مرحبا بنات .. شلونكم ..
انا عرسي بعد خمس شهور
وانا من سكان الجهراء ..
اول شي لازم تسونه تبدون بالاشياء اللي يبيلها طولة بال ..
مثلا الشعر ..
1- تختارين زيت تحطينه كل يوم وترك .
2- اشتراك جلسات صالون .. احنا عندنا بالجهرا كيو كير 4 جلسات ب 20 للحين ما جربت .. بس رفيجتي تمدحهم وايد.
3-اذا عندج تساقط تشوفين شنو المشكله مثلا الشامبو او فقر دم او غده او نقص فيتامينات وتعالجينه.
البشرة :
1- انا باجر راح اروح لدكتور .. مشكلتي عدم توحد اللون .. وابي علاج حق الركب والاكواع والمنطقة الحساسة
.. راح اقولكم شنو يصير معاي.
الجسم :
1- دايت + رياضة كل يوم خصوصا اللي نفسي عرسها ما بقاله شي .. انا عند الدكتورة هيا الشمري بعيادة فوزية العوضي بالمنطقة العاشرة انسانه فاهمة والحمدلله نزل وزني عندها .. اما الرياضة مشي+ نادي صحي.
2- خلطات .. ماخذه من غراس مجموعه غود باي زيبرا بس للامانه مو مستمرة عليها .. يعني ما بين علي شي من ناحية الخطوط
وبعد ماخذه سنفرة الليمون والزنجبيل من بيت الصابون حلوة كسنفرة توني بادية فيها ..
3- كنت اسوي حمام مغربي مرة كل شهر عند صالون رمادا .. بس ما احسه زود .. فابي اغير وقاعد ادور على غيره.
الليزر ..
قاعد اسوي بس ويهي .. عند عيادة cmc حلوة .. بس الحين جهازهم خربان ما سويت هالشهر !!
بالنسبة للتجهيز :
للحين ما بديت بالاشياء الثقيلة :
خلصت الذهب .. والساعات ..
والاجهزة الكهربائية مثلا سشوار وهالسوالف ..
وبعض التناتيف مني ومناك
طبعا كل وحده اوليات تجهيزها يختلف .. اللي بيت حمولة غير عن اللي بروحها .. واللي قاعدة بالديرة غير عن اللي راح تسافر ويا ريلها ..
طبعا اللي حمولة وبالديرة تكثر من الدراريع وبدل الاستقبال ..
اما اللي بروحها تكثر من لبس البيت والاستقبال
اما اللي مرافقة ريلها بالسفر .. تكثر من لبس البيت والاشياء العملية للطلعات
الاسبوع الياي بفتر عالاتيلهات ..حق النفنوف الابيض ..
حاطة ببالي ..
بشرى العيدان .
زياد انطوان
بدور المانع
اديبة المحبوب
عواطف الحاي
والحين اللي ابيه منكم .. تذكرون لي اسامي مصممين واتيلهات ومكانهم حق البدلة البيضا ..
والله يوفقنا[/QUOT
حبيبتي عندج اتليه انجفه يهبل واذا رحتي لها قولي ٱنـِْ♡̨̐ـِْا مـِْ♡̨̐ـِْن طرف مشاري الشمري راح توريج احلى الملابس
وتسوي لج خصم وادعيلي
