالاسبوع ويوم الخميس يكون املاء ,
هالسنه مادري الصراحه ..

القرآن ابلة ولدي كانت تنطر اليهال كلهم يسمعون عشان تنتقل حق سوره ثانيه ,
وهم هالسنه مادري شنو راح يكون الوضع ..

 

[شيخه عرب]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

حياتي شيخه لازم شوز الرياضه اسود ,

اغراض المكتبيه اللي متأكدا منهم
[ مقص , صمغ شمعي , برايه , اقلام رصاص , مساحات , مسطره , فايلات على عدد المواد ]


شوفي حبيبتي الواجبات كل يوم في واجب عربي واملاء ويوم الخميس تعبير لكن مصغّر مو طويل ..

الانجلش كل يوم واجب لكن الاملاء آخر الاسبوع ,
اولى كانوا يعطونهم 5 كلمات بالاسبوع ويوم الخميس يكون املاء ,
هالسنه مادري الصراحه ..

القرآن ابلة ولدي كانت تنطر اليهال كلهم يسمعون عشان تنتقل حق سوره ثانيه ,
وهم هالسنه مادري شنو راح يكون الوضع ..

الف شكر ما قصرتي ...

والله يكتبها سنه خير علينا امييييييين :yaaaaaarb:​

 

[كوكو لاتي]

رد: ✎✏✐ تجمع مدرسه كيمبردج الانجليزيه ( المنقف ) 2012 / 2013 ✎✏✐

شيخه نفس ما قالت ياسمينا كل يوم واجب عربيانجليزي ويوميا املاء عربي ومره بالاسبوع املاء انجليزي وتعبير عربي مره بالاسبوع

التسميع لاتحاتين تعطيكم فتره جم يوم علشان الياهل يحفظ الايه لما تسمعله تعطيه الايه اللي بعدها


*