♥♡♥ تجمع لجميـع مواليـــد 2014 حيــــــاكمـ ♥♡♥

[أم عزوزي الغالي]

رد: تجمع مواليد أكتوبر 2014 بإذن الله

السلام عليكم


ابشركم ولدت الحمدالله طبيعي

 

[حكآية قلب]

رد: تجمع مواليد أكتوبر 2014 بإذن الله

ماشاءالله


شكلي انا بسكر التجمع����


واي انا للحين منسدحه و الطلوق تجي لي من الليل لما يطلع الصبح

واتريق وانام


من التعب



يارب تهون علي والله والله كسرت خاطر نفسي بس قاعدة ابجي وابلع

 

[أم عزوزي الغالي]

رد: تجمع مواليد أكتوبر 2014 بإذن الله

الله يهون عليج حكايه

 

[بدون بس مغتربه]

رد: تجمع مواليد أكتوبر 2014 بإذن الله

الحمدلله على سلامتج ام عزوزي ويتربى بعزكم ماجاكم... الفال لباقي البنات يولدون طبيعي

حكايه يتهائ لج انج بتطولين هل اليومين ان شالله بتولدين دام في طلوق...بس السدحه ماتساعد خليج قاعد على حيلج علاقل.

وان شالله ربي يهونها عليج

 

[حكآية قلب]

رد: تجمع مواليد أكتوبر 2014 بإذن الله

الله يسمع منك ام عزوووز

انتي وبدون


بنات انا الحين اشرب حليب وحلبه وعسل تدرون من شربتها يومين احس المهبل يتمزع يعور
ان شاءالله يكون لين


اليوم شربت اناناس العصر واحس وايد ريحني واحس البنوته متكورة تحت بطني صار جنه كرة سله
بطني اليوم شكله غير

و وجهي لونه ازرق

يارب يكون بوادر ولادة

باجر ان شاءالله ولا اللي عقبه
مابي اطوووووول

 

[بدون بس مغتربه]

رد: تجمع مواليد أكتوبر 2014 بإذن الله

ان شالله يارب تكون بوادر ولاده ، توقيعيها باي لحظه تجي..

 

[أم عزوزي الغالي]

رد: تجمع مواليد أكتوبر 2014 بإذن الله

بدون الله يسلمج

 

[اهذريبك~]

رد: تجمع مواليد أكتوبر 2014 بإذن الله

الحمد لله رب العالمين ، قصة ولادتي باحلى ولد :

يوم الاربعاء كان عندي مراجعه و فحصتني الدكتورة و كنت متفائلة جدا بس صدمتني الدكتورة قالت الرحم سمييييك و مو فاتح غير نص سانتي و الراس مرتفع وعطتني خروع على اساس اشربه الخميس طلعت و انا متحطمة نفسيا و مت من البجي لان قبل اسبوع كان فاتح سانتي ونص ل 2 انجنيييييت ياربي شلون قفل.

سالت امي ماعندها فكرة عن الموضوع قالت كل شي بيد ربج بس انا ماقعدت جذي قمت ابحث و ابحث و قريت مواضيع بالنت عن الشمم بالشهر التاسع و ان الحامل لازم تتجنبهم عشان يفتح الرحم بسرعه و كان علاجه منقوع المرة و الحلتيته و قلت لامي و اصريت انها تعطيني و امي رافضه و عطتني خوا جوا كان فيه مرة و حلتيت بس اكتشفت بعد ماولدت ان مافيه الا مرة و خوا جوا ههههه اعترفت لي امي و حطتلي اياه بشاش و حطيته على خشمي ربع ساعه و نمت .

و من الفجر بدا يتصلب بطني حيييييل و ماقدرت انام مع عوار الظهر راح عن بالي انه طلق و رحت اخذ تخطيط بالحكومة و كنت بس بتطمن عالنبض و ماكنت ناوية ادخل عالدكتورة و دخلتني الممرضه و قلتلها و فحصت و قالت انتي مفتوحه 3 سانتي قريب ال 4 انا انصدمت و التخطيط باين الطلق منتظم كل 5 دقايق .

قالت انطري ساعتين و ارد افحص نطرت ساعتين و كان شعوري عادي مو متحمسه قلت اكيد بيصكر والا في شي غلط ههههه فقدت الامل المهم فحصت قالت 4 سانتي دخول و طلعت على مسؤليتي عشان بولد بالخاص .

رديت البيت تسبحت و تغديت و جهزت اغراضي و الساعه 2 دقيت على زوجي و عباله استعبط هههههه قال شنو نلعب امس نص و اليوم 4 سانتي !!! الحمد لله و قلت لا تستعجل رحت المستشفى 6 ونص المغرب و على ماسوينا اوراق الدخول و غيره دخلت جناح الولاده 9 و كان الطلق كل ماله يزيد و الممرضات متواصلات مع دكتورتي كانت من برا المستشفى قالت خلوها تمشي مشيت لييين ما قدرت امشي من العوار طلبت كمام عشان يخف بس ماكو فايده حسيته يضيعنيييي حيييل و شعور كلش مو حلو جني مهلوسة .

المهم دخلو علي ثنتين و فحصو الساعه 10 الحين 4 سانتي و موصيتهم الدكتوره يبطون الماي و يركبون طلق صناعي قلت لحد يجيني لين توصل امي و ابجي حيييل خذو فوني و بطو الماي و قالو لج 4 ارقام دقي بسرعه عشان بتاخذ الفون و انا قعدت ابجي مثل البيبي و امسك بطني و اقول بيذبحونة بطو مايه ودق زوجي و خرعته الممرضه و انا ابجييي حيييل من تاثير الكمام و اصيييح ابي امييي مسكين رد المستشفى من الخرعه ههههههه .

المهم فلمت حييييييييل حييييل و اصيييييح من العوار احس جني بنفجرررر و لما دخلت امي اقول لها قصو علي و بطو الماي يمه احبج و ابجي و اصيح هههههههه تاثير الكمام خياليييي .


زاد العوار عال11 وصلت 5 سانتي و بعدها الطلق حمى حييييل طلبت ابرة ظهر و امي رافضه و اقول كيفيييي تقول اضرارها و اقول انا من عمري راسي يصدع من غير شي ابي اخذها بس كنت بوضع لا احسد عليه ههههه وطلبتها تاخرت الدكتورة و لما وصلت و بيالله عطتني لانها لاحظت العوار حامي حيييل توقعت بطلت زياده المهم عطوني اياهااا و ارتحت صج لي قالو ابرة الرحمة من بعدها اوزع ابتسامات و اشوف الطلق و اضحك حيييل يارب تاجرنا .


قعدت اسولف مع امي طبعا امي تبجي مني من الخرعه هههههه من تاثير الكمام يدخلج بعوامه شي طبيعي عالوحده وصلت 6 ونص و بعدها 7 و 7 ونص و وصلت دكتورتي و الراس عالي قالت سوي بوووش عشان ينزل كل ماشافو طلق خلوني اسوي بوش و تقول شاطرة اكثر بعد ليييين مافتح 10 سانتي و جو ثنتين ضغطوا بطني و الدكتورة تنطر الراس و انا اسوي بوش حييييييل و بوعييي بس ماحس بالعوار و لله الحمد طلع البيبي و كان ازرق .

وجبت احلى ولد ياربي لك الحمد احلى شعور لما يقطونة على صدرري و انا واعيه يارب يرزقكم بالولادة السهله الطبيعيه واتمنى تستفيدون من قصتي.

 

[بدون بس مغتربه]

رد: تجمع مواليد أكتوبر 2014 بإذن الله

صباح الخير... قصتج مشجعه اهذري بك ... صح العوار شي موطبيعي بس كنتي قدها... للحين ماتخيل الولاده وباقي عشر ايام على موعدي الله يستر بس ... بس يعني كم ساعه قعدتي بالمستشفى وليش بطوا الماي عشان في طلق موو؟ ربي يحفظ لج ضناج

 

[اهذريبك~]

رد: تجمع مواليد أكتوبر 2014 بإذن الله

بطو الماي عشان يحمي الطلق و مع الطلق الصناعي ماقدرت احمل عوار اضعاف مضاعفه و ورا بعض مايعطيج راحه تتنفسين .

الحمد لله من بعد مابطو الماي ماطولت 6 ساعات الا و انا والده


الحمد لله الحمد لله على كل شي بنات لاتنسون الاذكار و ذكر الله وقت الولاده و الدعاء باذن الله مستجاب

 

[سكرررة]

رد: تجمع مواليد أكتوبر 2014 بإذن الله

قصتج مشجعه اهذريبك الحمدالله على سلامتج وسلامة بيبيج

 

[لوولوو_88]

رد: تجمع مواليد أكتوبر 2014 بإذن الله

♡♡♡ لستة تجمع كروشات أكتوبر ♡♡♡


1- حكاية قلب .. 7/10 .. ( بنت )


2- باربي شمر 87 .. 20/10 .. ( ولد )
3- الطربوش .. 20/10 .. ( ولد )


4- bulbul3001 .. 21/10 .. ( بنت )


5- أم نجلاء .. 22/10 .. ( بنت )


6- ^^ أم الزين ^^ .. 25/10 .. ( ولد )
7- سمراء كالخمري .. 25/10 .. ( ولد )
8- حمووشه المطيري .. 25/10 .. ( ولد )


9- بدون بس مغتربه .. 26/10 .. ( ولد )


10- الفوز حلو .. 28/10 .. ( ولد )
11- أم ناصر 2009 .. 28/10 .. ( بنت )


12- تولة مسك 030 .. 29/10 .. ( ولد )
13- BarBya .. 29/10 .. ( ولد )
14- انتيكا .. 29/10 ..


15- بطبعي رقيقة .. 30/10 .. ( ولد )


16- QA6RYA .. 31/10 .. ( ولد )


♡♡♡♡♡♡♡♡♡♡♡♡♡♡♡




♡♡♡ ولادات تجمع أكتوبر ♡♡♡

قلب زوجي و ولدي .. ( ولد )

دلال الكويت .. ( ولد )

كلي هداوه .. ( بنت )

ورده سوريه .. ( بنت )

امورته .. ( بنت )

لوولوو_88 .. ( ولد )

سارونه .. ( بنت )

طهر .. ( ولد )

مهابه .. ( بنت )

بنت الوفا .. ( ولد )

ككوته .. ( بنت )

اهذريبك .. ( ولد )

أم عزوزي الغالي .. ( ولد )


الف مبروك ( ام عزوزي الغالي ) الحمدلله على سلامتج و سلامة وليدج ربي يجعله من الذريه الصالحه ♡

راح اضطر اشيل اسم hope91 لأنه طاف على موعدها وايد و مختفيا أتمنى أنها ولدت بالسلامه و ادش اطمنا ♡

ربي يسهل على الباقي انشالله و يرزقنا الولاده السهلة و الميسرة يا رب و تقر عيونا ابيبياتنا و اهما بصحة وعافية اللهم آمين ♡

 

[حكآية قلب]

رد: تجمع مواليد أكتوبر 2014 بإذن الله

توني راجعه من الطبيب

واي انا تعبت نفسيا صراحه شي خيالي اللي يصير

رحت و فحصني وقال للحين 2 سانتي و احسن شوي من اول

قالي شربي دارسين ولا تاخذين خروع

يقولي رحمج حيل حيل سميك

و بنتي صار وزنها 3500

و فحصني اول و حيل شددد علي وقال فيه طلق حتی

و بعدين جيك سونار وقال وضع زين
وعطاني موعد الثلاثا الجاي اخر شي !!

قالي ان شاءالله ماتجينا الثلاثا تجينا قبلها ولادة


انا والله هسترت تعبت يابنات ابي ارتاح مادري شلون

ادعولي يابنات والله صرت حديث الناس الكل عبالها توم فيني مالت عليهم وعلی عيونهم الحسودة

لان انا اساسا عندي اخت توام ويقولون يمكن توام و مو شهرها عشان مايبن كبر بطنها

 

[^^ام الزين^^]

رد: تجمع مواليد أكتوبر 2014 بإذن الله

الحمدلله على تمام النعمه واكتمال المنه ولدت طبيعي وجبت ولدي الحلو فديته قبل يومين ولدت تاريخ ١٢/ ١٠ الساعه ١١ و ٥٥ دقيقه بالليل يعني كان باجي ٥ دقايق عاليوم الثاني بس ولدي مافيه صبر
الفال لج حكايه وللي ما ولدو
وانا تقريبا نفس قصتج اهذريبك بس انا ما كان مسكر من رحتلكم مفتوح الرحم ٣ سانتي وطلق منتظم وعقب ساعه ٤ سانتي ودخلوني ولاده عالساعه ٥ ونص على اذان المغرب وولدت عقب ٦ ساعات وهم بعد انا الرحم سميك والطفل مو نازل راسه بالحوض بس نزل بنص الولاده عالساعه ٨ قالتلي البيبي نزل بالحوض الحمدلله وعلى الكمام وابر التخدير تخليني انام واقعد كل شوي صج شي يتعب ومو مريح بس شسوي انا وحده خوافه حيل من سالفه ابرة الظهر حيل اوسوس انه يغلطون فيها وما اخذها لو شنو يصير فيني الحمدلله
هذي قصه الولاده
حكايه انا شربت خلطه الحليب يوم الاربعاء وقام يجيني عوار خفيف بالليل ويروح الصبح نفس حالتج وبعد ٤ ايام شربت مره ثانيه اللي اهوا يوم السبت ويوم الاحد جاني طلق
وهم بعد كنت اشرب يوميا حليب وزعفران مرتين وشربت كف مريم مره وحده وشربت زعتر يوميا يقولون الزعتر اهوا اللي يفتح الرحم وانا بعد ساعدني الدكتور سوالي توسعه ومن رديت منه شربت خلطه الحليب على شان جذي بسرعه فتح وجاني طلق والفال لج يارب
عندي احساس انج دخلتي ولاده يارب يسهلج ولادتج وتولدين طبيعي يارب وباجي البنات ان شاءالله

 

[^^ام الزين^^]

رد: تجمع مواليد أكتوبر 2014 بإذن الله

شربي حليب وزعفران وبعدها خلطة الحليب اللي فيها دارسين
وعلى فكره اللي يقولج الدارسين يخلي الرحم سميك ترى كلام فاضي انا الدكتور قالي انتي شاربه دارسين مبين لان الطلق منتظم عندج قلتله اي بس يقولون يخلي الرحم سميك قام يضحك يقول شلون ومن عمر الدنيا حريم اول يشربون دارسين من تدخل الوحده شهرها وولادتها سهله والحمدلله يقول خلج من هالحجي

 

[بدون بس مغتربه]

رد: تجمع مواليد أكتوبر 2014 بإذن الله

الحمدلله على سلامتج ام الزين ويتربى بعزكم ماجاكم.. الفال لنا ان شالله..
والله ياحكايه انا نفسج من العيون الحسوده تعبت وتمرضت ذبحتني الناس من عيونها كله تقول مالج بطن بطنج حلوه وصغيره... ذبحوني.. والله من فطنتهم تمرضت مادري شنوو صار فيني والطبيب يقول مافي شي ..يلاا على الله

 

[^^ام الزين^^]

رد: تجمع مواليد أكتوبر 2014 بإذن الله

الله يبارك فيج بدون تسلمين والفال لكم يارب

 

[انتيكا]

رد: تجمع مواليد أكتوبر 2014 بإذن الله

بنات ابشركم ولدت وجبت بنووووته الحمدلله

 

[بطبعي رقيقه]

رد: تجمع مواليد أكتوبر 2014 بإذن الله

يا شين وضع المنتدى زاد الغثا عليناا :rgewrg:معلللللللق ومو مبينة المواضيع واليوم بالغصب سجل دخولي:rgewrg:
مبروووك حكاية والف الحمدلله ع سللااامتج فرررجت :eh_s(11):

انا بالاسبوع 38 ويومين

 

[^^ام الزين^^]

رد: تجمع مواليد أكتوبر 2014 بإذن الله

شالسالفه شفيه المنتدى ما تبطل المواضيع
خرف هالمنتدى على الدنيا السلام