♥♡♥ تجمع لجميـع مواليـــد 2014 حيــــــاكمـ ♥♡♥

[الطربوش]

رد: تجمع مواليد أكتوبر 2014 بإذن الله

انتيكا
شنو اهي خلطة الحليب

 

[الطربوش]

رد: تجمع مواليد أكتوبر 2014 بإذن الله

بنات خاطري اسوي استقبالي في البيت ويكون شغله مو مادي حييل يعني زوين السعر
لان في بناتي ولا مره سويت
وماعرف اي شي عن الاستقبال وين اروح وين اسوي ودي يكون الافضل ان اكو خدمه توصيل لي عندي
هههههههه والله مافيني حيل اتحرك كلش
وتوني قررت اني اسوي استقبال
عشان جذي ابيكم تعلموني ماعرف شي

 

[وردة سورية]

رد: تجمع مواليد أكتوبر 2014 بإذن الله

يا حبيباتي هذي الخلطه نعمه من ربي والله يجزاها خيييييير من نشرتها وخلت الحوامل يستفيدون منها وتتسهل ولادتهم بعد الله ,والحمدلله انا جربتها وفادتني والله يكتب الاجر لصاحبة الخلطه-----

طبعا الموضووووع منقووووووووووول
بالله اسمعوني والله ما أكذب ياجماعه انا مجربه هذه الوصفه وعائلتي مجربتها كلنا نمدح فيها ومجربين فرق الولاده باستخدامها ومن غيرها...

عمل هذه الوصفه:
تفتح الرحم شويه شويه في مدة اسبوعين وانت ماتشعرى بحاجه
(ولله سلفتي راحت تراجع عند الدكتوره إلا الدكتوره استغربت قالت لها:الرحم عندك مفتوح اربعه سم انتى منتي حاسه بشي؟؟
وانا رحت للدكتوره وكنت بكر يعني حامل باول طفل ليا جاتني اوجاع زي الآم الدوره الشهريه ورحت وكنت امزح مع زوجي اقوله أتخيل تكون ولاده؟؟لأن الالام كانت مش جامده كثير
إلا الدكتوره تقولي الرحم مفتوح عندك سبعه سم؟؟)

الوصفه وطريقة عملها:

الوصفه عباره عن:
كمون + ينسون + نينخه + شمر + حلبه + محلب + حبه سوداء(حبة البركه) طبعا كل الحتويات هاذى حبوب مش مطحونه
اما طريقة تناولها فهي كالتالى:
ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب
تشرب هذه الوصفه بعد مرور اسبوعين من الشهر التاسع كل يوم مره واحده

الله يسعدكم انشروا هاذى الوصفه لكل اللي تعرفوه
ترى انا ما اشوف حامل إلا اعطيها الوصفه سواء كنت اعرفها ولا لأ
الله يسهل لكل وحده حامل و يرزق اللي ماعندها اطفال.......
ولا تغفلوا عن نقطه مهمممه جدا جدا وهى الاساس لتسهيل الولاده وهى

الدعاء ..الدعاء..الدعاء........فالله عز وجل بيده تسهيل جميع الامور في حياتنا
والاكثار من تلاوة القرآن الكريم.......
طبعا هذا الموضوع منقول بس انا اقولكم تجربتي واقسم بالله ان كلامها كله صدق وانا اول من جربها وكل من اعطيت تقول والله اني ادعيلك وانا في غرفه الولاده انا جلست ساعه وحده في غرفه الولاده يعني وولادت ونزلت المشيمه براحه يعني جلست تفرك في بطني يمكن ربع ساعه وخيط الدكتور بعدين كلمت زوجي بالجوال وكل هذا صار بس في ساعه واحده متعدت ابد يمكن تنقص من الساعه والله العظيم اني ماكذب عليكم والله انها رحمه من ربي لنا انشروها تكفون جربوها وادعولي من قلوبكم على فكره انا جربتها وانا بكريه وكل من قولتلها قالت اني كذابه معقوله بكريه وتولد في ساعه بس على طول رحت المستشفي كشف التكتور قال الرحم مفتوح 9سانتي يعني ولاده يعني لاطلق ولا انتظار ولا خرابيط يجيك الطلق وتولدين على طول هذي تجربتي وتجارب كل من يعرف هذي الخلطه اي استفسار انا جاهزه
بالنسبه للاسماء
اول شي كمون طبعا معروف عند الكل ===يانسون معروف==نينخه اسمها التاني هوه نخوه -===شمر اسمه الثاني هوه سنوت===والحلبه والمحلب وحبه البركه كله معروفه وشكرا



-------------------------------------------------

انا استخدمت الخلطه بولدي واستخدمتها با اخر اسبوع بالتاسع ولمن جاء موعد ولادتي جاني الطلق متقارب ورحت المستشفى قالوا مفتوح 4سم يعني بخلال اسبوع استخدمتها انفتح 4سم بدون ما احس با الم بس لمن جاني الطلق رحت وكشفت وبانت نتيجتها طبعا ضليت 5ساعات وولدت ياربي لك الحمد ولاده ططبيعيه سهله ميسره بفضل الله ثم بفضل هاالخلطهفحبيت انقل لكم هاالخلطه لتستفييدوا منها مثل ما استفدت منها والله يسهل عليككم يارب



مادري بنات يمدحون عالخلطة ودي اسويها شرايكم لان انا عندي الرحم مايفتح الا بتحاميل وطلق صناعي

 

[حكآية قلب]

رد: تجمع مواليد أكتوبر 2014 بإذن الله

البجررررر لا تجاااازف لاتسووون عمليات انتحارية

نامو و اشبعو نوم


والله باجر بالحمل الثاني تقولون هبال


انا ببجري ماخليت شي خروع كف مريم و دويات و مشي و كل اللي يطري ع بالكم


بس رحم البجر مو نفس رحم الثاني و .....

يعني ماتدرين يفتح ولا لا ؟


انا ماراح اجرب شي متي ماجت الولادة جت

 

[حكآية قلب]

رد: مواليد شهر سبتمبر 9 لعام 2014..حياكم الله اللي حللوا☆★☆

الحمدالله ع سلااامتكم


و الفال لنا يارب


بتساهيل

 

[حمرة الورد]

رد: مواليد شهر سبتمبر 9 لعام 2014..حياكم الله اللي حللوا☆★☆

الحمدلله على سلامتكم ويتربون بعزكم

همبا الحمدلله على سلامتج حبيبتي ومبروك النونو اتذكر كنتي خايفه وعسى ربي يعوضج كل خير ويخليه لج

 

[لوولوو_88]

رد: تجمع مواليد أكتوبر 2014 بإذن الله

اليوم موعدي عسى يكون في تطور .. بس الثقل ذبحنا .. ربي سهل علينا

و العمليات الانتحارية أكلت اناناس و كيوي و أحس ماكو شي خرابيط والله .. و ماني مسويه شي لأنه ثقلت ولا فيني حيل .. على قوله حكايه اشبع نوم ابرك لي ..

و بسكم حنا بنات على الولاده والله الحنا اتييب الفقر هههههه كل ما تحنين كل ما يتقبس الشي ولا يصير .. صبرووووو أن الله مع الصابرين ..

 

[اهذريبك~]

رد: تجمع مواليد أكتوبر 2014 بإذن الله

الحلتيته تفتح راس البيبي و تجيب له فرري

الاناناس و الزنجبيل مو زينين يمكن يسببون انفصال المشيمه عن البيبي



^^^^^^


ماخلو شي والله ف ننطر الطلق متى ماجا و نكون على بر الامان

 

[اهذريبك~]

رد: تجمع مواليد أكتوبر 2014 بإذن الله

الله يسهل عليج لولو و يبشرج الدكتور بالولاده

والله تعبت من الثقل الله ياجرنا يارب

 

[لوولوو_88]

رد: تجمع مواليد أكتوبر 2014 بإذن الله

انا دكتورتي قالت لي اكلي اناناس و كيوي و ببابايا .. شدعوه انفصال بالمشيمه @@ .. هالشغلات تهيج الرحم و تسبب تقلصات حتى الدارسين .. و انا لاني مفتوحه و رحمي لين في مجال يتوسع أكثر مع هالتقلصات .. هذا حجي الدكتوره .. و بالاخير جسم عن جسم يفرق و رحم عن رحم يفرق ..

و للعلم بنات ترى في هرمون بالجسم أهو مسؤول عن تقلصات الرحم و له اسم و في هرمون ثاني مسؤول عن تليين الرحم .. و يختلف قوه هالهرمونين من جسم لي جسم .. سبحانك يا ربي .. بس احنا ما فينا صبر ما بقى أكل و خلطات ما سويناها

 

[أمورته]

رد: تجمع مواليد أكتوبر 2014 بإذن الله

بنات سداده الرحم عادي مايكون وياها دم?
لان شفت بقوقل سائل كثيف لونه ابيض كاتبين سداده الرحم من غير دم وفي بعضهم بدم

 

[لوولوو_88]

رد: تجمع مواليد أكتوبر 2014 بإذن الله

الاغلبيه في دم أحمر أو بني أو وردي .. و ما يكون افرازات طبيعيه انا الي نزلت مني جنها جيلي و طول و عرض صبعي السبابه .. مرعب شكلهااااا استغفرالله

 

[اهذريبك~]

رد: تجمع مواليد أكتوبر 2014 بإذن الله

والله ما ندري نصدق منو ونجذب منوووو كل شي اقرر اشربه و ابحث القى بلاوي ههههه النت ما تاخذين منه لاحق ولا باطل

 

[mi corazon]

رد: مواليد شهر سبتمبر 9 لعام 2014..حياكم الله اللي حللوا☆★☆

الحمد لله اللي تمم لنا بخير والفال لكل الحمل

لولو انتي متى ولادتج؟

انا بخير الحمدلله

قصتي مافيها اكشنات وايد

سلمج الله كنت اروح مل يومين اسوي تخطيط بالسيف لان الدكتوره شافت ان البيبي صارله اسبوعين وزنه مايزيد وايد
شي بسييييط ف قالت ممكن اضطر اولدج مبجر يعني 25 او 29 قلت ان شالله خيره

رحت الخميس قبل ولادتي بجم يوم ( ولدت الاثنين) وشافت التخطيط قالت كل شي تمام الحمدلله بس دخلي السبت ببطل الربط واولدج صناعي بنفس الوقت

يوم الجمعه بالليل دزيتلها ( ببطل الربط باجر واسوي دخول الاثنين مابي ولاده بنفس اليوم اخاف موزين عالرحم) قالت على راحتج

السبت الضحى رحت الولاده خذيت كمام وشالت الربط طبعا فلمت عليهم بدون داعي وقلت لها دكتوره من الحين اقول لج ابي ابرة ظهر بليز انا ما أتحمل .. قالت اوكي وكتبت بالفايل

رديت البيت ريحت ماتحركت وايد من باجر الاحد رحت خلصت شغلي حق الاستقبال وخربت ايكيا وبيت امي والساعه تسع رديت بيتي رد ريلي البيت وطلعنا الساعه 12 بالليل .. سويت دخول واخترت غرفة الولادة تكون اطلالة كامله حدي راهيه ورحت غرفتي رتبت الاغراض واهم تحت يحوسون يدوروني لاني دشيت الولاده ولبست الروب مالهم بعدين ريلي قال امشي نعدل غرفتج ليش مستعيله لبست عباتي عالروب لول

الساعه 1 نزلت الولاده ... ريحت شوي وقالوا يبون يعطوني ابرة شرجيه مادري تحميله قلت مابي انا فيني إمساك ماراح اخورها عليكم .. ركبولي الدرب والتخطيط غفيت شوي ليمن الساعه 3 وما كان فيني طلق وكنت مفتوحه 2 ونص .. يت دكتورة الطوارئ الولادة زختني تحميلة الصناعي ووسعتني وانا طبعا فضحتهم صراخ .. طلبت ابرة منوم قلت ابي انام ليمن يحمى الطلق وقالولي الدكتورة روبينا قالت متوقعه اولد الساعه 7 او 8 .. الساعه 4 ونص بدى يحمى الطلق وبعطوني الكمام الفاشل مالهم شوي وقمت اخرف كل ما يزيد العوار اشففففط وأخرف واتصل على امي وانا مو واعيه ماترد واتصل على اختي وانا مخدره قلت لها ( هيونه معطيني مخدرررر عجييييييب) فجأة أصرخ مسكينه تدودهت ويت لي بسرعه عالساعه خمس قمت اتلوى واصرخ واقول ويييين ابرة الظهر؟ عطووووونييييي ( نسيت اقول لكم انه لما قالولي يالله علشان نعطيج ابرة الظهر مادري من وين ياني برود الأعصاب والشجاعه وقلت لا مابي خلاص ) تذكرت اختي لما ولدت قالت نفس الكمام ابرة الظهر( خدعتني) .. المهم لما طلبتها وانا اطلق قالوا مايصير انتي مبطله 7 سانتي والطلق حمى حيل قمت اتلوى والدكتوره وصلت عالساعه ست وتبطلت9 ونص قامت تلبس الروب وعالراحه تبدل تقول بعد يبيلها شوي .. عاد انا تهسترت ابي أقوم من السرير ويردون ريلي يربطونها بعدين احط ايدي ابي ادخل الراس خلاص هونت مابي اولد >_< وابتلشوا فيني

المهم الحمدلله عالساعه ست وشي وانا والده وشعور غريب صراحهً.. طلعة الراس جنهم مطلعين تفاحه من خشمي عوار لا يحتمل وتحسفت ماخذيت ابرة ظهر بس عساها خيره

وسلامتكم ويارب يسهل لكل حامل ولادتها ويقر عينها بوليدها معافى الخلقه سليم وكامل مكمل

 

[أمورته]

رد: تجمع مواليد أكتوبر 2014 بإذن الله

اي لولو طمنينى اول ماتردين من مراجعتج حبيبتي


اهذريبك حتى انا احترت وسلمت امري لله متى ماربي كتب ان شاءالله اولد بالسلامه بس يانسون حلو يهدي الاعصاب ههههه ماني هادته

 

[أمورته]

رد: تجمع مواليد أكتوبر 2014 بإذن الله

لولو انا نزل علي قبل جم يوم سائل كثيف جنه جلي تكرمين تشيلنيه بايدج بس ابيض لونه ما معاه احمر ولا بني ولا وردي بعدين صارت تنزل افرازات صفرا وبيضا بدون حكه او ريحه تكرمين

 

[ككوته]

رد: تجمع مواليد أكتوبر 2014 بإذن الله

الله يسهل علينا بنات انا الثقل هاد حيلي وبما اني قيصريه فان شاء الله ورا العيد بولد محدده تاريخ ونااطره بس ليلحين ماسويت جنطه المستشفى
الله يسهل يارب

 

[أمورته]

رد: تجمع مواليد أكتوبر 2014 بإذن الله

ككوته ربي يسهل علينا كلنا يارب
ونولد بالسلامه

حاولي تسوينها هاليومين عشان يمكن تنشغلين بالعيد وجذي

 

[لوولوو_88]

رد: تجمع مواليد أكتوبر 2014 بإذن الله

امورته جايز سداده عيل ..

ككوته الله يسهلج و الجنطه ما يبيلها شي ترى سويها و افتكي أحسن ..

 

[اهذريبك~]

رد: تجمع مواليد أكتوبر 2014 بإذن الله

الله يسهل علينا يارب بالولاده الطبيعيه و الطلق الطبيعي