♥♥♥ ادري انها بـــوســـه بس والله استحي ♥♥♥

[كـلي حلا]

ايه الحين احس اني رجعت طبيعيه من تاثير الكسحه

شوفي انتي جربي تسوين كل شي بالتدريج مثل ما قلت وانا حاسه فيك لاني كنت مثلك قبل ويمكن اخس بعد

لكني تغلبت على هالشي الحين :/


>>ترى امزح كنت عارفه قصدك بس حبيت اتلقف يختي من الفضاوة اعوذ بالله منها ;(

 

[عسل وردي]

السلام عليكم دلوعه شلونج
انزين بسئلج شنو سبب هلجفا بينج وبين امج
هل عشان يعني اهي ماعودتكم انها تبوسكم وتلمكم وانتو خلاص خذيتو هالطبع ؟
فديتج خنقولج شي الأم ياقلبي مايعوضها اي انسان كافي مسماها ام ولا راحت بعد عمر طويل بتحسفين على
كل يوم ضيعتي مالمتيها ولا بستيها تخيلي انا امووت على شي اسمى ريحة الوالدة ولا سافرت لازم وضروري اخذ شي
الشي الي تكون لابسته قبل ماتسافر عشان ريحتها فيه وكل يوم والله العضيم هم وانا حامل انزل وابوس ريلها يعني في البوس جني عرفات ههههههههههه حق الوالده اغرقها لا طلعت لا دشت لاكانت قاعده بصاله قبل لا تنام كل وقت لازم المها وابوسها واشم ريحتها
عاد اتصدقين امي ترى مو من النوع الي اهي بنفسها تيي تلمنا او تبوسنا بس انا عودتها تخيلي عودت امي حتى اذا كنت متضايقه او مالي خلق احد تعاتبتي ليش مابستيني او لمتيني عسى الله لا يحرمني منها احبها وايد ووالله يا دلوعه اني
ادعي واقولها عسى يومي قبل يومج يا يمه من كثر ماحبها وماتخيل فراقها مع اني تزوجت والحمدالله بس ماكو غنى عنها
ولو شنو انسوي مانوفي حقها والله تستاهل حتى ريولها ابوسها وحطها فوق راسي حاولي اتشيلين فكرة الحيا واشوي اشوي تقربي من امج اليوم بوسة على الراس باجر بوسة على الإيد الي عقبه حضن قبل لا تروح تنام والله يسخرج انتي واخوانكم حق امج ويخليها لكم اعذريني ادري طولت بس خصوصا موضوع الأم ما اقدر اني امر وماقول شي فيه
والله يوفقج

 

[أنثى بلذة العسل]

وااااااي ياليت امي عايشه والله لاشيلها بعيوني
صحيح الواحد مايعرف قيمة الشي الا اذا فقده هذي الام حلوة اللبن
والله اتمنى انها ترجع للدنيا لو ثواني حتى اضمها وانام على حجرها واشم ريحتهاااا الله يرحمها رحمة واااسعه
يابنات تعوذو من ابليس وروحو طيحوا تحت رجولها فالجنة هناك ودورو رضاها فهو من رضا رب العالمين

 

[.. نواري ..]

تبين الحل اللي فادني جربيه وصج صج بتتغيرين إن شاء الله


أول شي إقعدي بغرفتج وتخيلي إن (الله يخلي لج أمج ومايحرمج منها ) بس جربي تتخيلين أمج مو معاج
ومرت سنين على بعدها عنج وإنتي بتكونين حزتها ميته على شوفتها ولمتها صدقيني راح تروحين وتلمينها

وبعد اللي فادني إن لما أشوف أمي بروحها أسولف معاها أو أتغشمر بعدها ألمها صح أول شي كنت ألمها وأحس إني متخشبه شوي بس كنت أدري أن هاذي البدايه لازم تكون صعبه

جربي مره و2 و3 ولو تقدرين لاتخلين يوم يمر من غير لاتلمينها وتبوسينها

الحمدلله بعد هالطريقه آنا ألمها بس مو جدام الناس

 

[كراميلا مرة]

والله حتى انا نفسك
استحي ابوس امي او المها

 

[مدام تمارا]

بصراحه السبب من الاهل من الام والابو اذا ماعودوا عيالهم على هالشي ماراح يسوونه من كيفهم

 

[كوكاوه]

انا بعد ودي الم امي ساعات بس اللي يمنعني اني استحييي وامي ما تحب احد يلزق فيها
يعني احس لو ابي المها راح احصل طراق لووووول

 

[كويتيه مذهله 87]

البوسه واللمه مو دليل الحب مدام تحبينها من داخلج وامج تدري ان بناتها يحبونها بس هذا اكبر حب بالدنيا

ويعد مو حلوه كل ساعه حابتها شنو تقول عني ياسر عرفات لووول
انا بطيبتها وكلامي اوصلها لي السما هي تستانس

 

[om...al3ess]

حبيبتي ليش تستحين .......صيري نفسي اموووت على البوووس جني ياسر عرفات والله اروح وارد ابوووس وخالتي ام ريلي بعد مو امي كل ما اشوووفها ابوووسها ليش استحي بالعكس اصلا لما اتبينها واتبووسينها تتقربين منها ...........انا ابوووي بعد مو امي من اشووووفه والله الماااااااااااااااااااا وابووووسة وابوس ايده احس يقوول الحمد الله والشكر اشفيها هذي

 

[ســـــكر]

انا اول والله نفسج
احس امي حيل بعيده عني واذا طحت مشكله اخاف اقول لهاااا
بس اشوي اشوي حاليا احس اني قاعده اتقرب منها وايد
امي نوعهااا حبوبه وطيبه بس ان قلتلي لها مشكله
تقعد تعايرني ووو
بس شسوي هذا امي
واهيا اكيد اللي راح تحفظ سرناااا
الله يهدي بالج ع امج
ويارب تحنون عليها وتحن عليكم
ويهدي سركم لبعض

 

[Mazyoona]

امم انا لما ادخل و اطلع من البيت ابوس راسها
بس غيره ما اقدر، ليش ما ادري!
حتى المها مرات تلحقني لول بس استحي!

 

[جوري وبنفسج]

السلام عليكم

كل شيء بالتعود

أنما العلم بالتعلم

والحلم بالتحلم

والطبع بالتطبع

حاولي مرة ومرتين وعشر لحد ما يصير البوس فيج طبع ولآنج الكبيرة كل أخوانج وخواتج راح يقلدونج

ولا تكتفين بخدها ورأسها بوسي أيدينها وريولها

أنا الحمدلله عيالي يبوسون رأسي وأيديني وريولي ولزقة فيني حتى ساعت أزفهم من كثر ما يبوسوني لووول

وحتى بوسة الريول أقول لهم وسخة يصرون انهم يبوسونها ​

 

[bazoona]

امبيه شنو هذا اللي قام اقراه؟؟ انتوا من صجكم؟؟؟
اشلون ما تبوسون امكم ولا تلمونها؟؟؟؟؟؟ ولا تلمسونها؟؟؟؟؟؟؟؟؟؟؟؟
الحمدلله واشكر ياربي
لا و تقولون جريئات؟؟؟؟ شكو الجرأه بالموضوع؟؟؟
صراحه موضوعكم ينرفز والله العظيم
هاذي امج تحت اريولها الجنه
بوسي راسها و ايدها و لميها بسبب و من غير سبب
انا ابوس امي لين ويهها يصير احمر من البوس والله و المها حيل
والله كل يوم اسلم عليها و ابوسها على راسها و على ايدها
اصلا من يوم كنا اصغار و احنا جذي
هذا انا اعتبره من بر الوالدين
شنو اللي تقولينه صعبه مادري شنو تخربطين؟؟ هاذي امج حمدي ربج ان عندج ام غيرج ماعنده
شنو تستحين من امج؟ والله عيب اللي تقولينه استحي على ويهج و روحي طيحي على راسها و بوسيها كل يوم
و هذا الي مفروض تربين عيالج عليه اذا تزوجتي كل يوم يسلمون عليج و يبوسونج على راسج

 

[om al ghaleen]

..,, حرام اكسرت خاطري امج
حاولي تدوسين ع المستحى شويه
لاتشوفيني لا باسنوني بناتي اطير من الفرحه مع انهم صغاار :eh_s(22):

 

[تبطي عظم!]

شوفي حبيبتي

انا من كنت صغيره تعودت وحتن اخواني تعودوا

اذا قعدنا الصبح نبوس راسها وراس ابوي

واذا جينا من المدرسه او اي مكان كنا طالعين له وهي مو معانا نبوسها

واذا نمنا وقعدنا العصر نبوسها طبعا اهي وابوي معاها

عودي نفسج كل ماشفتيها تبوسينها شنو مو صعبه لهدرجه هذي امج

انا حتى رجولها اذا تضايقت مني ابوسها مالنا بالدنيا الا الام والابو الله يديمهم ويطول بأعمارهم ياربـ

ويطول بعمر والدج ويحل مشكلتج وتجين تكتبين لنا ذبحت امي تبوس ومتضايقه من كثر ما ابوسها شسوي ههههههههههههههههه

 

[marimor]

والله نفسي مع انه انا حيل وياها كل شي اقولها وكل شي تقولي
بس مادري ليش مااتجرئ ابوسها والمها
بس مع ابوي عادي
شالحل ؟؟

 

[زهرة الخليج 81]

واااااااااااااااااااااااايد نااااااااااااااااس وبنات نفسكم
وانا اقولكم شنو السبب السبب اهو الام نفسها صدقوني الام المفروض دايما تلم اعيالها وتبوس فيهم حتى ياكبروا عشان يتعودون على لمتها وحبتها ويدمنون عليها اصلا
لكن للاسف الام الي بعيده شوي عن اعيالها الاي سبب تعطي اوامر وطل عليهم وتروح وعيالها مايشوفونها الا اذا بغت تطلب شي او تامر وتنهي
اهني راح تبدي المشكله
انا ما اقول هذي المواصفات عن ام قاسية لا بالعكس ام حييييييييل حنونه وطيبة لكن بعض الاشياء الي تتساهل عنها بعض الامهات وتتوقع انها مالها داعي لكن مع السنين ولاايام راح تكتشف انها حيل مهمه وانها حيل محتالجة لها
انا اعرف وحدة مرة صارت كبيرة بالعمر تقول دايما عيالي مايحنون علي وما اسمع منهم كلمه طيبة
لما قعت مع بنتها وصارحوني بناتها للاسف اكتشفت ان الغلط من امهم لانهم يقولون امنا كانت رعب بالنسبة لنا كانت كله انشوفها تهاوش وتصارخ وتامرنا باداء الواجيبات ولاعمال المنزلية وتروح تقضي الساعات مع رفيجاتها وغيرة و صج البات اكبروا وتربوا احسن تربية والكل يمدح اخلاقهم لكن صار في حاجز بين الام والعيال
والحين لما كبرت حست اهيا اشكثر محتاجة للحنان لكن ماراح تلقاه من عيالها لان فاقد الشيء لايعطيه ,
وفي ام ثانية كل ماشافت واحد من عيالها لو يمشي من بعيد تنادية ياقلبي ويعمري ويا قرب عليها لمته وحبته وياكسر شي شالته وكلمته بحنية وقالته ليش ياقلبي انا ليش ياعمري لاتسوي جذب مرة ثانية
وماعندها الا اتلمم وتحبهم
والله عيالها الحين ريايل طول الباب وعرضة يادخل لم امه ومايقولها الا هلا بالغالية هلا بعمري هلا ياما
وسلامتكم واذا اي احد فيكم عرف السبب بطل العجب

 

[كوكاوه]

امبيه شنو هذا اللي قام اقراه؟؟ انتوا من صجكم؟؟؟
اشلون ما تبوسون امكم ولا تلمونها؟؟؟؟؟؟ ولا تلمسونها؟؟؟؟؟؟؟؟؟؟؟؟
الحمدلله واشكر ياربي
لا و تقولون جريئات؟؟؟؟ شكو الجرأه بالموضوع؟؟؟
صراحه موضوعكم ينرفز والله العظيم
هاذي امج تحت اريولها الجنه
بوسي راسها و ايدها و لميها بسبب و من غير سبب
انا ابوس امي لين ويهها يصير احمر من البوس والله و المها حيل
والله كل يوم اسلم عليها و ابوسها على راسها و على ايدها
اصلا من يوم كنا اصغار و احنا جذي
هذا انا اعتبره من بر الوالدين
شنو اللي تقولينه صعبه مادري شنو تخربطين؟؟ هاذي امج حمدي ربج ان عندج ام غيرج ماعنده
شنو تستحين من امج؟ والله عيب اللي تقولينه استحي على ويهج و روحي طيحي على راسها و بوسيها كل يوم
و هذا الي مفروض تربين عيالج عليه اذا تزوجتي كل يوم يسلمون عليج و يبوسونج على راسج

اختي الله يهداج ليش هالاسلوب في احسن من جذي انتي مو حاسه بالبنت في حاجز ترى مو سهل الواحد يكسره انتي ما جربتي هالشعور ترى صعب

 

[دنيا رديه]

يمكن تستحين منهااااا
بالعكس تقربي منها وبوسيها وقعدي وياها

الله لاصار فيها شي تتمنين تقعدين معاها لو ساعه

انا وربي اتمنى امي تكون عايشه وقسم بالله مافرقها لو ثانيه

والله روحي لها بوسيها لميها حتى بغشمره رااح تستانس لانه ماااااافي احسن وصدق حب بالعالم مثل حب الام لعيالها

 

[نور دربي]

والله نفس حالتكم


ودي احضنها وابوسها وجذي


بس تدرون ليش لانه ما تعودنا من يوم كنا صغار

لو كنا متعودين جان ما استحيينا ووسوينا بس والله نستحي

انا كل مره احاول بس ماقدر استحي ليش مادري والله

ع قولتهم الفعل صعب