✋?اعترف..انا ام فاشله.

[ريح قهوه]

اعترف ... انا ام فاشله

��☺��السلام عليكم ورحمة ورحمة الله وبركاته��☺��

بنات كل يوم لا نامو عيالي وصار البيت صخه

اقعد اتحسف واندم واتضايق

بنات انا عندي ثلاث عيال الله يحفظهم وانا وحيدة امي يعني مامر علي جهال وتربيه او خوات عندهم جهال وحيل محترمه انا واقدر الناس بشكل مو طبيعي وحبوبه وطيوبه*

بنتي عمرها 4سنوات وولدي ثلاث سنوات وبنتي الصغير 10شهوز

ولدي اسم الله عليه حرك ومشاغب وعنيد وبس يحوس ويفتر مايقعد راحه الله يصلحه

وبنتي عنيده وعصبيه وحاره واللي تبيه تسويه

ماني عارفه هل انا طبيعيه وعايشه نفس الناس اللي عندها عيال او انا مزودتها

مشكلتي انا بسرعه اتنرفز مافيني صبر على عيالي الدرجة ما احب يحركون المخده من مكانها*

وولدي بس اطقه وازفه واجعمه لانه ينرررررفز ينرفز بشكل مو طبيعي وانا طبعي مااحب اخليه على راحته واقفتله بكل شي يعني ياخذ المخمه ازفه واطقه واخذها لو وحده غيري عادي اطالعه وتخليه لحد مايشبع لو ياخذ قلاص خذيته ورديته يعني بالعربي ما اخليه على راحته اذا يسوي شي ماله داعي

وبنتي تعاند اذا قلت لها تعالي انشف شعرج تقول مابي مثل اذا مستعجله ابطلع اتاخر بسبتها واتل شعرها وانشف وامشط واطقها وهي صراخ وبجي

واذا نزلت عند ام زوجي كل شوي ام زوجي عيالج وعيالج عيالج امسكو اعيالج كبو عيالج سووو يعني انزل تحت اقعد على عصابي ما اعرف اتصرف وتلقوني بس الحقهم واجعمهم الدرجة ان ام زوجي مزودتها لان عيالي لانزلو تحت عكس لما يكونون عندي فوق لان عمتي معودتهم من اول مانولدو ماتعطيهم وجه وتلقون عيالي خاقين وعيال بناتها عادي ماخذين راحتهم*

بنات اشلون اربي عيالي انا ذبحني تأنيب الظمير *كل يوم ابجي واستعيد ذكريات اليوم وافكر احس حيل شايله هم على قلبي وحيل مدقره بعيالي
ساعدوني ساعدوني����

 

[granted]

حرام هذيلا يهال خلهم يجربون ترى بجذي تكسرينهم حتى الابداع عندهم بيوقف لانهم مايختبرون بالاشياء المادية الي حواليهم الي تعتبر عالمهم الي ماشافوا غيره

 

[.. Ro3a ..]

الله يهديج و يخلي لج عيالج ،،،
حياتي خليهم يلعبوون حرام لا تحكرينهم اكيد
تحت يبي ينفلتون لانج حاكرتهم بالشقه ..
حرام ع الاقل فضي لهم مكان وحطي فيه الديارف الصغار والعاب
خليهم يستانسون حطي ارضيه الغرفه ربل نفس اللي بالروضه
والعبي معاهم حرام ترا الطفل ما يبي شي غير
ان امه تلعب معاه حتا لو مسكتي كوره بممر شقتج اذا خايفه ع الاثاث
ولعبيهم فيها وشوفي ضحكهم ووناستهم انا ما عندي عيال كبار
ما عندي غير بنت عمرها 4 شهور بس
كتجربه بعيال خواتي وخواني اذا لعبنا معاهم يستانسوون حيل
وانا دارسه علم نفس ع الاطفال الطفل مايحتاج لعبه غاليه او شي خيالي
كل اللي يبي من وقتج شوي تلعبين معاه وتعطينه اهتمام ،،
واهم ينرفزونج عشان انتي مو معطيتهم ويه فطبيعي يلفت انتباهج بالعناد ،
ودووم بووسيهم وقولي لهم احبكم حتا وقت العناد اذا الطفل بجا وقال ما احبج وقولي انا احبك
كيفي >>> هاذي نصيحه دكتورتي بالجامعه ....
وعسى الله يعينج ...

 

[فـراوله]

أنا ولدي عمره سنتين ومجنني وبدا ينفذ صبري واستخدمت معاه الطق
و أنا نفسج ما أحب حتى أشوف يقط كلينكس بالارض أتنرفز بسرعه أدري للي أسويه غلط
بس شسوي أحب النظام والترتيب ويمكن لانه ما عندي خدامه تساعدني بشغل البيت فأشوف كل
شيء على راسي وأقعد ألوم نفسي بس بعدين أقول لا يستاهل لانه حيييييييييل عنيد مو اشوي

الله يعينا على التربيه

وكل ما أقول حق أبوه مابي أستخدم معاه الطق عشان ما يتعقد الولد
يقول احنا ياما انطقينا ما أشوف جتنا عقد نفسيه

بس مادري جيل عن جيل يفرق




​

 

[Model Look]

لا حرام الطق واذا وايد تطقينه الطق ماراح يفيد بعدين معاهم

انتي وحيده وعشتي بهدوء من جذي شوي تتضايقين

خليهم يسوون اللي براحتهم

بنتج مانبي تنشف شعرها اول شي ساحليها بعدين هدديها بعدين عاقبيها اذا عاندت

انتي قعدي بدارج وخليهم يلعبون يكسرون يطلعون طاقتهم بدار انتي مجهزتها لهم

استخدمي اسلوب التهديد والعقاب

عيالج صغار بيدج تشكلينهم الحين حرام اللي تسوينه الدليل قلبج مو مطاوعج باللي تسوينه

شاركيهم اهتماماتهم ولعبهم

سوو كيكه مع بعض ، فرشي ولوني معاهم ، سولفي معاهم ، اشتري فيديو وشوفي معاهم

 

[M!SS.LOBY]

اختي لا تعاقبينهم خليهم يعيشون مرحلة الطفوله بكامله بالعكس وفري لهم مكان بالبيت بالغرفة او بالحديقة البيت خصصي مكان لهم يلعبون فيه يفرغون الطاقة اللي فيهم وخصوصا الاطفال عندهم موهبه فطريه وحافز لتعليم الاشياء الجديده من خلال الأستكشاف للعالم من حوله وكثرة اللعبيساعده على الاستعداد للمدرسه والانشغال باللعاب الترفيهيه يساعد طفلج للتربيه الاجتماعيه ومهارات اللغه ولم يلعب بالبيت حتى يساعده على تطوير مهارات السمع والتفكير حتى ينشط عقله ولازم تخلينهم يخالطون يهال عيال عمهم بنفس البيت عيال عمتهم بيوم الزواره عشان يساعده على تنميه العاطفيه الأجتماعيه وخليه يتعلم دروس الحياة وشجعي اطفالج على اللعب بالهواء الطلق يساعدهم بمنع السمنه والبدانه عند الأطفال.

 

[نـعـومـه]

انا رايي اللي ماتتحمل يهال لاتييب ورا بعض عشان تقدر تربيهم وتعطيهم حقهم

رايي كله استغفري وتعوذي من بليس وطلعي غيري جو وادعي ربي يهديهم

 

[سكرة هانم]

حبيبتي انتي مو ام فاشله والدليل ضميرح مانبج
عيالج طبيعيين الحركه والحوسه بعمرهم بس لازمج شويه صبر وبروود
زهبي لهم غرفه فيها العابهم وحوستهم وخليهم يطلعون حرتهم وانتي كل ما عصبتي تعوذي من بليس وصلي عالنبي صلى الله عليه واله
صج ساعات تطفرين وودج تكفخينهم بس الطق يخليهم يعاندون زياده

 

[Perfume]

حرام عليج
١٠ شهور وتطقينه !
خليه على راحته
انا ولدي يقط كل شي
واكون توني مرتبة الثياب
ويقوم يقطهم مرة ثانية
بس اخليه على راحته واذا شبع وخلص ارتب مرة ثانية
حبيبتي حطي لهم غرفة كلها العاب
وخليهم فيها لحد ما يشبعون
واذا نزلتي معاهم لا تطولين
او لا تنزلينهم كل يوم

 

[ناتشوو]

شوفي
اول شي
اذا انت ماتتحملينهم
لاتنطرين ام زوجج تتحملهم
او تربيهم


بالنسبة
للمشاكل السلوكية
كل واحد له شخصيته
وبالتالي
اسلوب مختلف تتعاملين فيه معاه

وبشكل عام
احنا مشكلتنا مانعتبر عيالنا حياتنا
لا مرات نحسهم عائق او مخلوقات مزعجة
انضغطنا بالدوام
انحط الحرة فيهم
متهاوشة مع الابو
حطيت الحرة فيهم


كلامي اقصد فيه الكل
وانا اولهم

توى مشاعرج
مااحس في ام ماتعيشهم
بس في ام تتحسف وتحاول تطور من نفسها بالتربية

انا مو متخصصة
بس اشوف

بنتج العنيدة
تستمتع بالعناد
وردة فعلج وحرتج من عنادها
ودايما بتقول لج لا
الحل ماتعطينها اوامر او اسئلة
تحاوبها بايه او لا
يعني
لا تقولين تعالي
اسوي شعرج
قولي اشرايج
ذيل حصان ولا تلبسين تاج
خليها تحس انها مستقلة ورايها ينسمع
اسأليها ليش ماتبين هالشغلة هذي
اسمعيلها
بدل تعالي بسرعه وغصبن عليج
ارى بيكبرون ولا تقدرين تطقينهم


ولدج ينرفز
بشكل عام
يا تشغلين فراغه
يا تتحملين ازعاجه وخراب ووصاخة البيت

بمعنى
انتقلي معاهم
من نشاط لي نشاط

اشتريلهم العاااااب
مو تعطين كل واحد لعبة
وتمشين
خلاص قمت بدور الام
لا
لان حرتها بتردين عقب نص ساعه الالعاب مكسرة
لازم في اوقات تشاركينهم اللعب

مثلا
لعبة الطييب
واحد يلعب دور الطبيب
والثاني المريض
واذا شفتيهم
تهاوشو ع دور معين
قولي
مرة انت الطبيب والمرة الثانية انت الطبيب
وشاركيهم
اخذي دور السستر
بتشوفين متعتهم وانت بتموتين ضحك

مرة لعبة المطبخ
ها
منو يسوي الغدا
تلقينهم
يسوون كيك وجاي
وكل شوي مالفين طبخة

وخشي الالعاب
عقب جم يوم طلعي الالعاب اللي شلتيهم
وشيلي الالعاب اللي عندهم
بيحسون انها جديدة

اوراق والوان
بس باشرافج
واللي يلون او يوصخ
زفيه بالكلام
جيب فوطة وامسح

اقري اكثر
بعني لا تقولين وين وشنو
كتبي بجوجل الطفل العنيد

واقري
يمكن تلقين حلول تناسبج


انا بتابع الموضوع
بشوف حلول الامهات
لان مشاكل العيال متشابهه
وياليت يتفاعلون الامهات
بشوف اشلون نتعامل معاهم
الله يصلحهم

 

[ناتشوو]

وترى انت اللي تحطين القوانين
لا تقولين
مايبي يتغدى
مايبي ينام
يبي يشوف التيفي
في مرات تتعاملين بحزم
خاصة
بسالفة الاكل والنوم
ومواعيدهم

وتراهم يستمتعون بشغلات بسيطة

انا هالايام
صايرة اقول لي تعشيتو بدون ماتوصخون
نسبح مع بعض
اترس لهم البانيو ماي
ويقعدون يلعبون فيه
بملابسهم الداخلية
١٠ دقايق بس
شوفي وناستهم
واللي بعاقبه
اقول ماتسبح معاهم

يعني مو لازم اللعب تحت او برة البيت

جيبيلهم دراجات اذا في مساحة
او خلي لها وقت معين
اللي يطيع الكلام
اللي يحط ملابسه الوصخة بالسلة
تنزلينه مع الخادمة بالحوش تحت

كذلك التلفزيون
حددي وقت معين يشوفونه
وانصحج ببراعم او اجيال
واجتنبي قنوات الاناشيد ماتعلم شي

 

[سوسو$$$$]

نفس حالتي بالضبط الله يهديهم يارب وعيال المسلمين اجمعين
الكلام هنا لاتقولون اللي ماتتحمل لاتييب ورا بعض لان احتمال تكون شخصيتها اتغيرت بعد ماجابتهم يعني ضغوط نفسيه بيت وزوج وعيال
انا كنت طيوبه وحنونه وحبوبه مع الكبار والصغار وجبت ورا بعض تبهذلت وانضغطت وصرت اعصب من اتفه الامور وخاصه علي عيالي تعبت وتعبتهم معاي لاانا ارتحت ولا ريحتهم احسهم صارو مشدودين الاعصاب بسببي

 

[ريح قهوه]

والله مدري شقول اللي قالت انتي ماتحملتيهم اشلون تبين ام زوجج تحملهم عيالي شطانتهم بس عندي ويخقون من ام زوجي مع انهم مايسوون شي بس هي ماتبي تعطيهم وجه هي تبي راحتها فا ماتعطيهم مجال عشان ماتتعب يعني بس تعطي كل واحد بوسه حدها اذا شافتهم وبس

انا اشوف جدات العيال يعطون عيال عيالهم ويشاركونهم ويخلونهم ياخذون راحتهم وتلقين واحد متعلق بجدته وهي متعلقه فيه

وترا عيالي احسهم مظلومين احس انا بروحي اربيهم طبعا الابو نايم او برا مايطلعون الا لبيت اهلي فقط ومايروحون للالعاب الا بثلاث شهور مره وروتينهم بيت نوم هواش حتى الاكل بدو يكرهونه انا وبكل مافيني اعترف اللي يصير فيهم بسبت ابوهم والله يا اشوف رجاجيل ماشغلتهم الا عيلهم يوديه يطلعه يلعبه يونسه انا نظام زوجي لاقلت طلعهم تجي الطلعه بعد مايطيب خاطري واتنرفز واذا طلعنا اليوم لازم ثاني يوم مطنقر ضريبة الطلعه اللي امس

فاا ما اقول الا الله يصلحهم ويحنن قلبي عليهم

 

[ام دليار]

اتركيهم. يعيشو طفولتهم لزم يخربو لأنهم عم يكتشفو
فيهم طاقة لزم تتطلع
انتي بلشتي بلضرب هذا أسواء شي عملتيه الضرب لزم يكون اخر مرحلة

خلهم يخربو البيت شو المشكلة
لا تظلي تعطيهم أوامر ماعدا يردو عليكي
قولي لولادك يلي بساعدني بترتيب بالبيت بجيبله هديه ماعدا يرضا يخرب لأنو هوا يلي رتب هذا الشي
لا تخلي ألعابهم بين ايدهم دائماً. راح يملو منها ماعاد تعجبهم
طلعي الالعاب بوقت معين هذا الشي راح يخليهم يكونو منظمين اكتر

 

[PuPa^^SWeeT]

حبيبتي


انا فكيييت رووحي من ناحية شطانتهم



اشتري خيام على اللون و الشكل اللي يحبوونه


بعديين اشتريييهم لعبة ثانية يحطوونها داخل الخيمة


يعني البنت مثل لعبة تسريحة ولا مطبخ


والولد لعبة من العابهم ماعرف لهم



و شووفي شلون بترتاحين انتي



بس ترا المخمة انا وياج مايصير يلعبون فيها



اشتريلهم لعبة مخمة



و المخاااد عاادي خل يلعبون يخلصووون يردونهم


و بالنسبة لشعر البنت ترا كلهم جذي


يحبوون الانطلاق و شعور البراد على راسهم



بس انتي سايسيييها ( وييي تبييين فلانة احلى منج ) و خليها رفيجتها ولا بنت حماتج ولا ولا


جذي باتييج و اتخليج اتسوين شعرها

 

[m'3rOoOra]

انزين اذا ماتطلعون مو شرط العبي العاب معاهم مثل العاب اول هذي عيالي حيل يحبونها بحر وبر ولعبي غميضه بالبيت بس قوليلهم بالاول يلا نرتب البيت تالي نلعب اخلي عيالي يرتبون دارهم وانا باجي البيت والله انا بعد اعترف مرات اصارخ عليهم وازفهم بعد اذا جوا ينامون اقولهم انا احبكم تدرون ولالا احسسهم اني احبهم وابوس كل واحد واقوله تصبح علي خير اصلا كل طفل لازم العين الحمره عشان يخاف اذا ماشاف العقاب والعين الحمره يتمرد ويصير ماهمه واذا كثر الطق نفس الشي يصير عند الطفل الطق عادي ومايخاف انا اخلي الطق حق الاشياء الكبيره واخليهم يعتذرون بنتج اللي عمرها 4 سنوات عوديها ترتب معاج مع اخوها سوي مسابقه قولي يلا الحين بنسوي مسابقه منو يرتب اكثر واحد استغلي الطاقه اللي فيهم وبنفس الوقت يتعودون وشوي شوي انتي راح ترتاحين عموما الاطفال يبيلهم طوله بال واعصابج تحطينها بماي مثلج انا عندي ولدي الله يهديه بكل مكان يناقز والله شفتي الشاذي نفسه وفشلني جدام الناس حركي بشكل مو طبيعي حتي وقت الاكل بس يناقز وياكل ويفتر علي طاوله الطعام ويرد ياكل انا لا تشوفيني داخلي بركان بس ساكته لانه حركي الله يعين لما باجر يروح المدرسه اذا قعد بسياره يقول ماابي اروح بسياره تدوخني السياره لانه محكور مايتحرك يقول شرايكم نروح بقاري ههههههه كل مكان بقاري احسن من السياره

 

[ديانا سبنسر]

البنات ماقصرو بالحلول وانتي ام ناجحة. والدليل ان. ضميرج مانبج وناوية. تغييرين الله يخلييهم لج ويطرح البركة. فيهم وتشوفينهم. أحسن ناس.

 

[هنا22]

حسستيني انه نظامج نظام عسكري شوفي كلنه انعصب شوفي عادي علميهم بس حاولي ما طقينهم وانص نفسي وانصح انه لازم نتذكر مانطق بس لانه احنا قادرين انطقهم يعني انت اكيد كنتي مدللة يعني ليش هالقسوه

 

[أم عبداللطيف]

اول شي حبيبتي الله يحفظ لنا ذرياتنا ويصلحهم ويهديهم ويعينا على تربيتهم التربية الصالحة يارب ويرزق ربي كل محرومه

وثاني شي انتي ام ناجحه ومثاليه وتحبين تطورين من نفسج ولتربيه عيالج حبيبتي انتي قدها وقود جااان ماانجبتيهم وصرتي ام . شجعي نفسج لاتحبطينها .

وثالث شي مراح اتكلم واايد البنات كفو ووفوووا وفوق هذا نصيحة من اخت تحبج بالله أقري كتب وتابعي برامجه او باليوتوب اسمه مصطفى ابو السعد يهبل يهبل يهبل وخصوصا لسن عيالج كتابه ( الاطفال المزعجون ) .

واقري عن بعد الكاتب د. بشير الرشيدي يهبل ويعزز الثقه بالذات وتحمل المسؤلية على مواجهه الحياه والتربيه .

واقري كتب واسمي عنه وبرامجه اللي يهبل بعد د. جاسم المطوع مشاء الله اسلوبه يهبل ومواضيعه كلها شامله وتخص التربيه والحياه الاسريه انصحج فيهم والله عن تجربه وااايد نفعوني لانه مو بس تعالجييين تعاملج مع اليهال لازم نعالج حالتنا اول مع نفسنا وازواجنا عشان نقدر على تربيه اليهال . وللعلم كل الكتب اللي قلت لج عنهم موجودين بمكتبه الجرير .

واي سؤال حببتي انا حاضرة​

 

[قَلبڪْ صًخرْ]

لانج مضيجه عليهم
تشوفين ردت فعلهم سيئه
حاولي تخاطبينهم وتعززين اسلوب الثواب
مو العقاب



وخااالتج عادي
وايد خالات ماتحب عيال الولد
وتحسهم مصدر ازعاج