رد: تجمع مواليد أكتوبر 2014 بإذن الله
مبرووووووك كلي هداوه والحمدلله ع السسلامه
قصة ولادتي الله يسسلمكم :
الخميس بالليل كنت سهرانه مافيني لاطلق ولاشي ع الفجر قامت بنتي بس تبجي وانا حاطتها بحظني واهزها عمرها سنتين
وزوجي طبعا كان قاعد ويطقطق بالتلفون فجأه وبنتي بحظني ع الخمس حسيت بالم فضيييع وحركه الجاهل بسرعه بسرعه
صبرت شوي كلش ماوقف الالم ع6 وشي رحت المستشفى الا مفتوحه 4سانتي وداخله ع 5طبعا الطوارى فحصوني قالت انتي ولاده
كانت دكتوره مصريه لابسه نظارات المهم صعدت الولاده وكان سبحان الله داخلين معاي 4بنات العاده لمن اولد بروحي فبجري وببنتي انا
دخلت وهذيج سيده ولدت يعني كان معاي بس وحده هالمره لاززحمه والسسترات حايسين المهم حطولي الحقنه ودخلت الحمام الله يكرمكم
طلعت ادور السستر لقيتهم متجمعين ويسولفون اناديها تعالي اي غرفه بتودوني جت ودتني طبعا كل هذا وانا الالم ماوقف سدحتني ع
السرير وفتحت الكبت بتطلع اغراض المغذي وهالسوالف هني ماقدرت خلاص مت من الالم قلتله ركبي الكمام اول ابي كمام وهي ماخذتني
على قد عقلي زين زين وقاعد تكمل شغلها ودخلت رفيجتها ويسولفون ماجنه في وحده تتالم حطت المغذي بعدين ركبت الكمام وسيده شفطته
ونمت وكل ساع يخففونه عني وكل ماقاستني الدكتوره 5 سانتي طولت وانا 5 سانتي يقولون طلقها بارد تخيلوا بنات فجأه يخففون عني الكمام واحس بكل شي مادري ليش كانوا يخففونه المهم عطوني طلق صناعي مت يذبححح قعدت اصايح نوموني عطوني مسكن وغزوني ابره نوموني شوي لاني تعبت حييييل وحزه طلعت الراس وشدي كلش ما اتذكرها تخيلوا بنات علمي بنفسي بس اصايح عطوني مسكن لمن
مت اخر شي من الالم عاد لمن قوموني خلاص ولدت اسألهم اكيد طبيعي تقول السستر والله طبيعي
حجزت جناح ملكي بالنسبه للسيرفس كان زففففففت السسترات زفت
المستشفى كان دار الشفا كنت من محبينه ووالده فيه والدتين وكان كل شي فيه
عجييييب بس مدري شاللي صار العاده بالولاده يحطون السسترات فلبينيات وبس قاعده
بغرفه الولاده مجابلتج هالمره اكثر شي هنديات وتفرفر برت الغرفه وبس تسولف مويمج
اككككثر ولاده تعبت فيها الحمدلله على كل حال دخلت الولاده ع 7وشي الصبح وولدت 6 المغرب
ولاداتي اول كانت 3ساعات
بس الحمدلله جبت الحلو عزوووووزي وكل ماشوفه انسى التعب
والفال لككم كلكم بالولاده السهله اللي تغمضين وتفتحين الا انتي والده
