♥♥♥ ادري انها بـــوســـه بس والله استحي ♥♥♥

[مزآآجيه]

الله يعطيها طولة العمرررر والله بكررررة تتحسفين انج ما حبيتيها ولا لميتيها حتى ع اللحظه اللي كانت وياكم واصلا من البرر
التعاطف مع الوالدين......
مرة ومرتين ثلاث تتعودين بوسيها ع راسها وشوس شوي ع خدها وتصير عاده ...مو يوم وبعدين تقطعييييين لا خليه روتيني
وفكري بعد فترة لو ياج يهاال بتمنينهم يحبونج

 

[يوآش يوآش]

والله شوقتيني اروح ابوسها

انا كنت نفسكم بالضبط بس مادري شلون انفكت العقده وصرت اتجرأ واسوي الي ابيه ابوسها وابوس ايدها واحيانا رجولها والله العظيم والسبب اني دايم اهمز رجولها وادهنهم لما يعورونها مع العلم ان امي مو كبيره ولا طايحه عن حيلها الله يدوم عليها الصحه والعافيه بس احب اسوي جذي اول شي احتسب الاجر ثاني شي احس براحه نفسيه وامان لما اكون قريبه منها يعني المكان الي نكون فيه انا معاها لازم اكون قريبه منها ما اقعد بعيد عنها الا لسبب احيان اذا كانت قاعده احط راسي بحضنها واتدلع شوي اقول تعبانه <<< عياره احبها تسألني شفيني والا تلمس راسي تقول مسخنه وتسألني شنو الي يعورني بعدين دايم احب اتخشش بفراشها تجي تلقاني نايمه بسريرها وتنام يمي


عاااااااااااااادي الوضع طبيعي ويونس جربي انتي واختج راح تستانس امج حتى لو ماعبرت لكم عن فرحتها بهالشي بالبدايه خلوها بوسه وانتي طالعه من البيت على راسها واذا رديتي حسسيها انج مشتاقه لها وبنفس الوقت حسسيها ان وجودها مهم ولها احترام وغلا بقلبج بوسيها همن بالرده والله ماكنت ابوسها بس مدري شنو الي قلب الحال ولله الحمد وصرت جريئه والي بنفسي اسويه دام انه يرضيها ويرضي ربي ومايزعل احد



قرقت وايد سووووووري


بروح ابوسها فديت قلبها <<< تحرج ههههههههههه

روحي بوسيها واذا قالت شعندج قولي بس جذي امي وكيفي راح تضحك وتسكت الله يخليها لكم


بروووب

يا حلات كلامج .. والله يخليلج امج : )

والله لا يغير عليكم وباجر ان شالله بتلاقين بنتج تسويلج مثل جذي واكثر : )

ولا تقطعين عوايدج : )

 

[يوآش يوآش]

ياالله حرااام عليكم هاذي امكم جنتكم وناركم .. اذا ما حضنتي امج وحطيتي راسج على صدرها بتحضنين من ؟؟؟؟؟؟ وامج اللي احب انسان عندها انتي لا تكوني عاقه فيها تذكري قول الرسول عليه الصلاة والسلام امك ثم امك ثم اباااك ايش معناها لازم برها ونحسسها بحبنا لها والله لو ابوس رجلها مانوفي حقها ..اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت، وإذا سُئلت به أعطيت، أن تبسط على والدتي من بركاتك ورحمتك ورزقك اللهم ألبسها العافية حتى تهنئا بالمعيشة، واختم لها بالمغفرة حتى لا تضرها بالذنوب. اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين
اللهم لا تجعل لها ذنبا إلا غفرته ، ولا همّاً إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها، اللهم ولا تجعل لها حاجة عند أحد غيرك. اللهم و أقر أعينها بما تتمناه لنا في الدنيا، اللهم إجعل أوقاتها بذكرك معمورة، اللهم أسعدها بتقواك، اللهم اجعلها في ضمانك وأمانك وإحسانك اللهم ارزقها عيشا قارا ، ورزقا دارا ، وعملا بارا، اللهم ارزقها الجنة وما يقربها إليها من قول وعمل ، وباعد بينها وبين النار و ما يقربها إليها من قول و عمل. اللهم اجعلها من الذاكرين لك الشاكرين لك، الطائعين لك، المنيبين لك.

اللهم واجعل أوسع رزقها عند كبر سنها وانقطاع عمرها. اللهم واغفر لها جميع ما مضى من ذنوبها، واعصمها فيما بقي من عمرها، و ارزقها عملا زاكيا ترضى به عنها. اللهم تقبل توبتها، وأجب دعوتها. اللهم إنّا نعوذ بك أن تردها إلى أرذل العمر، اللهم واختم بالحسنات أعمالها. اللهم آمين اللهم وأعنّا على برّها حتى ترضى عنا فترضى، اللهم أعنّا على الإحسان إليها في كبرها، اللهم ورضّها علينا، اللهم ولا تتوفاها إلا وهي راضية عنا تمام الرضى، اللهم لا تتوفاها إلا وأنت راضٍ عنها تمام الرضى، اللهم أعنّا على خدمتها كما ينبغي لها علينا، اللهم اجعلنا بارّين طائعين لها اللهم ارزقنا رضاها ونعوذ بك من عقوقها، اللهم ارزقنا رضاها ونعوذ بك من عقوقها، اللهم ارزقنا رضاها ونعوذ بك من عقوقها

اللهم امين : )

 

[يوآش يوآش]

بصراحة ما هقيت ان في احد غيري يعاني بمثل معاناتي

مشكلتج مثل مشكلتي بالضبـــــــــــــــــط

على الرغم من مكانة امي الكبيره بقلبي وعلى كثر ما أحبها وأشوفها بنظري أحلى وأحسن وأطيب ام بالدنيا

بس بينا حواجز

يمكن لانها ما عودتنا من واحنا صغار نبوسها بالطلعه وبالدخله ومو من النوع اللي تحب تقعد وأحد لازق فيها ولامها

والله لما اشوف المسلسلات اشلون يبوسون ويلمون امهم ويقولولها يا اغلى وأحلى ام بالدنيا

أتحسررررر على حالتي

يعني انا ابوس امي بس بالمناسبات للأسف

يعني بالعيدين وبرمضان اباركلها وأبوسها وأبوس راسها واذا مريضه أو بالمستشفى او راده من السفر أو اكون مثلا نايمه عند اعمامي أو عماتي وأرجع البيت اسلم عليها وابوسها

هالشي يضايقني حيل لانه الموضوع رسمي يعني ودي كل ما اشوفها ألمها وأبوسها بس استحيييييييييييييييييييييييييييييييييييييييييي معنها امي حبيبتي بس استحييييييييييييييييي حدي

ساعات اشوف بنات العايله اشلون يبوسون امهم حييييل جنهم يبوسون خد ياااهل يشوق اتحسررررر على حالي اقول ليتني اقدر اسوي جذي

انا ما اقول اني متكبره على امي ولا ما انزل نفسي لها لألألألألألألأ انا مو جذي هاذي امي وأحبها وأموت فيها بس استحييييييي منها وايد



اثاري وايد بنات نفس الحاله مو بس انا

اقولج شي ما تصدقين انا حتن بالمناسبات ماابوسها .. ماادري حيل استحي ..وكله تحسسنه انه احنا يهال وصغار حيل

حتن حجيها معانا ونظراتها جنه تكلم يهال مع ان والله شخصياتنا كلش مو جذي بالعكس يمكن احنا اقوى من شخصيتها

وحتى البنات بالمنتدى هني الكل يعطيني اكبر من عمري بس ماادري ليش اهيا جذي ...

 

[يوآش يوآش]

السلام عليكم دلوعه شلونج
انزين بسئلج شنو سبب هلجفا بينج وبين امج
هل عشان يعني اهي ماعودتكم انها تبوسكم وتلمكم وانتو خلاص خذيتو هالطبع ؟
فديتج خنقولج شي الأم ياقلبي مايعوضها اي انسان كافي مسماها ام ولا راحت بعد عمر طويل بتحسفين على
كل يوم ضيعتي مالمتيها ولا بستيها تخيلي انا امووت على شي اسمى ريحة الوالدة ولا سافرت لازم وضروري اخذ شي
الشي الي تكون لابسته قبل ماتسافر عشان ريحتها فيه وكل يوم والله العضيم هم وانا حامل انزل وابوس ريلها يعني في البوس جني عرفات ههههههههههه حق الوالده اغرقها لا طلعت لا دشت لاكانت قاعده بصاله قبل لا تنام كل وقت لازم المها وابوسها واشم ريحتها
عاد اتصدقين امي ترى مو من النوع الي اهي بنفسها تيي تلمنا او تبوسنا بس انا عودتها تخيلي عودت امي حتى اذا كنت متضايقه او مالي خلق احد تعاتبتي ليش مابستيني او لمتيني عسى الله لا يحرمني منها احبها وايد ووالله يا دلوعه اني
ادعي واقولها عسى يومي قبل يومج يا يمه من كثر ماحبها وماتخيل فراقها مع اني تزوجت والحمدالله بس ماكو غنى عنها
ولو شنو انسوي مانوفي حقها والله تستاهل حتى ريولها ابوسها وحطها فوق راسي حاولي اتشيلين فكرة الحيا واشوي اشوي تقربي من امج اليوم بوسة على الراس باجر بوسة على الإيد الي عقبه حضن قبل لا تروح تنام والله يسخرج انتي واخوانكم حق امج ويخليها لكم اعذريني ادري طولت بس خصوصا موضوع الأم ما اقدر اني امر وماقول شي فيه
والله يوفقج

الله يدوم عليكم هالعاده الحلوه : )

والله يسمع منج واقدر اسوي كل هذا .. : )

والله انا نفسج اكثر شي يخوفني بالدنيا ان يصير لها شي مو زين : (

 

[يوآش يوآش]

وااااااي ياليت امي عايشه والله لاشيلها بعيوني
صحيح الواحد مايعرف قيمة الشي الا اذا فقده هذي الام حلوة اللبن
والله اتمنى انها ترجع للدنيا لو ثواني حتى اضمها وانام على حجرها واشم ريحتهاااا الله يرحمها رحمة واااسعه
يابنات تعوذو من ابليس وروحو طيحوا تحت رجولها فالجنة هناك ودورو رضاها فهو من رضا رب العالمين

االله يرحمها .. ويغمد روحها الينه ..

والله لو بكيفي رحت بس شغلات تمنعني : (

 

[يوآش يوآش]

بصراحه السبب من الاهل من الام والابو اذا ماعودوا عيالهم على هالشي ماراح يسوونه من كيفهم

اي عدل .. امي ماعودتنا كلش .. واهيا اصلا مااتحب اتلزق .. يعني لو احد يروح لها جذي

فجأءه يمسكها تقول شسالفه ؟ !

 

[يوآش يوآش]

انا بعد ودي الم امي ساعات بس اللي يمنعني اني استحييي وامي ما تحب احد يلزق فيها
يعني احس لو ابي المها راح احصل طراق لووووول

هههههههههههههه الحال من بعضه : )

 

[يوآش يوآش]

البوسه واللمه مو دليل الحب مدام تحبينها من داخلج وامج تدري ان بناتها يحبونها بس هذا اكبر حب بالدنيا

ويعد مو حلوه كل ساعه حابتها شنو تقول عني ياسر عرفات لووول
انا بطيبتها وكلامي اوصلها لي السما هي تستانس

لوووول .. هذا اللي انا اسويه بس اتحجى بدون بوس وهالسوالف : )

 

[شذى2007]

شوفي كل شي بدايته صعبه بس بعدها

تتعودين وانا استفدت بعد موضوعج والله

 

[يوآش يوآش]

حبيبتي ليش تستحين .......صيري نفسي اموووت على البوووس جني ياسر عرفات والله اروح وارد ابوووس وخالتي ام ريلي بعد مو امي كل ما اشوووفها ابوووسها ليش استحي بالعكس اصلا لما اتبينها واتبووسينها تتقربين منها ...........انا ابوووي بعد مو امي من اشووووفه والله الماااااااااااااااااااا وابووووسة وابوس ايده احس يقوول الحمد الله والشكر اشفيها هذي

الله يخليهم لج ويخليج لهم : )

 

[يوآش يوآش]

انا اول والله نفسج
احس امي حيل بعيده عني واذا طحت مشكله اخاف اقول لهاااا
بس اشوي اشوي حاليا احس اني قاعده اتقرب منها وايد
امي نوعهااا حبوبه وطيبه بس ان قلتلي لها مشكله
تقعد تعايرني ووو
بس شسوي هذا امي
واهيا اكيد اللي راح تحفظ سرناااا
الله يهدي بالج ع امج
ويارب تحنون عليها وتحن عليكم
ويهدي سركم لبعض

هههههههههه .. الله يخليلج امج وتقربين منها اكثر واكثر : )

 

[يوآش يوآش]

السلام عليكم

كل شيء بالتعود

أنما العلم بالتعلم

والحلم بالتحلم

والطبع بالتطبع

حاولي مرة ومرتين وعشر لحد ما يصير البوس فيج طبع ولآنج الكبيرة كل أخوانج وخواتج راح يقلدونج

ولا تكتفين بخدها ورأسها بوسي أيدينها وريولها

أنا الحمدلله عيالي يبوسون رأسي وأيديني وريولي ولزقة فيني حتى ساعت أزفهم من كثر ما يبوسوني لووول

وحتى بوسة الريول أقول لهم وسخة يصرون انهم يبوسونها ​

اي والله عوديهم من الحين ..ولا تخلين حواجز بينكم .. على ادنات الدون سولفوا وفضفضوا .. والله باجر

اذا كبروا ومالقوا هالشغلات يتعبون ..

الله يخليكم لبعض : )

 

[القرآن ربيع قلبي]

عادي هذي امج حبيبتي
باجر تتزوجين ان شاء الله ويرزقج الله عيال تتمنين واحد يبوسج ويلمج
والام ترى كل شي كل شي لو صغير تقدره وتحسه شي كبييييييييييير دامه من عيالها

انا احب راس امي وابوس ايدها ورجولها دايما كلنا وخواني وخواتي
وتزعل علي ادلدغها وافقصها المها لين ترضى علي ))تبي الفكه
بس ترا حبيبتي محد ضامن نفسه بهالدنيا لا يجي يوم تندمين ماحسستي امج هالشعور ولا انتي حسيتيه
تحدي نفسج وغيري الوضع بالبيت كله
وخلج قدوة حسنه لاخوانج والله يوفقج ويرضى عليج
فاجئيها بطبخه بهديه بدراعه بكاكاو المهم تتذكرينها والاهم وصلي لها هالشعور
ولا تحرمين نفسج بر امج
ترى البر شعور عظيييييييييييييييييييييييم ورضا الام شي مايتثمن بكنوز الدنيا كلها

 

[يوآش يوآش]

امبيه شنو هذا اللي قام اقراه؟؟ انتوا من صجكم؟؟؟
اشلون ما تبوسون امكم ولا تلمونها؟؟؟؟؟؟ ولا تلمسونها؟؟؟؟؟؟؟؟؟؟؟؟
الحمدلله واشكر ياربي
لا و تقولون جريئات؟؟؟؟ شكو الجرأه بالموضوع؟؟؟
صراحه موضوعكم ينرفز والله العظيم
هاذي امج تحت اريولها الجنه
بوسي راسها و ايدها و لميها بسبب و من غير سبب
انا ابوس امي لين ويهها يصير احمر من البوس والله و المها حيل
والله كل يوم اسلم عليها و ابوسها على راسها و على ايدها
اصلا من يوم كنا اصغار و احنا جذي
هذا انا اعتبره من بر الوالدين
شنو اللي تقولينه صعبه مادري شنو تخربطين؟؟ هاذي امج حمدي ربج ان عندج ام غيرج ماعنده
شنو تستحين من امج؟ والله عيب اللي تقولينه استحي على ويهج و روحي طيحي على راسها و بوسيها كل يوم
و هذا الي مفروض تربين عيالج عليه اذا تزوجتي كل يوم يسلمون عليج و يبوسونج على راسج

أشكر تفاعلج .. وهدي اعصابج شوي ..

وانا مو قاعده اتدلع عشان تقولين هالحجي .. انا عندي مشكله ومشكله كبيره مو صغيره لان انا الحين بنت كبيره

وشخصيتي اكتملت ويبيلي شغل على ما اغير شي فيني : )

 

[يوآش يوآش]

..,, حرام اكسرت خاطري امج
حاولي تدوسين ع المستحى شويه
لاتشوفيني لا باسنوني بناتي اطير من الفرحه مع انهم صغاار :eh_s(22):

هههههه الله يخليهم لج .. وعوديهم اكثر

والله انا احس بتأنيب الضمير لمن اشوف حجي مثل اللي انتي كاتبته

: (

 

[يوآش يوآش]

شوفي حبيبتي

انا من كنت صغيره تعودت وحتن اخواني تعودوا

اذا قعدنا الصبح نبوس راسها وراس ابوي

واذا جينا من المدرسه او اي مكان كنا طالعين له وهي مو معانا نبوسها

واذا نمنا وقعدنا العصر نبوسها طبعا اهي وابوي معاها

عودي نفسج كل ماشفتيها تبوسينها شنو مو صعبه لهدرجه هذي امج

انا حتى رجولها اذا تضايقت مني ابوسها مالنا بالدنيا الا الام والابو الله يديمهم ويطول بأعمارهم ياربـ

ويطول بعمر والدج ويحل مشكلتج وتجين تكتبين لنا ذبحت امي تبوس ومتضايقه من كثر ما ابوسها شسوي ههههههههههههههههه

هههههههههه الله يسمع منج : )

 

[يوآش يوآش]

واااااااااااااااااااااااايد نااااااااااااااااس وبنات نفسكم
وانا اقولكم شنو السبب السبب اهو الام نفسها صدقوني الام المفروض دايما تلم اعيالها وتبوس فيهم حتى ياكبروا عشان يتعودون على لمتها وحبتها ويدمنون عليها اصلا
لكن للاسف الام الي بعيده شوي عن اعيالها الاي سبب تعطي اوامر وطل عليهم وتروح وعيالها مايشوفونها الا اذا بغت تطلب شي او تامر وتنهي
اهني راح تبدي المشكله
انا ما اقول هذي المواصفات عن ام قاسية لا بالعكس ام حييييييييل حنونه وطيبة لكن بعض الاشياء الي تتساهل عنها بعض الامهات وتتوقع انها مالها داعي لكن مع السنين ولاايام راح تكتشف انها حيل مهمه وانها حيل محتالجة لها
انا اعرف وحدة مرة صارت كبيرة بالعمر تقول دايما عيالي مايحنون علي وما اسمع منهم كلمه طيبة
لما قعت مع بنتها وصارحوني بناتها للاسف اكتشفت ان الغلط من امهم لانهم يقولون امنا كانت رعب بالنسبة لنا كانت كله انشوفها تهاوش وتصارخ وتامرنا باداء الواجيبات ولاعمال المنزلية وتروح تقضي الساعات مع رفيجاتها وغيرة و صج البات اكبروا وتربوا احسن تربية والكل يمدح اخلاقهم لكن صار في حاجز بين الام والعيال
والحين لما كبرت حست اهيا اشكثر محتاجة للحنان لكن ماراح تلقاه من عيالها لان فاقد الشيء لايعطيه ,
وفي ام ثانية كل ماشافت واحد من عيالها لو يمشي من بعيد تنادية ياقلبي ويعمري ويا قرب عليها لمته وحبته وياكسر شي شالته وكلمته بحنية وقالته ليش ياقلبي انا ليش ياعمري لاتسوي جذب مرة ثانية
وماعندها الا اتلمم وتحبهم
والله عيالها الحين ريايل طول الباب وعرضة يادخل لم امه ومايقولها الا هلا بالغالية هلا بعمري هلا ياما
وسلامتكم واذا اي احد فيكم عرف السبب بطل العجب

انا امي طيبه وااااايد .. بس ماعودتنا على ان نبوسها عبالها لمن نكبر بنسويهم من نفسنا..


وامي بالعكس ما كانت رعب ولا اهيا من الامهات اللي تتأمر وتهاوش

مع ان امي مع يدتي نفس العلاقه همن حيا .. لا للمس لوووول

 

[يوآش يوآش]

اختي الله يهداج ليش هالاسلوب في احسن من جذي انتي مو حاسه بالبنت في حاجز ترى مو سهل الواحد يكسره انتي ما جربتي هالشعور ترى صعب

مشكوره حبيبتي .. والله انج حاسه فيني وصج اهيا مشكلله صعبه

واللي اسلوبها وحجيها محتد خليها على راحتها .. وانا لو في كلمه حسيتها غلط برد عليها : )

بس اهيا تلاقينها وايد تأثرت من الموضوع : )

 

[يوآش يوآش]

بنات شفيكم
ترا البنت قالت انها تستحي انها تبوس امها و هالشي يمكن سببه ان الام ماعودهم من وهما صغار على هالطبع
الحين خليتوها ماتعرف بر الوالدين ومستنكرين انها ماتبوس امها شدعوااااا شدعواااا
هذ ي مسأله تعود و اطباع لا اكثر يعني مو شرط كل البنات يبوسون امهم او كلهم مايبوسون عادي كل انسان له طريقه تربيه غير
بسكم انتفاد و تعصب
و لصاحبه الموضوع اقول
سوي الشي اللي ترتاحين له
و لاتصدقين المسلسلات وايد ترا كله تمثيل
يعني مايمنع بالمناسبات مثل تخرج و الا سفر تبوسينها
بس كل يوم و عالطالعه و النازله احسه غريب
و بعدين بضيف نقطه ثانيه مهمه
ترا الام المفروض تبادر بالبوس مو البنت
الرسول -ص- كان يقبل بنته فاطمه كل مايشوفها (و ليس العكس)
فمالا داعي تتفلسفون

فديتج .. حجي يبرد الجبد .. وانا اشوف حجي بس اتغاضى عنه لان كلش مااحب بالنقاش

حساسيه : )