♥♥♥ ادري انها بـــوســـه بس والله استحي ♥♥♥

[يوآش يوآش]

أممممم حبيبتي أنا عكسك نهاااااائي

أنا أم الدلع مع أمي مع أني كبيرة خواتي بس على طول أنام ع فخذها إذا شفت التلفزيون
ولاجيت من الدوام أبوس راسها .. حبيبتي تدرين أني ابوس رجل أمي !!!

حياتي أصلا راح تحسين بشعور غريب وأنتي بحظنها .. يمكن تكون صعبه شوي بس أنتي حاولي
وصدقيني ماراح تندمين .. وأمك الغاليه تستاهل أنك تحاولين عشانها :sfg: ..

بعد عمر طويل راح تتحسفين أنك ماقربتي من هالجنه ..
الله يخليها لك وأنتي واضح أنك طيبه وحبوبه ..

فديتك

عدل كلامج .. وانا لو مو حازه بخاطري هالشغله ما كتبت عنها هني :tek:

 

[يوآش يوآش]

انا نفسج والله

معنه خواتي يبوسنها عالطلعه والرده ومن غير سبب الا انا وكله تقولي انتي بجري ليش ما تبوسيني وتلميني انا امج

اقولها مادري جذي معنها تتمنى يوووم اي ابوسها او المها بس انا حدي جااامده حتى لمن سافرت 10 ايام وردت سلامي لها بااااارد عكس خواتي لول مادري ليش

هذا بالضبط اللي اتحجى عنه ..

 

[يوآش يوآش]

ايي وبنت خالتي العكس تموووت تبي تبوس امها تقرب منها
بس امها تدزها تقووول اوووه وخري شكبرررج على هالشغلات
تقول ودي انام بحضنها بس كله تدززني تقول ادري انها تحبني بس خالتي تكره اللم والبوس لوول

اي يعني هذي الحركات اللي انا مااتحملها .. يعني مااتحمل احد يردني كلش .. ولا اتحمل احد يقولي لا او يفشلني

هذا كله من تدليع امي خلت شخصيتي جذي .. ومو بس انا كلنا انا واخواني .. ماانتحمل احد يقول لا جنه سابنا

 

[يوآش يوآش]

انا نفسج .....بس مو حيل ...
لانه اذا متضايقه حتى لو متضايقه من شي سخيف....(واكثر حزات ضيقتي تكون باليل قبل لا انام ...فما اقدر انام .)..و على طول اروح لامي و اقعد ابجي عندها لمن ارتاح و انام عندها و تضمني ...فديتها يا ربي ..و يخليها لي ...و الله انام على طول ....و تكون اريح نومه ....
و طبعا كل هذا من غير لا احد يعرف ..
يا رب يقدري و اقدر اجازيها و لو شي بسيط من اللي تسويه لنا ...
ادري هذرت فوق روسكم ....بس شسوي ..

كلش مااعرف هالشعور .. انا اذا تضايقت اروح حق اختي واختي نفس الشي

امي برا الموضوع : (

 

[LeeMa q8]

مي تو نفس الحاله .!

وودي اتغير

 

[أم-مبارك]

من صجكم والله مصدومه
اذا باليوم مابستها وحضتنها كل شويه بسبب ومن غير سبب احس انه ناقصني شي امانه اشلون ترتاحون

الحلف لا يكون الا بالله عز وجل

لازم توحدينه بالتشهد





انا قبل لا اتزوج كنت جذي كان ودي المها بس ما اقدر كنت حيل محتاجه هالشي بس كنت ابوسها بس مو اي وقت بس لما ارد من المدرسه او الصبح لما اقوم


بعد الزواج تجرات شوي بس ما اقدر المها وابوسها باي وقت

 

[يوآش يوآش]

لا دلووعه كل شي ولا الام
شوفي انا بخلي بعض كلامي شوي قووي عشان يأثر فيج وعقب ما تقرين كلامي تقومين ركض تروحين لامج

تخيلي معاي (بعد عمر طويل)
راحت امج من هالدنيا امانه عليج ما راح تتحسرين على كل ثانيه ضيعتيها من ايدج انج تكونين فيها مع امج
ماراح تتذكرين يوم تيلكم الدار وتقول لكم ولهانه عليكم ؟؟
فديتج دلووعه لا تخلين امج والله احلى شي بهالدنيا كلها الام وخاصه لا صرتي اقرب الناس لها


انا بقولج شنو اسوي مع امي وحاوولي تسووينهم

انا لا شفتها منسدحه بفراشها بتنام اروح انسدح يمها واقعد اسولف معاها وايب لها الماي والدوا ربي يشافيها ويخليها لنا ولا بقيت اطلع (مرات) ابوسها عل راسها واقولها تصبحين على خير

اذا شفتها بروحها بالحديقه اقوم اطلع واقعد معاها ونسوولف

واهي تمشي بالبيت اروح المها من ورا واقولها احبج يماااا

امسك ايدها وابوسها

لا ردت من بره اغنيلها لوول ولا اقولها ولهنا علييج

اهمزهاا

واشياء وايييد وترى لو تشوفين كل الاشياء اللي قلتها اتوقع كل وحده تسويهم مع امها بس انا قلتهم لج كتذكيرر عشان تسووينهم

طبعا هالشغلات انا صح مو كل يوم اسويهم لانه مو كل شي يصير يومياا
( واللي يقرا كلامي يذكر الله امانه بنات)

مشالله لا اله الا الله

ماشالله ولا اله الا الله .. وانا كثر ما تضايقني مشكلتي ..كثر ما استانس لمن اشوف بنات علاقتهم بأمهاتهم قويه

ودايما اذكر ربي ..

 

[يوآش يوآش]

يؤؤؤ انا اذا ماغفصتها<<<تعبير اجرامي من الم والبوس
ما ارتاح مرات تقول فكيني منج
واخوي الكبير يجي يبوس رجلها يقول ابي الجنه
بالعكس اذا حناني وحبي ماطلعته لها شنو يبي يفيدني لاطلعته لغيرها
لاني فاقده الوالد الله يرحمه دايم اخاف افقدها الله يطول بعمرها وبعمر امج لاتقصرين معاها وتالي تتحسفين

الله لا يغير عليكم : )

 

[يوآش يوآش]

**حق كل البنات اللي ما اقتبست حجيهم.. ترا والله مو تجاهل بس مابي يصير تكرار بالحجي

وانا اشكر كل وحده اكتبت لي .. ومقدره : )

ورديت كثر مااقدر : )

 

[..فروحه..]

يوووه بس يووووه


لميها وبوسيهاا كل شووي انا امي تنام عندي واسوولف معاها بكل شي حتى منتدى كويتيات تعرفه واذا تبي شي تقولي افراح دوريه بكويتيات
اضحك معاها و تضحك معاي اغنيلها وتغنيلي ههههه عاااادي طيحي المياانه معاها جربي انتي واختج تقولون لها نامي عندنا وقولي لنا قه سالفه اي شي والله بعدين بتتعودون وبتستانسوون
والله يخليها لكم

 

[حور الروقي]

انا بعد مثلج قريبه منها حيل اي ابوس راسها ابوس ايدها بس اذا سوت لي شي اذا ماسو شي مابوسها لووووووول بوستي بفلوس هههههه


بس عادي الحياه ماشيه وعلاقتناا زينه الحمدالله

 

[G!RLooNa]

امبيه والله ودي ودي جذي اسوي بعد ويا امي اهون شوي صج ما ابوس واحضن الا من وين لي وين بس مع ابوي بزياده يعني احس ماكو علاقه بينا احبهم واموت فيهم بس ودي جذي اقط روحي عليهم ودي ايي ابوي يلمني معنه ابوي حنون بس مادري ليش علاقتنا جذي جامده

 

[إبشر بعزك]

مادري انا اشوف هالشي لازم يكون من زمان الصغر لين الكبر انا اشوف انه الام اهيا اللي بالبدايه تبادر تلم عيالها وتحضنهم بكل مراحل الحيات فيصير العكس العيال يلمون الام فشي طبيعي مو قادره شلون اعبر

لانه انا لله الحمد تعودنا انه امنا من يوم صغار لين كبرنا وتزوجنا وعندي عيال لي الحين في حنان وابوسها وتبوسني والمها وتلمني

م

 

[غير كل الناس]

الللللللللللللللللللللللللله يالام تبوسين حتس ايدها وقدموها


اكو وحده تستحي من امها

 

[يوآش يوآش]

الللللللللللللللللللللللللله يالام تبوسين حتس ايدها وقدموها


اكو وحده تستحي من امها

طبعا اكو وحده تستحي من امها انا ونص البنات اللي ردوا

 

[يوآش يوآش]

امبيه والله ودي ودي جذي اسوي بعد ويا امي اهون شوي صج ما ابوس واحضن الا من وين لي وين بس مع ابوي بزياده يعني احس ماكو علاقه بينا احبهم واموت فيهم بس ودي جذي اقط روحي عليهم ودي ايي ابوي يلمني معنه ابوي حنون بس مادري ليش علاقتنا جذي جامده

اف والله طلعت مشكله العصر عبالي بس انا .. : (

 

[أإلع ـشق دلع ـهـأإ]

.








نفسج والله



مع امي حييييييييييل وضحك وسوالف .. أمأ الحضن والبوس لاااااااااا استحي .. احس ماتعودت





















.

 

[آلعناآأ]

من صجكم ليش عاد

انا امي اناديها بااسمها وادلعها

اقعد بحضنها وانا شكبري

اراكض انا وياها بالبيت عادي

انتوا اللي جامدين مو امهاتكم

عادي اضحكوا معاها واحضنوها لاتخلون شي يمنعكم عنها يمه هاذي ام

وااااااااي فديت امي الله يخليها لي

 

[ساره 101]

الله يعينج حاااااااااولي بقدر المستطاع صدقيني احلى والذ واسهل بوسه في الدنيا بوسة الام والله عورتي قلبي عليج

 

[دلع العتبان]

امي مثل امج ماتعطي وية مع انها طيبة حيل

اخوي شنو سوى معاها كل ماشافها قام يبوس لدرجة كل ماشافتة انحاشت مع انها حنونة بس ماتقدر تعبر

الحين صراحة احنا قلدنا اخوي كل ماشفناها قطعنا خدودها من البوس

مرة اخوي يبوس ويبوس وامي مستسلمة والله شكلها يموت من الضحك عاد عصبت جان تقولة

اذلف كانك ياسر عرفات

لووووووووووووووووووووووووووول


حياتي خليج جريئة عادي لان الام مهما استحت راح تستانس موفقة