♥♥♥ ادري انها بـــوســـه بس والله استحي ♥♥♥

[الحنونهـ]

دام كل هذي مواصفات امك ليش صاير معكم كذاا..
ودام هي فاقده هالشئ وطلبته منكم ليش تردونها ..كل يوم ضموها وبوسهاا عودواا انفسكم على هالشئ صدقيني حتى اخوانش راح يقلدونش..
الله يخليهاا لكم ولا يحرمكم من بعض..

 

[كيكه توفي]

اهوا عالتعود

انا اسولف مع امي وكل شي اقولها عني وغشمره وميانه حييل مع بعض حتن البنات اللي بعمري يقولولي يا حظج امج حليوه

بس ما ابوسها على راسها مثلا او المها

ابوي امبله اول ما يرجع من الدوام اقوم ابوسه على راسه لان امي عودتنا من صغرنا لي رجع ابوي تقولنا قوموا بوسوا راس ابوكم وكبرنا على جذي بس اهيه لا مادري ليش ومره فكرت نفس تفكيرج شمعنه ابوي وامي لا بس مادري ماتعودت على هالشي ومو عارفه اصير جذي الحين

 

[دااانوه]

انا استغرب من البنات اللي كذا والله محروومين حارمين انفسكم من احلى شي بالدنيا

انا يوميا لازم اضمها و احيانا اكثر من مره باليوم و اذا نسيت او كنت طالعه مستعجله و نسيت اضمها

هي تجيني و انا احس ناقصني شي

وحده من صديقاتي نفس مشكلتك مع انها عاديه تضم بنات خالاتها و صاحبتها بس تقول امي ما اقدر مع انها مرره تحبها


حاولوا تقربوا منها شوي شوي يعني اول شي بوسه عالرأس كل صبح او قبل النوم

خليه شيء رسمي و بوقته مثل الدواء او الاكل او الدوام

بعدين قوليلها ماودك تضميني يمه ؟ صدقيني طلبك هذا يسوي عندها الدنيا و مافيها

بتحس انكم تحبونها اكثر و هالشيء يعني لكم


و انتم بعدين بتقولون وين كنا عن هالشيء قبل و شلون كنا عايشين بدون حضن امنا

اليوم امك حيه و موجوده و تتمنى هالشيء والله يطول بعمرها و يخليها لكم ماتدرين شيصير بالدنيا

وقتها بتتحسفين على كل لحظه ماقضيتيها مع امك ولا ضميتي فيها امك او بستيها


نصيحه لاتفوتين عليك هالشيء و صدقيني بتدعين لي

 

[درقاء]

اي والله انا معاكم
شي يحز بالنفس

اذكر مره .. ربي يحفظها امي ويخليها لنا ياااارب ..
اخنقتني العبرة الحين وانا اكتب..

مره كنت واااااااااااااااااايد مضايقه واحس اني راح انهي حياتي مع زوجي .. قلت وين اروح وين اروح .. دقيت ع امي ورحت لها
اول ما شفتها جان المها وابجيييييييييييييييييييييييييييييييييييييييييييييييييييييييييي .. عمرها ما شافتني ابجي جذي ..
جان تلمني حيل وتقولي ميخالف حبيبتي ابجي ابجي ..

بعد عمري امي ...
والله مقصرين بحق والدينا واحنا ماخذتنا الدنيا وماخذنا الريل وعيالنا
للأسف .. للأسف

ماقدر اكمل لأني بجيت
احس نفسي واااااااااااااااااااااااااااايد مقصره بحقها

 

[ماريا ابنة الحي]

الي يسهل عليج الموضوع
ان اهي طلبت منكم تلمونها وتبوسونها
هذا يسهل الموضوع

واهي قاعده تشوف التلفزيون
لميها من ورا من غير لاتشوفج علشان ماتستحين منها
وبوسيها على خدها واهي معطيتج ظهرها

 

[*{خــآطره}*]

بنااات قومووووووووووو الحيييييين الحيييييين بسرعه ركض ركض كل وحده تبوس راس امها وايدينها وتقول يمه احبج <<<اولا بتاخذين اجر ثانيا راح تدخلين الفرحه بقلب امج <<< امي طالعه اذا ردت راح ابوسها
انتوووو للحين ماااقمـــــــــــــــــــــــتوا يله جدامي اشووووووووووف ههههههههههههه

 

[يوآش يوآش]

بنات انا حطيت موضوع تكملة حل مشكلتي

وشكلكم ما شفتوا لان لي الحين تردون هني !!

راح انسخ المحتوى هني ...

 

[يوآش يوآش]

كاهو يبته واتمنى انكم تقرونه : )

هـــــــآي







بنات اظن كلكم عرفتوا مشكلتي بالتواصل مع امي ..

الحين انا كتبت هالموضوع عشان اقول حق كل وحده نصحتني مشكوره

بنات انا احب اقولكم ان انا حاولت .. وامي امس ردت من الدوام ..غصبت

نفسي غصب اني اروح لها خليتها تبدل وتقعد شوي ..جان اروح لها دارها

وانطرها تخلص صلاة .. عقب ما خلصت سيدا رحت وبستها ...

طبعا قالتي لي شطاري عليج لووول.. قلت لها ماادري مو جنه اليوم عيد الام..؟

عاد اهيا ضحكت وفهمت اني مشتاقه لها .. لان احنا وين وعيد الام وين ..

صج انا رحت بالغصب والله لا يوريكم حالتي .. بس همن بقول حق كل بنت مثلي

حاولي وخليها على الله : )


وطبعا هذا كله من تشجيعكم لي .. وانشالله بكمل واتحسن : )




بنات انا احب اعتذر حق كل بنت انا ذكرتها بأمها وامها متوفيه..

والله لمن اقرأ رد وحده تقول امها متوفيه .. وانا اللي ذكرتها

قلبي يعورني عليها .. واحس بتأنيب ضمير : (

الله يرحم امهات المسلمين الاحياء منهم والاموات ...

سوري مره ثانيه : )​

 

[FdeT LmoSa]

حبيبتي عادي هذي امج
اهم شي تتقربين منها وتعتبرينها اختج او رفيجتج واي مشكله تواجهج قوليها لامج
وبجذي راح تتقربين منها اكثر واكثر
ولازم تبوسينها انتي واختج ع الاقل الصبح

ــــ

انا وحيده امي خوات بس والله اني اشوف امي اهي رفيجتي واختي وامي وكل شي
ولما اشوفها بالصاله اركض والمها ولما تطلع برا تروح مشاور لازم كل ربع ساعه ادق عليها

 

[q6aiwa]

وانا بعد معاكم مافرقت عنكم

احنا 5 بنات بالبيت ولا وحده فينا تلمها ولا تبوسها ولا حتى تتغشمر معاها نحسها وايد جاده ورسميه ونتحسر على اللمه والبوسه وعلى قولة وحده من الخوات اذا شفنا مسلسل في لقطات وحده تبوس امها او تنام بحظنها او تدلعها وجذي ... بس نتحلطم بينا وبين بعض واذا في مشكله مالنا غير الدار نسولف ونشكي لبعض

 

[ميمونيه]

عبري عن حبج لامج صدقيني بتفرح

ترى الشيطان يصعبها براسج

اجر البر عظيم لا تفوتينه .....

 

[aṕriliå]

لازم تعدلين وضعج
أنا لازم أبوس رأسها أول مانقعد الصبح وأقولها صبحج ‏??للٌـّـہ?? بالخير شمسويه
واذا رديت من الدوام

تعودت على هالشي من احنا صغار

وترا الوضع سهالات تراها أمج ومو انسان غريب عليج
وحظي ببالج ان هالشي بيسعدها ويفرحها وتنسئ همومها

وأخيرا حبيبيتي هذي أمج لا تفرطين فيها




ـــــــــــــــــــــــــــــ

اللهم أرحم من اشتاقت لهم قلووووووبناإاإ واجمعنا بهم فِے غالي الفردوس

 

[::كيك وعسل::]

ياحلوج
الله يخليكم البعض @

 

[zobah.m]

انتيي جرربي مرره ومرتيين وبدوون سبب واذا قالت وش الطااري قولي لها وحشتييني او اي شي

وبعدها بيصيير الوضع عاااديي


وانا كل شوووي احضنها وابووووسها واهي من كثر ما ابووسسها تقووول خلاااااص هههههههه بس ماقدر اسستنغى


والله يخليي لج اميييمتج وروحي بوسيها وحضنيها

 

[فديت ضاري]

يختج انا اشوف هذا مو مشكله ومو لازم يكون بين الام وبناتها بووس وميانه حب الام يبين بالاحترام وسماع كلامها وانا وحده من الناس ما ارووح ابوس امي مني والطريج لاني موو ورع =(جاهل)

 

[هــدوء]

اب اب

 

[حمام شاقني فنه]

ياشيخه عادي مابين البنت ووالدتها حواجز



بوسيها وبوسيها وظميها وش دعوة
هالأمور مرغوبة بين الأم وبناتها

 

[الغـMـلإ]

واناااااااااااااااااااااااااااااااااااااا بعد اهئ

 

[راعية الطويلة]

تذكري ان الوالدين باب من أبواب الجنة

لا تطوفينه

بوسيها على راسها و ايدها

و كوني أول من يهنيها بأي مناسبة

وأول من يوقف معها بالمواقف

**عاد يقولون البنات حناين و واصلات لأمهم **

بس من الردود أشوف المشكلة عامة و منتشرة

مشكلتج تنحل بالتعود و الممارسة

و لا تخلينها تطلب منكم هالشي و الله تكسر الخاطر

تذكري تضحيها لج و سهرها على راحتج و اشلون شالتج و انتي صغيرة

أنا أم

و الأم لما يكبرون عيالها

اشتبي منهم غير البر

و من البر تقبيل راسها و ايدها بعد

يا الله روحي عن الدلع الزايد

و امسمية روحج دلوعة المنتدى

روحي بريها لا تصيرين معللة المنتدى

بالتوفيق حياتي​

 

[اروىراوي]

تدرين نفس مشكلتي أول قبل الزواج..

كنت انقهر اذا شفت البنات بالمدرسة يطلعون ويبوسون امهم ولا ابوهم!!

أرد للبيت طنااااااااااش..كانت أزمة بالنسبة لي.كنت احس بالنقص

هذا مو معناه اهلنا مايحبونا .. لاا..الشهادة لله ماقصروا معانا

بس .اهم ماعودونا على اننا نلمهم أو نبوسهم

من كثر ماكنت متاثرة بالموضوع .. من أدخل لااااااااااااازم عيالي يبوسوني.. لاااااااازم

وألمهم دايم ... لأن الغلط يكون من الأهل .. وعل قولة المثل المصري (( ابنك على ماتربيه.....

بالنسبه لج اختي... بوسي راسها بأول رمضان(( كمناسبة ))وقدميلها هدية..

وعندج العيد بعد..قولي لها بوسة أول يوم..بوسة ثاني يوم ... وهلم جرا..[/b][/b]وان شاء الله الله بيعين دام نيتج خير..صدقيني..